Disiembre 30–Enero 5: “Agtultuloy ti Naikari a Pannakaisubli”

Ti Pannakaisubli ti Pakabuklan ti Ebanghelio ni Jesucristo

Kasano ti panangrambakmo iti maika-200 nga anibersario ti maysa a pasamak a nangbalbaliw iti lubong? Dayta ti saludsod nga inut-utob ti Umuna a Panguluen ken Korum dagiti Sangapulo-ket-dua nga Apostol bayat ti yaasideg ti Abril 2020, a mangrambak iti maika-200 a tawen manipud iti Umuna a Parmata ni Joseph Smith. “Pinanunotmi no rumbeng a maibangon ti maysa a monumento,” nalagip ni Presidente Russell M. Nelson. “Ngem bayat ti panangibilangmi iti naidumduma a napnuan pakasaritaan ken sangalubongan nga epekto dayta Umuna a Parmata, nariknami a naay-ayokami a mangparnuay iti monumento a saan a granito wenno bato ngem dagiti balikas … , saan a maikitikit kadagiti ‘taptapi a bato’ ngem maikitikitda kadagiti taptapi a naglasag’ ti puspusotayo [2 Taga Corinto 3:3]” (“Hear Him,” Liahona, Mayo 2020, 90).

Ti monumento dagiti balikas a pinartuatda ket napauluan iti “Ti Pannakaisubli ti Pakabuklan ti Ebanghelio ni Jesucristo: Maysa a Waragawag iti Lubong para iti Maika-200 a Tawen nga Anibersario.” Dayta ti monumento saan laeng a ti Umuna a Parmata no di pay ket iti amin nga inaramid ni Jesucristo—ken ar-aramidenna pay laeng—manipud idin. Nangrugi ti Pannakaisubli ti ebangheliona idi immasideg ti maysa a tao iti Dios ken dimngeg Kenkuana. Agtultuloy dayta iti kasta met laeng a wagas: maysa a puso, maysa a sagrado a padas iti tunggal gundaway—agraman ti padasmo.

Dagiti Kapanunotan iti Panagsursuro iti Pagtaengan ken iti Simbaan

“Ay-ayaten ti Dios dagiti annakna iti tunggal pagilian ti lubong.”

Iti opinionmo, apay a mangrugi ti maysa a waragawag maipapan iti Pannakaisubli iti maysa a palawag maipapan iti ayat ti Dios? Bayat ti panangadalmo iti waragawag, sapulem dagiti panangipeksa ti ayat ti Dios para kadagiti “annakna iti tunggal pagilian iti lubong.” Kasano a natulongannaka ti Pannakaisubli ti ebanghelio a makarikna iti ayatna?

Kitaen met iti Gerrit W. Gong, “All Nations, Kindreds, and Tongues,” Liahona, Nob. 2020, 38–41.

Nangrugi ti Pannakaisubli babaen ti sungbat iti maysa a saludsod.

Mabalin a makuna nga inrugi ti Mangisalakan ti Pannakaisubli ti ebangheliona babaen ti panangsungbatna iti maysa a saludsod. Ania a mensahe ti mariknam nga adda iti waragawag ti Pannakaisubli para iti maysa a tao nga addaan kadagiti saludsod maipapan iti Dios, ti ebanghelio, wenno “ti pannakaisalakan ti kararuana”? Mabalinmo pay nga adalen ti Joseph Smith—Pakasaritaan 1:5–20 tapno makitam no ania ti masursurom ken ni Joseph Smith maipapan iti panagsapul kadagiti sungbat dagiti saludsod iti ebanghelio.

Kitaen met iti Topics and Questions, “Seeking Answers,” Gospel Library.

Detalye manipud iti Ti Tarigagay ti Pusok, ni Walter Rane

Impasdek ni Jesucristo ti Simbaanna.

Ania ti ammom maipapan iti “Simbaan ni Jesucristo iti Baro a Tulag,” nga insubli ti Mangisalakan babaen ken ni Joseph Smith? Ibilang ti panangadal kadagitoy a nasantuan a kasuratan ken panangilista iti sumagmamano a tampok ti Simbaanna:

• Mateo 16:15–19

• Marcos 16:15–18

• Lucas 6:12–13

• Dagiti Aramid 4:34–35

• 1 Taga Corinto 15:29

• Taga Efeso 4:11–15

Kalpasanna, mabalinmo nga iparis dagiti nasantuan a kasuratan iti ngato kadagiti adda iti baba, a mangiladawan no kasano nga insubli ni Jesucristo dagita a tampok ti Simbaanna babaen ken ni Joseph Smith:

• Doktrina ken Katulagan 18:37–38; 107:23–24

• Doktrina ken Katulagan 51:3; 70:14

• Doktrina ken Katulagan 84:64–72

• Doktrina ken Katulagan 110:11–16

• Doktrina ken Katulagan 124:31, 36

• Pagannurotan ti Pammati 1:6

Apay nga agyamanka iti Pannakaisubli ti ebanghelio ni Jesucristo?

Naminsan pinadas ni Elder Jeffrey R. Holland ken ti asawana a mangpanunot no kasano koma ti riknada nga agbibiag sakbay a naisubli ti Simbaan. “Ania ti tarigagayantayo nga adda koma kadatayo?” sinaludsodda iti bagbagida. Basaen maipapan iti padpadasda iti “A Perfect Brightness of Hope” (Liahona, Mayo 2020, 81–82). Kasano a natulongannaka ti Pannakaisubli a mangipatungpal kadagiti naepirituan a namnamaem?

Kitaen met iti Topics and Questions, “Apostasy and the Restoration of the Gospel,” Gospel Library.

“Agtultuloy ti naikari a Pannakaisubli.”

Napanunotmo kadin ti bagim a kas paset ti Pannakaisubli ti ebanghelio? Ibilangmo dagitoy a balikas manipud ken ni Presidente Dieter F. Uchtdorf: “No dadduma panunotentayo ti Pannakaisubli ti ebanghelio kas maysa a banag a naan-anay, nga addan iti likudantayo. … Kinapudnona, agtultuloy a proseso ti Pannakaisubli; agbibiagtayo iti dayta itan” (“Are You Sleeping through the Restoration?,” Liahona, Mayo 2014, 59).

Bayat ti panagsaganam a mangadal no kasano a naisubli ti ebanghelio idi dekada 1800, mabalinmo a rugian babaen ti panangutob no kasano a naisubli daytoy iti biagmo. Basaen ti waragawag ti Pannakaisubli a pamapanunoten dagiti saludsod a kas kadagitoy: Kasano a naammuak a pudno daytoy? Kasano a makiramanak iti Pannakaisubli iti agdama?

“Nakalukat dagiti langit.”

Ania ti kayat a sawen kenka ti ragup ti balikas a “nakalukat dagiti langit”? Ania nga ebidensia ti makitam—iti waragawag ti Pannakaisubli, iti Simbaan ita, kadagiti nasantuan a kasuratan, ken iti biagmo—a pudno a silulukat dagiti langit?

Mabalinmo nga iraman ti “The Morning Breaks” (Hymns, no. 1) kas paset ti panagadalmo. Ania ti masarakam iti daytoy a himno a mangnayon iti pannakaawatmo iti ragup ti balikas a “silulukat dagiti langit”?

Kitaen met iti Quentin L. Cook, “The Blessing of Continuing Revelation to Prophets and Personal Revelation to Guide Our Lives,” Liahona, Mayo 2020, 96–100.

Aggigiddan nga agsursuro. Inawisnatayo ni Presidente Nelson a “mangadal iti [waragawag iti Pannakaisubli] nga agmaymaysa ken kaduatayo dagiti miembro ti pamilia ken gagayyem[tayo]” (“Hear Him,” 92). Ibilangmo no kasano a mairamanmo dagiti dadduma iti panagadalmo.

Para iti ad-adu pay a kapanunotan, kitaen dagiti isyu ti magasin a Liahona ken Para iti Pigsa dagiti Agtutubo iti daytoy a bulan.

Dagiti Kapanunotan para iti Panangisuro kadagiti Ubbing

“Sipapasnek nga iwaragawagmi.”

• Bayat ti panangbasayo kadagiti paset ti waragawag ti Pannakaisubli kadagiti annakyo (wenno buyaenyo ti video ni Presidente Nelson a mangbasbasa iti daytoy), tulongan ida a mangbirok kadagiti binatog a mangrugi kadagiti ragup ti balikas a kas iti “iwaragawagmi,” “ipakdaarmi,” wenno “paneknekanmi.” Ania dagiti kinapudno nga ipakpakdaar dagiti propeta ken apostoltayo? Nalabit mabalinyo ken dagiti annakyo ti mangibinglay kadagiti bukodyo a pammaneknek maipapan iti sumagmamano kadagitoy met laeng a kinapudno.

  The Restoration of the Fulness of the Gospel of Jesus Christ

  President Russell M. Nelson, with the First Presidency and Quorum of the Twelve Apostles, makes a bicentennial proclamation on The Restoration of the Fulness of the Gospel of Jesus Christ.

“Ni Joseph Smith … addaan kadagiti saludsod.”

• Mabalin a makapainteres kadagiti annakyo a mangsukisok iti sumagmamano kadagiti saludsod ni Joseph Smith a nangiturong iti Pannakaisubli ti ebanghelio ti Mangisalakan. Tulonganyo ida a mangsapul iti sumagmamano a pagarigan iti Joseph Smith—Pakasaritaan 1:10, 29, 68. Kasano a mabendisionantayo ita nga aldaw gapu ta sinungbatan ti Dios dagiti saludsod ni Joseph Smith?

• Mabalinmo met nga ikkan dagiti annakmo iti gundaway nga agsarita maipapan kadagiti saludsod nga adda kadakuada. Ania ti masursurotayo manipud ken ni Joseph Smith maipapan iti no kasano ti agsapul kadagiti sungbat? Joseph Smith—Pakasaritaan 1:8–17; kitaen met dagiti berso 3 ken 4 ti “This Is My Beloved Son,” Children’s Songbook, 76).

“Immay dagiti nailangitan a mensahero a mangbilin ken ni Joseph.”

• ”Siasino dagiti “nailangitan a mensahero [nga] immay a mangbilin ken ni Joseph”? Mabalin a magustuan dagiti annakyo a mangsapul kadagiti ladawanda iti Libro ti Arte ti Ebanghelio (kitaen dagiti bilang 91, 93, 94, 95). Kasano a timmulong ti tunggal maysa kadagitoy a mensahero a “mangipasdek manen iti Simbaan ni Jesucristo”? Insingasing dagiti nasantuan a kasuratan iti panid ti aktibidad iti daytoy a lawas a makatulong kadagiti annakyo a mangsungbat iti daytoy a saludsod.

Insubli ni Jesucristo ti Simbaanna.

• Kasano a matulongam dagiti annakmo a makaawat no ania ti kaipapanan ti pannakaisubli ti Simbaan ti Mangisalakan? Mabalin a mangbangonda iti maysa a simple a torre nga addaan kadagiti bloke wenno kopa ket “isubli,” wenno ibangonda manen, daytoy. Wenno, no nasken a sukatan dagiti annakmo ti maysa a banag gapu ta napukaw wenno nadadael daytoy, mabalinmo nga idilig dayta a padas iti panangisubli ti Mangisalakan iti Simbaanna. Tulongam ida a mangsapul kadagiti masinunuo a banag a nadakamat iti waragawag ti Pannakaisubli nga insubli ti Mangisalakan.

“Nakalukat dagiti langit.”

• Tapno mailadawan no ania ti kaipapanan ti ragup ti balikas a “nakalukat dagiti langit,” nalabit mabalinmo nga ibinglay ti mensahe kadagiti annakmo, umuna iti likudan ti nakaserra a ridaw ken kalpasanna babaen ti nakalukat a ridaw. Pagsisinnublaten pay ida a mangibinglay iti maysa a mensahe. Ania dagiti adda a mensahe ni Jesucristo para kadatayo? Ania dagiti padas a nakatulong kadatayo a mangammo a nakalukat dagiti langit kadatayo?

Para iti ad-adu pay a kapanunotan, kitaen iti isyu ti magasin a Friend iti daytoy a bulan.