Marso 24–30: “Nasken a Naurnos ti Pannakaaramid dagiti Amin a Banag”

Doktrina ken Katulagan 27–28

Ti paltiing ket baro pay la a konsepto idi para kadagiti Santo bayat ti panagtultuloy ti pannakaipalgak ti Pannakaisubli. Ammo dagiti nagkauna a miembro ti Simbaan a mabalin nga umawat ni Propeta Joseph Smith iti paltiing para iti Simbaan. Ngem makaawat kadi ti dadduma? Dagiti saludsod a kastoy ket nagbalin a kritikal idi ni Hiram Page, maysa kadagiti Walo a Saksi dagiti balitok a pinanid, ket namati a nakaawat isuna kadagiti paltiing para iti Simbaan. Adu dagiti napudno a Santo ti namati a naggapu iti Dios dagitoy a paltiing. Simmungbat ti Apo babaen ti panangisurona nga iti Simbaanna “nasken a naurnos ti pannakaaramid ti amin a banag” (Doktrina ken Katulagan 28:13). Kaipapanan daytoy ti kaadda laeng ti maysa a tao a “matudingan nga umawat kadagiti bilin ken paltiing” para iti intero a Simbaan (Doktrina ken Katulagan 28:2). Nupay kasta, mabalin dagiti dadduma ti umawat iti bukodda a paltiing para iti pagrebbenganda iti aramid ti Apo. Ti kinaagpaysona, dagiti balikas ti Apo ken ni Oliver Cowdery ket maysa a pammalagip kadatayo amin: “Maitedto kenka … no ania ti aramidem” (Doktrina ken Katulagan 28:15).

Kitaen met iti “All Things Must Be Done in Order,” Revelations in Context, 50–53.

Dagiti Kapanunotan iti Panagsursuro iti Pagtaengan ken iti Simbaan

Doktrina ken Katulagan 27:1–4

Awatek ti sakramento kas panglagip ken ni Jesucristo.

Nabuniagan da Sally Knight ken Emma Smith idi Hunio 1830, ngem sininga dagiti bunggoy a mangriribuk dagiti kumpirmasionda. Kalpasan ti dua bulan, immay sinarungkaran ni Sally ken ti asawana, a ni Newel, da Emma ken Joseph, ket napagnanamingan a nasken itan a makumpirmaanda ken makiranud ti grupo iti sakramento a sangkamaysa. Bayat ti kaaddana iti dalanna a manggun-od iti arak ti sakramento, pinagsardeng ti maysa nga anghel ni Joseph.

Basaen ti Doktrina ken Katulagan 27:1–4 tapno ammuen no ania ti insuro ti anghel kenkuana maipapan iti sakramento. Ania ti isingasing dagitoy a bersikulo maipanggep iti no kasano ti kayat ti Mangisalakan a panangpanunotmo iti sakramento? Ania ti panagkunam ti kaipapanan ti makiranud iti daytoy a “naitalimudok iti imatang iti gloria[na]”? Utobem daytoy—ken sapulem dagiti dadduma pay a nalawag a pannakaammo ken pannakaawat maipapan iti sakramento—bayat ti panagbasam iti Lucas 22:19–20 ken 3 Nephi 18:1–11. (Kitaen met kadagiti video “The Last Supper,” “Jesus Christ Blesses Bread in Remembrance of Him,” ken “Jesus Christ Blesses Wine in Remembrance of Him,” Gospel Library).

The Last Supper

Meeting in an upper room with His disciples, Jesus washes their feet, institutes the sacrament, and commands them to love one another. John 13:1–35

Jesus Christ Blesses Bread in Remembrance of Him | 3 Nephi 18:1-7

Jesus breaks bread and blesses it and commands His disciples and the multitude to eat it in remembrance of His body. He instructs them to always do this.

Jesus Christ Blesses Wine in Remembrance of Him | 3 Nephi 18:8-11

Jesus blesses the wine and commands His disciples and the multitude to drink it in remembrance of His blood. He commands them to always remember Him so they may have His Spirit.

Tapno masursuro ti maipapan iti panamagbalin iti sakramento a makapadayaw a padas, ibilang ti panangadal iti mensahe ni Elder D. Todd Christofferson “The Living Bread Which Came Down from Heaven” (Liahona, Nob. 2017, 36–39). Ania ti insuro ni Elder Christofferson a makatulong kenka a makarikna iti dakdakkel a koneksion iti Mangisalakan babaen ti sakramento? Utobem no ania ti maaramidmo tapno nasaysayaat a makapagsaganaka a makiraman kadagiti emblem ti Pannubbot ti Mangisalakan ken mangtrato kadagitoy iti dakdakkel a panagraem wenno panggep.

Ibilang ti panagkanta, panagdengngeg, wenno panagbasa iti himno ti sakramento, kas iti “As Now We Take the Sacrament” (Hymns, no. 169), ken panangisurat iti riknayo maipapan iti pannakipaset iti daytoy sagrado nga ordinansa.

Agusar iti musika. Mangyawis ti sagrado a musika iti Espiritu a mangipaneknek kadagitoy kinapudno ti ebanghelio. Makatulong daytoy kadakayo a makaawat ken mangaramat kadagitoy a kinapudno iti nakallalagip a wagas. Makatulong pay ti musika tapno ad-adda a makaawis ti panagsursuro.

Kitaen met iti Doktrina ken Katulagan 20:77, 79; 59:9–13; Topics and Questions, “Sacrament,” Gospel Library; “Obtaining and Retaining a Remission of Sins through Ordinances,” iti David A. Bednar, “Always Retain a Remission of Your Sins,” Liahona, Mayo 2016, 60–62.

Always Retain a Remission of Your Sins

Elder Bednar teaches about how priesthood ordinances help us retain a remission of our sins.

Doktrina ken Katulagan 27:5–14

Ikkan ti Apo dagiti katulonganna kadagiti tulbek ti priesthood a mangiturong iti aramidna.

Ania ti ammoyo maipapan kadagiti propeta a nadakamat kadagitoy a bersikulo? Mabalinmo a sukisoken iti impormasion maipapan kadakuada iti Pangiwanwan iti Nasantuan a Kasuratan. Ania dagiti bendision a naluktan para kadakayo gapu kadagiti tulbek nga iggem dagitoy a propeta?

Kitaen iti Doktrina ken Katulagan 27:15–18

Ti kabal ti Dios ti mangtulong kaniak nga agtakder a maibusor iti dakes.

Kinuna ni Presidente M. Russell Ballard: “Awan iti maymaysa a naindaklan ken nadayaw a banag a maaramidtayo a mangarmas a naespirituan ti bagbagitayo. Agpannuray dagiti pudno a naespirituan a bileg iti adu a babbabassit a tignay a nayabel a sangkamaysa iti maysa a tela ti naespirituan a sarikedked a mangsaluad ken mangkalasag manipud iti amin a kinadakes” (“Be Strong in the Lord,” Ensign, Hulio 2004, 8).

Bayat ti panagsursurom maipapan iti kabal ti Dios iti Doktrina ken Katulagan 27:15–18, mabalinmo ti agaramid ti maysa a table a kas iti daytoy. Ania ti ar-aramidem a mangipuesto iti tunggal pedaso ti kabal ti Dios?

Pedaso ti kabal	Paset ti bagi a masaluadan	No ania ti mabalin nga ibagi dayta a paset ti bagi
Pedaso ti kabal Kabal ti kinalinteg	Paset ti bagi a masaluadan Puso	No ania ti mabalin nga ibagi dayta a paset ti bagi Dagiti tarigagay ken panagayatko
Pedaso ti kabal Bistukol ti pannakaisalakan	Paset ti bagi a masaluadan Ulo wenno panunot	No ania ti mabalin nga ibagi dayta a paset ti bagi
Pedaso ti kabal	Paset ti bagi a masaluadan	No ania ti mabalin nga ibagi dayta a paset ti bagi
Pedaso ti kabal	Paset ti bagi a masaluadan	No ania ti mabalin nga ibagi dayta a paset ti bagi

Kitaen met iti Taga Efeso 6:11–18; Jorge F. Zeballos, “Building a Life Resistant to the Adversary,” Liahona, Nob. 2022, 50–52.

Doktrina ken Katulagan 28

Iturong ni Jesucristo ti Simbaanna babaen ti sibibiag a propetana.

Panunotem no ania koma ti kayariganna no makaawat ti asino man kadagiti bilin ken paltiing para iti intero a Simbaan. Idi imbaga ni Hiram Page a nakaawat iti kasta a paltiing, natikaw ti adu a miembro ti Simbaan. Iti Doktrina ken Katulagan 28, impalgak ti Apo ti maysa nga urnos para iti paltiing iti Simbaanna. Ania ti masursurom manipud iti daytoy a benneg maipapan ti nalawag nga akem ti Presidente ti Simbaan? Ania ti masursurom maipapan iti no kasano a maiturongnaka ti Dios?

Kitaen met iti Elder Dale G. Renlund, “A Framework for Personal Revelation,” Liahona, Nob. 2022, 16–19).

Doktrina ken Katulagan 28:8–9

Apay a napateg ti mision kadagiti Lamanite?

Maysa a panggep ti Libro ni Mormon ket tapno “dumteng iti pannakaammo dagiti Lamanite kadagiti ammada, ken bareng no maammuanda dagiti kari ti Apo” (Doktrina ken Katulagan 3:20). Maitunos daytoy kadagiti kari nga inaramid ti Apo iti adu a propeta iti Libro ni Mormon (kitaen, kas pagarigan, iti 1 Nephi 13:34–41; Enos 1:11–18; Helaman 15:12–13). Imbilang dagiti nagkauna a miembro ti Simbaan dagiti American Indian nga an-annabo dagiti tao iti Libro ni Mormon. (Ti opisial a posision ti Simbaan ita ket dagiti Lamanite ket “isuda dagiti an-annabo dagiti American Indian” [pakauna iti Libro ni Mormon].)

Tapno mabasa ti ad-adu pay maipapan iti mision ni Oliver Cowdery iti asideg dagiti American Indian, kitaen iti “A Mission to the Lamanites,” Revelations in Context, 45–49). Ania iti isuro kenka daytoy a mision maipapan iti Apo ken ti aramidna?

Para iti ad-adu pay a kapanunotan, kitaen dagiti isyu ti magasin a Liahona ken Para iti Pigsa dagiti Agtutubo iti daytoy a bulan.

Dagiti Kapanunotan para iti Panangisuro kadagiti Ubbing

Doktrina ken Katulagan 27:1–2

Makatulong kaniak ti sakramento a manglagip ken ni Jesucristo.

• Mabalin a masdaaw dagiti ubbing no apay nga usarentayo ti danum para iti sakramento idi inusar ni Jesus ti arak (kitaen iti Lucas 22:19–20; 3 Nephi 18:1–11). Mabalinyo nga aggigiddan a basaen ti Doktrina ken Katulagan 27:1–2 ket paglilinnawagan no ania ti kaipapanan ti pannakiranud iti sakramento a “naitalimudok ti imatang iti gloria ti [Dios]” (bersikulo 2). Ania ti maaramidtayo a mangipamaysa iti imatangtayo iti Mangisalakan bayat ti pannakiranudtayo iti sakramento?

• Nalabit a ti kaadda dagiti ladawan, bersikulo ti nasantuan a kasuratan, wenno liriko ti kanta maipapan iti Mangisalakan ket makatulong kadagiti annakmo a manglagip Kenkuana no umaw-awatda iti sakramento. Mabalin a magustuanda ti mangparnuay iti buklet nga addaan iti sumagmamano kadagitoy a ladawan, bersikulo, ken liriko. Mabalinda ti agdrowing kadagiti bukodda a ladawan wenno mangsarakda iti sumagmamano iti Friend a magasin.

Detalye manipud iti Ti Maudi a Pangrabii, ni Simon Dewey

Kitaen iti Doktrina ken Katulagan 27:15–18

Salaknibannak ti kabal ti Dios.

• Mabalinmo nga ipakita kadagiti annakmo ti ladawan ti kabal a kas iti adda iti daytoy a balabala wenno iti panid ti aktibidad iti balabala para kadagiti Taga Efeso iti Umaykayo, Sumurot Kaniak—Para iti Primary: Baro a Tulag 2023. Bayat ti panangbasam iti Doktrina ken Katulagan 27:15–18, tulongam ida a mangsapul kadagiti pedaso ti kabal iti ladawan. Kasano a matulongannatayo ti kabal ti Dios a “madaeran ti dakes nga aldaw” (bersikulo 15).

Doktrina ken Katulagan 28:2, 6–7

Umawat ti propeta iti paltiing para iti Simbaan; mabalinko ti umawat iti paltiing para iti biagko.

• No addaanka iti sumagmamano nga annak, mabalinmo nga awisen ida nga agay-ayam iti “suroten ti lider,” ngem kiddawem iti dua wenno ad-adu pay nga ubbing nga agbalin a lider iti dayta met la a gundaway. Ania ti mapasamak no adda nasurok ngem maysa a lider? Kalpasanna mabalinmo nga adalen ti maipapan ken ni Hiram Page (kitaen iti “Kapitulo 14: Ti Propeta ken dagiti Paltiing para iti Simbaan” (iti Dagiti Estoria iti Doktrina ken Katulagan, 56–57, wenno ti katupagna a video iti Gospel Library; wenno ti paulo ti benneg para iti Doktrina ken Katulagan 28). Kasano nga inatur ti Nailangitan nga Ama ti pannakatikaw dagiti nagkauna a miembro ti Simbaan? Kasano nga idauluanna ti Simbaan ita? (kitaen iti Doktrina ken Katulagan 28:2). Ibinglaymo ti pammaneknekmo a ti agdama a propeta ket awagan ti Apo a mangidaulo ti Simbaanna iti aldawtayo.

  Chapter 14: The Prophet and Revelations for the Church: September 1830

• Idinto a kanayonto a maited ti paltiing para iti Simbaan babaen ti propeta, mabalin a datayo amin ket iturong ti Espiritu Santo. Mabalinmo a tulongam dagiti ubbing a mangsukisok kadagiti sumaganad a nasantuan a kasuratan ken mangilista kadagiti wagas a mabalin a pangtarabayan ti Espiritu Santo kadatayo: Doktrina ken Katulagan 28:1, 4, 15; Juan 14:26; Moroni 8:26; 10:4–5. Ibinglayyo iti tunggal maysa no kasano a tinarabaynakayo ti Espiritu Santo.

Para iti ad-adu pay a kapanunotan, kitaen iti isyu ti magasin a Friend iti daytoy a bulan.