“Kukadzi 17–23: ‘Panemi Vamwe Vangu Varanda’: Dzidziso neZvibvumirano 12–17; Joseph Smith—Nhoroondo 1:66–75,” Huyai, Munditevere—Bhuku reKumba uye kuChechi: Dzidziso neZvibvumirano 2025 (2025)
“Dzidziso neZvibvumirano 12–17; Joseph Smith—Nhoroondo 1:66–75,” Huyai, Munditevere—Bhuku reKumba uye kuChechi: 2025
Rwizi rweSusquehanna pedyo neHarmony, Pennsylvania
Kukadzi 17–23: “Panemi Vamwe Vangu Varanda”
Dzidziso neZvibvumirano 12–17; Joseph Smith—Nhoroondo 1:66–75
Vanhu vazhinji napanyika pose pamwe havasati vambonzwa nezve Harmony, Pennsylvania. Ishe kazhinji vanosarudza nzvimbo dzakaninipa kuti zviitiko zvinokoshesesa muumambo Hwavo zviitike. Munzvimbo yaiva nemiti yakawanda pedyo neHarmony musi waChivabvu 15, 1829, Johane Mubhabhatidzi akazviratidza kuna Joseph Smith naOliver Cowdery. Akaisa maoko ake pamisoro yavo uye akagadza Hupirisita hwaAroni pavari, achivadaidza kuti “vamwe vangu varanda” (Dzidziso neZvibvumirano 13:1).
Johane Mubhabhatidzi aiva muranda aivimbwa naye waMwari uyo akabhabhatidza Muponesi uye akagadzira nzira yekuuya Kwake (ona Mateo 3:1–6, 13–17). Kuvarume vechidiki vaviri ava vaiva nemakore okumakumi maviri, zvinofanira kunge zvaiva zvaininipisa, pamwe kunyangwe kuva zvinovaremera, kudaidzwa kunzi varanda pamwepo naJohane. Panguva iyoyo, Joseph naOliver vaiva vasinganyanyi kuzivikanwa, sekusanyanyawo kuzivikanwa kwaiitwa Harmony. Asi kushandira mubasa raMwari kwakagara kuri pamusoro pokuti tinoshanda sei, kwete pamusoro pokuti ndiani anozviona. Zvisinei nokuti kubatsira kwako kunotaridzika pane dzimwe nguva kuva kudiki kana kusingaonekwi, iwewo uri mumwe muranda mubasa guru raIshe. (Dzidziso neZvibvumirano 14:1).
Mazano eKudzidza Kumba uye kuChechi
Dzidziso neZvibvumirano 12; 14
Ndinokwanisa kutora chinhanho “mubasa guru uye rinoshamisa” raMwari.
Joseph Knight naDavid Whitmer vose vaida kuziva kuti vangakwanisa kubatsira sei mubasa raIshe. Apo paunoverenga mhinduro yaIshe kwavari (Dzidziso neZvibvumirano 12; 14), funga pamusoro pezvazvinoreva kwauri “kuunza mberi uye kumisa chinangwa cheZioni” (12:6; onawo 14:6). Ndeipi misimboti uye hunhu hwakaita sehwaKristu zvaunowana muzvikamu izvi zvinokwanisa kukubatsira kuita izvi?
Onawo “The Knight and Whitmer Families,” muna Revelations in Context, 20–24.
Jesu Kristu akatuma Johane Mubhabhatidzi kuzodzorera Hupirisita hwaAroni.
Johane Mubhabhatidzi akadaidza Joseph Smith naOliver Cowdery kuti “vamwe vake varanda”. Unofunga kuti zvinorevei kuva muranda pamwepo naJohane Mubhabhatidzi? (ona Mateo 3:13–17; Ruka 1:13–17; 3:2–20).
Apo paunoverenga izvo zvakataurwa naJohane Mubhabhatidzi pamusoro peHupirisita hwaAroni muchikamu 13, fungisisa kuti makiyi ehupirisita uhwu anobatsira sei kuzadzikisa basa raJohane rokugadzirira nzira yaIshe. Semuenzaniso:
-
“Kushumira kwengirozi” chii? (ona 2 Nifai 32:2–3; Moronai 7:29–32; Nhungamiro kuMagwaro Matsvene, “Ngirozi,” Raibhurari yeVhangeri).
-
Chii chinonzi “vhangeri rorutendeuko”? (ona Dzidziso neZvibvumirano 84:26–27).
Zvisungo zveHupirisita hwaAroni (zvakaita serubhabhatidzo nesakaramende) zvinobatsira sei kugadzirira nzira yokuti iwe ugamuchire Muponesi muupenyu hwako?
Chii chinonzi makiyi ehupirisita?
Gosa Dale G. Renlund nemudzimai wavo, Ruth, vakapa tsananguro iyi pamusoro pemakiyi ehupirisita:
“Shoko rokuti makiyi ehupirisita rinoshandiswa nenzira mbiri dzakasiyana. Yekutanga inoreva imwe kodzero kana mvumo inopuwa kune avo vose vanogamuchira Hupirisita hwaAroni kana hwaMerkizedeki. … Semuenzaniso, vane Hupirisita hwaAroni vanogamuchira makiyi ekushumira kwengirozi nemakiyi evhangeri regadziriro yerutendeuko neyerubhabhatidzo kuburikidza nekunyudzwa zvakazara kuitira ruregerero rwezvivi (ona Dzidziso neZvibvumirano 13:1; 84:26–27). Vane Hupirisita hwaMerkizedeki vanogamuchira kiyi yezvakavanzika zveumambo, kiyi yeruzivo rwaMwari, uye makiyi emaropafadzo ezvepamweya ose eChechi (ona Dzidziso neZvibvumirano 84:19; 107:18). …
“Nzira yechipiri inoshandiswa shoko rokuti makiyi ehupirisita inoreva hutungamiri. Vatungamiri vehupirisita vanogamuchira mamwezve makiyi ehupirisita, kodzero yekutungamirira chikamu chebato reChechi kana chikwata. Nenzira iyi, makiyi ehupirisita imvumo nesimba rekuraira, kutungamirira, nekutonga muChechi” (The Melchizedek Priesthood: Understanding the Doctrine, Living the Principles [2018], 26).
Joseph Smith Baptizes Oliver Cowdery [Joseph Smith Anobhabhatidza Oliver Cowdery], naDel Parson
Joseph Smith—Nhoroondo 1:66–75
Zvisungo zvinondipa mvumo kusimba raMwari.
Wakambozvibvunza here kuti zvingadai zvaizova zvakaita sei kuva naJoseph Smith naOliver Cowdery pazviitiko zvikuru zveKudzorerwa? Apo paunoverenga Joseph Smith—Nhoroondo 1:66–75, kusanganisira chinyorwa chiri kumagumo kwendima 71, unokwanisa kunzwisisa zvimwe zveizvo zvavainzwa. Chii chinokufadza pamusoro pamashoko avo? Cherechedza, kunyanya, maropafadzo avakagamuchira nokuda kwokuti vakagamuchira hupirisita uye vakabhabhatidzwa. Ndeapi maropafadzo awakapuwa neMuponesi kuburikidza nezvisungo zvehupirisita?
Kuti udzidze zvimwe zvakawanda, funga pamusoro pokunyora chati ine misoro yenyaya inoti Zvisungo uye Maropafadzo. Zvino unokwanisa kutsvaka magwaro matsvene akaita seaya kuti unyore mudorongodzwa wezvisungo nemaropafadzo zvinouya kubva paari: Johane 14:26; Mabasa AvaApositora. 2:38; Dzidziso neZvibvumirano 84:19–22; 131:1–4; Joseph Smith—Nhoroondo 1:73–74. Ndeapi mamwe maropafadzo aungawedzera kumudongorodzwa wacho? Zvisungo zvawakagamuchira zvakaunza sei simba reMuponesi muupenyu hwako?
Kuunza mweya kuna Kristu chinhu chakakosha zvikuru.
Wati wambozvibvunza here, sezvakaitwa naJohn naPeter Whitmer, kuti chii “chinozova chakakosha zvikurusa” muupenyu hwako? (Dzidziso neZvibvumirano 15:4; 16:4). Apo paunoverenga Dzidziso neZvibvumirano 15–16, fungisisa kuti sei kuunza mweya kuna Kristu chiri chinhu chakakosha zvikurusa kudaro. Zvii zvauri kuita kuti “uunze mweya” kuna Kristu?
Ishe vanoshandisa zvapupu kumisa shoko Ravo.
Chapupu chii? Sei Mwari vachishandisa zvapupu mubasa Ravo? (ona 2 Vakorinte 13:1). Fungisisa mibvunzo iyi apo paunoverenga mashoko aMwari kuZvapupu Zvitatu muDzidziso neZvibvumirano 17. (Onawo “Uchapupu hweZvapupu Zvitatu” muBhuku raMormoni.) Zvapupu zvinobatsira sei kuunza “zvinangwa zvakarurama” zvaMwari (ndima 4).
Chii chaunokwanisa kupupura nezvacho?
A Day for the Eternities
This film features the experiences of David Whitmer as Joseph Smith and Oliver Cowdery stay with his family in Fayette, New York, to finish the translation of the Book of Mormon.
Mazano eKudzidzisa Vana
Dzidziso neZvibvumirano 13; Joseph Smith—Nhoroondo 1:68–74
Johane Mubhabhatidzi akadzorera Hupirisita hwaAroni.
-
Mufananidzo uri muchidzidzo chino unokwanisa kubatsira vana vako kuona kudzorerwa kweHupirisita hwaAroni. Vangafarira here kudhirowa mufananidzo wechiitiko ichi, maererano nezvaunoverenga navo muna Joseph Smith—Nhoroondo 1:68–74?
2:20Chapter 6: Joseph and Oliver Are Given the Priesthood: May 1829
-
Unokwanisawo kuratidza mufananidzo waJohane Mubhabhatidzi apo pamunenge muchiverenga pamwechete Mateo 3:13–17; Joseph Smith—Nhoroondo 1:68–70. Sei zvakanga zvakakosha kuti Ishe vatume Johane Mubhabhatidzi kunopa Joseph Smith mvumo yehupirisita yokubhabhatidza?
Kugadzirira vana vako kuramba vari mugwara rechibvumirano raMwari kweupenyu hwose. Kuti uwane mamwe mazano ekubatsira vana vako kudzidza pamusoro pesimba, mvumo, nemakiyi zvehupirisita, ona chiwedzerwa A kana chiwedzerwa B.
Mufananidzo waJesu achibhabhatidzwa, naDan Burr
Baba Vokudenga vanondiropafadza kuburikidza neHupirisita hwaAroni.
-
Kukurudzira hurukuro pamusoro pemakiyi akataurwa muDzidziso neZvibvumirano 13, iwe nevana vako munokwanisa kutarisa pamurwi wamakiyi uye motaura pamusoro peizvo makiyi zvaanotibvumira kuita. Pamwe unokwanisa kuvabatsira kuwana shoko rokuti makiyi muchikamu 13. Ndeapi mamwe mashoko kana ndevo muDzidziso neZvibvumirano 13 zvinotsanangura maropafadzo eHupirisita hwaAroni? Vana vako vanokwanisawo kudoma nzira dzatinoropafadzwa nadzo naBaba Vokudenga kuburikidza nehupirisita muvhidhiyo inonzi “Blessings of the Priesthood (Maropafadzo eHupirisita” (Gospel Library).
Blessings of the Priesthood
The priesthood is the power of God, which is given to man to act in His name.
Dzidziso neZvibvumirano 15:4–6; 16:4–6
Kubatsira vamwe kuuya kuna Jesu Kristu “kkwakosha zvikurusa.”
-
John naPeter Whitmer vaida kuziva icho chaizova chakosha zvikurusa kwavari (ona Dzidziso neZvibvumirano 15:4; 16:4). Pamwe iwe nevana vako munokwanisa kutaura pamusoro pezvinhu zvakakosha zvikuru kwamuri. Apo pamunoverenga Dzidziso neZvibvumirano 15:6 kana 16:6, kumbira vana vako kuti vasimudze maoko avo pavanonzwa zvakanzi naIshe “zvakakosha zvikurusa.”
-
Zvinorevei “kuunza mweya kuna [Jesu Kristu]”? Batsira vana vako kuita mudorongodzwa wemazano , sekuva shamwari kune vamwe, kugoverana magwaro matsvene neshamwari, kana kunamatira mumwe munhu anoshaiwa. Vana vako vanokwanisa kutsvaka mifananidzo yezvinhu izvi mumagazini eChechi kana muBhuku reMifananidzo yeVhangeri. Kana kuti vanokwanisa kudhirowa mifananidzo yavo. Vakoke kuti vasarudze chimwe chinhu kubva kumudorongodzwa wayo icho chavanozoita.
Ndinokwanisa kuva chapupu cheBhuku raMormoni.
-
Mushure mokuverenga Dzidziso neZvibvumirano 17:5–6, udza vana vako maziviro aunoita kuti Bhuku raMormoni ndere chokwadi. Tinokwanisa kuva zvapupu zveBhuku raMormoni sei?
2:7Chapter 7: Witnesses See the Gold Plates: 1829–1830
Upon You My Fellow Servants (Panemi Vamwe Vangu Varanda), naLinda Curley Christensen