கெத்சமனேயின் பாதையிலிருந்து விளக்கம் - சைமன் டீவி

மார்ச் 3–9: “என்னிடமிருந்து கற்றுக் கொள்”

கோட்பாடும் உடன்படிக்கைகளும் 19.

பல்மைரா, நியூயார்க்கில், மார்ட்டினுக்கும் லூசி ஹாரிஸூக்கும் பல வருஷங்கள் ஆயின, ஒரு நேர்த்தியான பண்ணையை வாங்குவதற்கு. ஆனால் 1829ல், அச்சிடுபவருக்கு பணம் செலுத்த, மார்ட்டின் தனது பண்ணையை அடமானம் வைத்தால் மட்டுமே, மார்மன் புஸ்தகம் வெளியிடப்பட முடியுமென்பது தெளிவானது. மார்மன் புஸ்தகத்தைப்பற்றி மார்ட்டினுக்கு ஒரு சாட்சியிருந்தது, ஆனால் லூசிக்கு இருக்கவில்லை. மார்ட்டின் அடமானம் வைக்க முன்வந்து, மார்மன் புஸ்தகம் நன்கு விற்பனையாகாவிட்டால், அவர் தன் பண்ணையை இழக்க நேரிட்டு, தன் திருமண உறவில் சிக்கல் ஏற்பட்டு, அது சமூகத்தில் அவருடைய நற்பெயரை சீர்குலைக்கும். நம்முடைய சூழ்நிலைகள் மார்ட்டினிலிருந்து வேறுபட்டிருந்தாலும், ஒரு சமயம் அல்லது மற்றொரு சமயத்தில் நாம் அனைவரும் அவர் எதிர்கொண்டது போன்ற கடினமான கேள்விகளை எதிர்கொள்கிறோம்: இயேசு கிறிஸ்துவின் சுவிசேஷத்தால் எனக்கு என்ன மதிப்புள்ளது? தேவனுடைய ராஜ்ஜியத்தைக் கட்டுவதற்குதவ எதை தியாகம் செய்ய நான் விருப்பமுடையவனாயிருக்கிறேன்? மார்ட்டின் ஹாரிஸ் இறுதியாக தனது பண்ணையை அடமானம் வைப்பதாக முடிவு செய்தார், அதனால் மார்மன் புஸ்தகத்தின் முதல் 5,000 பிரதிகள் அச்சிடப்பட்டன. ஆனால், மனந்திரும்பியவர்களைக் காப்பாற்ற ஒவ்வொரு துவாரத்திலிருந்தும் இரத்தம் வடிந்த இயேசு கிறிஸ்துவின் “சகலத்திற்கும் மேலான” (கோட்பாடும் உடன்படிக்கைகளும் 19:18) தியாகத்துடன் ஒப்பிடுகையில், இந்த தியாகமும், நாம் செய்யும் எந்த தியாகமும் சிறியது.

மார்மன் புஸ்தகத்தின் வெளியீட்டைப்பற்றி கூடுதல் தகவலுக்கு, Saints, 1:76–84 பார்க்கவும்.

வீட்டிலும் சபையிலும் கற்றுக்கொள்வதற்கான ஆலோசனைகள்

கோட்பாடும் உடன்படிக்கைகளும் 19:1–12

“தேவனாகிய நான் முடிவற்றவர்.”

ஜோசப் ஸ்மித், பாகம் 19 இல் உள்ள வெளிப்பாடு “மார்ட்டின் ஹாரிஸுக்கு … நித்தியமானவரால் கொடுக்கப்பட்ட ஒரு கட்டளை” (பாகத் தலைப்பு) என்று விளக்கினார். 1–12 வசனங்களில் கர்த்தர் தனது நித்திய இயல்பை வலியுறுத்தும் இடங்களைத் தேடுங்கள். மார்ட்டின் ஹாரிஸ் கர்த்தரைப் பற்றி இதை தெரிந்து கொள்வது ஏன் முக்கியம் என்று நினைக்கிறீர்கள்? இந்த காரியங்களை அறிந்துகொள்வது உங்களுக்கு ஏன் முக்கியமானதாக இருக்கிறது?

இயேசு கிறிஸ்து “ஆதியும் அந்தமும்” என்று ஏன் அழைக்கப்படுகிறார் என்று நினைக்கிறீர்கள்? (வசனம் 1).

கோட்பாடும் உடன்படிக்கைகளும் 19:15–20

நான் மனந்திரும்பி அவரிடத்தில் நான் வரமுடியும்படிக்கு இயேசு கிறிஸ்து பாடுபட்டார்.

அதைக் கவனித்தவர்களின் கண்ணோட்டத்திலிருந்து கெத்செமனேயில் இரட்சகரின் பாடுகளை புதிய ஏற்பாடு விவரிக்கிறது. அவருடைய பாடுகளைப்பற்றி கோட்பாடும் உடன்படிக்கைகளும் 19:15–20ல் இயேசு கிறிஸ்து அவருடைய சொந்த வார்த்தைகளில் கூறினார். இந்த பரிசுத்த, தனிப்பட்ட விவரத்தை நீங்கள் வாசிக்கும்போது இரட்சகர் தன் பாடுகளை எப்படி விவரித்தார் என்பதைத் தேடவும். ஒவ்வொரு வார்த்தை அல்லது சொற்றொடர் உங்களுக்கு என்ன போதிக்கிறதென்பதைக் கருத்தில் கொள்ளவும். பாடுபட ஏன் இரட்சகர் வாஞ்சையுள்ளவராயிருந்தார்? (யோவான் 15:13; மோசியா 3:7; ஆல்மா 7:11–12; கோட்பாடும் உடன்படிக்கைகளும் 18:10–13 இல் நீங்கள் அதிகம் கண்டுபிடிக்க உதவும்.

இரட்சகரின் துன்பத்தைப் பற்றி நீங்கள் படிக்கும் போது உங்களுக்கு ஏற்படும் உணர்வுகள் இது போன்ற கேள்விகளைத் தூண்டலாம்: இரட்சகர் என் பாவங்களுக்காக ஏன் துன்பப்பட வேண்டியிருந்தது? அவருடைய தியாகத்தின் முழு ஆசீர்வாதத்தையும் பெற நான் ஏன் மனந்திரும்ப வேண்டும்? “Jesus Christ: The Caregiver of Our Soul” (Liahona, May 2021, 82–84)இல் இந்தக் கேள்விகள் மற்றும் பிறவற்றைப் பற்றிய உள்ளுணர்வுகளை மூப்பர் உலிசஸ் சோயர்ஸின் செய்தியில் காணலாம். நீங்கள் படிக்கும்போது, உங்கள் மனதில் என்ன எண்ணங்கள் வருகின்றன? இயேசு கிறிஸ்துவைப்பற்றியும் உங்களுக்காக அவருடைய தியாகத்தைப்பற்றியும் உங்களுடைய உணர்வுகளைப் பதிவுசெய்வதைக் கருத்தில்கொள்ளவும்.

உங்கள் ஆய்வு மற்றும் ஆராதனையின் ஒரு பகுதியாக, நீங்கள் கேட்கக்கூடிய அல்லது பாடக்கூடிய ஒரு பாடலை நீங்கள் தேடலாம், அது உங்கள் சார்பாக இரட்சகரின் துன்பத்திற்காக உங்கள் நன்றியை வெளிப்படுத்துகிறது. “I Stand All Amazed” (Hymns, no. 193) ஒரு நல்ல உதாரணம்.

நீங்கள் உணர்ந்து படித்ததன் விளைவாக பரலோக பிதாவும் இயேசு கிறிஸ்துவும் நீங்கள் என்ன செய்ய வேண்டும் என்று விரும்புகிறார்கள் என்று நினைக்கிறீர்கள்?

See also “Jesus Christ will help you,” For the Strength of Youth: A Guide for Making Choices (2022), 6–9; Topics and Questions, “Atonement of Jesus Christ,” “Repentance,” Gospel Library; D. Todd Christofferson, “The Divine Gift of Repentance,” Liahona, Nov. 2011, 38–41; “Jesus Suffers in Gethsemane” (video), Gospel Library.

The Savior Suffers in Gethsemane

கோட்பாடும் உடன்படிக்கைகளும் 19:23

இயேசு கிறிஸ்துவைப்பற்றி அறிந்துகொள்வதிலும் அவரைப் பின்பற்றுவதிலுமிருந்து சமாதானம் வருகிறது.

“என்னிடத்தில் கற்றுக்கொள்” என்ற இரட்சகரின் அழைப்பைக் கருத்தில்கொள்ளவும் கோட்பாடும் உடன்படிக்கைகளும் 19ல் இயேசு கிறிஸ்துவைப்பற்றி நீங்கள் என்ன கற்றுக்கொள்கிறீர்கள்? உங்களுடைய சிந்தனைகளை பதிவுசெய்து, இரட்சகரைப்பற்றிய இந்த சத்தியங்கள் சமாதானத்தைக் காண உங்களுக்கு எவ்வாறு உதவுகிறதென சிந்திக்கவும். “[அவருடைய] ஆவியின் சாந்தத்தில் நட” என்பது உங்களுக்கு என்ன அர்த்தமாகிறது?

See also Henry B. Eyring, “Finding Personal Peace,” Liahona, May 2023, 29–31; “Peace in Christ” (video), Gospel Library.

Peace in Christ

கோட்பாடும் உடன்படிக்கைகளும் 19:26-41.

பூமியின் பொக்கிஷங்களைவிட தேவனின் ஆசீர்வாதங்கள் மிகப்பெரியது.

பால்மைராவில் மார்மன் புஸ்தகம் அதிகம் விற்பனையாகவில்லை. இதன் விளைவாக, மார்ட்டின் ஹாரிஸ் அச்சிட்டவருக்கு கடனை செலுத்த தனது பண்ணையின் பெரும் பகுதியை விற்க வேண்டியிருந்தது (see “The Contributions of Martin Harris,” in Revelations in Context, 7–8). நீங்கள் கோட்பாடும் உடன்படிக்கைகளும் 19:26–41 வாசிக்கும்போது, மார்ட்டினின் தியாகத்தையும் அதன் காரணமாக நீங்கள் பெற்ற ஆசீர்வாதங்களையும் சிந்தித்துப் பாருங்கள். தியாகம் செய்ய கர்த்தர் உங்களிடம் எதைக் கேட்டிருக்கிறார் என்பதைப்பற்றியும் நீங்கள் சிந்திக்கக்கூடும். “களிகூருதலுடனும்” “சந்தோஷத்துடனும்” இந்த தியாகங்களைச் செய்ய உங்களுக்கு உணர்த்துகிற இந்த வசனங்களிலிருந்து நீங்கள் எதைக் கண்டுபிடிக்கிறீர்கள்? (வசனங்கள் 15–20 பார்க்கவும்).

மார்ட்டின் ஹாரிஸ் பண்ணையின் விளக்கம்–அல் ரவுன்ட்ஸ்

கூடுதல் ஆலோசனைகளுக்கு, லியஹோனா இந்த மாத இதழ் மற்றும் இளைஞர்களின் பெலனுக்காக பார்க்கவும்.

பிள்ளைகளுக்கு போதிப்பதற்கான ஆலோசனைகள்

கோட்பாடும் உடன்படிக்கைகளும் 19:16–19.

இயேசு கிறிஸ்து எனக்காக பாடனுபவித்தார்.

• கோட்பாடும் உடன்படிக்கைகளும் 19:16–19 அல்லது “அத்தியாயம் 51: கெத்சமனே தோட்டத்தில் இயேசு பாடனுபவித்தல்” புதிய ஏற்பாட்டுக் கதைகள், 129–32ல் அல்லது சுவிசேஷ நூலகத்தில் தொடர்புடைய காணொலி, ஒன்றாக வாசிப்பதன் மூலம் உங்கள் பிள்ளைகள் இரட்சகருக்கான பயபக்தியையும் நன்றியையும் உணர உதவலாம். உங்கள் பிள்ளைகள் புரிந்துகொள்வதை உறுதிசெய்யவும், அவர்கள் தங்கள் உணர்வுகளை வெளிப்படுத்தவும் இடைநிறுத்துவதைக் கருத்தில் கொள்ளுங்கள். உதாரணமாக, வசனம் 16ல், இயேசு நமக்காக அனுபவித்த “இவைகள்” என்ன? ( மோசியா 3:7; ஆல்மா 7:11–12 பார்க்கவும்). அவருடைய துன்பத்தைப் பற்றிய விவரிப்பிலிருந்து நாம் என்ன கற்றுக்கொள்கிறோம்? அவர் நமக்காகச் செய்ததற்கு நாம் எப்படி நன்றியைக் காட்டலாம்?

Chapter 51: Jesus Suffers in the Garden of Gethsemane

பிள்ளைகள் வேதங்களிலிருந்து கற்றுக்கொள்ள உதவுங்கள்: சில பிள்ளைகள் வேதம் வாசிக்க சிரமப்படுவார்கள். ஒரு வசனம் அல்லது சொற்றொடரில் கவனம் செலுத்துவது அவர்களுக்கு உதவக்கூடும்.

• இயேசு கிறிஸ்துவைப் பற்றிய உங்கள் உணர்வுகளை வெளிப்படுத்த உதவும் பாடல்களை நீங்களும் உங்கள் குழந்தைகளும் பாடல்கள் அல்லது குழந்தைகள் பாடல் புத்தகத்தில் பார்க்கலாம் (இந்தப் புத்தகங்களில் உள்ள தலைப்புக் குறிப்புகளைப் பார்க்கவும்).

கோட்பாடும் உடன்படிக்கைகளும் 19:18–19, 24.

இயேசு கிறிஸ்து கடினமாக இருந்தபோதும் பரலோக பிதாவுக்குக் கீழ்ப்படிந்தார்.

• நம்முடைய பாவங்களுக்காக பாடுபடுவது மிகவும் கடினமாக இருந்தது, ஆனால் இயேசு கிறிஸ்து தம் பிதாவுக்குக் கீழ்ப்படிவதற்கும், அவர் மீதும் நம் மீதும் அன்பு காட்டுவதற்கும் அதைச் செய்யத் தயாராக இருந்தார். கெத்செமனேயில் இயேசு கிறிஸ்து துன்பப்படுவதைப் போன்ற ஒரு படத்தை நீங்கள் ஒன்றாகப் பார்த்து, (இக்குறிப்பில் உள்ளது போல) படத்தில் என்ன நடக்கிறது என்பதைப் பற்றி உங்கள் பிள்ளைகளுக்குத் தெரிந்ததைச் சொல்லச் சொல்லுங்கள். நம்முடைய பாவங்களுக்காக துன்பப்படுவதே எவராலும் செய்யப்படாத கடினமான காரியம் என்பதை வலியுறுத்த, கோட்பாடும் உடன்படிக்கைகளும் 19:18–19, 24 ஆகியவற்றை நீங்கள் ஒன்றாகப் படிக்கலாம், ஆனால் இயேசு தம் பிதாவையும் நம்மையும் நேசித்ததால், அவர் தேவனின் சித்தத்திற்குக் கீழ்ப்படிந்தார் (மோசியா 3:7 ஐயும் பார்க்கவும். ) நாம் செய்ய பரலோக பிதா விரும்பும் கடினமான காரியங்கள் யாவை? அவருக்குக் கீழ்ப்படிவதற்கு நாம் எப்படி தைரியம் காணலாம்?

கோட்பாடும் உடன்படிக்கைகளும் 19:23

“என்னிடமிருந்து கற்றுக்கொள், எனது வார்த்தைகளுக்குச் செவிகொடு”

• கோட்பாடும் உடன்படிக்கைகளும் 19:23 ல் உள்ள சொற்றொடர்களுடன் பொருந்தும் எளிய செயல்களை உங்கள் பிள்ளைகள் செய்ய நீங்களே உதவலாம். அவர்கள் செயல்களைச் செய்யும்போது வசனத்தை பல முறை வாசிக்கவும். கிறிஸ்துவைப் பற்றி நாம் கற்றுக்கொள்ளவும் அவருடைய வார்த்தைகளைக் கேட்கவும் சில வழிகள் யாவை?

கோட்பாடும் உடன்படிக்கைகளும் 19:38

பூமியின் பொக்கிஷங்களைவிட தேவனின் ஆசீர்வாதங்கள் மிகப்பெரியது.

• நீங்களும் உங்கள் குழந்தைகளும் மாறி மாறி மார்மன் புஸ்தகத்தின் பிரதியை வைத்திருக்கலாம் மற்றும் அதைப் பற்றி நீங்கள் விரும்புவதைப் பகிர்ந்து கொள்ளலாம். மார்மன் புஸ்தகம் அச்சிடப்பட முடிந்த, மார்ட்டின் ஹாரிஸின் தியாகத்தைப் பற்றி சுருக்கமாகப் பேசுங்கள் (கோட்பாடும் உடன்படிக்கைகளும் கதைகள், 33 ஐப் பார்க்கவும்). கோட்பாடும் உடன்படிக்கைகளும் 19:38 இல் கர்த்தர் மார்ட்டினிடம் என்ன சொன்னார், அது அவருக்கு விசுவாசத்துடனும் கீழ்ப்படிதலுடனும் இருக்க உதவியிருக்கலாம்? உங்கள் பிள்ளைகள் தேவனுக்குக் கீழ்ப்படிவதற்கு அல்லது அவருடைய பணியில் உதவுவதற்கு ஏதாவது தியாகம் செய்யலாம் என்று சிந்திக்க உதவுங்கள்.

  Chapter 7: Witnesses See the Gold Plates: 1829–1830

கூடுதல் ஆலோசனைகளுக்கு, நண்பன் பத்திரிக்கையின் இந்த மாத இதழைப் பார்க்கவும்.

கெத்செமனே தோட்டத்தில் கிறிஸ்து ஜெபித்துக்கொண்டிருத்தல்–ஹெர்மான் கிளெமன்ட்ஸ்