Mga Video sa Basahon ni Mormon

Leksyon 11: 1 Nephi 7

Ikonsiderar sa mainampoong paagi kon sa unsang paagi ang Mga Video sa Basahon ni Mormon makatabang sa imong mga estudyante nga makaila, makasabut, mobati sa kamatuoran ug sa kaimportante, ug mogamit sa doktrina ug mga baruganan nga gitudlo diha sa Basahon ni Mormon.

“Ang mga Anak nga Lalaki ni Lehi Midapit sa Pamilya ni Ishmael nga Mouban Kanila” (4:40)

Paggamit Niini nga Video

Sunda ang materyal sa leksyon hangtud sa parte nga nag-ingon:

“Unsa ang gisugo sa Ginoo nga buhaton sa mga anak nga lalaki ni Lehi?”

Dayon, human matubag sa mga estudyante ang pangutana, ikonsiderar ang pagpasalida niini nga video ug pagdapit sa klase sa pagtan-aw kon sa unsang paagi ang Ginoo mitabang ni Nephi ug sa iyang mga igsoong lalaki sa pagsunod sa sugo nga magminyo ug magpadako og mga anak ngadto Kaniya. Human sa video, dapita ang mga estudyante sa pagpangita ug pagmarka sa mga pulong diha sa 1 Nephi 7:1–2 nga naghulagway kon sa unsang paagi ang Ginoo mitabang ni Nephi ug sa iyang mga igsoong lalaki sa pagsunod sa sugo nga magminyo ug magpadako og mga anak. Dapita ang mga estudyante sa pagpaambit kon unsay ilang gimarkahan.

“Ang Ginoo Miluwas ni Nephi gikan sa Supakan Niyang mga Igsoon” (6:55)

Paggamit Niini nga Video

Ikonsiderar ang paggamit niini nga video kon moabut na ka sa parte sa leksyon nga nag-ingon:

“Dapita ang usa ka estudyante sa pagbasa og kusog sa 1 Nephi 7:16. Hangyoa ang klase sa paghunahuna nga anaa sila sa sitwasyon ni Nephi.”

Ikonsiderar ang pagpakita sa mosunod nga pakisayran sa kasulatan ug mga pangutana gikan sa materyal sa leksyon sa dili pa ipasalida kini nga video. Dapita ang mga estudyante sa pagtan-aw sa video nga mangita og mga tubag sa mga pangutana:

1 Nephi 7:16–18

“Unsay inyong bation kon kamo pa ang anaa sa sitwasyon ni Nephi? Unsa ang inyong buhaton?”

“Unsay giampo ni Nephi? Unsay inyong nakita nga importante sa iyang pag-ampo?”

Human mapasalida ang video, awhaga ang mga estudyante sa pagmarka sa mga hugpong sa mga pulong gikan sa mga bersikulo nga makatabang sa pagtubag sa mga pangutana. Dapita ang mga estudyante sa pagpaambit kon unsay ilang gimarkahan. Dayon ipadayon ang nahabilin sa leksyon sigun sa gilatid diha sa materyal sa magtutudlo.