Mga Video sa Basahon ni Mormon

Leksyon 6: 1 Nephi 1

Ikonsiderar sa mainampoong paagi kon sa unsang paagi ang Mga Video sa Basahon ni Mormon makatabang sa imong mga estudyante nga makaila, makasabut, mobati sa kamatuoran ug sa kaimportante, ug mogamit sa doktrina ug mga baruganan nga gitudlo diha sa Basahon ni Mormon.

“Gitawag sa Ginoo si Lehi isip Propeta” (2:57)

Paggamit Niini nga Video

Mahimo nimong ipakita ang unang bahin niini nga video (hunong sa 1:42) imbis nga mobasa sa pamahayag diha sa leksyon nga nag-ingon:

“Ipasabut nga ang unang asoy sa Basahon ni Mormon nagsugod sa panahon sa dihang daghang mga tawo sa Jerusalem mga dautan.”

Sa dili pa nimo ipasalida ang video, ikonsiderar ang pagdapit sa mga estudyante sa pagpangita og mga ehemplo sa mikuyanap nga pagkadautan. Human mapasalida ang video, dapita ang mga estudyante sa pagpaambit sa unsay ilang nabantayan.

“Gipasidan-an ni Propeta Lehi ang Katawhan sa Jerusalem” (4:59)

Paggamit Niini nga Video

Mahimo nimong ipasalida kini nga video aron matabangan ang mga estudyante nga makasabut niini nga baruganan diha sa leksyon:

“Ang mga propeta mopahimangno batok sa sala ug motudlo og kaluwasan pinaagi kang Jesukristo.”

Sa dili pa nimo ipasalida ang video, ikonsiderar ang pagdapit sa mga estudyante sa pagtan-aw sa reaksyon sa katawhan sa Jerusalem sa mga panagna ug pagpamatuod ni Lehi.