Mga Video sa Basahon ni Mormon

Leksyon 12: 1 Nephi 8

Ikonsiderar sa mainampoong paagi kon sa unsang paagi ang Mga Video sa Basahon ni Mormon makatabang sa imong mga estudyante nga makaila, makasabut, mobati sa kamatuoran ug sa kaimportante, ug mogamit sa doktrina ug mga baruganan nga gitudlo diha sa Basahon ni Mormon.

“Nadiskubrihan ni Lehi ang Kahoy sa Kinabuhi” (4:32)

Paggamit Niini nga Video

Itudlo ang materyal sa leksyon hangtud moabut ka sa parte nga nag-ingon:

“Papuli-puliha sa pagbasa og kusog ang pipila ka estudyante sa 1 Nephi 8:5–12.”

Imbis mobasa sa mga bersikulo, dapita ang mga estudyante sa pagtan-aw niini nga video ug dayon hisgutan nga magparis ang mga tubag sa mga pangutana nga nagsunod diha sa materyal sa leksyon. Mahimo nimong ipakita daan ang mga pangutana sa dili pa ipasalida ang video. Dapita ang mga estudyante sa pagmarka sa mga pulong o hugpong sa mga pulong diha sa bersikulo 5–12 nga nagsuporta sa ilang mga tubag.

“Nakita ni Lehi ang usa ka Gunitanan nga Puthaw ug Kadtong mga Nahisalaag” (3:30)

Paggamit Niini nga Video

Ikonsiderar ang pagpasalida niini nga video imbis nga magpakita og litrato sumala sa gitudlo sa materyal sa leksyon diin kini nag-ingon:

“Ipakita ang litrato nga Ang Damgo ni Lehi (Libro sa mga Hulagway sa Ebanghelyo [2009], nu. 69), ug itudlo ang mga simbolo nga nahisgutan na sa klase: ang kahoy ug ang bunga. Ipasabut nga niini nga panan-awon, ang Ginoo migamit usab og ubang mga simbolo sa pagtudlo ni Lehi unsaon sa pagduol ngadto ni Jesukristo ug pag-ambit sa Iyang Pag-ula. Pangutan-a ang mga estudyante unsa ang ubang mga simbolo nga ilang nakita diha sa litrato.”

Ipadayon ang leksyon sigun sa nasulat diha sa materyal sa magtutudlo.

Dugang nga mga Video

Kon mahuman na ka sa pagtudlo sa nahabilin sa leksyon sigun sa nasulat diha sa materyal sa magtutudlo, kon itugot sa panahon, mahimo nimong ikonsiderar ang pagpasalida niining nahabilin nga mga video nga nagpakita sa panan-awon ni Lehi sa kahoy sa kinabuhi. Kon walay igong panahon, mahimo nimong dapiton ang mga estudyante sa pagtan-aw niini sa ilang kaugalingon sa laing panahon.

• “Gidapit ni Lehi ang Iyang Pamilya sa Pagkaon sa Bunga sa Kahoy” (3:23)

• “Ang mga Matinud-anon Mikaon sa Bunga sa Kahoy” (3:28)