24–30 Mati: “E Ao Ina Faia Mea Uma i le Faatulagaga Tatau”

Mataupu Faavae ma Feagaiga 27–28

O faaaliga sa o se mataupu fou lava mo le Au Paia a o faaauau pea ona faagasolo le Toefuataiga. O tagata muamua o le Ekalesia sa latou iloa e mafai e le Perofeta o Iosefa Samita ona maua faaaliga mo le Ekalesia. Ae faamata e mafai e isi? O fesili faapea na faaopoopoina lo latou taua ina ua talitonu Ailama Page, o se tasi o Molimau e Toavalu o papatusi auro, ua ia maua faaaliga mo le Ekalesia. E toatele le Au Paia faamaoni na talitonu o ia faaaliga e mai le Atua. Sa tali mai le Alii e ala i le aoao mai e faapea i Lana Ekalesia ‟e ao ina faia mea uma i le faatulagaga tatau” (Mataupu Faavae ma Feagaiga 28:13). O lona uiga e na o le toatasi le tagata ‟e tofia na te mauaina poloaiga ma faaaliga” mo le Ekalesia atoa (Mataupu Faavae ma Feagaiga 28:2). E ui a i lea, e mafai e isi ona maua faaaliga patino mo la latou vaega i le galuega a le Alii. O le mea moni, o upu a le Alii ia Oliva Kaotui o se faamanatu ia i tatou uma: “O le a tuu atu ia te oe … mea e te faia” (Mataupu Faavae ma Feagaiga 28:15).

Tagai foi i le “E Ao Ina Faia Mea Uma i Le Faatulagaga Tatau,” Revelation in Context,, 50–53.

Manatu mo le Aoaoina i le Aiga ma i le Lotu

Mataupu Faavae ma Feagaiga 27:1–4

Ou te tagofia le faamanatuga e manatua ai Iesu Keriso.

O Sally Knight ma Ema Samita na papatisoina ia Iuni 1830, ae o a la faamauga na faalavelaveina e tagata faatupu faalavelave. O le lua masina mulimuli ane, na o mai ai Sally ma lona toalua o Newel, e asiasi ia Ema ma Iosefa, ma o lea na tonu ai o le a faamauina o la’ua [papatisoga], ma o i latou sa faapotopoto atu o le a aai ma feinu faatasi i le faamanatuga. A o alu atu o ia e su’e mai se uaina mo le faamanatuga sa taofi ai e se agelu ia Iosefa.

Faitau le Mataupu Faavae ma Feagaiga 27:1–4 e sue ai po o le a le mea na aoao atu e le agelu ia te ia e uiga i le faamanatuga. O a ni mea ua aoao mai e nei fuaiupu e uiga i le ala e finagalo le Faaola e te mafaufau ai i le faamanatuga? O le a lou manatu i le uiga o le taumamafa i ai “ma le manatu tasi i [Lona] mamalu”? Mafaufau loloto i lenei mea—ma vaavaai mo isi malamalamaaga e uiga i le faamanatuga—a o e faitauina le Luka 22:19–20 ma le 3 Nifae 18:1–11. (Tagai foi i vitio “The Last Supper,” “Jesus Christ Blesses Bread in Remembrance of Him,” ma le “Jesus Christ Blesses Wine in Remembrance of Him,” Gospel Library).

O Le Talisuaga Mulimuli

Meeting in an upper room with His disciples, Jesus washes their feet, institutes the sacrament, and commands them to love one another. John 13:1–35

Ua Faamanuia e Iesu Keriso le Areto e Manatua ai o Ia| 3 Nifae 18:1-7

Ua tofitofi e Iesu le areto ma faamanuia ma poloai Ona soo ma le motu o tagata e aai e manatua ai o Lona tino. Ua Ia faatonu i latou ia fai e le aunoa lea mea.

Ua Faamanuia e Iesu Keriso le Uaina e Manatu ai o Ia | 3 Nifae 18:8-11

Ua faamanuia e Iesu le uaina ma poloai Ona soo ma le motu o tagata e feinu e manatua ai Lona toto. Ua Ia poloai i latou ia manatua pea o Ia ina ia latou maua Lona Agaga.

Ina ia aoao e uiga i le faia o le faamanatuga o se aafiaga tapuai, mafaufau e suesue le savali a Elder D. Todd Christofferson “O Le Areto Ola Na Alu Ifo Mai le Lagi” (Liahona, Nov. 2017, 36–39). O le a le mea na aoao mai e Elder Christofferson e mafai ona fesoasoani ia te oe e lagona ai se sootaga sili atu i le Faaola e ala i le faamanatuga? Mafaufau loloto po o le a se mea e mafai ona e faia e saunia atili ai e taumafa i faatusa o le Togiola a le Faaola ma taulimaina i latou ma le migao tele po o le faamoemoega.

Mafaufau e usu, faalogologo, pe faitau se viiga o le faamanatuga, e pei o le “As Now We Take the Sacrament” (Hymns, nu. 169), ma tusifaamaumau ou lagona e uiga i le auai i lenei sauniga paia.

Faaaoga musika. O musika paia e valaaulia ai le Agaga e molimau mai i upumoni o le talalelei. E mafai ona fesoasoani e te malamalama ai ma lagonaina nei upumoni i se auala e manatua pea. E fesoasoani foi musika ia atili punouai ai le aoaoina.

Tagai foi i le Mataupu Faavae ma Feagaiga 20:77, 79; 59:9–13; Autu ma Fesili, “Faamanatuga,” Gospel Library; “Mauaina ma le Faatumauina o se Faamagaloga o Agasala e ala i Sauniga,” i le David A. Bednar, “Faatumauina Pea le Faamagaloina o a Outou Agasala,” Liahona, Me 2016, 60–62.

[Faatumauina] Pea le Faamagaloina o a Outou Agasala

Elder Bednar teaches about how priesthood ordinances help us retain a remission of our sins.

Mataupu Faavae ma Feagaiga 27:5–14

Ua tuuina mai e le Alii i Ana auauna ki o le perisitua e taitai ai Lana galuega.

O le a se mea ua e iloa e uiga i perofeta o loo ta’ua i nei fuaiupu? E mafai ona e saili mo faamatalaga e uiga ia i latou i totonu O Le Taiala i Tusitusiga Paia. O a faamanuiaga ia ua tatala mai mo oe e ala mai ki sa umia e nei perofeta?

Mataupu Faavae ma Feagaiga 27:15–18

O le ofutau a le Atua e fesoasoani ia te a’u e tu atu e tete’e i le tiapolo.

Na saunoa mai Peresitene M. Russell Ballard: “E leai se mea e tasi e maoae ma silisili e mafai ona tatou faia e faaauupegaina ai i tatou lava faaleagaga. O le mana moni faaleagaga e taoto i galuega laiti e tele e lalagaina faatasi i se ie o le puipuiga faaleagaga lea e puipui ma talitali ai mai mea leaga uma” (“Ia Faamalosi i le Alii,” Ensign, Iulai 2004, 8).

A o e aoao e uiga i le ofutau o le Atua i le Mataupu Faavae ma Feagaiga 27:15–18, e mafai ona e fatuina se siata faapenei. O le a se mea o e faia e ofu ai vaega taitasi o le ofutau o le Atua?

Vaega o le ofutau	Vaega o le tino o loo puipuia	O le a le mea e ono faatusa i ai le vaega o le tino
Vaega o le ofutau Ufifatafata o le Amiotonu	Vaega o le tino o loo puipuia Fatu	O le a le mea e ono faatusa i ai le vaega o le tino O o’u manaoga ma faananauga
Vaega o le ofutau Pulou o le Faaolataga	Vaega o le tino o loo puipuia Ulu po o le mafaufau	O le a le mea e ono faatusa i ai le vaega o le tino
Vaega o le ofutau	Vaega o le tino o loo puipuia	O le a le mea e ono faatusa i ai le vaega o le tino
Vaega o le ofutau	Vaega o le tino o loo puipuia	O le a le mea e ono faatusa i ai le vaega o le tino

Tagai foi i le Efeso 6: 11–18; Jorge F. Zeballos, “Fauina o se Olaga e Tetee Atu ai i le Fili,” Liahona, Nov. 2022, 50–52.

Mataupu Faavae ma Feagaiga 28

E taitai e Iesu Keriso Lana Ekalesia e ala i Ana perofeta soifua.

Mafaufau pe faape’i pe a faapea o soo se tasi e mafai ona maua poloaiga ma faaaliga mo le Ekalesia atoa. Ina ua fai mai Ailama Page ua ia mauaina lea faaaliga, e toatele tagata o le Ekalesia sa lē mautonu. I le Mataupu Faavae ma Feagaiga 28, na faaalia ai e le Alii le faatulagaga mo faaaliga i totonu o Lana Ekalesia. O le a le mea ua e aoaoina mai i lenei vaega e uiga i le tiute patino o le Peresitene o le Ekalesia? O le a le mea ua e aoao mai e uiga i le ala e taitai ai oe e le Atua?

Tagai foi i le Dale G. Renlund, “O Se Auivi mo Faaaliga Faaletagata Lava Ia,” Liahona, Nov. 2022, 16–19.

Mataupu Faavae ma Feagaiga 28:8–9

Aisea na taua ai se misiona i tagata Sa Lamanā?

O se tasi o faamoemoega o le Tusi a Mamona o le “ina ia mafai ona o mai ai o sa Lamanā i le malamalama o o latou tamā, ma ina ia latou iloa ai folafolaga a le Alii” (Mataupu Faavae ma Feagaiga 3:20). O loo ogatusa lenei mea ma folafolaga na faia e le Alii i le tele o perofeta o le Tusi a Mamona (tagai, mo faataitaiga, 1 Nifae 13:34–41; Enosa 1:11–18; Helamana 15:12–13). Na tele ina manatu tagata muamua o le Ekalesia e faapea o Initia Amerika e tupuga mai tagata o le Tusi a Mamona. (O le tulaga taliaina o le Ekalesia i le asō e faapea o sa Lamanā “o latou o ni isi o tua’a o Initia Amerika” [O le Faatomuaga o le Tusi a Mamona].)

Ina ia faitau atili e uiga i le misiona a Oliva Kaotui i ituaiga o Initia Amerika lata ane, tagai, “O Se Misiona i Sa Lamanā,” Revelations in Context, 45–49). O le a se mea e aoao mai e lenei misiona ia te oe e uiga i le Alii ma Lana galuega?

Mo nisi manatu, tagai i lomiga o lenei masina o mekasini o le Liahona ma le Mo Le Malosi o le Autalavou .

Tagata, Nofoaga, Mea e Tutupu

• Mataupu Faavae ma Feagaiga Punaoa o Talafaasolopito: Ailama Page

• O Maa Vaai

• Sauniga Faamanatuga

Kiliki e vaai i isi mea

Fautuaga mo le Aoaoina o Tamaiti

Mataupu Faavae ma Feagaiga 27:1–2

O le faamanatuga e fesoasoani ia te a’u e manatua ai Iesu Keriso.

• Atonu e taumanatunatu tamaiti pe aisea tatou te faaaoga ai le vai mo le faamanatuga ae sa faaaoga e Iesu le uaina (tagai Luka 22:19–20; 3 Nifae 18:1–11). E mafai ona outou faitau faatasi le Mataupu Faavae ma Feagaiga 27:1–2 ma talanoaina le uiga o le ’ai ma inu i le faamanatuga ‟ma le manatu tasi i le mamalu o le [Atua]” (fuaiupu 2). O le a se mea e mafai ona tatou faia e taula’i atu ai i le Faaola ao tatou fetagofi atu i le faamanatuga?

• Atonu o le i ai o ata, fuaiupu o mau, po o upu o pese e uiga i le Faaola e mafai ona fesoasoani i lau fanau e manatua ai o Ia a’o tagofia le faamanatuga. Atonu latou te fiafia e fai se tamaitusi ma nisi o nei ata, fuaiupu o mau, ma upu o pese. E mafai ona latou tusia a latou lava ata pe sue nisi i le mekasini o le Uo .

Auiliiliga mai O Le Talisuaga Mulimuli, saunia e Simon Dewey

Mataupu Faavae ma Feagaiga 27:15–18

O le ofutau o le Atua e puipuia a’u.

• E mafai ona e faaali atu i lau fanau se ata o le ofutau e pei o lea o loo i le otootoga lenei po o luga o le itulau o gaoioiga i le otootoga mo le Efeso i le Sau, Mulimuli Mai ia te A’u—Mo le Peraimeri: Feagaiga Fou 2023. A o e faitau i le Mataupu Faavae ma Feagaiga 27:15–18, fesoasoani ia i latou e su’e vaega o ofutau i le ata. E mafai faapefea e le ofutau o le Atua ona fesoasoani ia i tatou e ‟teena le aso leaga”? (fuaiupu 15).

Mataupu Faavae ma Feagaiga 28:2, 6–7

E maua e le perofeta faaaliga mo le Ekalesia; E mafai ona ou maua faaaliga mo lo’u olaga.

• Afai e i ai ni au fanau, e mafai ona e valaaulia i latou e taaalo ‟mulimuli i le taitai,” ae fai atu i ni tamaiti se toalua pe sili atu e avea ma taitai i le taimi e tasi. O le a le mea e tupu pe a sili atu ma le tasi se taitai? Ona mafai lea ona o tou aoao e uiga ia Hiram Page (tagai “Mataupu 14: O Le Perofeta ma Faaaliga mo le Ekalesia,” i le Tala o le Mataupu Faavae ma Feagaiga, 56–57, po o le vitiō e faatatau i ai i le Gospel Library; po o le faaulutala o le vaega mo le Mataupu Faavae ma Feagaiga 28). Na faapefea ona faasa’o e le Tama Faalelagi le fenumia’i o tagata muamua o le Ekalesia? O faapefea ona Ia taitaia le Ekalesia i aso nei? (tagai i le Mataupu Faavae ma Feagaiga 28:2). Faasoa atu lau molimau o le perofeta o loo i ai nei ua valaauina e le Alii e taitaia Lana Ekalesia i o tatou aso.

  Chapter 14: The Prophet and Revelations for the Church: September 1830

• E ui o faaaliga mo le Ekalesia o le a tuuina mai pea e ala i le perofeta, ae e mafai ona taialaina i tatou uma e le Agaga Paia. E mafai ona e fesoasoani i lau fanau e sue nisi o mau nei e fai ai se lisi o auala e mafai ai e le Agaga Paia ona taitaiina i tatou: Mataupu Faavae ma Feagaiga 28:1, 4, 15; Ioane 14:26; Moronae 8:26; 10:4–5. Faasoa atu i le tasi ma le isi pe na faapefea ona taialaina oe e le Agaga Paia.

Mo nisi manatu, tagai i le lomiga o lenei masina o le mekasini o le Uo .