“Moroni 8: ‘Fëmijët e Vegjël Janë Gjallë në Krisht’”, Manual i Mësuesit për Librin e Mormonit (2024)
“Moroni 8”, Manual i Mësuesit për Librin e Mormonit
Moroni 8
“Fëmijët e Vegjël Janë Gjallë në Krisht”
Në shkrimet e tij, profeti Moroni tregoi një letër të shkruar për të nga i ati, Mormoni, lidhur me pagëzimin e fëmijëve të vegjël. Shkrimet e Mormonit mbi këtë temë rrjedhin nga një zbulesë që ai mori nga Jezu Krishti. Zbulesa tregon fuqinë e Shlyerjes së Shpëtimtarit dhe se si ajo ndikon te fëmijët e vegjël. Ky mësim ka për qëllim të të ndihmojë ta kuptosh më mirë përse fëmijët e vegjël nuk kanë nevojë për pagëzim dhe çfarë na mëson kjo rreth Atit Qiellor dhe Jezu Krishtit.
Jepuni nxënësve mundësi për t’i diskutuar të vërtetat e ungjillit. Gjeni kohë për nxënësit që të ushtrojnë të folurit rreth asaj që ata po mësojnë për Shpëtimtarin dhe ungjillin e Tij. Kjo mund t’i ndihmojë nxënësit t’i përvetësojnë dhe kujtojnë këto të vërteta dhe t’i shprehin ato me qartësi. Ky ushtrim mund të rritë edhe vetëbesimin e nxënësve se ata mund t’i tregojnë të vërtetat në mjedise të tjera.
Përgatitja e nxënësve: Ju mund të tregoni historinë nga fillimi i mësimit ose diçka të ngjashme dhe t’u kërkoni nxënësve të mendojnë se si mund t’i përgjigjen situatës.
Veprimtari të Mundshme të të Mësuarit
Si do t’i përgjigjeshe?
Merreni parasysh ta shfaqni materialin filmik vijues ose ta tregoni historinë me fjalët tuaja.
Lexoje historinë vijuese nga Presidenti Bojd K. Paker (1924–2015), i Kuorumit të Dymbëdhjetë Apostujve, ose shikoje “And a Little Child Shall Lead Them” [“Dhe do të Udhëhiqen nga një Fëmijë”] nga kodi kohor 4:42 deri në 5:59, në dispozicion në ChurchofJesusChrist.org. Imagjino sikur ti ishe një nga misionarët në atë situatë.
“Dy misionarë po bënin punë misionare në malet në jug të Shteteve të Bashkuara. Një ditë, nga një kodër, ata panë njerëz që po mblidheshin në një çeltirë shumë më poshtë. Misionarët nuk kishin shpesh shumë njerëz të cilëve mund t’u predikonin, kështu që nisën të zbritnin te çeltira.
Një djalë i vogël ishte mbytur dhe do të kishte një funeral. Prindërit e tij kishin dërguar që të thërrisnin meshtarin për të folur në funeralin e të birit. Misionarët qëndruan prapa ndërsa meshtari shëtitës u kthye nga babai dhe nëna e vrerosur dhe filloi predikimin e tij. Nëse prindërit do të prisnin të merrnin ngushëllim nga ky meshtar, ata do të zhgënjeheshin.
Ai i qortoi ashpër që nuk e kishin pagëzuar djalin e vogël. Ata e kishin vonuar pagëzimin për shkak të një gjëje apo një tjetre dhe tani ishte tepër vonë. Ai u tha atyre shumë hapur se djali i tyre i vogël kishte shkuar në ferr. Ishte faji i tyre. Ata duhej të fajësoheshin për vuajtjen e tij të pafund.
Pasi predikimi përfundoi dhe varri u mbulua, misionarët iu afruan prindërve të vrerosur. ‘Ne jemi shërbëtorë të Zotit’, i thanë ata të ëmës, ‘dhe ne kemi ardhur me një mesazh për ju.’” (Bojd K. Paker, “Dhe do të Udhëhiqen nga një Fëmijë”, Ensign ose Liahona, maj 2012, f. 7)
Vlerësoje përgjigjen tënde për pyetjen vijuese në një shkallë nga 1 deri në 4, ku tregohet me 1) aspak i sigurt, 2) disi i sigurt, 3) i sigurt dhe 4) shumë i sigurt.
-
Sa i sigurt do të ndiheshe për t’u dhënë mësim dhe ngushëllim këtyre prindërve të vrerosur dhe për t’i ndihmuar ata ta ndienin dashurinë e Zotit?
Nxënësit do ta kenë mundësinë më vonë në mësim ta tregojnë se si ata mund të reagojnë në këtë situatë.
Ndërsa studion te Moroni 8, merre parasysh se si mund t’i ndihmosh këta prindër ta kuptojnë më mirë Shlyerjen e Jezu Krishtit në lidhje me fëmijët e vegjël. Mendo gjithashtu se si të vërtetat nga Moroni 8 mund të të ndihmojnë ta kuptosh më mirë mirësinë dhe mëshirën e Atit Qiellor dhe Jezu Krishtit.
Fëmijët e vegjël janë të shëndetshëm
Duke qenë i thirrur kohët e fundit në shërbesën e Jezu Krishtit, Moroni mori një letër nga i ati, Mormoni. Mormoni i shkroi “biri[t të tij të] dashur” (Moroni 8:2) që e “kujto[nte] gjithmonë në lutjet [e tij]” (Moroni 8:3). Ai e këshilloi Moronin rreth grindjeve që kishin lindur mes nefitëve për pagëzimin e fëmijëve të vegjël. Më vonë në jetën e tij, Moroni e shtoi këtë letër në analin e tij në fletët e arta.
Lexo te Moroni 8:4–8, duke kërkuar se si reagoi Mormoni kur dëgjoi për grindjen.
Ftojini nxënësit ta tregojnë çdo ide që u erdhi nga këto vargje.
Merreni parasysh ta vizatoni tabelën vijuese në dërrasë dhe t’i organizoni përgjigjet e nxënësve në kolonat e duhura. Kërkojuni nxënësve të tregojnë përse idetë e tyre mund të jenë të rëndësishme ose kuptimplota.
Kopjoje tabelën vijuese në ditarin tënd të studimit dhe shenjoje atë që mëson nga këto vargje. Ti do të shtosh në këtë tabelë më vonë në mësim.
|
Përse fëmijët e vegjël nuk kanë nevojë për pagëzim |
Çfarë mësojmë rreth Atit Qiellor dhe Jezu Krishtit |
|---|---|
Një e vërtetë që mund të mësojmë nga këto vargje, është se fëmijët e vegjël bëhen të shëndetshëm nëpërmjet Shlyerjes së Jezu Krishtit.
Një mjet i dobishëm i studimit të shkrimeve të shenjta është përdorimi i poshtëshënimeve. Vër re poshtëshënimin c pranë fjalës “i shëndetshëm” te vargu 8.
Lexoje të paktën njërin prej vargjeve në vijim nga poshtëshënimi, duke kërkuar përse fëmijët e vegjël janë të shëndetshëm:
-
Nëse dëshironi, mund t’i vini nxënësit të lexojnë edhe te vargu 47, në të cilin Zoti përmend se fëmijët nuk mund të mëkatojnë derisa të bëhen të përgjegjshëm. Zoti ka thënë se fëmijët fillojnë të bëhen të përgjegjshëm para Tij në moshën tetë vjeç. Zbulimet mbi këtë të vërtetë gjenden te Përkthimi i Joseph Smith-it, Zanafilla 17:11 dhe te Doktrina e Besëlidhje 68:25–27. Merreni parasysh t’ua tregoni disa ose të gjithë këtë nxënësve nëse ata kanë pyetje.
-
Çfarë do të thotë te Moroni 8:8 se “fëmijët e vegjël janë të shëndetshëm”?
Fëmijët e vegjël nuk kanë nevojë për pagëzim
Merreni parasysh t’i vendosni nxënësit në dyshe dhe ta ftoni secilin partner ta lexojë njërin prej grupeve vijues të vargjeve.
Mormoni dha ide shtesë që na ndihmojnë të mësojmë më shumë rreth Atit Qiellor dhe Jezu Krishtit nga kjo doktrinë lidhur me fëmijët. Lexoji vargjet vijuese, duke kërkuar pikat që mund t’i shtosh në të dyja anët e tabelës sate.
Ftojini nxënësit të shtojnë në tabelë. Nëse është e dobishme, merreni parasysh të pyesni se çfarë idesh të rreme mund të kenë njerëzit që këto vargje i korrigjojnë.
Ndalu një çast për t’i shqyrtuar të vërtetat që ke shkruar në kolonën e dytë të tabelës. Përsiate pyetjen vijuese:
-
Si mund të na ndihmojë të kuptuarit e këtyre të vërtetave rreth Atit Qiellor dhe Jezu Krishtit në jetën tonë sot?
Ftojini disa nxënës t’i përgjigjen pyetjes së mësipërme. Nëse është e dobishme, merreni parasysh t’u kërkoni nxënësve t’i tregojnë situatat me të cilat mund të përballen, në të cilat dijenia për këto të vërteta mund të jetë e dobishme. Kjo mund të përfshijë kohën kur ata ose të tjerë tundohen të besojnë se Perëndia lejon që vetëm disa njerëz të shpëtohen. Ndiqini nxitjet e Shpirtit dhe kërkoni mundësi për t’i ndihmuar nxënësit ta ndiejnë dashurinë e Zotit.
Kujtoje historinë e dy misionarëve nga fillimi i mësimit.
-
Bazuar në atë që ke mësuar sot, çfarë do t’i thoshe prindërve të këtij fëmije për t’i ndihmuar ata të gjejnë paqe te Jezu Krishti?
Ftojini nxënësit të shkruajnë një përgjigje për këtë pyetje duke përdorur të paktën dy vargje që i studiuan në këtë mësim. Një mundësi tjetër është që nxënësit ta ushtrojnë të shprehurit e përgjigjes së tyre në një interpretim me role në vend që thjesht ta shkruajnë atë. Sigurohuni që nxënësit e kuptojnë se qëllimi i këtij ushtrimi është t’i ndihmojë njerëzit të ndiejnë shpresë dhe paqe nëpërmjet Shlyerjes së Jezu Krishtit; nuk është t’i kritikojë praktikat fetare të të tjerëve.