Moroni 7–9

Vështrim i Përgjithshëm

Moroni, i cili u end i vetëm për shumë vjet pasi populli i tij u shkatërrua, i shënoi fjalët e të atit rreth shpresës që mund të kemi te Krishti për gjërat më të mëdha që do të vijnë. Ai na nxiti ta përdorim Dritën e Krishtit për të dalluar të drejtën nga e gabuara. Ai dha mësim se si “të mbështete[m]i në çdo gjë të mirë” (Moroni 7:20, 25), sidomos te dashuria hyjnore, “dashuria e pastër e Krishtit” (Moroni 7:47). Ai tregoi edhe një letër nga i ati ku jepej mësim se fëmijët e vegjël shpëtohen nëpërmjet Shlyerjes së Krishtit dhe nuk kanë nevojë të pagëzohen.

Përgatituni të Jepni Mësim

Informacioni i mëposhtëm u siguron ide mësuesve mbi ato që mund të nevojitet të përgatitin paraprakisht për çdo mësim.

Moroni 7:1–19

Qëllimi i mësimit: Ky mësim mund t’i ndihmojë nxënësit të mbështeten te Jezu Krishti për të gjykuar ndërmjet së mirës dhe së keqes.

• Përgatitja e nxënësve: Ftojini nxënësit të vijnë të përgatitur për të treguar se si zgjedhjet që bëjnë, ndikohen nga besimi i tyre te Jezu Krishti.

• Figurë për t’u paraqitur: Figura me dy katrorët që duket se janë në nuanca të ndryshme të grisë

• Send: Një elektrik dore për mësimin e sugjeruar me sende

• Sugjerim për mësimdhënien me videokonferencë: Për të bërë mësimin me sende me elektrikun e dorës, sigurohuni që hapësira rreth jush të jetë e errët. Merreni parasysh t’i mbyllni grilat, të zhvendoseni në një dhomë pa shumë dritare, të mbuloni me batanije kompjuterin tuaj dhe veten. (Nëse dëshironi mund ta ushtroni këtë duke përdorur kamerën e kompjuterit para orës mësimore për t’u siguruar që zona është e errët.) Ftojini nxënësit të lexojnë një shkrim të shenjtë ose një kartë që e mbani të ngritur para kamerës ndërkohë që është ende errësirë. Më pas drejtoni një elektrik dore mbi kartën ose shkrimin e shenjtë dhe kërkojuni nxënësve ta provojnë sërish. Mund të jetë gjithashtu e efektshme ta ftoni një nxënës më përpara t’ia japë klasës këtë mësim me sende.

Moroni 7:20–43

Qëllimi i mësimit: Ky mësim mund t’i ndihmojë nxënësit të ndiejnë shpresë më të madhe nëpërmjet Jezu Krishtit.

• Përgatitja e nxënësve: Merreni parasysh t’i ftoni nxënësit të lexojnë te 1 Pjetër 3:15 dhe të përsiatin se si Jezu Krishti u jep atyre shpresë.

• Sendet: Një tavolinë me një shumëllojshmëri artikujsh, duke përfshirë ushqime të lehta që nxënësit mund t’i konsiderojnë të mira dhe të këqija

• Materiale filmike: “Alma Testifies to His Son Helaman” [“Alma i Dëshmon Birit të Tij, Helamanit”] (7:09; shikojeni nga kodi kohor 1:30 deri në 2:32); “Finding Hope through the Resurrection of Christ” [“Gjetja e Shpresës nëpërmjet Ringjalljes së Krishtit”] (4:41); “The Master Healer” [“Mësuesi Shërues”] (13:00; shikojeni nga kodi kohor 8:49 deri në 11:53)

• Fletushkë: “Gjetja e Shpresës te Jezu Krishti”

• Sugjerim për mësimdhënien me videokonferencë: Merreni parasysh ta përdorni kamerën tuaj për të treguar tavolinën e përgatitur për mësimin me sende dhe t’i pyesni nxënësit se cilët artikuj do t’i konsideronin të mirë dhe cilët jo.

Moroni 7:44–48

Qëllimi i mësimit: Ky mësim ka për qëllim t’i ndihmojë nxënësit ta kuptojnë dhe kërkojnë dashurinë hyjnore në jetën e tyre.

• Përgatitja e nxënësve: Ftojini nxënësit të mendojnë për shembuj kur Shpëtimtari tregoi dashuri, si edhe shembuj të dashurisë si e Krishtit sot.

• Materiale filmike: “The Coat” [“Palltoja”] (2:07); “Gordon Hinckley: Lessons I Learned as a Boy” [“Gordon B. Hinkli: Mësimet që Mësova kur Isha Djalosh”] (4:04); “Charity: An Example of the Believers” [“Dashuria Hyjnore: Një Shembull i Besimtarëve”] (4:50); “Charity Never Faileth” [“Dashuria Hyjnore Nuk Ligështohet Kurrë”] (19:48; shikojeni nga kodi kohor 15:05 deri në 17:22)

• Figurë për t’u paraqitur: Një figurë e Shpëtimtarit

• Sugjerim për mësimdhënien me videokonferencë: Merreni parasysh t’i ftoni nxënësit ta përdorin bisedën për t’i shfaqur pyetjet që kanë rreth dashurisë hyjnore. Kjo do t’i vërë pyetjet e tyre në dispozicion të shokëve/shoqeve të tyre të klasës për t’i lexuar gjatë pjesës tjetër të mësimit. Më pas paraqitni veprimtaritë që nxënësit mund t’i bëjnë në përpjekje për të gjetur përgjigje për pyetjet e tyre.

Zotërimi Doktrinor: Moroni 7:45–48

Qëllimi i mësimit: Ky mësim mund t’i ndihmojë nxënësit të mësojnë përmendsh referencën e zotërimit doktrinor dhe frazën kyç të shkrimit të shenjtë për vargjet te Moroni 7:45–48, ta shpjegojnë doktrinën që jepet mësim në këtë fragment dhe t’i zbatojnë në situata nga jeta reale parimet e marrjes së njohurisë shpirtërore.

• Përgatitja e nxënësve: Ftojini nxënësit të mendojnë për situata që kanë përjetuar ose dëshmuar, në të cilat ata mund ta ushtrojnë dashurinë hyjnore

• Përmbajtje për t’u paraqitur: Një vizatim i një zemre në tabelë me referencën e shkrimit të shenjtë dhe fjalët e frazës kyç të shkrimit të shenjtë të shkruara rreth zemrës në rend të çrregullt

• Sugjerim për mësimdhënien me videokonferencë: Për t’i ndihmuar nxënësit tuaj t’i shqyrtojnë parimet e marrjes së njohurisë shpirtërore, merreni parasysh t’i përzieni fjalët në secilin prej tre parimeve. Shkruajini parimet e shkartisura me radhë në bisedë dhe ftojini nxënësit të përgjigjen me formulimin e saktë sa më shpejt të jetë e mundur.

Moroni 8

Qëllimi i mësimit: Ky mësim ka për qëllim t’i ndihmojë nxënësit ta kuptojnë më mirë përse fëmijët e vegjël nuk kanë nevojë për pagëzim dhe çfarë na mëson kjo rreth Atit Qiellor dhe Jezu Krishtit.

• Përgatitja e nxënësve: Ju mund të tregoni historinë nga fillimi i mësimit ose diçka të ngjashme dhe t’u kërkoni nxënësve të mendojnë se si mund t’i përgjigjen situatës.

• Material filmik: “And a Little Child Shall Lead Them” [“Dhe do të Udhëhiqen nga një Fëmijë”] (16:55; shikojeni nga kodi kohor 4:40 deri në 5:59)

• Sugjerim për mësimdhënien me videokonferencë: Ju mund ta rikrijoni grafikun në mënyrë digjitale dhe t’ua tregoni ekranin tuaj nxënësve. Ndërsa raportojnë se çfarë gjetën në studimin e tyre, mund t’i shkruani gjetjet e tyre në kolonën e duhur.