Iesu ao taan iriiria

Iesu Kristo ao Ana Reirei, © Balage Balogh/Art Resource, NY

Turai 23

Tera ae Nanonaki n te Riki Bwa Ana Reirei Iesu Kristo?

Mwakuri 10-15

te aikaon ibukin te uaia ni marooro

Te Uaia ni Marooro

E kairaki iroun te membwa n te kiraati ke te beretitentii n te kooram, e na kabanea 10–20 te miniti

Ni moan waakin te bootaki, ikotaki n taekina Aia Botoniango Ataeinnaine ke Aia Botoniango Kaain te Kooram n te Nakoanibonga ae te Aaron. Ngkanne kaira te marooro iaon te mwakuri ni kamaiu ao ni karietataaki ni kabongana teuana ke e raka riki titiraki aika inano ke aika bon am kario (taraa Aeniboki ni Kabuta, 10.2, 11.2). Bairei aron mwakuriian bwaai ake a tia n maroroakinaki.

• Maiuakina te euangkerio. Ti kanga n tia n nora bain te Uea inanon maiura?

• Tararuakiia naake iai kainnanoia. Ti na kanga ni buokiira i bon iroura inanon bwaai ake ti rinanona?

• Kaoaiia ni kabane ni karekea te euangkerio. Ti na kanga ni katamaroa kabonganakin bwaai n rabakau aika boou bwa bwaai ni mwakuri n tibwaua te euangkerio?

• Katiteuanakiia utu in akea tokina. Tera ae ti na karaoia ni buokiia ara utu bwa a na nakon Kristo?

N tokin te reirei, ngkana e riai, karaoi waaki aikai:

• Kaota koauan te reirei are e reiakinaki.

• Kauringiia kain te kiraati ao membwa n te kooram iaon babaire ao kakao ake a karaoaki n tain te bootaki.

te aikaon n reirei te reirei

Reirei te Reirei

Kairaki iroun te tia kairiiri ae ikawai ke te kairake; e na kabanea 25–35 te miniti

Katauraoiko n te Maiu n Tamnei

Mwakoro 11 n Makuri e kaotia bwa n te moantai “reirei aranaki bwa Kiritian” (te kibu 26). Bon te tibwanga ao te katabeaki ae tabu kinaakin temanna bwa ana reirei Kristo ao n aranaki n Arana. N aron ae taku Beretitenti M. Russell Ballard “Ti ataia ae ti kakabwaiaaki ni katokaan iaora aran Natin te Atua te Tatangiraki ao Ana Rikitemanna? Ti ataia bwa e kakawaki anne? Aran te Tia Kamaiu bon tii te ara iaan karawa are a bon tii kona ni kamaiuaki iai aomata” (“The Importance of a Name,” Riaona, Nob. 2011, 79).

Tera nanon te riki bwa te Kiritian—ana reirei Iesu Kristo? E kanga te rabakau aei ni kakabwaiaiia kaain am kiraati ke te kooram? E kanga katokaan Arana iaom n anainano nakoim? Ko na kona n iangoi taai are ngke e anaaki nanom man ana katooto temanna are e riki bwa ana reirei ni koaua Kristo.

Ngkai ko katauraoiko n reirei, n ikotaki ma warekan Mwakuri 10–15, iangoia wareka teuana ke ae mwaiti riki man taian marooro n te maungatabu ni kabuta are a kuneaki inanon “Reitan Bwaai n Mwakuri.”

Te Uaia n Reirei

Ni buokiia kaain am kiraati ke te kooram bwa a na mataata tera nanon te riki bwa a na reirei Iesu Kristo, ko kona ni kaoiia bwa a na kabanea te kibuntaeka aei: “Ana reirei Iesu Kristo bon temanna are …” A kona n rinanoa Makuri 11:19–26, ni kakaei atatai inanon kiibu 21, 23–24, 26 bwa a kanga kaain te Ekaretia aikai ni kaotia bwa bon ana reirei ngaiia. E kanga te riki bwa te tia iriira Iesu Kristo n anainano n ara iango ao anuara? Waaki ni kakukurei n aron aikai a kona ni karinaki nakon te marooro aei.

• E kona n ibuobuoki maroroakinana te arora ana rerei Iesu Kristo (taraa ana kibuntaeka Unimwaane Robert D. Hales inanon “Reitan Bwaai n Mwakuri”). Ko kona n tuangiia kairake bwa a na tibwauai tabeua bwaai ake a tia n reiakin man Ana katooto. A kona ni kakaei tabeua koroboki aika tabu inanon “Reitan Bwaai n Mwakuri,” ke tabeua ake a atai taekaia, ibukin taian iango. A kona ni korei ni karinani iaon te burakibooti baike a reiakin n taekan te Tia Kamaiu man taian karaki aikai. A kona ngkanne ni maroroakin kawai ake a na iri nanon anga reirei ao katooto ake a koreaki ni karinanaki iaon te burakibooti.

• Tuangiia kaain te kiraati ke te kooram bwa tera nanon te riki ni Kiritian. A kona ni korei ni karinani anua ake a kantaningaia bwa a na kunei ni maiun temanna are e irira Iesu Kristo (taraa, n aron te katooto, Ioane 13:34–35). Ko kona ni bwenauaia kairake nakon uoua te kurubu ao tuanga te kurubu teuana ma teuana ni wareka teuana mai buakon marooro aikai ni kakaei anua riki tabeua ake a na karini nakon baike a korei ni karinani: Unimwaane Terence M. Vinson, “True Disciples of the Savior” (Riaona, Nob. 2019, 9–11) ao Unimwaane Massimo De Feo, “Pure Love: The True Sign of Every True Disciple of Jesus Christ” (Riaona, Meei 2018, 81–83). Kaoiia kairake bwa a na iangoi baike a korei ni karinani are a na kanakoraoia iaona.

• Ko kona n tuangiia kaain te kiraati ke te kooram tera nanon aei irouia ngkana a weteaki n aran Iesu Kristo. Tao a na kona ni tibwaua aia tarena are irouia ngke e ataia temanna bwa bon ngaia kaain Ana Ekaretia Iesu Kristo ibukiia Aika Itiaki ni Boong aika Kaitira. Aekakira ara namakin n aron kinaakira bwa taan iriira Iesu Kristo ao kaain Ana Ekaretia? A kona kairake ni kakaei tabeua koroboki aika tabu ke teuana te marooro inanon “Reitan Bwaai n Mwakuri,” ni kakaei atatai ake ae kaungai nanoia ni maeka ma te tamaroa n aran Iesu Kristo, are a katoka iaoia. E kanga aron te weteaki n aran Iesu Kristo n rooti ara rinerine ake ti karaoi?

ataeinnaine aika a rianna

Ngkai ngaira kaain ana Ekaretia Kristo, ngaira Ana reirei ao ti weteaki n Arana.

Mwakuri ma te Onimaki

Kaunga te kiraati ke membwa n te kooram bwa a na iangoi man korei baike a na karaoi n mwakurii namakin ake a karekei n te bong aei. Ngkana a tangiria, a kona n tibwauai aia iango. Kaoiia bwa a na iangoia bwa e kanga mwakurian aia namakinan ni kakorakorai reitakiia ma Tamara are i Karawa ao Iesu Kristo.

Reitan Bwaai n Mwakuri

• Mataio 5:38–47; 6:19–21; 7:1–5; 25:31–40; Ruka 10:25–37; Ioane 13:34–35; 14:15 (ana reirei Iesu Kristo)

• Mataio 4:1–11; Mareko 6:35–44; Ruka 4:16–19; 22:39–42; 23:33–34; Mwakuri 10:38 (ana katoto Iesu Kristo)

• Ieremia 15:16; Motiaea 5:7–15; Aramwa 46:12–15; 3 Nibwaai 27:3–8 (Katokaan aran te Tia Kamaiu iaora)

• Lisa L. Harkness, “Honoring His Name,” Riaona, Nob. 2019, 60–62

• Paul B. Pieper, “All Must Take upon Them the Name Given of the Father,” Riaona, Nob. 2018, 43–45

• E reirei unimwaane Robert D. Hales: “Tera nanon te riki bwa ana reirei ara Uea Iesu Kristo? Ana reirei bon temanna are e a tia ni bwabetitoaki ao e tatauraoi ni katoka iaona teuanne ke neienne aran te Tia Kamaiu ao n Iria. Te aomata ae ana reirei e kataia ni riki n ai Arona man kawakinan Ana tua n te maiu n rabwata, n ai aron te aburenteti are e kataia n riki n ai aron ana mwatita.

  Anginna aomata a ongo te taeka ae reirei ao a taku bwa bon tii te ‘tia iriiri.’ Ma n riki bwa ana reirei bon te anua n riki nako iai. Aei e kaot ae mwaiti riki ni kamatebwaian ao kamwakuran rinanin anuan maiun te aomata. A maeka reirei n te aro are anuan maiun Kristo a kabaeaki nako kabin nanoia, n ai aron naba te maiu n tamnei” (“Becoming a Disciple of Our Lord Jesus Christ,” Riaona, Meei 2017, 46).

Reirei n ana Kawai te Tia Kamaiu

Ngkai te tia reirei ngkoe, ko kona ni kaungai kabwarabwara aika a anainano aika a kanakoraoaki man aia taneiai ao aia kakoua taan kamatebwai.