Marso 31–Abril 6: “Ummongento ni Jesucristo dagiti Taona”

Doktrina ken Katulagan 29

Nupay nabuangayen ti Simbaan ni Jesucristo idi 1830, adu pay dagiti kinapudno ti ebanghelio ti maipalgakto, ket adu dagiti saludsod ti sumagmamano a nagkauna a miembro ti Simbaan. Nabasada dagiti padto iti Libro ni Mormon maipanggep iti pannakaummong ti Israel ken ti pannakaipasdek ti Zion (kitaen iti 3 Nephi 21). Kasano a mapasamak dayta? Dagiti paltiing nga imbaga ni Hiram Page a naawatna ket nangpattapatta iti dayta a pagsasaritaan, a nangpadakkel laeng iti kuriosidad dagiti miembro (kitaen iti Doktrina ken Katulagan 28). Nasdaaw dagiti dadduma a tao maipapan iti Pannakatnag ni Adan ken Eva ken ti naespirituan nga ipapatay. Inawat ti Apo dagitoy a saludsod idi 1830, ket awatenna dagiti saludsodtayo iti agdama. “Ania man ti dawatenyonto a sipapammati,” imbagana kadagiti Santo, “ti panagkaykaysayo iti kararag a maibatay iti bilinko, maawatyonto” (Doktrina ken Katulagan29:6). Ti kinaagpaysona, kas iti nabaknang iti doktrina a paltiing iti Doktrina ken Katulagan 29 ipakitana a, no dadduma sungbatan ti Apo dagiti saludsodtayo babaen ti panangtedna kadatayo iti kinapudno ken pannakaammo iti labes ti dawdawatentayo.

Dagiti Kapanunotan iti Panagsursuro iti Pagtaengan ken iti Simbaan

Doktrina ken Katulagan 29

Adda plano ti Nailangitan nga Ama para iti pannakaisalakan dagiti annakna.

Isuro tiDoktrina ken Katulagan 29 dagiti adu a kinapudno maipapan iti plano ti Dios para kadakayo. Bayat ti panagbasam, sapulem dagiti kinapudno a masursurom maipapan ti tunggal maysa kadagiti sumaganad a paset ti planona:

• Biag sakbay ti yaay ditoy daga (kitaen kadagiti bersikulo 36–37)

• Panagparsua (kitaen kadagiti bersikulo 31–33)

• Ti Pannakatnag da Adan ken Eva (kitaen kadagiti bersikulo 40–41)

• Biag ditoy daga (kitaen kadagiti bersikulo 39, 42–45)

• Ti Pannubbot ni Jesucristo (kitaen kadagiti bersikulo 1, 42–43, 46–50)

• Ti Panagungar (kitaen kadagiti bersikulo 13, 26)

• Ti Maudi a Panangukom (kitaen kadagiti bersikulo 12–13, 27–30)

Ania dagiti nalawag a pannakaammo ken pannakaawat a nagun-odmo? No makatulong daytoy kenka, mabalinmo nga isurat dagitoy iti espasio a naited a kadua dagiti ladawan iti ungto daytoy a balabala. Kasano nga impluensiaan dagitoy a kinapudno ti biagmo?

Kitaen met iti Topics and Questions, “Plan of Salvation,” Gospel Library.

Detalye manipud iti Umaykayo Kaniak, ni Jenedy Paige

Doktrina ken Katulagan 29:1–28

Awisennak ni Jesuscristo a tumulong a mangummong kadagiti taona iti Maikadua a Yaayna.

Isarita ni Jesucristo maipapan iti panaguummong dagiti taona a “kas panangummong ti pamusian kadagiti piekna iti sirok dagiti payakna” (Doktrina ken Katulagan 29:2). Ania ti isuro kadatayo daytoy a panangidasig maipapan ken ni Jesucristo? Ania dagiti nayon a kapanunotan wenno impresion nga umay kenka bayat ti panangadalmo iti ilustrasion ti maysa a pamusian ken dagiti piekna iti daytoy a balabala? Panunotem no kasano a nariknayo ni Jesucristo a mangum-ummong ken mangsalsalaknib kadakayo.

Bayat ti panangbasam ti Doktrina ken Katulagan 29:1–11, sapulem dagiti nalawag a pannakammo ken pannakaawat maipapan iti:

• No asinonto ti maummong.

• No ania ti kaipapanan ti “maummong” ken ni Cristo.

• No apay nga aguummongtayo Kenkuana.

Utobem no apay a kayatmo nga aguummong dagiti dadduma a tao ken ni Jesucristo. Ania ti mariknam a makaparegta nga aramidem a tumulong?

Mabalinmo a saludsoden iti bagim dagiti isu met laeng a saludsod bayat ti panangbuyam iti video “A Witness of God” (Gospel Library) wenno panagbasa wenno panagdengngeg iti maysa a himno maipapan iti panaguummong, kas iti “Israel, Israel, God Is Calling” (Hymns, no. 7). Ania ti mariknam a padpadasen nga isuro ti Apo kenka maipapan iti aramid a panaguummong?

A Witness of God

Elder Neil L. Andersen describes how all of God's children are pieces of a large puzzle in preparation for the Second Coming of Jesus Christ.

Kinuna ni Presidente Russell M. Nelson: “Itan a mapasamak ti panaguummong iti tunggal pagilian. Impaulog ti Apo ti pannakabangon ti Zion iti tunggal pagarian a nangtedanna kadagiti Santona ti nakayanakan ken pagilianda” (“The Gathering of Scattered Israel,” Liahona, Nob. 2006, 81). Kasano a ti panaguummong iti kastoy a wagas ket matulongannatayo nga “agsagana iti amin a banag” a para iti Maikadua a Yaay ti Mangisalakan? (bersikulo 8; kitaen met kadagiti bersikulo 14–28).

Kitaen met iti Russell M. Nelson and Wendy W. Nelson, “Hope of Israel” (worldwide youth devotional, Hunio 3, 2018), Gospel Library; D. Todd Christofferson, “The Doctrine of Belonging,” Liahona, Nob. 2022, 53–56; Topics and Questions, “Gathering of Israel,” Gospel Library.

Doktrina ken Katulagan 29:31–35

“Naespirituan ti amin a banag kaniak.”

Bayat ti panagadalmo iti Doktrina ken Katulagan 29: 31–35, saludsoden iti bagim, “Iti ania a kaipapanan a naespirituan ti amin a bilin?” Mabalinmo nga ilista ti sumagmamano a bilin ket ibilangmo dagiti naespirituan a kinapudno a mainaig iti tunggal maysa. Ti panangrebyu iti Para iti Pigsa dagiti Agtutubo: Maysa a Pangiwanwan iti Panagpili ket makatulong—isurona ti sumagmamano kadagiti agnanayon a kinapudno iti likudan ti sumagmamano a bilin ti Dios.

Kasano a ti pannakaammo nga “amin a banag … ket naespirituan” ket apektuanna ti wagas a panangkitayo kadagiti bilin ti Dios? Ibilangmo ti panangsapul iti naespirituan a kaipapanan wenno panggep iti dadduma nga aspeto pay ti biagmo.

Kitaen met ti 2 Nephi 9:39.

Agpokus ken ni Jesucristo. “Tunggal topiko ti ebanghelio [ket] maysa a gundaway a mangisuro ken masursuruan maipapan ken ni Jesucristo” (Panangisuro iti Wagas ti Mangisalakan, 6). Ania ti masursuroyo maipapan kadagiti kababalinna, akemna, ken pagwadanna bayat ti panangbasayo iti Doktrina ken Katulagan 29?

Doktrina ken Katulagan 29:36–50

Subbotennatayo ni Jesucristo manipud iti Pannakatnag.

Kasano a maaramatyo ti Doktrina ken Katulagan 29:36–50 a mangilawlawag no apay a kasapulantayo ti pannakasubbot babaen ken ni Jesucristo?

Ti Pannakatnag da Adan ken Eva ti nangyeg iti ipapatay ken basol ditoy lubong, ngem daytoy pay ti nangisagana iti wagas para iti pannakasubbot ken rag-o babaen ken Cristo. Sipapanunot iti dayta, basaen dagiti bersikulo 39–43 ket sapulenyo dagiti balikas ken ragup ti balikas a mangyeg kadakayo iti rag-o. Ania ti makaawis iti riknayo maipapan iti kinuna da Adan ken Eva maipapan iti Pannakatnag iti Moises 5:10–12?

Kitaen met iti “Why We Need a Savior” (video), Gospel Library.

Why We Need a Savior

What would life be like without a Savior? There would be no joy, no forgiveness, no hope for the future. This Christmas, learn more about the hope, peace and happiness our Savior Jesus Christ can bring into our lives at christmas.mormon.org.

Para iti ad-adu pay a kapanunotan, kitaen dagiti isyu ti magasin a Liahona ken Para iti Pigsa dagiti Agtutubo iti daytoy a bulan.

Dagiti Kapanunotan para iti Panangisuro kadagiti Ubbing

Doktrina ken Katulagan 29

Adda plano ti Nailangitan nga Ama para iti pannakaisalakan dagiti annakna.

• Tapno mairugi ti saritaan maipapan iti plano ti Nailangitan nga Ama para kadatayo, mabalinyo ken dagiti annakyo ti agsarita maipapan iti maysa a panawen a nakaaramidkayo iti plano, kas iti maysa a panagbiahe wenno para iti pannakaipatungpal ti maysa nga aramid. Mabalinyo pay ti mangibinglay kadagiti pagarigan dagiti plano, kas iti kalendario a nakasuratan dagiti aktibidad iti daytoy wenno dagiti instruksion nga agaramid ti maysa a banag. Apay a napateg dagiti plano? Kalpasanna mabalinyo nga isarita maipapan iti kayat nga ipatungpal ti Nailangitan nga Ama ken no kasano a tulongannatayo ti planona a mangipatungpal iti daytoy.

• Mabalinyo nga aramaten dagiti ladawan iti ungto daytoy balabala a mangtulong kadagiti annakyo a mangsapul kadagiti bersikulo iti Doktrina ken Katulagan 29 a mangisuro maipapan kadagiti nadumaduma a paset ti plano ti Nailangitan nga Ama. Mabalinyo met a gettengen dagiti ladawan ket paurnosyo kadagiti annakyo dagitoy iti husto nga urnos. Apay nga agyamantayo a mangammo nga adda plano ti Nailangitan nga Ama para kadatayo? Kasano a ti panangammo maipapan itoy ket makaimpluensia kadagiti inaldaw a biagtayo?

Doktrina ken Katulagan 29:1–2, 7–8

Ummongento ni Jesucristo dagiti taona sakbay ti yaayna manen.

• Ti ilustrasion iti baba ti maysa a pamusian a mangum-ummong kadagiti piekna wenno ti video “Chicks and Hens” (ChurchofJesusChrist.org) ti makatulong kadagiti annakyo a mangiladawan iti analohia iti Doktrina ken Katulagan 29:1–2. Kalpasanna mabalinyo nga aggigiddan a basaen dagitoy a bersikulo ken pagsaritaan iti tunggal maysa maipapan no kasano a salakniban ti pamusian dagiti piekna ken no kasano a maipada dayta iti maaramid ti Mangisalakan para kadatayo.

  Chicks and Hens

  

  Ummongenkayo, ni Liz Lemon Swindle

• Ania ti mangparegta kadagiti annakyo nga agtarigagay a mangtulong iti Mangisalakan a mangummong kadagiti taona? Mabalin a kayatda a mangngegan ti padas ti maysa a tao a “naguummong” Kenkuana babaen ti pannakikappeng iti Simbaanna. Kas pagarigan, siasino ti nangyam-ammo ti pamiliam iti Simbaan? Kasano a naparaburantayo babaen ti panangsurot iti awag ti Mangisalakan nga aguummong Kenkuana? Kasano a matulongantayo dagiti dadduma nga aguummong Kenkuana? (Kitaen iti “A Message for Children from President Russell M. Nelson” [video], ChurchofJesusChrist.org.)

  Video: A Message for Children from President Russell M. Nelson

  In the 2021 Friend to Friend event, President Russell M. Nelson gave this message to children around the world.

Doktrina ken Katulagan 29:11

Umayto manen ni Jesucristo.

• Ti ladawan ti Maikadua a Yaay ti Mangisalakan (kas iti Libro ti Arte ti Ebanghelio, no. 66) wenno maysa a kanta maipapan iti daytoy (kas iti “When He Comes Again,” Children’s Songbook, 82–83) ket mabalin a makatulong kadakayo ken dagiti annakyo a mapaglilinnawagan ti Doktrina ken Katulagan 29:11. Tulongam dagiti annakmo a mangkita kadagiti ragup ti balikas iti nasantuan a kasuratan a mangisarita no ania ti makitada iti ladawan wenno kanta. Ibinglayyo iti tunggal maysa no kasano ti riknayo maipapan iti yaay manen ni Jesucristo iti daga.

Para iti ad-adu pay a kapanunotan, kitaen iti isyu ti magasin a Friend iti daytoy a bulan.