“Ritembwa 12. N na Kanga ni Kunei Kaeka nakon Au Titiraki? Taekan te Onimaki ao te Katanoata ae Bwainaki 1 ao 2,” Nakoma, Iriirai— Ibukin te Kooram n te Nakoanibonga ae te Aaron ao aia Kiraati Ataeinnaine: Atuun Reirei 2021 (2020)
“Ritembwa 12. N na Kanga ni Kunei Kaeka nakon Au Titiraki?” Nakomai, Iriirai—Ibukin te Kooram n te Nakoanibonga ae te Aaron ao aia Kiraati Ataeinnaine: Atuun Reirei 2021
Ritembwa 12
N na Kanga ni Kunei Kaeka nakon Au Titiraki?
Uaia ni Marooro
Kairaki iroun kaain te beretitentii n te kooram ke te kiraati; e na kabanea 10–20 te miniti
Ni moan waakin te bootaki, manga atonga riki Ana Botoniango Te Nakoanibonga ae te Aaron ke Ana Botoniango te Bootaki n Ataeinnaine. Ngkanne kaira te marooro iaon bwaai n aron aikai, ao bairei kawai aika kam na karaoi iaon bwaai aika kam maroroakin (kam kona ni bairei inanon ami bowi n beretientii bwaai aika a na maroroakinaki):
-
Ara kooram ke ara kiraati. Tera taian waaki ni kakukurei aika ti a tibwa tia ni karaoi? A nakoraoi karaoaia? A ngaa iai aika a nakoraoi, ao ti na kanga ni katamaroai?
-
Tibwangara ke mwiokoara. Antai ae e kainnanoa ara ibuobuoki? Ti na kangaa ni buokiia?
-
Maiura. Baikara kouru ae ti mwakuri iaoia i bon iroura n tatabemaniira? Tera baika ti rinanoi inanon maiura ae ti kona n tibwauaia? Tera kakabwaia ake ti a tia ni karekei?
N tokin te reirei, ngkana e riai, karaoi waaki aikai:
-
Kaota koauan te reirei are e reiakinaki.
-
Kauringiia kain te kooram ke te kiraati iaon te baire ao te kakao are a karaoia n tain te bootaki.
Reirei te Reirei
Kairaki iroun te tia kairiiri ae ikawai ke te kairake; e na kabanea 25–35 te miniti
Katauraoiko n te Maiu n Tamnei
Bon te bwai ae tataneiai te aba iai bwa e na iai titiraki. Ti aki koaua ibukin ara tai ae na roko ao te aonaaba ni katobiibira. Iai naba ara titiraki ibukin te Atua ao Ana babaire ibukira. Ngkana ko wareka Katanoata aika Kariaiakaki 1 ao 2 n te wiiki aei, taraia bwa tera bwaai aika karaoi burabeti ao abotoro ni kakaai kaeka nakon aia titiraki (te kamataata n te wiiki aei inanon Nakomai, Iriirai—Ibukiia Aomata n Tatabemaniia ao Utu e na bae n ibuobuoki). Tera te tabe n aron ukoukoran kaeka nakon titiraki n am kamatebwai n te euangkerio? Tera ae ko kona ni karaoia ni kaungaia membwa n am kooram ke am kiraati n ukoukorii kaeka nakon aia titiraki n te euangkerio n te kawai ae kakaonimaki? Ngkana ko katauraoi n anga reirei, iangoia n rinanoa Reirei ao Berita aika Tabu 6:14–15; 9:7–9 and “Acquiring Spiritual Knowledge” inanon Doctrinal Mastery Core Document ([2018], 3–5).
A kona ara koaua ni kakorakoraaki ngkana ti ukoukori kaeka nakon ara titiraki ni kawai aika onimakinaki.
Te Uaia n Reirei
Ngkai kaain am koram ke am kiraati a kamatebwaia Katanoata ae Kariaiakaki 1 ao 2 n te wiiki aei, a na bae n tia ni kunei reirei aika kaineti ma karekean kaeka nakon titiraki ibukin te euangkerio. Angania tabeua te miniti n rinanon te katanoata ao tibwaua te bwai ae a reiakinna iaon karekean te kaotioti. A kona waaki ni kakukurei aikai ni buokiia naake ko reireiniia n ataa riki aron karekean kaeka nakon aia titiraki n te euangkerio.
-
Kiibu aikai a reirei taekan moan tua iaon aron tabekan titiraki ao karekean kaekaaia: Mataio 7:7; Reirei ao Berita aika Tabu 6:14–15; 9:7–9. A kona kaain am kooram ke am kiraati ni wareki kibu n taeka aikai ao ni koroi iaon te burakibooti reirei aika a kunei. Bukin tera Tamara are i Karawa e aki kaekai ara titiraki ni kabane ke n te tai naba anne? Ti na kanga n reitinako ni kaota ara onimaki n ara tai n tataningai reeke? (taraa Reirei ao Berita aika Tabu 19:23; 78:18). Iangoia n tibwaua te taneiai ngke iai am titiraki ibukin te euangkerio ao ni karekea ngkekei naba te kaeka. Tuangiia kaain te kooram ke te kiraati bwa ana tibwaua aia taneiai n aron naba anne.
-
A kona membwa n am kooram ke am kiraati n iangoia aomata inanon booki aika tabu ake a titiraki titiraki aika a kaineti nakon te kaotioti? (Ngkana e kainnanoaki, ko kona n nakon kiibu iaan “Reitan Bwaai n Mwakuri.”) A kona kaain te kooram ke te kiraati ni wareki taekaia aomata aikai inanon koroboki aika tabu ao ni kinai titiraki aika a titiraki iai, a kanga ni karekei kaeka, ao kaeka aika karekei. Tera ae ti reiakinna man taian katooto aikai? Ti na kanga ni kabongana te bwai ae ti reiakinna ngkai ti ukoukori kaeka nakon oin ara titiraki? Ngkai mwakoron te waaki ni kakukurei aei, ko kona naba ni kaota “N na Kanga ni Maiukinna n ae Nakoraoi Riki Ana Kainibaire te Euangkerio?” man “Face to Face with Elder and Sister Bednar” ([aia kanakobwana kairake ni kabutaa te aonaaba], Meei 12, 2015, FacetoFace.ChurchofJesusChrist.org).
-
Ana rongorongo Unimwaane W. Mark Bassett “For Our Spiritual Development and Learning” (Liahona, Nobembwa. 2016, 52–54) e katauraoi iango bwa ko na kanga n ukoukori kaeka nakon titiraki n tamnei. Am kooram ke am kiraati a na bane ni wareki aua mwakoron a na rongorongo ni moa ma “Bwa ko aonga n atai ana bwai te Atua aika raba.” Imwiina ao kaoia kaain te kooram ke te kiraati bwa ana wareka 1 Nephi 2:16, 19–20; 10:17–19; 11:1 ao n ukoukora te bwai ae karaoia Nibwaai ae na kaekai ana titiraki. Kaoia kaain te kooram ke te kiraati n iangoa te bwai ae a na karaoia n iri ana katooto Nibwaai ngke iai aia titiraki iaon te euangkerio.
-
Te karaki n Mareko 9:14–27 e kona ni buokiia kaain te kooram ke te kiraati ngke a kekeiaki n aia titiraki ke n raraomaia. Moantaai, ni kaoa kaain am kooram ke te kiraati bwa a na roko n tauraoi n tibwaua te karaki. Imwiina, tibwaua am kooram ke te kiraati inanon teniua te kurubu, ao mwiokoia kurubu n tatabeua bwa ana kamtebwaia teuana mai ibuakon nonori aika teniua ake e karaoi Unimwaane Jeffrey R. Holland ibukin te karaki n ana rongorongo “Lord, I Believe” (Riaona, Meei 2013, 93–95). Ti na kanga ni kabonganai ana iango Unimwaane Holland ngkana ngaira ke temanna ae ti kinaa iai ana titiraki ke raraomana iaon te euangkerio?
Mwakuri inanon te Onimaki
Kaungaiia kaain te kooram ke te kiraati ni iangoia ao korea mwiin te bwai are a na karaoia ni karaoa nanon te namakin are a karekea n te bong aei. E kanga te reirei n te bong aei ni irekereke ma oin aia kouru are a tia ni karaoia? Ngkana a tangiria, a kona kaain te kooram ke te kiraati n tibwa aia iango.
Reitan Bwaai n Mwakuri
-
Enoti 1:1–8; Aramwa 5:43–47; 40:3–5; Ita 2:18–23; Reirei ao Berita aika Tabu 138:1–4, 11; Iotebwa Timiti—Rongorongo 1:10–18 (Katotooia aomata ake a ukeukeri kaeka nakon aia titiraki)
-
James B. Martino, “Turn to Him and Answers Will Come,” Liahona, Nobembwa. 2015, 58–60
-
Atuun Rongorongon te Euangkerio, “Answering Gospel Questions,” topics.ChurchofJesusChrist.org
Anga Reirei n Ana Kawai te Tia Kamaiu
Te Tia Kamaiu e kaungaia naake E reireiniia ni kabonganai koroboki aika tabu ni kakaai kaeka nakon oin aia titiraki. Ana kanga naake ko reireiniia ni kakabwaiakaki ngkai a reirei aron kakaean kaeka nakon aia titiraki?