Փետրվարի 24-ից մարտի 2-ը. «Հոգիների արժեքը մեծ է»

Վարդապետություն և Ուխտեր 18

Կան մարդու արժեքը չափելու բազմաթիվ տարբեր եղանակներ։ Տաղանդը, կրթությունը, հարստությունը և ֆիզիկական տեսքը կարող են ազդել, թե մենք ինչպես ենք գնահատում միմյանց և ինքներս մեզ: Բայց Աստծո աչքում մեր արժեքը շատ ավելի պարզ հարց է, և այն հստակ ասված է Վարդապետություն և Ուխտեր 18-ում. «Հիշեք, հոգիների արժեքը մեծ է Աստծո աչքում» (հատված 10): Այս պարզ ճշմարտությունը շատ բան է բացատրում, թե ինչ է անում Աստված և ինչու է դա անում: Ինչո՞ւ Նա հրահանգեց Ջոզեֆ Սմիթին և Օլիվեր Քաուդերիին հիմնել Հիսուս Քրիստոսի Եկեղեցին մեր օրերում (տես հատվածներ 1–5): Քանի որ Հոգիների արժեքը մեծ է: Ինչո՞ւ է Նա «հրամայում բոլոր մարդկանց ամենուրեք ապաշխարել» և առաքյալներ է ուղարկում ապաշխարություն քարոզելու (հատված 9): Քանի որ Հոգիների արժեքը մեծ է: Իսկ ինչո՞ւ Հիսուս Քրիստոսը տարավ «մարմնի մեջ մահ» և «բոլոր մարդկանց ցավը» (հատված 11): Քանի որ Հոգիների արժեքը մեծ է: Եթե նույնիսկ այս հոգիներից մեկը ցանկանա ընդունել Փրկչի պարգևը, Նա ուրախանում է, քանի որ «մեծ է նրա ուրախությունն այն հոգու համար, որն ապաշխարում է» (հատված 13):

Գաղափարներ տանը և Եկեղեցում սովորելու համար

Վարդապետություն և Ուխտեր 18․1–5։

«Կառուցես իմ Եկեղեցին»

18-րդ բաժնում Տերը հրահանգներ տվեց Օլիվեր Քաուդերիին, որպեսզի օգնի նրան դնելու Հիսուս Քրիստոսի Եկեղեցու հիմքը: Ի՞նչ եք նկատում Նրա տված խորհրդի մասին, հատկապես 1–5 հատվածներում: Դուք կարող եք մտածել, թե ինչպես է այս նույն խորհուրդը վերաբերում ձեզ, երբ դուք «կառուցում» եք ձեր հավատքն առ Քրիստոս: Օրինակ.

• Ի՞նչ եք դուք «փափագում իմանալ» Տիրոջ մասին (հատված 1):

• Ի՞նչ է նշանակում ձեզ համար «վստահես այն բաներին, որոնք գրված են» (հատված 3): Ինչպե՞ս է Հոգին «ցույց տվել ձեզ», որ այս բաները ճշմարիտ են (հատված 2, տես նաև Վարդապետություն և Ուխտեր 6.22–24):

• Ինչպե՞ս եք դուք կառուցում ձեր կյանքը «[Փրկչի] ավետարանի և [Նրա] վեմի հիմքի վրա» (հատված 5):

Հարցեր տվեք: Վարդապետություն և Ուխտերն ապացույց է, որ հարցերը ծնում են հայտնություն։ Երբ ուսումնասիրեք սուրբ գրությունները, գրի առեք այն հարցերը, որոնք դուք ունեք։ Այնուհետև, խորհեք և աղոթեք պատասխաններ գտնելու համար։

Վարդապետություն և Ուխտեր 18.10-13

«Հոգիների արժեքը մեծ է Աստծո աչքում»

Ինչպե՞ս ենք մենք որոշում ինչ-որ բանի արժեքը: Օրինակ, ինչո՞ւ է շուկայում մեկ ապրանքն ավելի թանկ, քան մյուսը: Այս շաբաթ 18-րդ բաժինը կարդալիս, հատկապես 10–13 հատվածները, դուք կարող եք հակադրել, թե ինչպես են մարդիկ հաճախ գնահատում արժեքը և այն, ինչը հոգին արժեքավոր է դարձնում Աստծո աչքում: Մտածեք ձեր անունը փոխարինել «հոգի», «հոգիներ» և «բոլոր մարդիկ» բառերի փոխարեն։ Ինչպե՞ս կարող են այս հատվածները օգնել մեկին, ով կասկածի տակ է դնում իր արժեքը:

Այս մի քանի հատվածներն ուսուցանում են ձեզ հոգու արժեքի մասին․ Ղուկաս 15․1–10, Հովհաննես 3․16–17, 2 Նեփի 26․24–28, Մովսես 1․39։ Ելնելով այս հատվածներից՝ ինչպե՞ս կամփոփեք այն, թե ինչ է Աստված զգում ձեր հանդեպ: Դուք կարող եք նաև փնտրել Նախագահ Դիտեր Ֆ․ Ուխդորֆի «Դու կարևոր ես Նրա համար» ուղերձը (Լիահոնա, նոյ. 2011, 19–22)՝ գտնելու բառեր և արտահայտություններ, որոնք կօգնեն ձեզ իմանալ ձեր արժեքը Աստծո համար:

Ինչպե՞ս է Աստված ցույց տալիս ձեզ, որ դուք մեծ արժեք ունենք Նրա համար: Դա ինչպե՞ս է ազդում ձեր սեփական անձի և ուրիշների մասին ձեր կարծիքի վրա:

Տես նաև Ջոյ Դ․ Ջոնս, «Անչափելի արժեք», Լիահոնա, նոյեմբեր 2017, 13–15, Թեմաներ և հարցեր, «Աստծո զավակներ», Ավետարանի գրադարան։

Վարդապետություն և Ուխտեր 18․11–16

Տերն ուրախանում է, երբ ես ապաշխարում եմ

Ուշադրություն դարձրեք, թե որքան հաճախ են ապաշխարեք և ապաշխարություն բառերը օգտագործվում Վարդապետություն և Ուխտեր 18-ում: Խորհեք, թե ինչ եք սովորում այս բառերից ամեն անգամ, երբ դրանք օգտագործվում են: Ուշադրություն դարձրեք հատկապես հատվածներ 11-16 վրա: Ի՞նչպես են այդ հատվածները փոխում ձեր վերաբերմունքն ապաշխարության հանդեպ՝ ձեր ապաշխարության և ուրիշներին ապաշխարության և կատարելագորման հրավիրելու ձեր պարտականության հանդեպ։ Ահա ձեր սովորածը գրանցելու եղանակներից մեկը. թվարկեք մի քանի եղանակներ, որոնցով կարող եք ավարտին հասցնել «Ապաշխարությունը » նախադասությունը:

Տես նաև Ալմա 36.18–21, Սուրբ Գրությունների ուղեցույց, «Ապաշխարություն», Ավետարանի գրադարան, Դեյլ Գ. Ռենլանդ, «Ապաշխարություն՝ ուրախալի ընտրություն», Լիահոնա, նոյ. 2016, 121–24:

Հատված Անառակ որդին նկարից, հեղինակ՝ Քլարկ Կելլի Փրայս

Վարդապետություն և Ուխտեր 18.14-16

Ուրախությունը գալիս է, երբ մարդկանց օգնում ենք գալ Քրիստոսի մոտ

Երբ կարդաք հատվածներ 14–16, խորհեք, թե ինչ է նշանակում «ապաշխարություն աղաղակել», և ինչու է դա բերում այդպիսի ուրախություն: Որո՞նք են այն մի քանի ուղիները, որոնք դուք գտել եք՝ օգնելու ուրիշներին գալ Փրկչի մոտ և ներում ստանալ: Ինչպե՞ս են ուրիշ մարդիկ դա արել ձեզ համար:

Տես նաև Քրեյգ Ս. Քրիսչենսեն․ «Չէր կարող լինել ոչինչ այնպես ուժգին և քաղցր, ինչպիսին իմ ուրախությունն էր», Լիահոնա, մայիս 2023, 45-47։

Վարդապետություն և Ուխտեր 18.34-36

Ես կարող եմ լսել Տիրոջ ձայնը սուրբ գրություններում

Եթե որևէ մեկը հարցներ, թե ինչպես է Տիրոջ ձայնը հնչում, ի՞նչ կասեիք դուք: Մտածեք այս հարցի մասին, երբ կարդաք Վարդապետություն և Ուխտեր 18․34-36 հատվածները։ Ի՞նչ եք սովորել Տիրոջ ձայնի մասին Վարդապետություն և Ուխտերը կարդալիս։ Ինչ կարող եք անել, որպեսզի ավելի հստակ լսեք Նրա ձայնը։

Տես նաև․ «As I Search the Holy Scriptures», Hymns, no. 277։

Լրացուցիչ գաղափարների համար տես Լիահոնա և Երիտասարդներին զորացնելու համար ամսագրերի այս ամսվա համարները։

Գաղափարներ երեխաներին ուսուցանելու համար

Վարդապետություն և Ուխտեր 18.10-13

Մեզանից յուրաքանչյուրը մեծ արժեք ունի Աստծո համար

• Երբ դուք և ձեր երեխաները կարդում եք Վարդապետություն և Ուխտեր 18.10–13 հատվածները, կարող եք միմյանց անունները տեադրել «հոգի», «հոգիներ» և «բոլոր մարդիկ» բառերի փոխարեն: Այնուհետև կարող եք խոսել այն մասին, թե ինչպես են այս հատվածներն օգնում մեզ հասկանալ, թե Երկնային Հայրն ինչպես է վերաբերվում մեզանից յուրաքանչյուրին:

• Կարող եք նաև ձեր երեխաներին հարցնել այն բաների մասին, որոնք մարդիկ արժեքավոր են համարում: Կամ դուք կարող եք ցույց տալ նրանց մի բան, որն արժեքավոր է ձեզ համար: Ինչպե՞ս ենք մենք վերաբերվում այն իրերին, որոնք արժեքավոր են մեզ համար։ Հետո թող հերթով նայեն հայելու մեջ։ Երբ նրանք նայեն հայելու մեջ, ասեք յուրաքանչյուր երեխայի, որ նրանք Աստծո զավակն են և մեծ արժեք ունեն: Մենք ինչպե՞ս կարող ենք ցույց տալ ուրիշ մարդկանց, որ «[իրենց] հոգիների արժեքը մեծ է» մեր աչքում:

• Ընդգծելու համար, որ բոլոր մարդիկ մեծ արժեք ունեն Երկնային Հոր համար, ձեր երեխաները կարող են նայել այս շարադրանքի վերջում գտնվող նկարին, մինչ դուք կարդում եք Վարդապետություն և Ուխտեր 18.10–13: «Every Star Is Different» (Children’s Songbook, 142–43) նման երգը միասին երգելը կարող է օգնել ամրապնդել այս կետը:

Հատված Հոգու արժեքը նկարից, Լիզ Լեմոն Սուինդլ

Վարդապետություն և Ուխտեր 18.13-16

Ավետարանով կիսվելը մեծ ուրախություն է բերում

• Որպեսզի ոգեշնչեք ձեր երեխաներին կիսվել Հիսուս Քրիստոսի ավետարանով, դուք կարող եք միմյանց հետ խոսել այն փորձառությունների մասին, երբ գտել եք մի բան, որը ցանկանում էիք կիսվել ձեր ընկերների կամ ընտանիքի հետ: Ինչու՞ ցանկացաք կիսվել դրանով, և ի՞նչ զգացողություններ առաջացրեց դրանով կիսվելը: Այնուհետև կարող եք կարդալ Վարդապետություն և Ուխտեր 18.13, 16 հատվածները: Ի՞նչն է Տիրոջն ուրախություն պարգևում։ Ըստ Նրա, ի՞նչը մեզ ուրախություն կբերի: Դուք և ձեր երեխաները կարող եք խոսել Փրկչի ավետարանի ուրախությամբ կիսվելու ցանկացած փորձառության մասին:

• Ավետարանով կիսվելու մասին երգը, ինչպիսին է «I Want to Be a Missionary Now» (Children’s Songbook, 168), կարող է օգնել ձեր երեխաներին մտածել, թե ինչպես կարող են կիսվել ավետարանով:

Վարդապետություն և Ուխտեր 18.34-36

Ես կարող եմ լսել Տիրոջ ձայնը սուրբ գրություններում

• Գուցե ձեր երեխաները ցանկանան խաղալ մի խաղ, որտեղ նրանք փորձում են բացահայտել տարբեր մարդկանց ձայները, ինչպիսիք են՝ ընտանիքի անդամները, ընկերները կամ Եկեղեցու ղեկավարները: Ինչպե՞ս ենք մենք ճանաչում միմյանց ձայները: Ինչպե՞ս ենք մենք ճանաչում Տիրոջ ձայնը: Այս հարցը քննարկելու համար կարող եք միասին կարդալ Վարդապետություն և Ուխտեր 18.34–36 հատվածները: Դուք կարող եք նաև կիսվել միմյանց հետ, թե ինչպես եք լսել Տիրոջ ձայնը սուրբ գրություններում:

Լրացուցիչ գաղափարների համար տես Ընկեր ամսագրի այս ամսվա համարը։

Յուրաքանչյուր հոգի թանկ է Աստծո համար: