“Ифер 12:23–27: ‘Тэгвэл би тэдэнд сул дорой зүйлүүдийг нь хүчирхэг болгож өгнө,’” Мормоны Номын багшийн гарын авлага (2024)
“Ифер 12:23–27,” Мормоны Номын багшийн гарын авлага
Ифер 12:23–27
“Тэгвэл би тэдэнд сул дорой зүйлүүдийг нь хүчирхэг болгож өгнө”
Моронай Иферийн номыг үргэлжлүүлэн хураангуйлан бичихдээ бичгийн сул дорой байдлынх нь улмаас харийнхан эдгээр зүйлийг шоолох вий хэмээн эмээсэн. Их Эзэн бидэнд бид өөрсдийгөө даруусгаж Өөрт нь итгэлтэй байх аваас бидний сул дорой зүйлүүдийг хүчирхэг болгож өгнө (Ифер 12:27) хэмээн хариулсан. Энэ хичээл танд Есүс Христийн ач ивээлээр сул дорой байдлаа даван туулахын тулд Түүн рүү ирэхэд тань туслах зорилготой.
Эргэцүүлэн бодох суралцах үйл ажиллагааг гарга. Есүс Христийн сайн мэдээний дагуу амьдрахын тулд тууштай суралцах, итгэлээр үйлдэх зорилготой байх шаардлагатай. Суралцагчид өөрсдийгөө дүгнэх, сайн мэдээний зарчмуудыг хэрэгжүүлэх нь амьдралыг нь хэрхэн адислахыг харуулах боломжтой суралцах үйл ажиллагааг төлөвлөн гарга. Судалж байхдаа Сүнсний өдөөлтүүдийг дагахыг хичээхэд суралцагчдыг урамшуулан дэмж.
Суралцагчийн бэлтгэл: Суралцагчдыг Ифeр 12:27-г уншаад, Аврагчийн тусламжтайгаар өөрсдийн амьдрал дахь сул дорой байдлаа хэрхэн даван туулах тухайгаа бодоход урь.
Боломжит суралцах үйл ажиллагаа
Сул дорой байдал ба хүч чадал
Нэг суралцагчийг ангийн урд гарч, өөрийнх нь бяр чадлаас илүү их биеийн хүч шаардсан даалгавар гүйцэтгэхэд урь. Энэ даалгаврыг амжилттай гүйцэтгэхэд шаардагдах хүчийг хэрхэн хөгжүүлэх талаар ярилц.
Мөнх бус амьдралд бид бүгд сул дорой байдалтай тулгардаг. Энэ нь заримдаа урам хугалж болно. Энэ хичээлээр та Их Эзэний Моронайд заасан, сул дорой байдлыг давуу тал болгон хувиргаж чадах загварын талаар суралцах болно.
Моронайн зовнил
Моронайд жаредчуудын түүхийг товчлон бичих үүрэг өгсөн бөгөөд тэрээр энэ түүхийг ирээдүйд олон хүн унших болно гэдгийг мэдэж байсан. Тэрээр товчлолоо дуусгахдаа эцсийн бодлуудынхаа заримыг бичиж, түүнээс юу хийхийг хүссэн талаарх хувийн санаа зовнил, бодлоо багтаасан.
Ифер 12:23–25-ыг уншаад, Моронайн юунд санаа зовниж байсныг олж мэд.
-
Моронай юунд онцгойлон санаа зовнисон бэ?
Өсвөр насныханд байдаг нийтлэг сул талуудыг ангиараа ярилцаж, жагсаан бич. Суралцагчид өөрсдийн даван туулахыг хүсэж буй сул дорой байдлуудаа дотроо эргэцүүлэн бодож, судлах тэмдэглэлдээ бичиж болно. Суралцагчдыг эдгээр хувийн бодлоо ангийнхантай хуваалцахгүй гэдгийг тайлбарла.
Моронайд өгсөн Бурханы хариулт
Ифер 12:26–27-г уншаад, Их Эзэн Моронайн зовнилд хэрхэн хариулсныг олж мэд.
Ифер 12:27 нь төгс эзэмших сургаалын судрын хэсэг юм. Төгс эзэмших сургаалын судрын хэсгүүдийг дараа хялбар олохын тулд онцгойлон тэмдэглэ. Та дараагийн хичээл дээр энэ хэсэгт заасан сургаалыг асуултад хариулах эсвэл нөхцөл байдалд хэрэгжүүлэх дадлага хийх боломжтой болно.
Суралцагчдад доор жагсаасан 27-р эшлэл дээрх мэдэгдэлд дүн шинжилгээ хийхэд тусал. Та үг хэллэг бүрийг самбар дээр дөрвөн өөр тэнхлэгт бичиж болно. Та доорх агуулгыг ашиглан, ангид хэлэлцүүлэг зохиож болно.
Эсвэл та суралцагчдыг жижиг бүлгүүдэд хуваарилаад, бүлэг бүрд цаас өгч болно. Цаасаа дөрвөн хэсэгт хуваахыг бүлгүүдээс хүс. Хуваасан хэсэг бүрд суралцагчид 27-р шүлэг-ийн үг хэллэгүүдийн аль нэгийг бичиж болно. Дараа нь суралцагчид бүлгээрээ үг хэллэг бүрийг ойлгоход нь туслах асуултуудыг зохиож болно. Асуултаа тэмдэглэсний дараа тэд үг хэллэгүүдийг оноож, асуулт тус бүрийнхээ хариултыг эрж болно.
“Мөн хэрэв хүмүүс надад ирэх аваас би тэдэнд өөрсдийнх нь сул доройг үзүүлэх болно.”
-
Христэд ирэх гэдэг нь юу гэсэн утгатай гэж та бодож байна вэ?
Суралцагчдаас өгч болох зарим хариулт нь Христтэй гэрээ байгуулж, сахих, Түүний сургаалыг болон үлгэр жишээг дагахыг сонгох явдал байж болно.
Хэрэв бид Өөр дээр нь ирвэл Их Эзэн бидний сул дорой байдлыг харуулах болно хэмээн хэлснийг анзаар.
-
Яагаад энэ нь бидний хувьд адислал вэ?
Энэ хэллэг дээрх сул дорой байдал гэдэг үг нь хувь хүний “дутагдалтай тал”-ыг болон төгс байх боломжгүйг илэрхийлсэн бидний уналтын байдлыг хэлнэ.
-
Та Ифер 12:27-оос Аврагч танд сул дорой байдлыг тань таниулахыг хүсдэг талаар та юу сурч мэдсэн бэ?
Хязгаарлагдмал, дутагдалтай байдлаа даруухнаар хүлээн зөвшөөрөх нь биднийг Тэнгэрлэг Эцэгээсээ тэнгэрлэг тусламж гуйхад хүргэдэг гэдгийг ойлгоход суралцагчдад тусал. Их Эзэн Өөрийн ач ивээлээр сул дорой байдлыг хүч чадал болгон хувиргаж чадна. (2 Коринт 12:6–10; Ифер 12:37-г үзнэ үү).
Та “Тайлбар ба нөхцөл байдлын талаарх мэдээлэл” хэсэг дээрх Даглас Д.Хөүмс ахын мэдэгдэл-ийг хуваалцаж болно.
Суралцагчдыг Бурхан тэдний сул дорой байдлыг ойрын үед харуулсан эсэхийг чимээгүй тунгаан бодоход урь. Тэдэнд үүнийг тэд Түүнд ирж байгаагийн сайн илрэл гэдэгт итгүүл.
“Тэд даруу байж болохын тулд би хүмүүст сул доройг өгдөг”
Сударт гардаг сул дорой байдлаа таньж мэдсэн хүмүүсийн амьдралаас заримыг унш.
-
Эдгээр цэдэг дэх хувь хүмүүс сул дорой байдлаа таньж мэдсэн нь даруу болоход нь өөрсдөд нь хэрхэн тусалсан бэ?
-
Их Эзэн яагаад биднийг даруу байхыг хүсдэг гэж та бодож байна вэ?
“Миний өмнө өөрсдийгөө даруусгадаг бүх хүнд миний ач ивээл хангалттай”
-
“Миний өмнө өөрсдийгөө даруусгадаг хүн бүрд миний ач ивээл хангалттай” гэсэн өгүүлбэр юу гэсэн утгатай гэж та нар бодож байна вэ?
Суралцагчид өмнөх асуултад хариулж чадахгүй бол ахлагч Кэвин С.Хамилтоны хэлсэн дараах мэдэгдлийг хуваалц.
Далын ахлагч Кэвин С.Хамилтон ийн тайлбарласан.
Есүс Христийн хүч өгч, боломж олгодог ач ивээл бидэнд өөрчлөгдөхөөр эрэлхийлэх үед маань бүх саад тотгор, бүх бэрхшээл, бүх сул дорой байдлыг ялан дийлэх хүчийг өгдөг.
Бид өөрчлөгдөж, наманчлан, илүү сайн болж чадахын тулд Аврагч Өөрийн мөнхийн дуусашгүй Цагаатгалыг гүйцэтгэсэн. Бид үнэндээ дахин төрж чадна. Бид дадал зуршил, донтолт, бүр “хилэнцийг үйлдэх хүслийг” Мозая 5:2 ялан дийлж чадна. (Кэвин С.Хамилтон, ““Тэгвэл би тэдэнд сул дорой зүйлүүдийг нь хүчирхэг болгож өгнө”,” Лиахона, 2022 оны 4-р сарын Ерөнхий чуулган, 50–53)
Мозая 4:3-аас хаан Бенжамины хүмүүс Их Эзэний ач ивээлийг хэрхэн мэдэрснийг анзаар.
-
Аврагчийн ач ивээл бидэнд сул дорой байдлаа хүчирхэгжүүлэхэд хангалттай гэдгийг судар дээрээс өөр хэн харуулсан бэ?
Суралцагчдын хуваалцаж болох зарим жишээ нь Алма (Мозая 27:24–29-ийг үзнэ үү) мөн Мозаягийн хөвгүүд (Мозая 28:4-ийг үзнэ үү) байж болно.
“Хэрэв хүмүүс надад итгэн өөрсдийгөө миний өмнө даруусгах юм бол, би тэдэнд сул дорой зүйлүүдийг нь хүчирхэг болгох болно.”
Ахлагч Хамилтон энэ шүлэг дээрх “дутагдалтай тал” нь бидний сул дорой байдал болох ааш занг хэлж болно гэдгийг онцолсон.
Бид эхлээд өөрсдийн унасан байдлыг буюу сул дорой байдлаа өөрчлөх үед, зан авир, сул талаа өөрчлөх боломжтой байх болно. (Кэвин С.Хамилтон, ““Тэгвэл би тэдэнд сул дорой зүйлүүдийг нь хүчирхэг болгож өгнө”,” Лиахона, 2022 оны 4-р сарын Ерөнхий чуулган, 51)
Суралцагчдад өнөөдөр сурч мэдсэн зүйлийнхээ талаар бодоход нь туслахын тулд дараах үйл ажиллагааны нэгийг эсвэл аль алиныг нь судлах тэмдэглэлдээ хийхэд урь.
-
Дор хаяж гурван өгүүлбэрээс бүрдэх цогцолборт энэ хичээлээс юу сурч мэдсэнээ мөн юуг санахыг хүсэж байгаагаа бич.
-
Дор хаяж гурван өгүүлбэрээс бүрдэх цогцолборт өнөөдөр сурч мэдсэн зүйлээ хэрхэн хэрэгжүүлэхээ дүрсэл.