Iaretaite a kitana Babera, iroun Albin Veselka

Nobembwa 11-17: “Raeuaka Rabunan te Ataibwai”

Ita 1–5

Ngkai e bon koaua bwa a rietaata riki aron te Atua nakon nanora ao ti riai n tainako ni kaetii nakon Ana kantaninga, E kaungaira naba bwa ti na iango ao ni mwakuri i bon ibukira. Anne te reirei teuana are a reiakinna Iareta ma tarina. Te katooto, te iango ni mwananga nakon te aba ae boou bon “te aba riki ae rine iaon te aba ni kabuta” e taraa ni moanaki n ana iango Iareta, ao te Uea “ e nanoangaia” ao e berita bwa e na karekea te bubuti, n taekinna, “Ao N na karaoa aio nakoim ibukin maanin te tai are ko tang iai nakoiu” (taraa Ita 1:38–43). Ao ngke tarin Iareta a namakina te rotongitong inanon te kaibuke are e na uotiia nakon te aba ni berita, te Uea e titiraki te titiraki ae ti taneiai n titirakinna: “Tera ae ko tangiria bwa N na karaoia?” (Ita 2:23). E tangiria bwa e na ongo ara kantaninga ao ara iango, ao E na kakauongo ao n anga Ana kamatoa ke e na reireiniira. N tabetai te bwai ae kamaenakoira man kakabwaia aika ti ukoukori bon oin ara “taratara n te aki koaua,” ao ngkana ti kona n “raeuaka rabunan te ataibwai” (Ita 4:15), ti na rangi ni miimi n te bwai ae na karaoia te Uea ibukira.

Taraa naba “The Lord Appears to the Brother of Jared” (witeo), Gospel Library.

Iango ibukin Reiakinana n te Mweenga ao n te Taromauri

Ita 1:33–43

Ngke I tang nakon te Uea, E na iai Ana nanoanga irou.

Ita 1:33–43 e taekin ana tataro tarin Iareta ake teniua. Tera ae ko reiakinna man ana kaeka te Uea nakon tataro aikai n tatabeua nako? Iangoa te tai ngke ko a tia n rinanon ana nanoanga te Uea ngke ko tang nakoina n te tataro. Ko na bae n tangiria ni korea mwiin te taneiai aei ao n tibwauaia ma temanna ae kainnanoia ni kan ongora am koaua.

Taraa naba “Secret Prayer,” Boki n Anene, nambwa. 144.

Ita 2; 3:1–6; 4:7–15

I kona ni karekea te kaotioti ibukin maiu.

E taku Beretitenti Russell M. Nelson: “I bubuti ngkami ni kakorakorai ami konabwai n tamnei ni karekea te kaotioti. … Rineia bwa ko na karaoa te mwakuri n tamnei ae kainnanoaki ni kakukureiko n ana bwaintituaraoi te Tamnei ae Raoiroi ao n ongo bwanaan te Tamnei n tainako ao n ae itiaki” (“Te Kaotioti ibukin te Ekaretia, Te Kaotioti ibukin Maiura,” Riaona, Meei 2018, 96).

Ngkai ko kamatebwaia Ita 2; 3:1–6; 4:7–15, tera ae ko reiakinna iaon “te mwakuri n tamnei” are e taekinna Beretitenti Nelson? Ko kona ni mwakenna n teuana te kara te titiraki ke tabeaiangan tarin Iareta ao tera ae karaoia ibukiia, ao n te kara riki teuana mwakenna bwa e kanga te Uea ni buokia ao ni karika Ana kantaninga bwa e na ataaki.

Aikai tabeua titiraki bwa kona iango ngkai ko kamatebwai:

• Tera ae kaungako ibukin te kawai are te Uea e kaekaa ana titiraki tarin Iareta inanon Ita 2:18-25?

• Kona kangaa ni kabonganaa Ita 3:1-5 ni buoka temanna are e reireinna n tataro?

• Tera ae e totokoiko man karekean kaotioti mairoun te Uea? (taraa Ita 4:8–10). Kona kangaa ni karekei kaotioti mairouna n taainako? (taraa Ita 4:7, 11-15).

• Tera n am iango nanon “raeuaka rabunan te ataibwai” inanon maium” (Ita 4:15).

Tera riki ae ko reiakinna mairoun tarin Iareta iaon oin am kaotioti?

Unimwane Dale G Renlund e reirei taekan “A Framework for Personal Revelation” (Riaona, Nob. 2022, 16–19). Iangoa korean tamnein ao korobokian aua mwakoron tamnein te kateitei n tatabeua nako. Ena kangaa te tamnei aei ni buokiko ni karikirakea am atatai iaon karekean kaotioti?

Tarai naba Gospel Topics, “Personal revelation,” Gospel Library.

Ita 2:14–15; 3:1–20

Rinanon Ana tai ni boaira, e kaoira te Uea bwa ti na rairii nanora ao n Nakoina.

N aron naba te burabeti ae korakora are tarin Iareta e kaetaki naba arona iroun te Uea. Tera ae ko reiakinna man kiibu aikai Ita 2:14–15 ibukin ana mwakuri te Uea ni boaira? Iangoia bwa kangaa te Uea ni kaeta aron temanna ao ana kaeka tarin Iareta are e na tia ni buokia iai n aron te bwai are e a tia n rinanona inanon Ita 3:1–20.

Ita 2:16–25

Te Uea e na katauraoai n rinanon au “kanganga ae korakora.”

Ao n tabetai, n aron te kaangaanga ibukiia n rinanon oin ara “marawa ae korakora” ti te kawai ni kakoroan nanon te Atua ibukira. Ko noori aekakin aikai inanon maium n Ita 2:16–25? E kanga te Uea ni katauraoiko ibukin am kangaanga? Tera te bwai ae E na titirakiniko bwa ko na karaoia ni katauraoiko ibukin te bwai ae E kainnanoiko bwa ko na karaoia n taai aika a na roko?

Taraa naba L. Todd Budge, “Consistent and Resilient Trust,” Riaona, Nobembwa 2019, 47–49.

Kataneiaiko ni bwaai ake ko reiakin. Kamatebwaian te euangkerio e kaungaira bwa tina bitii maiura. Imwiin warekan Ita 4:11–12, kona konaa ni korei tabeua bwaai aika a rootiko ni maeum ao n taraia raoi bwa a kairoroiko nakon karaoan ae e raoiroi. Tera taian bitaki ae ko namakinna ake ko tangiria ni karaoia?

Ita 5

Taan kakoaua a taekina koauan Ana Boki Moomon.

Ngkai ko wareka ana taetae ni burabeti Moronaai inanon Ita 5, iangoia raoi bwa tera bukina ngkai te Uea e katauraoia taan kakoaua aika mwaiti n ana Boki Momoon. Tera kakoaua ake a kaungako bwa Ana Boki Moomon bon ana taeka te Atua? E kangaa ana Boki Momoon ni kaota nakoim “korakoran te Uea ao ana taeka naba”? (Ita 5:4).

Iango ibukin Reiakinaia Ataei

Ita 1:33–37; 2:16–25; 3:1–6

Te Tama are i Karawa e ongo ao e kaekai au tataro.

• Ngkana ko ataa te taetae teuana ao aaki ataia am ataei, anganiia te kawai ae bebete nakon ataakin te taetae anne (ke katanga te rawerawe n te taetae teuana). Ko konaa ni kabongana aei ni kabwarabwara bwa e aera tarin Iareta e tataro ibukin buokana inanon Ita 1:33-37. Katuruturua bwa aekakira ana namakin te Uea n te tataro aei ao e kangaa ni kaeka (taraa naba “Mwakoro 50: The Jaredites Leave Babel,” Book of Mormon Stories, 143–44).

• Ana konaa ni karaoa te bwaati am ataei inanon am tai ni wareka Ita 2:16–17. Ao ngkanne ngke ma am ataei kam na kona ni wareka rongorongon te kanganga are e reke nakoia Iaretaite ma aia bwaati (taraa Ita 2:19) ao kawai aika kakaokoro are e kaekaa iai ana tataro tarin Iareta te Uea (taraa Ita 2:19-25; 3:1–6). Te tamnei aei ao te iteraniba ibukin te waaki ni kakukurei ae e mena n tokin te kabwarabwara aei e kona ni buokiko ma am ataei n tuangako te karaki aei. Tera ae ti reiakinna mairoun tarin Iareta ibukin te tataro? Tibwaua te bwai ae ko a ti n rinanona ike ko tataro iai ibukin te ibuobuoki ao e buokiko Tamara are i Karawa.

Ita 3:6–16

I karikaki ni katotongan te Atua.

• Ngkai ko rikirake, am ataei a na kaitara ma rongorongo aika a kewe ibukin te Atua, ngaiia, ao rabwataia n aomata. Ko na bae n tuangiia bwa a na kakaea koauan rongorongo aikai inanon Ita 3:6–16. Ni katurutura koauan baika a reiakinaki inanon Ita 3:13, 15, kaota tamnein te Tia Kamaiu, ao kaoiia ataei bwa a na kotei mwakoron Rabwatana aika kakaokoro. Imwiina ao ana manga kotei bwain rabwataia naba n aekakina naba. Uaia n anenea te anene ae e kaineti ma atuun te reirei aei, n aron “The Lord Gave Me a Temple” (Aia Boki n Anene Ataei, 153). Ko kona ni maroroakina kukureimi ibukin rabwatami ngkoe ma am ataei.

Ti karikaki ni katotongan te Atua

Ita 5

Taan kakoaua aika teniman a kaota aia koaua ibukin ana Boki Moomon.

• Moronaai E taetae ni burabetia bwa taan kakoaua aika teniman a na buoka kaotan koauan ana Boki Moomon. N reirei bwa tera te tia kakoaua, titirakiniia am ataei bwa a na kabwarabwara te bwai ae a tia n noria ke n rinanona ae aaki noria ake tabeman. Ngkana kam wareka Ita 5 ikotaki, maroroakinna bwa bukin tera e kabonganaia taan kakoaua te Uea n Ana mwakuri. Ko konaa naba n tibwauaia nakoia n tatabemaniia nako bwa ko kangaa n ataa ana Boki Momoon bwa e koaua ao kona kangaa n tibwaua am kakoaua ma tabeman.

Ibukin iango riki tabeua, taraa te beeba ni kaongora n te namwakaina aio n te Te Rao maekatiin.

Ko Noora Riki ae Mwaiti Nakon Aei?, iroun Marcus Alan Vincent