Mga Video sa Basahon ni Mormon

Leksyon 17: 1 Nephi 16

Ikonsiderar sa mainampoong paagi kon sa unsang paagi ang Mga Video sa Basahon ni Mormon makatabang sa imong mga estudyante nga makaila, makasabut, mobati sa kamatuoran ug sa kaimportante, ug mogamit sa doktrina ug mga baruganan nga gitudlo diha sa Basahon ni Mormon.

“Mihatag ang Ginoo og Liahona” (3:02)

Paggamit Niini nga Video

Mahimo nimong ipasalida kini nga video kon moabut na ka sa parte sa leksyon nga nag-ingon:

“Dapita ang usa ka estudyante sa pagbasa og kusog sa 1 Nephi 16:9–10. Ipakita ang litrato nga Ang Liahona (62041; Libro sa mga Hulagway sa Ebanghelyo [2009], nu. 68). Itudlo ang representasyon sa artist sa Liahona.

• Sa unsa nga mga pamaagi sa inyong hunahuna nga ang maong gasa nakatabang ngadto ni Lehi ug sa iyang pamilya sa ilang mga kahimtang?

“Dapita ang pipila ka mga estudyante nga magpuli-puli sa pagbasa og kusog sa 1 Nephi 16:16–19.

• Sa unsa nga paagi nga ang Liahona nakahatag og kaayohan sa pamilya ni Lehi?

• Human madawat sa pamilya ni Lehi ang Liahona, nahimo bang sayon o lisud ang ilang panaw? Unsa ang giasoy ni Nephi sa 1 Nephi 16:17–19 sa pagsuporta sa inyong tubag?”

Imbis nga mobasa sa mga bersikulo ug mopakita sa litrato, mahimo nimong ipasalida kini nga video, nga magdapit sa mga estudyante sa pagpangita sa mga tubag sa mga pangutana gikan niini nga parte sa materyal sa leksyon. Mahimo nimong ipakita daan ang mga pangutana ug mga bersikulo. Human mapasalida ang video, dapita ang mga estudyante sa pagpaambit sa ilang mga tubag sa mga pangutana. Awhaga ang mga estudyante sa pagmarka sa ilang mga kasulatan sa makahuluganon nga mga pulong nga ilang nakita diha sa pakisayran nga mga bersikulo. Dayon ipadayon ang materyal sa leksyon.

“Naguba ang Gapasan ni Nephi” (4:46)

Ipakita lamang ang 2:22 sa tibuok 4:46 nga video.

Paggamit Niini nga Video

Mahimo nimong ipasalida kini nga video kon moabut na ka sa parte sa leksyon nga nag-ingon:

“Dapita ang katunga sa klase sa pagsiksik sa hilum nga paagi sa 1 Nephi 16:20–22, mangita kon unsa ang reaksyon sa ubang pamilya ni Lehi sa pagsulay tungod sa nabali nga pana ni Nephi. Dapita ang laing katunga sa klase sa pagsiksik sa 1 Nephi 16:23–25, 30–32 nga mangita sa tubag ni Nephi niini nga pagsulay ug sa unsa nga paagi nga ang iyang tubag nakaapekto sa iyang pamilya. Human maka-report ang matag grupo sa unsay ilang nadiskobrehan, ipangutana:

• Unsay atong makat-unan pinaagi sa pagtandi niining duha ka mga tubag ngadto sa samang pagsulay?

• Ngano importante nga si Nephi miduol sa iyang amahan alang sa direksyon, bisan og si Lehi nagbagulbol?”

Imbis nga mobasa sa mga bersikulo, mahimo nimong ipasalida kini nga video, nga magdapit sa mga estudyante sa pagpangita sa mga tubag sa duha ka pangutana gikan niini nga parte sa materyal sa leksyon. Mahimo nimong ipakita daan ang mga pangutana ug mga bersikulo. Human sa video, dapita ang mga estudyante sa pagpaambit sa ilang mga tubag sa mga pangutana ug awhaga sila sa pagribyu sa mga bersikulo nga gilista, nga markahan ang konektado nga mga hugpong sa mga pulong samtang makit-an nila kini diha sa ilang mga kasulatan. Dayon ipadayon ang materyal sa leksyon.