Turai 24

Tera Kakabwaia ae e Reke Man Otenanti n te Tembora?

Etira 1; 3–7; Neemia 2; 4–6; 8

Te Uaia ni Marooro

E kairaki irouia kaain te beretitentii n te kooram ke te kiraati; e na kabanea 10–20 te miniti

Ni moan waakin te bootaki, ikotaki kaokioka n atonga Ana Botoniango te Bootaki n Ataeinnaine ke ana Botoniango Te Nakoanibonga ae te Aaron. Ngkanne kaira te marooro iaon te mwakuri ni kamaiu ao karietataaki kabongana teuana ke raka man taian titiraki inano ke oin am titiraki (taraa Aeniboki ni Kabuta, 10.2, 11.2, ChurchofJesusChrist.org). Babaire ao mwakuria te bwai ae maroroakinaki.

• Maiuakina te euangkerio. Ti kanga n tia n nora bain te Uea inanon maiura?

• Tararuakiia naake iai kainnanoia. Ti na kanga ni buotakaira ngaira imarenara ni bwaai ake ti rinanoi?

• Kaoakiia ni kabane bwa a na karekea te euangkerio. Ti na kanga ni katamaroa kabonganakin bwaai n rabakau aika boou bwa te bwai ni mwakuri n tibwaua te euangkerio?

• Katiteuanakiia utu in akea tokina. Tera ae ti karaoia ni buokiia ara utu n roko nakon Kristo?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringa te kiraati ao membwa n te kooram iaon babaire ao kakao ake a karaoaki n tain te bootaki.

Reirei te Reirei

Kairaki iroun te tia kairiiri ae ikawai ke te kairake; 25–35 te miniti

Katauraoiko n te Maiu n Tamnei

Ngke Iutaia a oki man mwin kitanan abaia i Baburon, a kunea Ierutarem ao ana tembora e a uruaki (taraa 2 Uea 25:1–10; 2 Rongorongo 36:17–19). Aomata a kan manga katea te tembora. Ngkanne, inanon te tai ae aki maan, a moana waakn manga kateana ao ni kimwareirei ngke e a tia te tembora (tara Etira 3:8–13; 6:16–22). N te bong aei, ngkai ana aomata ni berita te Atua, ti katei naba taian tembora ao ni kimwareirei ngkana a kateaki tembora aika boou. Bukin tera? Bukina otenanti man te tembora e kairi nakon ana kakabwaia ae korakora Tamara are i Karawa. A uotii mwaaka n tamnei. E anganiira kairakira. Ao e buokiira n riki n ai aron te Atua ao ni karekei bwaai ni kabane are iai Irouna. (Taraa Reirei ao Berita aika Tabu 84:19–22; 109:22–26.)

Ko na kanga ni buokiia kairake ni ingainga nanoia ibukin te tembora n aroia tibun Iteraera? Ko na kanga ni buokiia ma nanoia ae bane ni karaoi berita aika tabu ma te Atua inanon Ana auti ae tabu? Ngkai ko katauraoi n angareirei, iangoia n rinanoa ana marooro Beretitenti Thomas S. Monson “Blessings of the Temple” (Riaona, Meei 2015, 91–93) and the article “Why Ordinances and Covenants Matter” at temples.ChurchofJesusChrist.org.

Otenanti man te tembora e buokiira n riki ai aron te Atua ao ni karekei ni kabane bwaai ake iai Irouna.

Te Uaia n Reirei

Ni buoka te kiraati ao membwa n te kooram ningainga nakon kakabwaia are a kona ni karekei man te otenanti n te tembora, ko kona ni kaoiia n rinanoa Etira 3:10–13; 6:16, 21–22. Tuangiia bwa a na tibwa te taeka ke te kibu n taeka are a kaotaki bwa e kanga Iutaia ngkoa n namakinna iaon manga katean aia tembora. Bukin tera katean te tembora bon te bwai teuana ae e na bukamaruaki? E kanga ara tembora n te bong aei ao te mwakuri ake ti karaoi ikekei e buokiira n roko ni kaan nakon te Tia Kamaiu? Aikai tabeua iango ni buokiia kairake n oota n taian kakabwaia are a na kona ni karekei inanon te tembora.

• Ngke Iotebwa Timiti e katabua te Kirtland tembora, e anga te tataro ni katabu ni kuneaki inanano Reirei ao Berita aika Tabu 109. Te tataro e kabwarabwara mwaitin kakabwaia ti na kona ni karekei rinaon te otenanti n te tembora. Kiraati ke membwa n te kooram a kona ni kakaei mwakoron te tataro aei, riki kiibu 12–26, ni ukorii ibukin taian kakabwaia are Iotebwa Timiti e tataro ibukina. A kona ni korei ni karinani kakabwaia aikai iaon te burakibooti. Ko riai n tuangiia kairake ni marooroakinna bwa e kanga kakabwaia n tatabeua aikai ni kona ni kakorakoraiia ngkai ao n taai aika na roko. Tibwaua am koaua man kakabwaia are ko a tia ni karekea rinanon te otenanti man te tembora.

• Ni buoka te kiraati ke membwa n te kooram n tibwai aia namakin iaon te tembora, tuangiia ni kabanea te kibuntaeka aei: “Ngke Iangoa taekan te tembora, I namakinna …” Ko riai ni kaoiia ni wareka te moan barakurabe ake nimaua man ana maroor Unimwaane Kent F. Richards “The Power of Godliness” (Liahona, May 2016, 118–20). Bukin tera e raka kainanoan te tembora nakon bwaai riki tabeua? Tera ae ti reiakinna iaon te mwaaka are e anganiira te Atua rinanon ontenanti n te tembora? Kairake a kona ngkanne ni ukori nikiran ana marooro Unimwaane Richard, n tarai ibukin kakabwaia are e roko nakoira ngkai ti irii karaon otenanti n te tembora. Ke a kona n tarai kakabwaia aikai inanon ana marooro Beretitenti Thomas S.Monson “Blessings of the Temple.”

• Ni buoka te kiraati ke membwa n te kooram n iangoi raoi anganano are tabeman a tia ni kukurei ni karaoia ni karekea te kakabwaia man te tembora, ko kona n kaota te witeo “Temples Are a Beacon” (ChurchofJesusChrist.org). Bukin tera ana utu Mou Tham a kukurei ni karaoa te anganano ae rang korakora n nakoia nakon te tembora? (Tara naba Thomas S. Monson, “Te Tembora ae Tabu—te Biikan nakon te Aonaaba,” Riaona, Meei 2011, 90–94.) Tera te anganano ae ti kainanoia ni karaoi ni karekei kakabwaia man te tembora? Tao eng temanna are e a tiba rin n te tembora e koan ira te bootaki ao n tibwaua ana taneiai teuanne ke neienne. Ko riai ni kaoa te kairake ni ukora ana marooro Unimwaane Ronald A. Rasband “Uotakirakeaki nakon te Uea” (Riaona, Nob. 2020, 22–25) ao tibwai kakabwaia ni karekean te beeba ni kariaia ibukin te tembora. Ko kona naba n ikotaki n rinanoi taian titiraki n te beeba ni kariaia ibukin te tembora (taraa Russell M. Nelson, “Closing Remarks,” Riaona, Nob. 2019, 120–22).

Karaoia inanon te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia n iangoa taekana bwa e kanga mwakurian aia namakinan are e na kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Unimwaane Quentin L. Cook, “See Yourself in the Temple,” Ensign ke Riaona, Meei 2016, 97–100

Reirei n ana Kawai te Tia Kamaiu

“Ngkana ko angareirei, nakon riki bebeten kanakoan rongorongo, buoka te kairake ni kunei koauan te euangkerio ibukiia inanon koroboki aika tabu ao ana taeka te burabeti” (Reirei n ana Kawai te Tia Kamaiu28).