“Marso 17–23: ‘Sapulenyo dagiti Banag ti Nasaysayaat a Lubong’: Doktrina ken Katulagan 23–26,” Umaykayo, Sumurot Kaniak—Para iti Pagtaengan ken Simbaan: Doktrina ken Katulagan 2025 (2025)
“Doktrina ken Katulagan 23–26,” Umaykayo, Sumurot Kaniak—Para iti Pagtaengan ken Simbaan: 2025
Marso 17–23: “Sapulenyo dagiti Banag ti Nasaysayaat a Lubong”
Doktrina ken Katulagan 23–26
Para iti kaaduan a tao, ti pannakabuniag ket maysa a nadayaw, natalna a padas. Ti panagbuniag ni Emma Smith ken dadduma pay, nupay kasta, ket sininga ti maysa a bunggoy a mangriribuk a nanguyaw kadakuada, nangpangta kadakuada, ken nangpatalaw kadakuada. Idi agangay, idi dandanin kumpirmaen ni Joseph dagiti baro a miembro, naaresto gapu iti panangriribukna iti komunidad babaen ti panangasabana. Iti amin daytoy a panagsuppiat, kasano a makasarak ni Emma iti pammatalged nga ar-aramidenna ti umno? Iti isu met laeng a lugar a pakasarakantayo amin—babaen ti paltiing manipud iti Apo. Kinasaona ni Emma maipapan kadagiti “banag ti nasaysayaat a [lubong]”—ti pagarianna—ken ti lugarna iti daytoy. Imbagana kenkuana a saan nga agbuteng, nga “itag-ay [ti pusona] ken agrag-o,” ken “kumpet kadagiti katulagan [nga inaramidna].” Ket dagitoy a balikas ti pammaregta ken pammagbaga ti “timekna nga agpaay iti amin” .(Doktrina ken Katulagan 25:9–10, 13, 16).
Kitaen met iti Saints; 1:89–90; 94–97.
Dagiti Kapanunotan iti Panagsursuro iti Pagtaengan ken iti Simbaan
Maitag-aynak ti Mangisalakan kadagiti “rigrigat[ko].”
Naited ti paltiing iti Doktrina ken Katulagan 24 tapno “mangpapigsa, mangparegta, ken mangiturong” kada Joseph ken Oliver iti panawen ti pannubok (paulo ti benneg; kitaen met iti Saints, 1:94–96). Sapulem dagiti balikas iti Doktrina ken Katulagan 24 a mariknam a makapabileg ken makaparegta koma kadakuada.
Ania ti isingasing kenka dagiti sumaganad a nasantuan a kasuratan maipapan iti no kasano a matulongannaka ti Mangisalakan kadagiti karitmo?
Doktrina ken Katulagan 121:7–8
Detalye manipud iti Inagasanna ti Adu a Nadumaduma a Sakit, ni J. Kirk Richards
Adda napateg nga akemko iti pagarian ti Dios.
Bayat ti panangbuybuya ni Emma Smith iti pannakaibukbok ti Pannakaisubli babaen iti asawana, ni Joseph Smith, mabalin a pinampanunotna no ania ti mabalin nga akemna. Sapulen dagiti sungbat nga inted ti Apo iti Doktrina ken Katulagan 25. Adda kadi masarakam iti daytoy a benneg a mariknam nga isu ti “timekna nga agpaay [kadakayo]”? (bersikulo16).
Kitaen met iti “An Elect Lady” (video), Gospel Library; “Thou Art an Elect Lady,” iti Revelations in Context, 33–39; Joy D. Jones, “An Especially Noble Calling,” Liahona, Mayo 2020, 15–18.
"An Elect Lady"
(D&C 25:2-3) Video portraying events in the life of Emma Smith.
Doktrina ken Katulagan 25:5, 14
“Ituloymo ti espiritu ti kinaemma.”
Ania ti kaipapanan kenka ti ragup ti balikas a “ti espiritu ti kinaemma”? Ibilangmo ti panangsukisok iti benneg 25 para kadagiti balikas ken ragup ti balikas a makatulong kenka a makaawat no ania ti kaipapanan ti panagbalin a naemma. Makatulong pay ti mensahe ni Elder Bednar “Meek and Lowly of Heart” (Liahona, Mayo 2018, 30–33). Kasano a maysa a pagwadan ti kinaemma kenka ni Jesucristo? (kitaen iti Mateo 11:28–30). Panunotem dagiti banag iti biagmo a mabalinmo nga aramiden “iti espiritu ti kinaemma.”
Doktrina ken Katulagan 25:10, 13
“Iwaksim dagiti banag a nailubongan, ket sapulem dagiti banag a nasaysayaat.”
Bayat ti panangutobmo iti balakad ti Apo iti Doktrina ken Katulagan 25:10, mabalin a makatulong ti panangilista kadagiti “banag iti daytoy a lubong” a kayatna nga “iwaksim.” Kalpasanna, mabalinmo nga ilista “dagiti banag ti nasaysayaat a [lubong] a kayatna a sapulem. Mabalin a piliem ti uray maysa laeng a banag manipud iti umuna a listaan nga iwaksimto ken maysa a banag manipud iti maikadua a listaan a sapulemto.
Nangted ni Presidente Russell M. Nelson iti balakad ken kari maipapan iti “[panangilaksid] iti adu a banag iti daytoy a lubong.” Sapulem daytoy iti panid 77 ti mensahena nga “Spiritual Treasures” (Liahona, Nob. 2019). Kasano a surotemto ti balakadna?
Bayat ti panangbasam iti bersikulo 13, panunotem dagiti katulagan nga inaramidmo iti Nailangitan nga Ama ken ni Jesucristo. Ania ti kayat a sawen ti “kumpet” kadagitoy a katulagan? Kasano a tulongannaka dagiti katulagam nga “iwaksim dagiti banag a nailubongan, ket sapulem dagiti banag a nasaysayaat”?
Adtoy ti dadduma pay a nasantuan a kasuratan a makatulong kenka a mangammo (discern) kadagiti “banag daytoy a lubong” ken “dagiti banag a nasaysayaat” : Mateo 6:19, 21, 25–34; Lucas 10:39–42; 2 Nephi 9:51.
Kitaen met iti Topics and Questions, “Sacrifice,” Gospel Library.
Yawis ti Panagbibinninglay. No mangisursuroka kadagiti dadduma maipapan no kasano nga ‘iwaksi dagiti banag ti lubong,’ ibilangmo dagiti wagas a mangawis kadakuada a mangibinglay no ania ti ar-aramidenda a mangsurot iti daytoy a balakad. Makagun-odtayo iti dakkel a pigsa ken tured manipud iti pannakangngegtayo kadagiti nalawag a pannakaammo ken pannakaawat ken padpadas ti tunggal maysa.
Doktrina ken Katulagan 25:11–12
Maragsakan ti Apo iti “kantak ti puso.”
Ania ti sumagmamano kadagiti “kanta[yo] ti puso” —dagiti kanta a mangipeksa iti riknayo maipapan iti Nailangitan nga Ama wenno ni Jesucristo? Ibilangmo ti panangkanta wenno panangdengngeg iti sumagmamano kadagitoy. Ania ti maipapan kadagitoy a kanta a mamagbalin kadakuada a naisangsangayan kenka?
Mabalinmo met nga utoben no kasano a kasla kararag dagitoy a himno. Ania ti pagpadaan ti sagrado a musika ken kararag? Kasano a “nasungbatan iti bendision” dagiti sagrado a kantam?
Kitaen met iti “Oh, What Songs of the Heart,” Hymns, no. 286.
Maaramidto amin a banag babaen ti sapasap a pammalubos iti simbaan.”
Ti ragup ti balikas a “sapasap a pammalubos” iti daytoy a bersikulo ket maibasar iti aramid a panangitag-ay kadagiti imatayo tapno maipakita a kanunongan ken suportarantayo ti maysa a tao nga umaw-awat iti maysa a calling wenno ordinasion iti priesthood. Kasano nga ilawlawagmo iti maysa a sangaili iti miting ti Simbaan no ania ti kayatna a sawen no kanunongantayo ti maysa a tao? Ania dagiti sungbat a masarakam iti mensahe ni President Henry B. Eyring “The Power of Sustaining Faith”? (Liahona, Mayo 2019, 58–60).
Para iti ad-adu pay a kapanunotan, kitaen dagiti isyu ti magasin a Liahona ken Para iti Pigsa dagiti Agtutubo iti daytoy a bulan.
Dagiti Kapanunotan para iti Panangisuro kadagiti Ubbing
Doktrina ken Katulagan 24:1, 8
Maitag-aynak ti Mangisalakan kadagiti “rigrigat[ko].”
-
Tapno masursuro maipapan iti sumagmamano kadagiti rigrigat wenno karit a naipasango ken ni Joseph Smith ken dagiti nagkauna a Santo, mabalinmo nga irebyu ti “Kapitulo 11: Kumappeng ti Ad-adu pay a Tattao iti Simbaan,” Dagiti Estoria iti Doktrina ken Katulagan, 46–47, wenno ti katupagna a video iti Gospel Library. Kalpasanna mabalinmo ken dagiti annakmo ti mangtakuat no ania ti kinuna ti Apo ken ni Joseph Smith maipapan kadagiti rigrigatna iti Doktrina ken Katulagan 24:1, 8. Mabalinyo pay nga ibinglay iti tunggal maysa no kasano a tulongannakayo ti Apo kadagiti narigat a panawenyo.
1:52Chapter 11: More People Join the Church: April–June 1830
-
Tapno masursuro no ania ti kayat a sawen ti “aganus kadagiti rigrigat[tayo],” mabalinmo ken dagiti annakmo ti mangpartuat manen iti eksperimento iti video “Continue in Patience” (Gospel Library). Ania ti isuro kadatayo ti Doktrina ken Katulagan 24:8 maipapan iti kinaanus? Kasano nga ipakaammo ti Mangisalakan kadatayo nga Isu ket “adda [kadatayo]” iti panawen ti panagrigrigattayo?
2:41Continue in Patience
Patience requires that we obey God's commandments and faithfully wait for His will to be fulfilled.
Doktrina ken Katulagan 25:11–12
Ay-ayaten ni Jesus “ti kanta ti puso.”
-
Kalpasan ti panangbasayo iti Doktrina ken Katulagan 25:12, mabalinyo nga ibaga iti tunggal maysa ti maipapan iti paboritoyo a himno wenno kanta ti Simbaan —ti “kanta[yo] ti puso”—ket agkantakayo. Ibinglay iti tunggal maysa no apay a magustuanyo dagitoy a kanta. Apay a naragsak ti Apo no kantaentayo dagitoy a kanta? Kasano a maipada ti panagkantatayo iti “maysa a kararag [Kenkuana]”?
Doktrina ken Katulagan 25:13, 15
Dagiti katulagak iti Nailangitan nga Ama ti mangyeg kaniak iti rag-o.
-
Tapno maawatan no ania ti kaipapanan ti “kumpetkayo kadagiti katulagan” (Doktrina ken Katulagan 25:13), mabalin nga agsisinnublat dagiti annakmo a mangiggem a siiirut iti maysa a banag agingga a kabaelanda. Kalpasanna mabalin a pagsasaritaanyo kadagiti annakyo maipapan no kasano a “kumpetkayo” wenno iggemanyo dagiti katulaganyo. No kasapulan, irebyum kadagiti annakmo dagiti katulagan nga aramidentayo (kitaen iti Mosiah 18:8–10; Doktrina ken Katulagan 20:37; ken iti panid daytoy nga aktibidad ita a lawas).
-
Tapno maited kadagiti annakmo ti konteksto ti Doktrina ken Katulagan 25:13, mabalinmo nga ilawlawag a daytoy ti maysa a banag nga imbaga ti Apo ken ni Emma Smith iti nabiit kalpasan ti pannakabuniagna. Apay a nasayaat daytoy a balakad para iti maysa a nabiit pay a nabuniagan?
Para iti ad-adu pay a kapanunotan, kitaen iti isyu ti magasin a Friend iti daytoy a bulan.
Dagiti Himno ni Emma, ni Liz Lemon Swindle