Ibukiia Tioromwaite, te tataro e riai ni karoaki n te tei ike e kona n noraki irouia aomata ao ni kaokiokii taeka aika akea manenaia aika aki nako raoi mai inanoia. Tioramwaite akea aia onimaki iroun Iesu Kristo—ao a kaakea aron Rikina—ao a bwainikiriniia kainnano (taraa Aramwa 31:9–25). Ni kaitarana, Aramwa ao Amureki a reirei bwa te tataro e karaoaki riki ma bwaai aika riki inanora nakon ake a noraki irouia aomata. Ao ngkana ti aki kaota te nanoanga nakoia naake a kainnano, bon “akea bonganan ara tataro, ao e aki … manena” (Aramwa 34:28). Ae kakawaki riki, ti tataro bwa iai ara onimaki iroun Iesu Kristo, are e anga kaboan maiura rinanon Ana “anga karea ae akea tiana ao akea tokina” (Aramwa 34:10). Te onimaki anne, e kabwarabwaraa Aramwa, e roko man te nanorinano ao n te “tangira ni kakoaua” (Aramwa 32:27). Inanon te tai, ma teimatoan kakorakora, e na ribu inanora ana taeka te Atua ni karokoa e rik bwa “te kai ae bwebwerake nakon te maiu ae aki totoki” (Alma 32:41).
Iango ibukin Reiakinana n te Mweenga ao n te Taromauri
I kamwakura te onimaki iroun Iesu Kristo man unikan ao karikirakean Ana taeka inanou.
Ngkana ko wareka Aramwa 32:17–43, tarai taeka ao kibu n taeka aika a na buokiko n ataia bwa ko na kanga ni kamwakura te onimaki iroun Iesu Kristo. Tera ae ko reiakinna bwa tera te onimaki ao tera ae tiaki te onimaki?
Te anga teuana ni kamatebwaia Aramwa 32 bon korean tamnei ake a tei ibukin kiibu n taeka aika a kakaokoro n rikiraken te koraa. Imwiina koroi taekan taamnei n tatabeua ma taeka man Aramwa 32:28–43 ae na buokiko ni kaotako n aron unikan ao kamwarakean ana taeka te Atua inanom.
Nakoia kaain Tioromwaite ake aki koaua ibukin ana koaua Aramwa iroun Iesu Kristo, e taekinna Aramwa bwa te “kakatai” (taraa Alma 32:26). Te kakatai e kainnanoa te nano ae korakora, te ingainga n nano, te mwakuri, ao tao te onimaki teutana—ao a kona ni kairi nakon te kukune ae kamiimi! Iangoa taekan te kakatai ae ko a tia n nooria ke ni iira buakona. Ni kaineti nakon Aramwa 32:26–36, te aekaki ni kakatai tera ae kona ni kairiiri nakon te onimaki iroun Iesu Kristo?
Ko na kanga ni “kakatai” n ana taeka te Atua ao n ataia bwa e tamaroa te taeka”? (Aramwa 32:28).
I kona n taromauria te Atua n te tataro, n te tai ao n te tabo ae aki akaka.
Aia reirei Aramwa ao Amureki ibukin te taromauri ao te tataro e nanonaki ni kaetakin te aki ota raoi irouia Tioramwaite. Iangoia ni korei ni karinanii (taraa Aramwa 31:13–23). Irarikin are ko korei, ko kona ni karaoa rinanin koaua ibukin te tataro n Aramwa 33:2–11 ao 34:17–29. A na kanga bwaai aika ko reiakin man kiibu aikai n roota aron am tataro ao arom n taromauri?
Ko kona naba ni kunei nonoori man anene n taromauri ibukin te tataro, n aron “Sweet Hour of Prayer” (Anene n taromauri, nambwa. 142).
Kunea bwa iraua te tai ae kabonganai taeka Amureki ae akea tiana ao akea tokina ni kabwarabwara ana mwakuri ni kamaiu te tia Kamaiu n Alma 34:9–14. Bukin tera e kakaawaki bwa tina ata taekan Ana mwakuri ni kamaiu te tia Kamaiu ae akea tiana ao akea tokina? Kakaei taeka ao kiibu n taeka ni kiibu aikai are a kabwarabwara naba ana Mwakuri ni kamaiu te tia Kamaiu: Ebera 10:10; 2 Nibwaai 9:21; Motiaea 3:13.
E ngae ngke ti ataa mwaakan Iesu ni kamaiu bwa akea tiana ao tokina, ti kona n taai tabetai n nano uoua bwa e kaineti nakoira—ke nakoia temanna are e a tia ni bure nakoira. E taetae n te taina Unimwaane David A. Bednar taekaia aomata ake a “taraa n iai aia onimaki iroun te tia Kamaiu, ma a aaki kakoauaa Ana kakabwaia are e beritanna bwa e na tauraoi nakoia” (“If Ye Had Known Me,“ Riaona, Nobembwa. 2016, 104). Tera ae konaa n tukiira man karekean ni koaua mwaakan te tia Kamaiu? Iangoia raoi bwa ko na kanga n ataia bwa ana mwakuri ni kamaiu Iesu Kristo akea tiana ao akea tokina.
Ni iangoia raoi mwaitira kainanoan ana Mwakuri ni kamaiu te tia Kamaiu, e na kona n ibuobuoki iangoan te bwai teuana ae ko kainnanoia ni katoabong. Titirakiniko, “E na tera aron maiu ngke arona bwa akea aio?” Imwiina, n am kamatebwai n Aramwa 34: 9–16, iangoia raoi bwa e na tera aron maium n akean Iesu Kristo. Ko kona ni kunei atatai tabeua n 2 Nibwaai 9:7–9. Ko na kanga n kakimototoa Aramwa 34:9–10 n teuana te kibuntaeka?
Taraa naba Michael John U. Teh, “Ara Tia Kamaiu ae Onoti,” Riaona, Meei 2021, 99–101; Gospel Topics, “Atonement of Jesus Christ,” Gospel Library; “Reclaimed” (video), Gospel Library.
Iangoia bwa ko tangiria ni ira te biri ae abwabwaki ke te kamataku n te anene. Tera ae e na riki ngkana ko tataninga ni karokoa te bong are e nang waaki iai bwa ko nang katauraoi? E kangaa te katooto aio n irekereke nakon ana kauring Amureki n Aramwa 34:32–35? Tera kakamaakun karimwiian ara konaa n raira n nano ao ni bitaki?
Kibu 31 iai naba iai rongorongoia aomata ake a tia n raraoma bwa a tia ni taotaoni ao ni karimwiia aia tai n raira n nano. Tera ae ko na taekinna ibukin te rongorongo anne?
E kona n reireinai te Uea ngkana I rineia bwa N na nanorinano.
Aramwa ao Amureki a tokanikai n reireiniia tenaan Tioromwaite ake a nanorinano. Tera ae nanonaki bwa ko na nanorinano? Buokiia ami ataei bwa a kakaea nanon nanorinano n Bwai ni Kairi nakon Koroboki aika Tabu. Tera riki tenaan kairi iango ibukin nanon taeka aikai ae a kona ni kunei inanon Aramwa 32:13–16? Kaoia natimi bwa a na kabwanina te kibuntaeka n aron “I nanorinano ngke I .”
Au koaua iroun Iesu Kristo e rikirake ngkana I ribanaia.
Taian koraa, aroka, ao uaanikai bon baika a kai kinaaki aika a kona ni buokiia ataei n oota n reirei n aron te onimaki ao te koaua. Tuangiia ami ataei bwa a na taua te koraa n am tai ni wareka Aramwa 32:28. Ko kona ngkanne n tuangiia bwa a na buokiko ni iangoi kawai bwa karikirakean te kakoaua iroun Iesu Kristo kaanga ai aron unikan ao ribanaan te koraa (taraa “Mwakoro 29: Aramwa e Reirei iaon te Kokoaua ao Ana Taeka te Atua,” Karaki n Ana Boki Moomon, 81). Tao ko kona n unika am koraa ao n marooroakina taekana bwa tera ae kainanoaki ni buoka te koraa—ke te kakoaua—ae rikirake.
Tamnein te kai e kaairaki ma te kamataata aei; ko kona ni kabongana ni kamataata ana taeka Aramwa n Aramwa 32:28–43. Ke ko kona n nakonako ni kakaei aroka aika a kakaokoro rikirakeia ao wareki kiibu man Aramwa 32 are e kabotaua te aroka ae rikirake ma ara koaua. Ke tao a kona ami ataei ni korea te aroka iaon te burakibooti ao korea te baanikai ke te uanikai ni katoaa te tai are a iangoa te bwai teuana ae a konaa ni karaoia ni buoka ni karikirakea aia koaua iroun Iesu Kristo.
Ko kona n kairiia am ataei bwa ana kataia ni karina te koraa (tei ibukin ana taeka te Atua) inanon te atibu (tei ibukin te nano ae kamoamoa) ao n te tano ae maraurau (tei ibukin te nano ae nanorinano). Ikotaki ni wareka Aramwa 32:27–28. Marooro bwa tera nanon ni “karekea nnen teutana” (verse 27) ibukin ana taeka te Atua inanora.
Koroi tamnei. Tabeman aomata a reiakina raoi te reirei ngkana a korea te taamnei n te bwai are a reiakinna. A na kona ni kukurei ami ataei ni korea te koraa ae rikirake bwa te aroka ngkai a kamatebwaia Aramwa 32.
I kona n tataro nakon Tamau are i Karawa n te tai ae e aki baaireaki, ibukin bwaai nako.
Buokia natimi bwa a na kunei kiibu n taeka ae kabwarabwarai taabo ae ti kona n tataro iai (n Aramwa 33:4–11) ao n bwaai ake ti konaa n tataro ibukiia (n Aramwa 34:17–27). Tao a kona ni korea taamneia n tataro n taabo akanne. Tibwaia i marenami te bwai are kam rinanona ngke e ongo ami tataro Tamami are i Karawa. Ko kona naba n anenea te anene n tataro, n aron “A Child’s Prayer” (Aia Boki n Anene Ataei,12–13).
Ibukin iango riki tabeua, taraa te beeba ni kaongora n te namwakaina aio n te Te Rao maekatiin.
Tamnei
te uaa iaon te kai
“Ao ibukin ami botumwaaka ma ami onimaki ma ami taotaonannano nakon te taeka ni kamwarakeana, … nooria, n te tai ae aki maan kam na kinika uaana, are bon moan te kakawaki” (Aramwa 32:42).
