He Will Lead Thee by the Hand (அவர் உன்னைக் கரம்பிடித்து வழிநடத்துவார்) – சாண்ட்ரா ராஸ்ட்

மார்ச் 11–17 : “அற்புதமும், ஆச்சரியமுமான கிரியை”

2 நேபி 26–30

“கடைசி காலத்தைக் குறித்து நான் உங்களுக்கு தீர்க்கதரிசனம் உரைக்கிறேன்,” என நேபி எழுதினான் (2 நேபி 26:14). வேறு வார்த்தைகளில் எனில் அவன் நமது நாட்களைப்பற்றி எழுதிக்கொண்டிருந்தான். அவன் பார்த்ததைப்பற்றி கவலைப்பட ஒரு காரணம் இருந்தது: ஜனங்கள் தேவனுடைய வல்லமையையும் அற்புதங்களையும் நம்ப மறுத்தனர், பொறாமையும் சண்டைகளும் பெருகின. ஆனால் எதிரியால் முன்னெடுத்துச் செல்லப்பட்ட இந்தப் பிற்கால “இருளின் கிரியைகளோடும்” கூட (2 நேபி 26:10, 22) கர்த்தர் தம்மாலேயே வழிநடத்திச் செல்லப்பட்ட “அற்புதமும், ஆச்சரியமுமான கிரியைப்பற்றி” நேபி பேசினான் (2 நேபி 27:26). மேலும் அந்த கிரியையின் மையமாக சாத்தானின் பொய்களை அம்பலப்படுத்தும், நீதிமான்களை ஒன்று கூட்டும் ஒரு புஸ்தகம் இருக்கும். அந்தப் புஸ்தகமே மார்மன் புஸ்தகம், ஆச்சரியமான கிரியை என்பது பிற்காலத்தில் கர்த்தரின் சபையின் கிரியை, மேலும் அந்த அற்புதத்தில் ஒரு பகுதி என்பது நமக்கிருக்கும் பலவீனத்துக்கு இடையிலேயும் கூடுகையில் பங்கேற்பதற்கு அவர் நம்மை அழைப்பது.

வீட்டிலும் சபையிலும் கற்றுக் கொள்வதற்கான ஆலோசனைகள்

2 நேபி 26–27; 29–30

நம்முடைய நாட்களுக்காக தேவன் மார்மன் புஸ்தகத்தை ஆயத்தப்படுத்தினார்.

2 நேபி 26–27 ல், நேபி ஏசாயாவின் முந்தைய தீர்க்கதரிசனத்திலிருந்து (ஏசாயா 29 பார்க்கவும்) மேற்கோள்காட்டி, மேலும் அதை அவனுடைய ஜனங்கள் மற்றும் அவர்களின் பதிவான மார்மன் புஸ்தகத்துடன் ஒப்பிட்டான். மார்மன் புஸ்தகம் முழுமையாக எழுதப்படும் முன்னரே, அது ஒரு நாள் “மனுப்புத்திரர்களுக்குள்ளே மிக மதிப்புள்ளதாக இருக்கும்” என்று நேபி வெளிப்படுத்தல் மூலமாக, அறிந்தான் (2 நேபி 28:2). மார்மன் புஸ்தகம் உங்களுக்கு ஏன் பெரு மதிப்புள்ளதாக இருக்கிறது? 2 நேபி 29–30ஐ நீங்கள் வாசிக்கும்போது இந்தக் கேள்வியைப்பற்றி சிந்தியுங்கள் . மார்மன் புஸ்தகத்தின் மூலம் தேவன் உலகிலும் உங்கள் வாழ்க்கையிலும் நிறைவேற்றிக் கொண்டிருக்கும் சில “அற்புதமான” கிரியைகள் (2 நேபி 27:26) என்ன?

ஜோசப் ஸ்மித்—வரலாறு 1:62–65 பார்க்கவும்.

2 நேபி 26:23–33

இயேசு கிறிஸ்து நம் ஒவ்வொருவரையும் அவரண்டை வர அழைக்கிறார்.

2 நேபி 26: 23–24ல் கருத்தில் கொள்வதற்கான அநேக அழகான கொள்கைகளிருக்கின்றன. உதாரணமாக, இயேசு கிறிஸ்து “உலகத்தின் நன்மைக்கு ஏதுவானவற்றையும்”—உங்களுக்காகவும் என்ன செய்திருக்கிறார் என்பதைப்பற்றி நீங்கள் சிந்திக்கலாம். அவர் எப்படி “எல்லா மனுஷரையும்” உங்களையும் “தம்மிடத்தில் அழைத்துக் கொள்கிறார்.” அவருடைய அன்பின் வெளிப்பாடுகளுக்கு பதிலளிக்கும் வகையில் நீங்கள் என்ன செய்ய உணர்த்தப்பட்டதாக உணர்கிறீர்கள்?

இரட்சகரைப் பற்றிய உண்மைகளைத் தொடர்ந்து படித்து, வசனங்கள் 25–33ல் தேடுங்கள். குறிப்பாக அவருடைய அழைப்புகளைக் கவனியுங்கள். இயேசு கிறிஸ்துவின் செய்தியை ஒரே வாக்கியத்தில் எப்படிச் சுருக்கமாகக் கூறுவீர்கள்?

நீங்கள் மற்றவர்களுடன் பழகும் விதத்தில் இந்த வசனங்கள் எவ்வாறு செல்வாக்கு செலுத்தக்கூடும் மற்றும் கிறிஸ்துவிடம் வரும்படி அவர்களை அழைக்கக்கூடும் என்பதைக் கருத்தில் கொள்ளவும். You might find some ideas in மூப்பர் டி டாட். கிறிஸ்டாபர்சனின் செய்தி “சொந்தமாகுதலின் கோட்பாடுவில்” சில கருத்துக்களை நீங்கள் காணலாம் (லியஹோனா, நவ. 2022, 53–56).

3 நேபி 18:30–32; டாலின் எச். ஓக்ஸ், “நம்முடைய இரட்சகர் நமக்காக என்ன செய்திருக்கிறார்?,” லியஹோனா, மே 2021, 75–77 பார்க்கவும்.

மௌனத்திற்கு பயப்பட வேண்டாம். நல்ல கேள்விகளுக்கு பதிலளிக்க நேரம் எடுக்கும். அவர்களுக்கு தேடல், சிந்தனை மற்றும் உணர்த்துதல் தேவை. ஒரு கேள்விக்கான பதில்களுக்காக நீங்கள் செலவிடும் நேரம் சிந்திக்கும் பரிசுத்தமான நேரமாக இருக்கலாம். வேறொன்றிற்குச் செல்வதன் மூலம் இந்த நேரத்தை சீக்கிரம் முடிக்க ஆசைப்படுவதைத் தவிர்க்கவும்.

2 நேபி 28

சாத்தான் ஏமாற்ற வழிதேடுகிறான்.

சாத்தானின் பல பொய்களும் தந்திரங்களும் 2 நேபி 28ல் அம்பலப்படுத்தப்பட்டுள்ளன. வசனங்கள் 6, 8, 21– 23, 29ல் அவைகளைத் தேடவும். சாத்தானின் பொய்களைப்பற்றி நீங்கள் ஏன் அறிய வேண்டும்? சத்துரு உங்களை ஏமாற்ற முயற்சி செய்யும்போது நீங்கள் என்ன செய்வீர்கள்?

சாத்தானின் பொய்களை நிராகரிக்கும் சில வசனங்கள் கீழே பட்டியலிடப்பட்டுள்ளன. இந்த வசனங்களில் உள்ள உண்மையான கோட்பாட்டை 2 நேபி 28ல் நேபி எச்சரிக்கும் தவறான கோட்பாட்டுடன் உங்களால் பொருத்த முடியுமா என்று பாருங்கள்.

• 2 நேபி 2:17: பிசாசு இருக்கிறான் (2 நேபி 28:22: “நான் ஒன்றும் பிசாசு அல்ல, அப்படி யாரும் இல்லை”)

• மரோனி 7:35–37

• கோட்பாடும் உடன்படிக்கைகளும் 1:31

• கோட்பாடும் உடன்படிக்கைகளும் 68:31; 82:14.

• விசுவாசப் பிரமாணங்கள்1:9.

காரி ஈ. ஸ்டீவென்சன், “என்னை ஏமாற்றாதே,” லியஹோனா, நவ. 2019, 93–96 பார்க்கவும்.

2 நேபி 28:27–31; 29

தம் பிள்ளைகளுக்கு வழிகாட்ட தேவன் தொடர்ந்து வெளிப்படுத்தல்களைக் கொடுத்துவருகிறார்.

பிற்காலப் பரிசுத்தவான்களாக நாம் தேவனுடைய வார்த்தையின் மிகுதியால் ஆசீர்வதிக்கப்படுகிறோம். இருந்தும், நேபி எச்சரித்தபடி, “நமக்கு போதுமானது!” என்று நாம் ஒருபோதும் உணரக்கூடாது! 2 நேபி 28:27–31 மற்றும் 2 நேபி 29ல் எச்சரிக்கைகளை நீங்கள் வாசிக்கும்போது இப்படிப்பட்ட கேள்விகளை சிந்தியுங்கள்:

• அவருடைய வார்த்தையை நான் எப்படி உணர்ந்து பதிலளிக்க வேண்டும் என்று தேவன் விரும்புகிறார்?

• தேவனிடமிருந்து அதிக சத்தியத்தைப் பெறுவதற்கு ஜனங்கள் ஏன் சிலசமயங்களில் “கோபப்படுகிறார்கள்”? (2 நேபி 28:28). இதுபோல நான் எப்போதாவது உணர்கிறேனா? அப்படியானால், நான் எவ்வாறு மாறமுடியும்?

• தேவனின் வார்த்தையை பெறுவது என்பதற்கு அர்த்தம் என்ன? நான் அவருடைய வார்த்தையை அதிகமாகப் பெறவிரும்புகிறேன் என்பதை எவ்வாறு அவருக்கு என்னால் காட்ட முடியும்?

பிள்ளைகளுக்கு போதிப்பதற்கான ஆலோசனைகள்

2 நேபி 26:23–28; 33

இயேசு கிறிஸ்து அனைவரையும் அவரண்டை வர அழைக்கிறார்.

• இந்த வசனங்களில் உள்ள இரட்சகரின் அழைப்புகளைப் பற்றி உங்கள் பிள்ளைகளுக்குக் கற்பிக்க, பிறந்தநாள் விழா போன்ற ஒரு விசேஷ நிகழ்ச்சிக்கு அவர்கள் மக்களை அழைத்த நேரங்களைப் பற்றி நீங்கள் அவர்களிடம் பேசலாம். 2 நேபி 26:23–28 ஒன்றாக அவர்கள் வாசித்து, இயேசு நம்மை என்ன செய்ய அழைக்கிறார் என்பதைக் கண்டறியவும். உங்கள் பிள்ளைகள் ஒருவரை இயேசு கிறிஸ்துவிடம் வரும்படி அழைக்கும் அட்டையை உருவாக்க விரும்பலாம். அவர்களின் அழைப்பில் இந்த வசனங்களிலிருந்து ஒரு சொற்றொடரைப் பயன்படுத்த அவர்களை ஊக்குவிக்கவும்.

• இந்த குறிப்பின் முடிவில் உள்ள ஓவியம் பல பின்னணியில் உள்ளவர்களைக் காட்டுகிறது. நீங்கள் 2 நேபி 26: 33 வாசிக்கும்போது உங்கள் பிள்ளைகள் இந்தப் படத்தைப் பார்க்கக்கூடும். படத்தில் உள்ள ஒவ்வொரு நபரையும் தங்களையும் உங்கள் பிள்ளைகள் சுட்டிக்காட்டும்போது, “இயேசு அனைவரையும் தம்மிடம் வரும்படி அழைக்கிறார்” என்ற சொற்றொடரை நீங்கள் மீண்டும் சொல்லலாம். நாம் எப்படி இயேசுவிடம் வருவோம்?

2 நேபி 28:2; 29:7–11; 30:3–6

மார்மன் புஸ்தகம் ஒரு ஆசீர்வாதமாகும்.

• மார்மன் புஸ்தகம் “மிக மதிப்பு உடையது” (2 நேபி 28:2) என்று உங்கள் பிள்ளைகள் உணர உதவ, நீங்கள் ஒரு பிரதியைப் பரிசாகப் பொதிந்து, உள்ளே என்ன இருக்கிறது என்று யூகிக்க அனுமதிக்கலாம். 2 நேபி 30: 3–6ல் அவர்கள் தடயங்களைத் தேடலாம். மார்மன் புஸ்தகம் உங்களுக்கு ஏன் மிகவும் மதிப்பு வாய்ந்தது என்று உங்கள் பிள்ளைகளுக்குச் சொல்லுங்கள், மேலும் அவர்களும் தங்கள் உணர்வுகளைப் பகிர்ந்து கொள்ளட்டும்.

• நண்பர் ஒருவர், “நான் மார்மன் புஸ்தகத்தைப் படிக்கத் தேவையில்லை. நான் ஏற்கனவே வேதாகமத்தைப் படித்திருக்கிறேன்,” என சொல்வதாக கற்பனை செய்யுமாறு உங்கள் பிள்ளைகளிடம் கேட்பதைக் கருத்தில் கொள்ளவும். நம் நண்பரிடம் நாம் என்ன சொல்ல முடியும்? இரண்டு புஸ்தகங்களையும் நாம் ஏன் வைத்திருக்க வேண்டும் என்று தேவன் விரும்புகிறார் என்பதை அறிய 2 நேபி 29:7–11ஐ ஒன்றாக வாசியுங்கள்.

2 நேபி 28:30–31

பரலோக பிதா எனக்கு கொஞ்சம் கொஞ்சமாக கற்பிக்கிறார்.

• “வரிக்கு வரி” கற்றுக்கொள்வது என்றால் என்ன என்பதை உங்கள் பிள்ளைகள் புரிந்துகொள்ள உதவும் ஒரு பொருள்சார் பாடத்தைப் பற்றி நீங்கள் சிந்திக்கலாம். உதாரணமாக, அவர்கள் ஒரு புதிரை ஒன்றாக இணைக்கலாம் அல்லது ஒவ்வொருதுண்டு, மூலம் ஏதாவது ஒன்றை உருவாக்கலாம். வில் கட்டுவது அல்லது படம் வரைவது போன்ற ஒரு திறமையை படிப்படியாக அவர்களுக்குக் கற்பிக்கலாம். நீங்கள் 2 நேபி 28:30ஐ வாசித்து, பரலோக பிதா எப்படி ஒரு நேரத்தில் ஒரு சத்தியத்தை நமக்குக் கற்பிக்கிறார் என்பதைப் பற்றி விவாதிக்கலாம்.

• 2 நேபி 28:30லிருந்து ஒரு சொற்றொடரைத் தேர்ந்தெடுத்து, அதை ஒரு நேரத்தில் ஒரு வார்த்தையாக எழுதுவது மற்றொரு யோசனையாக இருக்கலாம். தேவன் நமக்கு உண்மையைக் கொடுக்கும் விதம்போல் இது எப்படி இருக்கிறது? ஒரே தடவையில் இல்லாமல் “வரிவரியாகவும், கட்டளை கட்டளையாயும், இங்கே கொஞ்சம் அங்கே கொஞ்சமுமாக” ஏன் சத்தியத்தை தேவன் நமக்கு வெளிப்படுத்துகிறார்? நாம் அவருடைய வார்த்தையை அதிகமாகப் பெறவிரும்புகிறோம் என்பதை எவ்வாறு அவருக்கு நாம் காட்ட முடியும்?

Christ in the Midst (மத்தியில் கிறிஸ்து) – ஜூடித் மெர்