Mga Video sa Basahon ni Mormon

Leksyon 7: 1 Nephi 2

Ikonsiderar sa mainampoong paagi kon sa unsang paagi ang Mga Video sa Basahon ni Mormon makatabang sa imong mga estudyante nga makaila, makasabut, mobati sa kamatuoran ug sa kaimportante, ug mogamit sa doktrina ug mga baruganan nga gitudlo diha sa Basahon ni Mormon.

“Ang Pamilya ni Lehi Namiya padulong sa Kamingawan” (3:47)

Paggamit Niini nga Video

Ang unang bahin niini nga video (gikan sa timecode 00:00 hangtud 02:31) mahimong magamit sa pagtabang sa mga estudyante sa paghisgot niini nga pangutana gikan sa leksyon:

“Unsa ang inyong makat-unan gikan sa mga desisyon ni Lehi kon unsay dad-on ug unsay ibilin?”

Ang ikaduhang bahin niini nga video (gikan sa timecode 02:32 hangtud 03:47) mahimong magamit sa pagtabang sa mga estudyante nga mas makasabut niini nga komentaryo ug background nga impormasyon:

“Tingali gidala ni Lehi ang iyang pamilya ngadto sa Pulang Dagat duol sa Gulpo sa Aqaba, mga 180 ka milya (290 ka kilometro) gikan sa Jerusalem. Kini nagkinahanglan sa pagbiyahe agi sa init ug pansil nga lugar, nailhan nga ang mga kawatan maghulat nga makatulis sa dili andam nga mga tigbiyahe. Pag-abut sa Pulang Dagat, ang pamilya mipanaw og tulo pa ka adlaw sa wala pa makakamping sa walog sa suba. Ang panaw gikan sa Jerusalem ngadto sa walog sa suba tingali miabut og mga 14 ka adlaw. Mahimo nimong pahinumduman ang mga estudyante niini nga mga distansya ug pila ka higayon sa dihang sila mobasa mahitungod ni Nephi ug sa iyang mga igsoong lalaki nga nagpanaw balik ngadto sa Jerusalem.”

Ikonsiderar ang pagpasalida sa video human mahatag ang background nga impormasyon.

“Si Nephi Nag-ampo alang kang Laman ug Lemuel” (6:02)

Paggamit Niini nga Video

Mahimo nimong ipasalida kini nga video kon moabut na ka sa punto sa materyal sa leksyon nga nag-ingon:

“Ipabasa sa mga estudyante sa hilum ang 1 Nephi 2:11–14.”

Ikonsiderar ang pagpakita niini nga mga pangutana gikan sa materyal sa leksyon ug dapita ang mga estudyante sa pagpangita og posibling mga tubag niini samtang magtan-aw sila sa video.

“Unsa ang pipila ka mga rason ngano nga si Laman ug Lemuel nagbagulbol batok sa ilang amahan?

“Sa 1 Nephi 2:11, ang pulong nga pagkatikig og liog nagpasabut sa garbo o kagahi og ulo. Ngano nga ang pagbati sa garbo usahay mosangpot sa mga tawo sa pagbagulbol?

“Ngano kaha nga ang pagbagulbol usahay moresulta kon ang mga tawo dili makasabut sa mga pamaagi sa Dios?”

Human makatan-aw ang mga estudyante sa video, dapita sila sa pagmarka sa mga hugpong sa mga pulong diha sa ilang mga kasulatan gikan sa mga bersikulo nga nagsuporta sa ilang mga tubag. Dayon ipadayon ang leksyon sigun sa gilatid diha sa manwal.