Mga Video sa Basahon ni Mormon

Leksyon 44: Jacob 2:12–35

Ikonsiderar sa mainampoong paagi kon sa unsang paagi ang Mga Video sa Basahon ni Mormon makatabang sa imong mga estudyante nga makaila, makasabut, mobati sa kamatuoran ug sa kaimportante, ug mogamit sa mga doktrina ug mga baruganan nga gitudlo diha sa Basahon ni Mormon.

“Si Jacob Mitudlo mahitungod sa Garbo ug Kaputli” Bahin 2 (5:57)

Ipakita lamang ang 2:10 sa tibuok 5:57 nga video.

Paggamit Niini nga Video

Mahimo nimong ipakita ang unang parte niini nga video (gikan sa timecode 3:34 hangtud 5:44) kon moabut na ka sa parte sa leksyon nga nag-ingon:

“Dapita ang usa ka estudyante sa pagbasa og kusog sa Jacob 2:12–13. Dapita ang uban sa klase sa pagsunod, nga mangita kon unsay gipangita sa daghang mga Nephite.

“Human motubag ang mga estudyante, ipasabut nga gisultian ni Jacob ang iyang mga katawhan nga nakabaton sila og mga katigayunan pinaagi sa ‘kamot sa magbalantay.’ Mahimo nimong ipasabut nga ang pulong magbalantay nag-refer ngadto sa Dios.

• Nganong importante man nga atong hinumduman nga ang tanan natong mga panalangin naggikan sa atong Langitnong Amahan?

• Sumala sa Jacob 2:13, nganong daghan sa mga Nephite ang gibayaw sa garbo?”

Ipasalida og una ang video, nga dapiton ang mga estudyante sa paglista sa mga hugpong sa mga pulong gikan sa video nga nagpakita kon unsay hinungdan nga ang pipila sa mga Nephite mitandi sa ilang kaugalingon ngadto sa uban. Human sa video, awhaga ang mga estudyante sa pagribyu sa Jacob 2:12–13, nga markahan ang konektado nga mga hugpong sa mga pulong samtang ila kining makit-an diha sa ilang mga kasulatan. Dayon ipadayon ang materyal sa leksyon sa magtutudlo.