“Ritembwa 6–12. Taekan Te Onimaki ao Katanoata aika Kariaiakaki 1 ao 2: ‘Ti Kakoaua,’” Nakomai, Iriirai—Ibukiia Aomata n Tatabemaniia ao Utu: Reirei ao Berita aika Tabu 2021 (2020)
“Ritembwa 6–12. Taekan Te Onimaki ao Katanoata aika Kariaiakaki 1 ao 2,” Nakomai, Iriirai—Ibukiia Aomata n Tatabemaniia ao Utu: 2021
Nakoia Membwa Mwaane aika Tau, iroun Emma Allebes
Ritembwa 6–12
Taekan te Onimaki ao Katanoata aika Kariaiakaki 1 ao 2
“Ti Kakoaua”
Ngkae ko kamatebwaia Taekan te Onimaki ao Katanoata aika Kariaiakaki 1 ao 2, iangoa mwiina ae e a tia n riki n te Ekaretia. Tera ae anaa nanom ibukin taekan te koaua ae a reirei iaona?
Korea Am Namakin
Inanon ririki aika 200 man ana Moa ni Mii ni Burabeti Iotebwa Timiti, e a tia te Atua n teimatoa n anga “te kaotioti teuana imwiin te kaotioti teuana, te atatai teuana imwiin te atatai teuana” nakoia taan kairiiri n Ana Ekaretia (Reirei ao Berita aika Tabu 42:61). N tabetai, te kaotioti anne e kairiia taan kairiiri n te Ekaretia bwa a na karaoi bitaki nakon tuua te waaki ao kaetieti n te Ekaretia, “ni kaineti ma nanon te Uea, ma riain ana nanoanga ni kaineti ma aroia natiia aomata” (Reirei ao Berita aika Tabu 46:15). Katanoata aika Kariaiakaki 1 ao 2 e tei ibukin te aeka ni kaotioti aei—teuana e kairaki nakon katokan kabonganakin te mare ma buum ae mwaiti, ao are teuana e karaoi kakabwaia n te nakoanibonga, n raonaki ma kakabwaia n te tembora, aika tauraoi nakoia reeti n aomata ni kabane. Bitaki n aron aikai bon mwakoron are tera ae nanonaki ni karekea te “ekaretia ae koaua ae maiu” (Reirei ao Berita aika Tabu 1:30), ma ana burabeti ae koaua ao ni maiu.
Ma iai naba bwaai aika aki kona ni bitaki—aana, ao ana koaua aika akea tokiia. Ao n tabetai te kantaninga n te kaotioti bon karekean atatai riki aika nano iaon koaua aikai, ni buokiira ni kaotaira riki iai. Taekan te Onimaki—ana rongorongo Iotebwa Timiti aika 13 aika kimototo iaon aia koaua Aika Itiaki ni Boong aika Kaitira—e tara n ibuobuoki nakon te kaantaninga aei. Kaotioti aika uoua aikai a kaira ao a kakabwaia te Ekaretia, te Ekaetia are e kateaki iaon koaua aika akea tokiia aika matoatoa ma a kona n rikirake ao ni bitaki ngkai e karikirakei otara te Uea ni buokiira ni kaitarai kakaewenako ni boong aikai. N taekana riki tabeua, “Ti kakoauai bwaai nako ake e a tia ni a kaoti te Atua, bwaai ni kabane ake E kaoti ngkai, ao ti kakoaua bwa E na manga kaoti bwaai aika mwaiti aika korakora ma ni kakaawaki aika kaineti ma Uean te Atua” (Taekan te Onimaki 1:9).
Iango ibukin te Kamatebwai i bon Iroum ni Koroboki aika a Tabu
Iai inanon Taekan te Onimaki aan koaua n te euangkerio ae kaokaki.
Teuana te kawai ae ko kona iai ni kamatebwaia Taekan te Onimaki bon man korean ni karinani koaua ake a kuneaki inanoia n tatabeua ao imwiina kakaai kiibu aika irekereke ma koaua aikai. A kanga kiibu aikai ni karababa otam n taian koaua inanon Taekan te Onimaki?
Taraa naba Kairi nakon Koroboki aika Tabu, “Taekan te Onimaki,” scriptures.ChurchofJesusChrist.org; L. Tom Perry, “The Doctrines and Principles Contained in the Articles of Faith,” Ensign ke Riaona, Nobembwa. 2013, 46–48; “Chapter 38: The Wentworth Letter,” n Aia Reirei Beretitenti n te Ekaretia: Iotebwa Timiti, 435–47.
Taekan te Onimaki 1:9; Katanoata aika Kariaiakaki 1 ao 2
Ana Ekaretia of Iesu Kristo e kairaki n te kaotioti.
“Ti kakoaua bwa e na manga kaoti bwaai te [Atua] aika mwaiti aika korakora ma ni kakawaki aika kaineti ma Abanuean te Atua” (Taekan te Onimaki 1:9), e ngae ngke bwaai aikanne ana bita ana tua ao ana kaetieti te Ekaretia. Ma te reirei aei n am iango, rinanon Katanoata aika Kariaiakaki 1 ao 2, ao tarai taeka ao kibuntaeka aika a kakorakoraa am onimaki man kaotioti aika reitinako. Tera katooto tabeua n te kaotioti ae reitinako nakon ana burabeti te Uea ae ko kona n iangoia? A kanga kaotioti aikai n rota aron maium? A kanga ni kakeerakea ana mwakuri abanuean Tamara are i Karawa?
Taraa naba Amota 3:7; 2 Nibwaai 28:30.
A riai ana mwakuri te Atua ni waaki nako.
Inanon “Rongorongo mairouia taan taetae aika Teniman iroun Beretitenti Wilford Woodruff ni kaineti ma te Katanoata” (n tokin te Katanoata ae Kariaiakaki 1), tera bukina ngkai te Uea e katoka te mare ae riaon temanna buuna? Tera ae e reireiniko te bwai aei ibukin ana mwakuri te Atua?
Ibukin rongorongona riki tabeua Katanoata ae Kariaiakaki 1, taraa “The Messenger and the Manifesto” (Revelations in Context, 323–31) ao “Plural Marriage and Families in Early Utah” (Gospel Topics, topics.ChurchofJesusChrist.org).
Wilford Woodruff, iroun H. E. Peterson
Ti kona n n onimakina te Uea, e ngae ngke akea ootara iai ae bwanin.
E reireiniira koroboki aika tabu bwa ti na onimakina te Uea (taraa Taeka n Rabakau 3:5), ao anne ae a karaoia kaain te Ekaretia aika mwaiti mai Aberika ngke e katokaki katabu n te nakoanibonga ao otenanti n te tembora mai irouia. E ngae ngke aki ataia bwa bukin tera e teimatoa n iai te tua aei—ao n namakinna n tainako te aki rau man te kabwarabwara are e reireinaki n te tai anne, are e aki kariaia te Ekaretia n te bong aei—a mwaiti membwa ae te kanoa n Aberika a onimakina te Uea ao n teimatoa ni kakaonimaki inanon maiuia. Ngkae ko wareka Katanoata aika Kariaiakaki 2, iangoia bwa ko kanga n onimakina te Uea e ngae ngke e aki bwanin otam.
Reiakinan aron aia onimaki membwa n te Ekaretia aika bwabwata aika a na kona ni kaunga nano nakoim. Aikai tabeua aia rongorongo, aika kuneaki n te history.ChurchofJesusChrist.org:
-
“Jane Elizabeth Manning James” (Atuun Reirei n Rongorongon te Ekaretia)
-
“In My Father’s House Are Many Mansions” (rongorongon Green Flake)
-
“You Have Come at Last” (rongorongon Anthony Obinna)
-
“Break the Soil of Bitterness” (rongorongon Julia Mavimbela)
-
“I Will Take It in Faith” (rongorongon George Rickford)
Taraa naba “Witnessing the Faithfulness,” Revelations in Context, 332–41; Gospel Topics, “Race and the Priesthood,” topics.ChurchofJesusChrist.org; Ahmad Corbitt, “A Personal Essay on Race and the Priesthood,” mwakoro 1–4, history.ChurchofJesusChrist.org; BeOne.ChurchofJesusChrist.org.
Iango ibukin Kamatebwai ni Koroboki aika Tabu n te Utu ao te Bootaki n Utu n te Tairiki
-
The Articles of Faith.Iangoia bwa a na kanga am utu ni karaoi “reirei-aika uarereke” ibukin Taekan te Onimaki. Te katooto, inanon te wiiki aei, a kona kaain te utu n rinea atuun te rongorongo teuana ao ni kakaea te kibu, te tamnei, te anene, ke aia anene ataei ke n tibwaua oin am atatai.
Ke a kona kaain te utu n titirakiniia bon irouia titiraki n taekan te Ekaretia ao ara koaua ao ni kaekai titiraki aikanne ma taekan te onimaki.
-
Katanoata aika Kariaiakaki 1 ao 2.Katanoata aika Kariaiakaki 1 ao 2 ni buokiira ni kaotaira n taben te katioti n taai aikai n te Ekaretia. Ngkana a botaki ni warekia kaain am utu, iangoia ni maroroakinna bwa e kanga te burabeti ni kairiira “man ana kairiiri te Atua ae Moan te Mwaaka” (Katanoata ae Kariaiakaki 1). A kanga katanoata aika uoua aikai ni kakorakora ara onimaki iroun te Atua ae maiu are e bon kaira Ana Ekaretia? Ti kanga n nora Baina n te mwakuri n te Ekaretia ni boong aikai? Kam na bae n iangoia ni bootaki n ukoukori tabeua bwaai n ibuobuoki inanon “Iango ibukin Oin am Kamatebwai ni Koroboki Aika Tabu” ane oti ieta.
Ibukin iango riki tabeua ibukin reiakinaia ataei, taraa te kamataata n te wiiki aei inanon Nakomai, Iriirai—Ibukin te Moanrinan.
Anene aika katauaki: “Keep the Commandments,” Aia Boki n Anene Ataei, 146–47.
Kanakoraoan Ara Anga Reirei
Rimwiian kakao ake a karaoaki ma mwakuriana. “Ngkana ko rimwiin taian kakao ma mwakuriana, ko kaotia nakoia [kaain am utu] bwa ko tabe ibukiia ao e kanga te euangkerio ni kakabwaiai maiuia. Ko anganiia naba taai n tibwauai aia taneiai” (Teaching in the Savior’s Way, 35).
