Tuua ao Reirei Inanon Taekan te Onimaki
Iroun Unimwaane L. Tom Perry
Man aia Kooram Abotoro n te Tengaun ma Uoman
Taekan te onimaki n tatabeua nako e karakai riki ara atatai aika onoti ibukin ana euangkerio Iesu Kristo.
Ngke I anganaki te katabeaki bwa n na taetae n te tetere n te nakoanibonga n te mungatabu ni kabuta. I waekoa n iangoa te tia reirei n te Moanrinan ae tamaroa. Neiei e nang korakora ana kantaninga n ana katauraoi ibukira n ara tabo imwina bwa tia onga n tau ni karekea te nakoanibonga. E mwakuri iaon bwaai aika kainnanoaki ibukin ara angabeeba n te Moanrinan—ti ka matenanoi araia kaain te Kooram n Abotoro n te Tengaun ma Uoman ao Taekan te Onimaki. E berita naba nakoira—ngkana ti bane ni kona ni kamatenanoa te katebwimateniua n Taekan te Onimaki n ara iango, imwin ara mwakuri aikai ti kona n nako n te tabo ae ti na kona ni kakukureira iai ibukin kainan ara kiraati.
Ti iangoia bwa ti na kakukureira n te tabo ae onoti n tamarake iaon te karabee ae kiribwa ietan te mwaniba n ran n te tabo n rin nakon te Logan Canyon, i meangin Utah. Iai te auti ae uarereke iaon te karebee ae kiribwa ae iai ana tabo ni kaura ai ike ko kona ni kukana iai te tiaotiti ao te mwaatimwarou ae umunaki. Aikai ara babaire, i boni iroura, tia maninga taekan ara tia reirei, ae e a kara ao te aomata ae tiaki te tia takakaro. Ngke arona bwa ti a tia n iangoia ni karaurau, e na bae n iai ana tai ae kanganga n tamarake. Neiei e aki tabe ma ana kanganga ma e rangi ni kakawaki riki ana berita, ma e ngae n anne, e iririra nakon tabo ake ti tangiri.
Te moan ti tamwarakea te tabuki ae uarereke. N te tai anne, ao akea mwin te iti n te tabo anne are e a totokoira man te tamarake ikekei. Man taian ibuobuoki tabeua ngaia ae a roko iai ara tia reirei i aon te tabuki. Imwiin ae ti roko i aon te tabuki, ti ruo rikaaki nakon te tabo ae kiribwa nakon te tabo ae ti aranna bwa “Turtle Back.”
Imwiin rokora, e tangiria ni motirawa ara tia reirei teutana bwa e aonga ni manga reke angina ni kaoka raoi ikeikena. Man te tai are ti tekateka ao n amwarake, ngke e a bon oki raoi ikeikena e aki maan imwiina ao e a reireinira te kabanea n reirei. E tuangira bwa e rang ni kukurei n reireiniira n te Moanrinan inanon te maan ae uoua te ririki n nako. E kamaomoaira n aron matenukunan Taekan te Onimaki n ara iango. E kona n atonga nambwan Taekan te Onimaki ao ti a taekinna naba n te tai anne nakoina. Ngkanne e taekinna bwa kamatenanoan Taekan te Onimaki e aki nanonaki n tii taeka aika mwaiti ma e kakawaki riki bwa ti na oota raoi ao n ataa nanona. E kaungaira bwa ti na kamatebwaia reirein te euangkerio inanon Taekan te Onimaki ni kabane. E kamatata bwa te reirei are kuneaki n Taekan te Onimaki e tibwauaki inanon uoua te tiekition.
I. Te Utu n Atua ao Aan ana Reirei Kristo
Ti reiakina moan taekan te onimaki bwa teniman te aomata inanon te Utu n Atua: Te Atua te Tama, Iesu Kristo, ao te Tamnei ae Raoiroi.
Te kauoua n taekan te onimaki e reireiniira bwa ti na bon bukinaki ibukin oin ara mwakuri n te aonaba.
Te kateniua gives a vision of the Savior’s mission for the salvation of Father in Heaven’s children.
The kaaua e reirei kakawakin tuua ao otenanti.
Mwaakan aia taeka ara tia reirei e a tia n riki bwa te kairi mai ieta nakoiu ao ni kamatata ao ni katiuea iaon kamatebwaian te euangkerio. A kairira bookia aika tabu nakon aron te koaua are ti kona iai ni bairea te atatai aika ti karekei, n ataia bwa e koaua ke e bure. Reirei ni koaua a roko mairoun te Atua, te bwai are e reke mai iai ao aan taian koaua ni kabane. Reirein ao tuan reirei aika koaua a kuneaki n ana euangkerio ara Uea ao ara Tia Kamaiu. Reirei aika kewe a roko mairoun Tatan, taman taian kewe ni kabane. Nanona bwa e na kaminoi, ni biti, ao ni kamangaoi koaua aika kaokaki. E tangiria ni kamwaneira bwa aonga tabeman mai ibuakora ni kabuai kawaia inanon mwanangaia n oki nakon mweengan tamara.
Ti reireinaki man booki aika tabu bwa ti na totokoi reirei aika kewe. Te katoto, n ana reta Bauro nakon Timoteo, ti warekia:
“E anganaki te aba te Baibara ni kabanea iroun Tamnein te Atua, ao e manena nakon te reirei, ao nakoni kaotan ana buakaka te aomata nako ina, ao nakoni manga-kaetana, ao nakoni kawanawanana n te raoiroi:
“Bwa e aonga ni moan te raoiroi ana aomata te Atua, ao e na kabaneaki ni kataeaki nangina nakoni makuri aika raraoi ni bane” (2 Timoteo 3:16–17).
Te reirei aei bon te bwai ae riai nakon te Ekaretia kanga te baetere nakon te tareboon. Ngkana ko kanakoa baeteren am tareboon, e na riki n aki bongana. Te Ekaretia are e aki reiakinaki iai te reirei ae koaua bon ti tebo ma te bwai ae aki bongana. E aki kona ni kairiira rikaaki nakon Tamara are i Karawa ao mweengara ae akea tokina.
II. Bairean ao Karinanin te Nakoanibonga
Imwiina ao ti a moanna n oota n ana reirei Kristo, te kanimaua ao te kaonoua n taekan te onimaki e reireiniira taekan bairean ao karinanin te nakoanibonga. Iaan ana kaetieti te Uea, Iotebwa Timiti e bairea ana Ekaretia te Tia Kamaiu ni kabonganai kariaia n te nakoanibonga—mwakan te Atua. Bairean Ana Ekaretia Iesu Kristo ibukiia Aika Itiaki ni Boong Aika Kaitira bon ti tebo ma are e baireia Kristo ngke E mena iaon te aba.
Ai kakukureira te ngaina anne ngke Iotebwa Timiti ao Oliver Cowdery inanon Meei 1829 ngke a nako nakon te buakonikai n tataro ibukin reirein te bwabetito ibukin kabwaraan buure are a tia ni wareka taekana ngke e raira Ana Boki Moomon. A mwaiti reirei ibukin te bwabetito ae a tia n reireinaki irouia aaro aika kaokoro ni moan 1800 tabun, ao a ataia Iotebwa ao Oriwa bwa reirei aikana uoua aika kakaokoro aikanne a aki bane ni koaua. Ai ngaia are a tangiria ni kan ata taekan etin karaoan raoi te bwabetito ao antai naba ae iai irouna te kariaiakaki ni karaoa te bwabetito.
Ni kaekaan aia bubuti nakon te Uea, te tia uarongorongo mai i karawa, Ioane te tia Bwabetito, e kaoti nakoia. E katokai baina iaon atuia ao n angania te kariaiakaki ni bwabetito, tuangia bwa iaoia, ana toro, n aran te Mesia I anga te Nakoanibonga ae te Aaron” (taraD&C 13:1).
Bon te bong ae kamimi n rongorongon te aonaba! Te nakoanibonga e kaokaki nakon te aonaba.
Ngkana ti karekea te nakoanibonga, ti karekea te kariaikaki ni mwakuri n aran te Atua ao ni kairiiri ni kawain te koaua ao te raoiroi. Te kariaiakaki aei bon te tabo ae reke mai iai te mwaaka ao te kairoro ae raoiroi ibukin kakabwaiakia natin te Atua iaon te aba [te kariaikaki aei] e na tiku iroura imwiin matera. E riai ibukin te nakoanibonga bwa e na kaokaki imwain ae baireaki Ana Ekaretia Kristo ae Koaua. Aio te moan reirei ae ti reiakina n te kanimaua ao kaonoua n taekan te onimaki.
III. Reirei aika Akea Tokia n te Mwamwananga n Tamnei
Taekan te onimaki ake teniua ake imwiina—kaitiua, kawaniua, ao karuaiwa—a katauraoa buokara n reireiniira aron kawaira n te maiu n rabwata. Ti anganaki bwain tituaraoi ake bwain te tamnei bwa e na kairiira ngkana ti iri ana reirei te Uea ao ni kamanoira man te buakaka. Booki aika tabu boni kairi naba tabeua; ngkana ti wareki raoi ana taeka te Atua, E na koata kawaira n oki nakon te maiu are akea tokina.
Te karuaiwa n taekan te onimaki e reireiniira bwa e a tia te Atua ni kaoka, ao e boni kaokia, ao e na kaokia n taai aika ana roko koaua aika tamaroa ao ni kakawaki aika mwaiti nakon Ana burabeti, tia mamata, ao tia kaotioti. Ti reiakinna ae irarikin te kakauongo nakon bwanaan te Tamnei ae maraara, ma ni bebete ao ni wareki booki aika tabu, ara tia ibuobuoki naba tabeman bon ara taan kairiiri n te Ekaretia, aika a rineaki, weteaki, ao ni katoka bai te aba iaoia ni kakabwaiai maiura rinanon aia reirei.
IV. Kaain te aro aika Mitinare
Te katebwina, katebwi ma teuana, ao katebwi ma uoua taekan te onimaki e reireiniira bwa ti na kanga ni karaoa te mwakuri ni mitinare ao n tibwaua te euangkerio n te aonaba are e rawata iai aba nako ao tuua aika kakaokoro. Ti reiakina taekan ikotakiia Ieraera ni katauraoi ibukin Kauaokin te Tia Kamaiu. Ti tuangaki bwa mwaane ao aine ngaia taan tei bon nakoia ao a kona ni kariaia ke n totokoa ana taeka te Atua ni kaineti ma oin aia moti n te bwai ae eti. Kabaneana, ti reirei ngkana ti tibwaua ana euangkerio Iesu Kristo nakon iteran te aonaba ni kabane bwa ti riai ni tautaeka ni kabane aaba are iai te Ekaretia iai. Ni koauana, ti kakoaua n te ongotaeka, karinerine, ao ni karinea tuan aaba n tatabeua nako.
V. Anua aika Ti Riai ni Karekei
Te katebwi ma teniua n taekan te onimaki e katauraoi rongorongo aika onoti bwa ti na kanga ni kairi maiura ao n reitaki ma tabeman. E kangai taekana: “Ti kakoaua ae ti riai ni kookoaua, n etieti, n itiaki, n akoi ao ni ibuobuoki, n rabakau ao ni kakaraoa ae raoiroi nakoia aomata ni kabaneia; ti na atongnga ma te koaua bwa ti a tia ni kakoaua n taua te mwioko are tataekinna Bwauro— Ti kakouai bwaai ni kabane, ti kantaningai bwaai ni kabane, ti a tia n ribuakon kangaangan bwaai ni kabane ao ti kantaningaia bwa ti na kakoroi bukin bwaai ni kabane. Ngkana iai te bwai ae raoiroi, ae kakateke, ke ae tamaroa rongorongona ke e kamoamoaaki, boni bwaai aikai aika ti ukoukori.”
Ngaira ni kabane ti riai ni kekeiaki ni karekei katei aikai ao ni maiu n te kawai ae ngaira bon banna ni katooto aika tamaroa ibukiia. Koaua ake a taekinaki n Taekan te Onimaki a kateaki iaon teuana ma teuana kanga aekan bwain nanon te tareboon aika kakaokoro mani mwakuri ni kabane. Kanga ti tebo ma kawain karaoan te bwai ake a karin mwakorokoro inanon te tareboon, Taekan te Onimaki e katauraoi nakoira reirei aika kakawaki ibukin kaokakin te euangkerio. Taekan te onimaki n tatabeua e anganira aroaro aika raraoi nakon ara atatai ibukin ana euangkerio Iesu Kristo. Taekan te onimaki n tatabeua nako e karakai riki ara atatai aika onoti ibukin ana euangkerio Iesu Kristo.
Au tia reirei n te moanrinan e buokai ni karaoa te iango ae matoatoa bwa n kamatebwai reirei ake a kaeti ma abanuean te Atua. E reireinai n ukoukora nanon Taekan te Onimaki aikai ae nano riki. E berita nakoiu bwa ngkana I kona n taua au tai n reirei n taekan koaua aika tabu aikai, te atatai ae I karekea e na kanakoraoa maiu, ao I kakoaua nakoimi bwa e a tia n riki.
Imwiin ana reirei au tia reirei ae tamaroa iaon te maunga arei i Logan Canyon, ti kunea bwa ti a tia n tiku riki ni maan teutana n aron are ti a tia ni baireia. E nang toki te bong, ao ti a kunea bwa iai ara kanganga.
E a tia au tia reirei ni kekeiaki ni karoko n ara tabo ae onoti, ma te oki rikaaki e na riki naba bwa te kanganga nakoira. Aio are e a karika te nakobuaka n ara rinerine n te tabo are ti na kaukiang iai. Manga okira rikaaki e bon kanganga ibukira, ma e na kanganga riki ibukin te aomata ae a kara ae aekakin te roro anne.
Ngkai ti kataia ni buokia ni karuoa man te tabuki, a roko uoman bureitiman. E a tia te beretienti n te Moanrinan ni kanakoia bwa a na kakaeira, bukina bwa e maaku bwa e taku bwa ti a bua. Te bwai are e riki anne ma te reirei are e reiakinaki e reke bwa te bwai ae e aki mwanuokinaki inanon maiu.
Ngkami kairake n ataeinimwaane—I kaungai ngkami bwa kam na kabonganai ami iango aika wanawana ni kamatebwaia ao n reirei Taekan te Onimaki n reirei ao n anga reirei. A mena ibuakoia aika moan kabanea ni kakawaki ao ni koauana bon rongorongon reirein te Ekaretia aika a bwarabwara raoi. Ngkana ko kabonganai bwa kairam ni kaira aron am kamatebwai ibukin ana euangkerio Iesu Kristo, ko na kunea bwa ko tauraoi n taekina am koaua iaon te koaua ae e a tia ni kaokaki nakon te aonaba. Ko na kona n taekinna n te kawai ae bebete, ae matata raoi, ao n te kawai ae anainano n aan koaua aika kakawaki ake ko karinei inanon tibwangam ngkai ko kaaina Ana Ekaretia Iesu Kristo ibukiia Aika Itiaki ni Boong Aika Kaitira.
I reita au koaua nakon koauan te katebwi ma teniua n Taekan te Onimaki n aran ara Uea ao ara Tia Kamaiu, Iesu Kristo, amen.