Մարտի 17-23. «Աշխարհի ավելի լավ բաների ձգտես»

Վարդապետություն և Ուխտեր 23–26

Մարդկանց մեծամասնության համար մկրտվելը ակնածալից, խաղաղ փորձառություն է: Էմմա Սմիթի և մյուսների մկրտությունը, սակայն, խափանվեց մի ամբոխի կողմից, որը ծաղրեց նրանց, սպառնաց և ստիպեց փախչել: Ավելի ուշ, երբ Ջոզեֆը պատրաստվում էր հաստատել նոր անդամներին, նրան ձերբակալեցին՝ իր քարոզչությամբ համայնքը բարկացնելու համար։ Այս ամբողջ հակադրության մեջ Էմման ինչպե՞ս կարող էր վստահ լինել, որ ճիշտ է անում։ Մենք բոլորս կարող ենք պատասխանը գտնել նույն ձևով՝ Տիրոջ հայտնության միջոցով: Նա խոսեց Էմմայի հետ «ավելի լավ [աշխարհի] բաների» մասին՝ Նրա թագավորության և այնտեղ ունեցած նրա տեղի մասին: Նա ասաց, որ չվախենա և «բարձրացնի [իր] սիրտը և ուրախանա» և «հավատարիմ մնա [իր] կապած ուխտերին»: Եվ այս քաջալերանքի խոսքերը և խորհուրդը Նրա «ձայնն է բոլորին» (Վարդապետություն և Ուխտեր 25.9–10, 13, 16):

Տես նաև Սրբերը, 1․89–90, 94–97։

Գաղափարներ տանը և Եկեղեցում սովորելու համար

Վարդապետություն և Ուխտեր 24

Փրկիչը կարող է բարձրացնել ինձ «[իմ] չարչարանքներից»

Վարդապետություն և Ուխտեր 24-ի հայտնությունը տրվել էր՝ «ամրապնդելու, քաջալերելու և հրահանգելու» Ջոզեֆ Սմիթին և Օլիվեր Քաուդերիին փորձության ժամանակ (բաժնի վերնագրում, տես նաև Սրբերը, 1.94–96): Վարդապետություն և Ուխտեր 24-ում փնտրեք բառեր, որոնք, ձեր կարծիքով, կամրապնդեին և կխրախուսեին նրանց:

Ի՞նչ են հուշում ձեզ հետևյալ հատվածներն այն մասին, թե ինչպես է Փրկիչն օգնում ձեզ ձեր դժվարություններում:

Վարդապետություն և Ուխտեր 24․1-3

Վարդապետություն և Ուխտեր 24․8

Վարդապետություն և Ուխտեր 121․7-8

Եսայիա 40.28-31

Մոսիա 24.14-15

Հատված Նա բժշկեց բազմաթիվ տարբեր հիվանդություններ կտավից, Ջ. Քըրք Ռիչարդս

Վարդապետություն և Ուխտեր 25

Ես կարևոր դեր ունեմ կատարելու Աստծո արքայությունում

Երբ Էմմա Սմիթը ականատես էր լինում, թե ինչպես էր Վերականգնումը շարունակվում իր ամուսնու՝ Ջոզեֆ Սմիթի միջոցով, նա գուցե մտածում էր, թե որն է իր դերը: Փնտրեք պատասխաններ, որոնք Տերը տրամադրել է Վարդապետություն և Ուխտեր 25-ում։ Դուք գտնո՞ւմ եք այս բաժնում որևէ բան, որը ձեր կարծիքով Նրա «ձայնն է [ձեզ]» (հատված 16)։

Տես նաև «Մի ընտրյալ տիկին» (տեսանյութը), Ավետարանի գրադարան, «Thou Art an Elect Lady», Revelations in Context, 33–39, Ջոյ Դ․ Ջոնս, «Մի հատուկ վեհ կոչում», Լիահոնա, մայիս 2020, 15-18։

"An Elect Lady"

Վարդապետություն և Ուխտեր 25․5, 14

«Շարունակեք հեզության ոգով»

Ի՞նչ է ձեզ համար նշանակում «հեզության ոգով» արտահայտությունը: Կարող եք ուսումնասիրել 25-րդ բաժնի այն բառերն ու արտահայտությունները, որոնք կօգնեն ձեզ հասկանալ, թե ինչ է նշանակում լինել հեզ: Երեց Դեյվիդ Ա. Բեդնարի «Հեզ և խոնարհ սրտով» ուղերձը նույնպես կարող է օգնել (Լիահոնա, մայիս 2018, 30–33): Ինչպե՞ս է Հիսուս Քրիստոսը ձեզ համար հեզության օրինակ ծառայում (տես Մատթեոս 11.28–30): Մտածեք ձեր կյանքում այն բաների մասին, որոնք կարող եք անել «հեզության ոգով»:

Վարդապետություն և Ուխտեր 25․10, 13

«Մի կողմ պետք է դնես այս աշխարհի բաները, և ավելի լավ բաների ձգտես»

Երբ դուք խորհեք Վարդապետություն և Ուխտեր 25.10 հատվածի Տիրոջ խորհրդի մասին, դա կօգնի ձեզ կազմել «այս աշխարհի բաների» ցուցակը, որոնք Նա ցանկանում է, որ դուք «մի կողմ դնեք»: Այնուհետև դուք կարող եք կազմել «[աշխարհի] ավելի լավ բաների» ցուցակը, որոնք Նա ցանկանում է, որ դուք փնտրեք: Դուք կարող եք ընտրել առնվազն մեկ բան առաջին ցուցակից, որը մի կողմ կդնեք, և մեկ բան երկրորդ ցուցակից, որին դուք կձգտեք:

Նախագահ Ռասել Մ. Նելսոնը խորհուրդներ և խոստումներ է տվել «այս աշխարհի շատ բաներ [մի կողմ դնելու] մասին»: Փնտրեք դրանք նրա «Հոգևոր գանձեր» ուղերձի 77-րդ էջում (Լիահոնա, նոյ. 2019): Ինչպե՞ս եք հետևելու նրա խորհրդին:

Երբ կարդաք 13-րդ հատվածը, մտածեք այն ուխտերի մասին, որոնք կապել եք Երկնային Հոր և Հիսուս Քրիստոսի հետ: Ի՞նչ է նշանակում «հավատարիմ մնալ» այս ուխտերին: Ինչպե՞ս են ձեր ուխտերն օգնում ձեզ «մի կողմ դնել այս աշխարհի բաները և ավելի լավ բաների ձգտել»:

Ահա մի քանի հատվածներ, որոնք կօգնեն ձեզ տարբերակել «այս աշխարհի բաները» և «ավելի լավ բաները». Մատթեոս 6․19, 21, 25–34, Ղուկաս 10․39–42, 2 Նեփի 9․51։

Տես նաև Թեմաներ և հարցեր, «Զոհաբերություն», Ավետարանի գրադարան:

Հրավիրեք կիսվել Եթե դուք սովորեցնում եք ուրիշներին, թե ինչպես «մի կողմ դնել աշխարհի բաները», մտածեք, թե ինչպես կարող եք հրավիրել նրանց կիսվել, թե ինչ են անում այս խորհրդին հետևելու համար։ Մենք կարող ենք մեծ ուժ և քաջություն ստանալ՝ լսելով միմյանց մտքերն ու փորձառությունները:

Վարդապետություն և Ուխտեր 25․11-12

Տերը հիանում է իմ «սրտաբուխ երգով»

Որո՞նք են ձեր «սրտաբուխ երգերը»․ երգեր, որոնք արտահայտում են ձեր զգացմունքները Երկնային Հոր կամ Հիսուս Քրիստոսի մասին: Կարող եք երգել կամ լսել դրանցից մի քանիսը: Ի՞նչն է այս երգերի մեջ դրանք առանձնահատուկ դարձնում ձեզ համար:

Դուք կարող եք նաև խորհել, թե ինչպես են այս օրհներգերը նման աղոթքի: Ի՞նչ ընդհանուր բան ունեն սուրբ երաժշտությունն ու աղոթքը: Ինչպե՞ս են ձեր սուրբ երգերը «պատասխանվել օրհնությամբ»:

Տես նաև «Oh, What Songs of the Heart», Hymns, 286:

Վարդապետություն և Ուխտեր 26․2

«Բոլոր բաները եկեղեցում պետք է արվեն ընդհանուր համաձայնությամբ»

Այս հատվածում «ընդհանուր համաձայնություն» արտահայտությունը վերաբերում է մեր ձեռքերը բարձրացնելու գործողությանը՝ ցույց տալու, որ մենք հաստատում և աջակցում ենք մի մարդու, որը ստանում է կոչում կամ քահանայության կարգում: Ինչպե՞ս կբացատրեք Եկեղեցու ժողովի այցելուին, թե ինչ է նշանակում, որ մենք հաստատում ենք մեկին: Ի՞նչ պատասխաններ եք գտնում Նախագահ Հենրի Բ. Այրինգի «Աջակցող հավատքի զորությունը» ուղերձում (Լիահոնա, մայիս 2019, 58-60):

Լրացուցիչ գաղափարների համար տես Լիահոնա և Երիտասարդներին զորացնելու համար ամսագրերի այս ամսվա համարները։

Գաղափարներ երեխաներին ուսուցանելու համար

Վարդապետություն և Ուխտեր 24․1, 8

Փրկիչը կարող է բարձրացնել ինձ «[իմ] չարչարանքներից»

• Որպեսզի սովորեք որոշ չարչարանքների ու դժվարությունների մասին, որոնց բախվում էին Ջոզեֆ Սմիթն ու վաղ շրջանի Սրբերը, դուք կարող եք կրկնել «Գլուխ 11. Ավելի շատ մարդիկ են միանում Եկեղեցուն», Վարդապետություն և Ուխտերի պատմություններ-ում, 46–47, կամ համապատասխան տեսանյութը Ավետարանի գրադարանում։ Ապա դուք և ձեր երեխաները կարող եք գտնել, թե Տերն ինչ է ասել Ջոզեֆին նրա չարչարանքների մասին Վարդապետություն և Ուխտեր 24.1, 8-ում: Դուք կարող եք նաև կիսվել միմյանց հետ, թե ինչպես է Տերն օգնում ձեզ դժվարին պահերին:

  Chapter 11: More People Join the Church: April–June 1830

• Սովորելու համար, թե ինչ է նշանակում լինել «համբերող [մեր] չարչարանքներում», դուք և ձեր երեխաները կարող եք վերստեղծել «Շարունակեք համբերությամբ» տեսանյութի փորձը (Ավետարանի գրադարան): Ի՞նչ է Վարդապետություն և Ուխտեր 24․8 հատվածն ուսուցանում համբերության մասին։ Փրկիչն ինչպե՞ս է մեզ հայտնում, որ «[մեզ] հետ է մեր չարչարանքներում»:

  Continue in Patience

Վարդապետություն և Ուխտեր 25․11-12

Հիսուսը սիրում է «սրտաբուխ երգ[ը]»

• Վարդապետություն և Ուխտեր 25.12 հատվածը կարդալուց հետո դուք կարող եք պատմել միմյանց ձեր սիրելի օրհներգի կամ Եկեղեցու երգի` ձեր «սրտաբուխ երգի» մասին, և երգել դրանք միասին: Կիսվեք միմյանց հետ, թե ինչու եք սիրում այս երգերը: Ինչո՞ւ է Տերն ուրախանում, երբ մենք երգում ենք այս երգերը: Ինչպե՞ս է մեր երգը «աղոթք [Նրա] համար»:

Վարդապետություն և Ուխտեր 25․13, 15

Իմ ուխտերը Երկնային Հոր հետ ինձ ուրախություն են պատճառում

• Հասկանալու համար, թե ինչ է նշանակում «հավատարիմ մնալ ուխտերին» (Վարդապետություն և Ուխտեր 25.13), ձեր երեխաները կարող են հերթով կառչել ինչ-որ բանից, որքան կարող են ամուր: Այնուհետև դուք և ձեր երեխաները կարող եք խոսել այն մասին, թե ինչպես եք «հավատարիմ մնում» կամ կառչում ձեր ուխտերից: Անհրաժեշտության դեպքում, ձեր երեխաների հետ կրկնեք ուխտերը, որոնք մենք կապում ենք (տես Մոսիա 18.8–10, Վարդապետություն և Ուխտեր 20.37) և այս շաբաթվա գործնական աշխատանքի էջը)։

• Ձեր երեխաներին Վարդապետություն և Ուխտեր 25.13 հատվածի համատեքստը բացատրելու համար դուք կարող եք նշել, որ սա մի բան է, որ Տերն ասաց Էմմա Սմիթին նրա մկրտությունից անմիջապես հետո: Ինչո՞ւ սա լավ խորհուրդ կլիներ վերջերս մկրտված մարդու համար:

Լրացուցիչ գաղափարների համար տես Ընկեր ամսագրի այս ամսվա համարը։

Էմմայի օրհներգերը, Լիզ Լեմոն Սվինդլ