10–16 Mati: “O Le Tulai Mai o le Ekalesia a Keriso”

Mataupu Faavae ma Feagaiga 20–22

O le galuega a le Faaola o le aumaia i luma o le Tusi a Mamona ua maea nei. Ae o Lana galuega o le Toefuataiga ua faatoa amata. E le gata i le toefuataiina mai o aoaoga faavae ma le pule o le perisitua, ae sa faamanino mai foi e le Alii e ala i faaaliga na muamua atu sa Ia finagalo foi e toefuatai mai se faalapotopotoga aloaia—Lana Ekalesia (tagai i le Mataupu Faavae ma Feagaiga 10:53; 18:5). I le aso 6 o Aperila, 1830, e silia ma le 40 e na talitonu na faaofiofi i totonu o le fale laau o le aiga o Uitimera i Faiete, Niu Ioka, e molimau i le faatulagaina o le Ekalesia a Iesu Keriso.

O nisi tagata e taumanatunatu pe aisea e manaomia ai se Ekalesia faatulagaina. Atonu o se vaega o le tali e ono maua i ni faaaliga e fesootai atu i lena sauniga muamua a le Ekalesia i le 1830. O loo faamatala ai faamanuiaga e ono lē maua pe ana lē “faatulaga ma faatu tatau” le Ekalesia moni a Iesu Keriso i aso e gata ai (Mataupu Faavae ma Feagaiga 20:1).

Tagai foi i le Au Paia, 1;84–86; “Ati A’e Ai I Luga La’u Ekalesia,” i le Revelations in Context, 29–32.

Manatu mo le Aoaoina i le Aiga ma i le Lotu

Mataupu Faavae ma Feagaiga 20–21

Ua toefuatai mai e Iesu Keriso Lana Ekalesia.

Aisea ua i ai ai sa tatou Ekalesia faatulagaina? Atonu o le tali sili o le “Aua na faatulagaina e Iesu Keriso se Ekalesia.” A o e suesue i le Mataupu Faavae ma Feagaiga 20–21, atonu e te matauina mea e tutusa ai le Ekalesia na Ia faatuina anamua ma le tasi ua Ia toefuataiina mai i le asō. Faaaoga ia mau fesootai nei e aoao ai e uiga i le Ekalesia a Keriso anamua: Mataio 16:15–19; Ioane 7:16–17; Efeso 2:19–22; 3 Nifae 11:23–26; Moronae 4–5. Faaaoga fuaiupu nei e aoao ai e uiga i le Ekalesia toefuataiina: Mataupu Faavae ma Feagaiga 20:17–25, 60, 72–79; 21:1–2. Atonu e mafai ona e tusifaamaumauina mea e te maua i se siata faapea:

	Aoaoga Faavae	Sauniga	Pule o le perisitua	O Perofeta
Ekalesia anamua a Keriso	Aoaoga Faavae	Sauniga	Pule o le perisitua	O Perofeta
Ekalesia toefuataiina a Keriso	Aoaoga Faavae	Sauniga	Pule o le perisitua	O Perofeta

O le a se mea ua e aoaoina mai lenei gaoioiga e uiga i le mafuaaga na faatuina ai e Iesu Keriso—ma toefuatai mai—Lana Ekalesia?

Tagai foi i le Dallin H. Oaks, “O Le Manaomia o se Ekalesia,” Liahona, Nov. 2021, 24–26.

Valaaulia le fefaasoaai. Pe a e valaaulia tagata e faasoa mai mea sa aoaoina e i latou lava, o le a latou lagonaina le uunaia e faaauau pea a latou suesuega faaletagata lava ia. O le a se mea e mafai ona e valaaulia isi e faasoa mai?

Mataupu Faavae ma Feagaiga 20:37, 75–79; 22

O sauniga paia e fesoasoani ia i tatou e avea ai e pei o le Faaola.

Ina ua faatulaga le Ekalesia, na aoaoina e le Alii Lana Au Paia e uiga i sauniga paia, e aofia ai le papatisoga ma le faamanatuga. A o e faitau e uiga i nei sauniga, mafaufau loloto pe faapefea ona latou fesoasoani ia te oe ia lagona le fesootai atu i le Faaola. Mo se faataitaiga, e faapefea ona fesoasoani nei sauniga ia te oe e faatumauina ai lou ‟naunautaiga e auauna atu [ia Iesu Keriso] e oo i le iuga”? (fuaiupu 37). E mafai foi ona e faitauina tatalo o le faamanatuga (fuaiupu 77, 79) ma mafaufau o loo e faalogo i ai mo le uluai taimi. O a nisi malamalamaaga e te maua?

Tagai foi i le D. Todd Christofferson, “Aisea i le Ala o Feagaiga,” Liahona, Me 2021, 116–19.

Mataupu Faavae ma Feagaiga 20:38–60

O auaunaga a le Perisitua e faamanuiaina ai tagata o le Ekalesia ma o latou aiga.

Pe ua e mafaufau ea e uiga i le mafuaaga na taua ai i le Faaola ona toefuatai mai le perisitua i Lana Ekalesia? O le faitauina o mea ua Ia talosagaina i latou e umia le perisitua e fai i le Mataupu Faavae ma Feagaiga 20:38–60 e ono avatu ai ia te oe nisi o malamalamaaga. Ua faapefea ona faamanuiaina oe ma lou aiga e le Faaola e ala i le galuega o loo faamatalaina i nei fuaiupu?

E faaopoopo atu ia i latou o e ua faauuina i le perisitua, o tamaitai o e ua vaetofia e auauna atu i le Ekalesia e faaaogaina foi le pule a le Atua a o latou auai i Lana galuega. Ina ia aoao pe faapefea, tagai i le sāvali a Peresitene Dallin H. Oaks “O Ki ma le Pule o le Perisitua” (Liahona, Me 2014, 49–52).

Tagai foi i Autu ma Fesili, “Aoaoga a Iosefa Samita e uiga i le Perisitua, Malumalu, ma Tamaitai,” Gospel Library.

Mataupu Faavae ma Feagaiga 21

O le usitaia o le afioga a le Atua e ala mai i Ana perofeta o le a aumaia ai ia te a’u le puipuiga faalelagi.

O leMataupu Faavae ma Feagaiga 21:4–9 o loo i ai valaaulia e mulimuli i le perofeta a le Alii ma folafolaga mamana mo tagata o e faia. O manatu nei e mafai ona fesoasoani e te mafaufau loloto ai i nei fuaiupu:

• O a upu i fuaiupu 4–5 o faamatala mai ai le mea e finagalo le Faaola e te faia i upu a Lana perofeta soifua? Aisea e te lagona ai le manaomia o le ‟onosai ma le faatuatua” e faia ai lenei mea?

• Mafaufau loloto i le ata faatusa o loo faaaoga e le Faaola i le fuaiupu 6 e faamatala ai faamanuiaga o le mulimuli i Lana perofeta. O le a sou manatu i le uiga o le ‟faitotoa o seoli”? E faapefea ona ‟tafieseina e le Alii mana o le pogisa” mo oe? O le a le uiga o le ‟luluina o le lagi mo lo outou lelei”?

• O le a le mea ua fetalai mai le Alii ia te oe e fai e ala i le Peresitene o le Ekalesia o i ai nei? Na faapefea ona faataunuuina e le Alii Ana folafolaga a o e mulimuli i Lana fautuaga?

Lisi ni malamalamaaga faaopoopo e te maua mai vaega nei o le sāvali a Elder Neil L. Andersen “O Le Perofeta a le Atua” (Liahona, Me 2018, 24–27):

• Aisea ua Tatou Mulimuli ai i le Perofeta:

• Tagatavaai i luga o le Olo:

• Aua Ne’i Ofo:

Tagai foi i le ‟Watchman on the Tower” (vitiō), ChurchofJesusChrist.org; Autu ma Fesili, ‟Perofeta,” Gospel Library; ‟We Listen to a Prophet’s Voice,” Hymns, nu. 22.

Watchman on the Tower

(Ezekiel 33:1-7) The Lord calls prophets to be the "watchmen" on the tower.

Mo nisi manatu, tagai i lomiga o lenei masina o mekasini o le Liahona ma le Mo Le Malosi o le Autalavou .

Tagata, Nofoaga, Mea e Tutupu

• Faatoaga a Uitimera: Nofoaga o le Faatulagaina o le Ekalesia

• O Le Fonotaga Faavae o le Ekalesia a Keriso

Kiliki e vaai i isi mea

Fautuaga mo le Aoaoina o Tamaiti

Mataupu Faavae ma Feagaiga 20–21

Ua toefuatai mai le Ekalesia a Iesu Keriso.

• Mafaufau e faaaoga le faaulutala o le vaega mo le Mataupu Faavae ma Feagaiga 21, mataupu 9 o le Tala o le Mataupu Faavae ma Feagaiga, po o le vitiō ‟Organization of the Church” (ChurchofJesusChrist.org) e fesoasoani ai i lau fanau ia malamalama i le mea na tupu i le aso na faatulaga ai le Ekalesia.

  Chapter 9: Organization of the Church of Jesus Christ: 6•April 1830

• Atonu e mafai e lau fanau ona faafetaui ata o Iesu Keriso, se tasi e auauna atu, se papatisoga, ma le faamanatuga i fuaiupu i le vaega 20 (tagai i fuaiupu 21–23, 47, 72–74, 75–79). Faaaoga nei ata ma fuaiupu e talanoaina ai faamanuiaga ua tatou maua ona ua toefuatai mai e Iesu Keriso Lana Ekalesia.

Mataupu Faavae ma Feagaiga 20:37, 41, 71–74

Pe a papatisoina ma faamau a’u, ou te folafola atu e mulimuli ia Iesu Keriso.

• Atonu e fiafia lau fanau e vaai i se ata o se tamaitiiti o loo papatisoina ma faamauina. E mafai ona latou faasino mai pe faapefea ona fetaui ma faatonuga o loo i le Mataupu Faavae ma Feagaiga 20:41, 71–74. O le a se mea tatou te aʻoaʻoina mai le Mataupu Faavae ma Feagaiga 20:37 e uiga i tagata e fia papatiso? E mafai foi ona outou usuina faatasi le “Pe A Ou Papatiso” (Tusipese a Tamaiti, 53) pe matamata le vitiō ‟The Baptism of Jesus” (Gospel Library).

  The Baptism of Jesus

  Jesus seeks out John the Baptist and is baptized in order to fulfill all righteousness.

  

• Afai ua uma ona papatisoina ma faamauina lau fanau, fesili atu ia i latou e uiga i o latou aafiaga. O i ai ni a latou ata e mafai ona latou faasoa mai? Talanoa ma i latou e uiga i mea o loo latou faia e mulimuli ai ia Iesu Keriso ma le auala o loo Ia faamanuiaina ai i latou.

Mataupu Faavae ma Feagaiga 20:75–79

E mafai ona ou ave i o’u luga le suafa o Iesu ma manatua pea o Ia.

• E mafai e lau fanau ona vaavaai mo le upu ‟naunau” i le Mataupu Faavae ma Feagaiga 20:37 (e uiga i le papatisoga) ma le fuaiupu 77 (o le tatalo o le faamanatuga). O le a se mea o finagalo Iesu Keriso ina ia tatou loto e faia? Atonu e mafai e lau fanau ona vaavaai i se mea o i ai se igoa (e pei o se igoa lauiloa po o se igoa patino o le tagata lava ia). O le a le mea o ta’u mai e le igoa e uiga i le aitema? O le a le uiga o le tauaveina o le igoa o Iesu Keriso i o tatou luga?

• Mafaufau e faitau faatasi le Mataupu Faavae ma Feagaiga 20:77 ma fai atu i tamaiti e faailoa mai folafolaga tatou te faia o se vaega o le faamanatuga. Atonu e mafai ona latou feauauai e faatino se mea e mafai ona latou faia e ‟manatua ai pea” le Faaola ma mate po o a taga o loo fai a le tasi ma le isi. E tusa ai ma le fuaiupu 77, e faapefea ona faamanuiaina i tatou pe a tatou manatua pea le Faaola?

Mataupu Faavae ma Feagaiga 21:4–6

E faamanuia a’u e Iesu a o o’u mulimuli i Lana perofeta.

• A uma ona maua valaaulia ma folafolaga i le Mataupu Faavae ma Feagaiga 21:4–6, e mafai e lau fanau ona vaai i se ata o le perofeta o i ai nei ma faasoa mai se mea na latou aoaoina pe faalogo i ai mai ia te ia. Faasoa atu i le tasi ma le isi auala ua faamanuiaina ai oe e Iesu Keriso mo le mulimuli i Lana perofeta.

Mo nisi manatu, tagai i le lomiga o lenei masina o le mekasini o le Uo .

Ua Faauu e Oliva Kaotui ia Iosefa Samita, saunia e Walter Rane