Mga Video sa Basahon ni Mormon

Leksyon 43: Jacob 1–Jacob 2:11

Ikonsiderar sa mainampoong paagi kon sa unsang paagi ang Mga Video sa Basahon ni Mormon makatabang sa imong mga estudyante nga makaila, makasabut, mobati sa kamatuoran ug sa kaimportante, ug mogamit sa mga doktrina ug mga baruganan nga gitudlo diha sa Basahon ni Mormon.

“Si Jacob Mitudlo mahitungod sa Garbo ug Kaputli” Bahin 1 (5:57)

Ipakita lamang ang 3:33 sa tibuok 5:57 nga video.

Paggamit Niini nga Video

Mahimo nimong ipakita ang unang bahin lamang niini nga video (gikan sa timecode 0:00 hangtud 3:33; ang nahabilin niini nga video mahimong ipakita sa mosunod nga leksyon) kon moabut na ka sa parte sa leksyon nga nag-ingon:

“Ipares-pares ang mga estudyante. Dapita ang mga pares nga magpuli-puli og basa ngadto sa usag usa gikan sa Jacob 2:1–3, 6–7, 10–11. Hangyoa sila nga mangita sa mga pulong nga nagpakita sa mga pagbati ni Jacob mahitungod sa iyang tahas nga manawagan sa mga katawhan sa paghinulsol. Human sa igo nga panahon, dapita ang pipila ka mga estudyante sa pagpaambit sa ilang mga tubag ngadto sa klase.”

Ipasalida ang video, nga magdapit sa mga estudyante nga mangita sa mga pulong nga nagpakita sa mga pagbati ni Jacob mahitungod sa iyang buluhaton. Human sa video, awhaga sila sa pagribyu sa Jacob 2:2–3, 6–7, 9–11, nga markahan ang konektado nga mga pulong samtang ila kining makit-an diha sa ilang mga kasulatan. Dayon ipadayon ang materyal sa leksyon sa magtutudlo.