Մարտի 31-ից ապրիլի 6-ը. «Հիսուս Քրիստոսը կհավաքի իր ժողովրդին»

Վարդապետություն և Ուխտեր 29

Թեև Հիսուս Քրիստոսի Եկեղեցին կազմավորվել էր 1830թ.-ին, ավետարանների բազմաթիվ ճշմարտությունները դեռ պետք է բացահայտվեին, և Եկեղեցու մի քանի հին անդամներ հարցեր ունեին: Նրանք Մորմոնի Գրքում կարդացել էին Իսրայելի հավաքման և Սիոնի կառուցման մասին մարգարեությունները (տես 3 Նեփի 21)։ Ինչպե՞ս դա տեղի կունենա: Այն հայտնությունները, որոնք Հայրամ Փեյջը պնդում էր, որ ստացել էր, շահարկում էին այդ թեման, որը միայն ավելացրեց անդամների հետաքրությունը (տես Վարդապետություն և Ուխտեր 28)։ Այլ մարդիկ մտածում էին Ադամի ու Եվայի անկման և հոգևոր մահվան մասին։ Տերը 1830 թվականին պատասխանեց այդ հարցին, և Նա այսօր էլ պատասխանում է մեր հարցերին։ «Ինչ էլ որ դուք խնդրեք հավատքով»,- Նա ասաց Սրբերին,- «միաբանվելով աղոթքով, համաձայն իմ պատվիրանի, դուք կստանաք» (Վարդապետություն և Ուխտեր 29․6)։ Իրականում, ինչպես վարդապետությամբ հարուստ հայտնությունն է ցույց տալիս Վարդապետություն և Ուխտեր 29 բաժնում, Տերը երբեմն պատասխանում է մեր հարցերին` տալով մեզ շատ ավելի ճշմարտություն և գիտելիք, քան մենք խնդրում ենք:

Գաղափարներ տանը և Եկեղեցում սովորելու համար

Վարդապետություն և Ուխտեր 29

Երկնային Հայրը փրկության ծրագիր ունի Իր զավակների համար

Վարդապետություն և Ուխտեր 29 բաժինը բազմաթիվ ճշմարտություններ է ուսուցանում ձեզ համար Աստծո ծրագրի մասին։ Երբ կարդաք, ուշադրություն դարձրեք, թե ինչ եք սովորում Իր ծրագրի հետևյալ մասերի վերաբերյալ․

• Նախամահկանացու կյանք (տես 36-37 հատվածները)

• Արարում (տես 31-33 հատվածները)

• Ադամի ու Եվայի Անկումը (տես 40-41 հատվածներ)

• Մահկանացու կյանք (տես 39, 42-45 հատվածները)

• Հիսուս Քրիստոսի Քավությունը (տես 1, 42–43, 46–50 հատվածները)

• Հարությունը (տես 13, 26)

• Վերջին դատաստանը (տես 12–13, 27–30 հատվածները)

Ի՞նչ նոր գաղափարներ ձեռք բերեցիք։ Եթե դա օգտակար է ձեզ համար, կարող եք դրանք պատկերների հետ գրել այս համառոտ շարադրանքի վերջում գտնվող տրամադրված տարածքում: Ինչպե՞ս են այդ ճշմարտություններն ազդում ձեր կյանքի վրա:

Տես նաև Թեմաներ և հարցեր, «Փրկության ծրագիր», Ավետարանի գրադարան:

Հատված Ինձ մոտ եկեք, Ջենեդի Փեյջ

Վարդապետություն և Ուխտեր 29․1-28

Հիսուս Քրիստոսը հրավիրում է, որ ես օգնեմ հավաքել Իր ժողովրդին Իր Երկրորդ Գալուստից առաջ

Հիսուս Քրիստոսը խոսում է Իր ժողովրդի հավաքման մասին «ինչպես հավն է իր թևերի տակ հավաքում իր ճտերին» (Վարդապետություն և Ուխտեր 29․2)։ Այդ համեմատությունն ի՞նչ է ուսուցանում ձեզ Հիսուս Քրիստոսի մասին: Ի՞նչ լրացուցիչ մտքեր կամ տպավորություններ են առաջանում ձեզ մոտ, երբ ուսումնասիրում եք հավի և ճտերի նկարազարդումը այս շարադրանքում: Մտածեք, թե ինչ եք զգում այն մտքից, որ Հիսուս Քրիստոսը հավաքում և պաշտպանում է ձեզ:

Երբ կարդաք Վարդապետություն և Ուխտեր 29.1–11 հատվածները, մտածեք հետևյալի մասին.

• Ում կհավաքեն։

• Ինչ է նշանակում «հավաքել» Քրիստոսի մոտ։

• Ինչո՞ւ ենք մենք հավաքվում Նրա մոտ:

Խորհեք, թե ինչու եք ցանկանում, որ այլ մարդիկ հավաքվեն Հիսուս Քրիստոսի մոտ: Ի՞նչ ոգեշնչված եք զգում անել՝ օգնելու համար:

Դուք կարող եք ինքներդ ձեզ տալ նույն հարցերը «Աստծո վկան» (Ավետարանի գրադարան) տեսանյութը դիտելիս կամ հավաքվելու մասին օրհներգ կարդալիս կամ լսելիս, օրինակ՝ «Israel, Israel, God Is Calling» (Hymns, 7): Ձեր կարծիքով, Տերն ի՞նչ է փորձում ուսուցանել ձեզ հավաքման Իր աշխատանքի մասին:

A Witness of God

Նախագահ Ռասսել Մ. Նելսոնն ասել է. «Այժմ հավաքը տեղի է ունենում յուրաքանչյուր ազգի մեջ: Տերը հայտարարել է Սիոնի հաստատումը յուրաքանչյուր արքայության մեջ, որտեղ Նա ծնունդ և ազգություն է շնորհել Իր Սրբերին» («Ցրված Իսրայելի հավաքումը»», Լիահոնա, նոյ. 2006, 81)։ Այսպիսի հավաքումն ինչպե՞ս է օգնում մեզ «բոլոր բաներում պատրաստ լինել» Փրկչի Երկրորդ Գալուստին (հատված 8, տես նաև 14–28 հատվածները)։

Տես նաև Ռասսել Մ. Նելսոն և Վենդի Վ․ Նելսոն, «Իսրայելի Հույսը» (երիտասարդների համաշխարհային հավաք, հունիս 3, 2018), Ավետարանի գրադարան, Դ. Թոդ Քրիստոֆերսոն, «Պատկանելության վարդապետությունը», Լիահոնա, նոյ. 2022, 53–56, Թեմաներ և հարցեր, «Իսրայելի հավաքը», Ավետարանի գրադարան:

Վարդապետություն և Ուխտեր 29․31–35

«Բոլոր բաներն ինձ համար հոգևոր են»

Երբ ուսումնասիրեք Վարդապետություն և Ուխտեր 29․31-35 բաժինները, հարցրեք ինքներդ ձեզ. «Ի՞նչ առումով են բոլոր պատվիրանները հոգևոր»: Կարող եք թվարկել մի քանի պատվիրան և մտածել յուրաքանչյուրի հետ կապված հոգևոր ճշմարտությունները: Երիտասարդներին զորացնելու համար. ուղեցույց ընտրություն կատարելու համար վերընթերցումը կարող է օգտակար լինել․ այն ուսուցանում է Աստծո մի քանի պատվիրանների հիմքում գտնվող հավերժական ճշմարտություններից մի քանիսը:

Գիտելիքը, որ «բոլոր բաները … հոգևոր են», ազդո՞ւմ է Աստծո պատվիրանների հանդեպ ձեր վերաբերմունքի վրա։ Հոգևոր իմաստ կամ նպատակ փնտրեք նաև ձեր կյանքի այլ ոլորտներում:

Տես նաև 2 Նեփի 9․39։

Կենտրոնացեք Հիսուս Քրիստոսի վրա։ «Ավետարանի յուրաքանչյուր թեմա Հիսուս Քրիստոսի մասին ուսուցանելու և սովորելու հնարավորություն է» (Ուսուցանել Փրկչի ձևով, 6)։ Ի՞նչ եք սովորում Նրա հատկանիշների, Նրա դերերի և Նրա օրինակի մասին, երբ կարդում եք Վարդապետություն և Ուխտեր 29:

Վարդապետություն և Ուխտեր 29․36-50

Հիսուս Քրիստոսը փրկագնում է մեզ Անկումից

Ինչպե՞ս կարող եք օգտագործել Վարդապետություն և Ուխտեր 29.36–50 հատվածները, որպեսզի բացատրեք, թե ինչու մենք փրկագնման կարիք ունենք Հիսուս Քրիստոսի միջոցով։

Ադամի և Եվայի Անկումը աշխարհ բերեց մահը և մեղքը, բայց այն նաև փրկագնման և ուրախության ճանապարհ պատրաստեց Քրիստոսի միջոցով: Մտքում խորհելով այդ մասին, կարդացեք 39–43 հատվածները և նշեք այն բառերն ու արտահայտությունները, որոնք ձեզ ուրախություն են պատճառում: Ի՞նչն է ձեզ տպավորում այն մասին, թե ինչ ասացին Ադամն ու Եվան Անկման մասին Մովսես 5.10–12 հատվածներում:

Տես նաև «Ինչու մենք ունենք Փրկչի կարիք» (տեսանյութ), Ավետարանի գրադարան:

Why We Need a Savior

Լրացուցիչ գաղափարների համար տես Լիահոնա և Երիտասարդներին զորացնելու համար ամսագրերի այս ամսվա համարները։

Գաղափարներ երեխաներին ուսուցանելու համար

Վարդապետություն և Ուխտեր 29

Երկնային Հայրը փրկության ծրագիր ունի Իր զավակների համար

• Մեզ համար պատրաստած Երկնային Հոր ծրագրի մասին զրույց սկսելու համար դուք և ձեր երեխաները կարող եք խոսել այն մասին, երբ մի ժամանակ որևէ ծրագիր եք կազմել, օրինակ՝ ճամփորդության կամ առաջադրանք կատարելու համար: Կարող եք նաև կիսվել ծրագրի օրինակներով, օրինակ՝ մի օրացույց, որի վրա գրված են միջոցառումները կամ որևէ բան պատրաստելու հրահանգներ: Ծրագրերն ինչո՞ւ են օգտակար: Այնուհետև դուք կարող եք խոսել այն մասին, թե ինչ է ուզում իրականացնել Երկնային Հայրը, և ինչպես է Նրա ծրագիրն օգնում մեզ իրականացնել դա:

• Դուք կարող եք օգտագործել այս շարադրանքի վերջում գտնվող պատկերները, որոնք կօգնեն ձեր երեխաներին գտնել Վարդապետություն և Ուխտեր 29 հատվածներ, որոնք ուսուցանում են Երկնային Հոր ծրագրի տարբեր մասերի մասին: Կարող եք նաև կտրել պատկերները և խնդրել ձեր երեխաներին դրանք դնել ճիշտ հերթականությամբ: Ինչո՞ւ ենք մենք շնորհակալ այն իրողության համար, որ Երկնային Հայրը ծրագիր ունի մեզ համար: Փրկության ծրագրի մասին իմացությունն ինչպե՞ս է փոխում մեր ամենօրյա կյանքը։

Վարդապետություն և Ուխտեր 29․1-2, 7-8

Հիսուս Քրիստոսը կրկին հավաքում է Իր ժողովրդին Իր գալուստից առաջ

• Հավը հավաքում է իր ճտերին ստորև բերված նկարը կամ «Ճտերն ու հավերը» տեսանյութը (ChurchofJesusChrist.org) կարող է օգնել ձեր երեխաներին պատկերացնել Վարդապետություն և Ուխտեր 29.1–2 հատվածների համանմանությունը: Այնուհետև դուք կարող եք միասին կարդալ այս հատվածները և միմյանց հետ խոսել այն մասին, թե ինչպես է հավը պաշտպանում իր ճտերին, և ինչպես է դա նման այն բանին, ինչ Փրկիչը կարող է անել մեզ համար:

  Chicks and Hens

  

  Ես կհավաքմ ձեզ, Լիզ Լեմոն Սվինդլ

• Ի՞նչը կոգեշնչի ձեր երեխաներին, որ նրանք օգնեն Փրկչին հավաքել Իր ժողովրդին: Գուցե օգտակար լինի, որ նրանք լսեն ինչ-որ մեկի փորձառությունը, ով «հավաքվել» է Նրա մոտ՝ միանալով Նրա Եկեղեցուն: Օրինակ, ո՞վ է ձեր ընտանիքին ծանոթացրել Եկեղեցու հետ: Ինչպե՞ս ենք մենք օրհնվել, երբ ընդունել ենք Փրկչի կոչը՝ հավաքվելու Իր մոտ: Ինչպե՞ս կարող ենք օգնել ուրիշներին հավաքվել Նրա մոտ: (Տես «Ուղերձ երեխաների համար Նախագահ Ռասել Մ. Նելսոնից» [տեսանյութ], ChurchofJesusChrist.org։)

  Video: A Message for Children from President Russell M. Nelson

Վարդապետություն և Ուխտեր 29․11

Հիսուս Քրիստոսը կրկին կգա

• Փրկչի Երկրորդ Գալուստի նկարը (օրինակ՝ Ավետարանի պատկերագիրք, հ․ 66) կամ դրա մասին երգը (օրինակ՝ «When He Comes Again,», Children’s Songbook, 82–83) կօգնի ձեզ և ձեր երեխաներին քննարկել Վարդապետություն և Ուխտերը 29․11։ Օգնեք ձեր երեխաներին այդ հատվածի մեջ նկատել այնպիսի արտահայտություններ, որոնք վերաբերում են տվյալ նկարի կամ երգի որևէ մանրամասնության: Միմյանց հետ կիսվեք, թե ինչպիսին է ձեր վերաբերմունքը Հիսուս Քրիստոսի Երկրորդ Գալուստի վերաբերյալ:

Լրացուցիչ գաղափարների համար տես Ընկեր ամսագրի այս ամսվա համարը։