Nakokanisa Liyokani, na Enrique Manuel Garcia

Sanza ya motoba 30–Sanza ya nsambo 6: “Ebundeli Moko te Esalemi mpo na Kobundisa Ekolonga Yo”

Malongi mpe Mayokani 71–75

Uta ntango azalaki elenge mobali, Joseph Smith akutanaki na botioli—kutu banguna—ntango azalaki komeka kosala mosala ya Nzambe. Kasi esengelaki kosala mpasi mingi koleka na motema na nsuka ya 1831 ntango Ezra Booth abandaki kotiola Eklezia na miso ya bato, mpo na likambo oyo moto oyo azalaki mondimi moko ya kala. Ezra amonaka Joseph kosalela nguya ya Nzambe mpo na kobikisa mwasi moko. Babengisaki ye mpo na kokende elongo na Joseph mpo na kosala anketi ya yambo ya kotala mabele ya Siona na Missouri. Kasi ye uta ntango wana asilaki kobungisa bondimi na ye mpe, na komekaka kobebisa lokumu ya Profeta, abimisaki molongo ya mikanda na zulunale moko ya Ohio. Mpe milende na ye emonanaki kobimisa mbuma, mpo ete “motema mabe … ekolaki na kotelemela Eklezia” kati na etuka yango (Malongi mpe Mayokani 71, eteni ya moto ya mokapo). Nini bandimi basengeli kosala na likambo lokola wana? Ntango eyano ya malamu moko te elongobani mpo na likambo nyonso, emonani lokola ete mbala mingi mpenza—mpe lisusu na likambo oyo na 1831—eteni moko ya eyano ya Nkolo ezali ya kobundela bosolo mpe kosembola lokuta na “kosakolaka [nsango] malamu” (molongo 1). Iyo, bato bakotonga ntango nyonso mosala ya Nkolo, kasi na nsuka, “ebundeli moko te oyo esalemi mpo na kobundisa [yango] ekolonga” (molongo 9).

Tala “Ezra Booth mpe Isaac Morley,” kati na Revelations in Context, 134.

Makanisi mpo na koteya na Ndako mpe na Eklezia

Malongi mpe Mayokani 71

Molimo akokamba ngai ntango nasakoli nsango malamu ya Mobikisi.

Ekoki kozala kotungisa ntango bato bazali kotiola to kotiola bondimi na yo na Mobikisi, nsango malamu na Ye, to Eklezia na Ye. Soki esalemi bongo, okosala nini? Eloko moko ya lolenge se moko esalemaki na Ohio na 1831 (tala moto ya eteni na Malongi mpe Mayokani 71). Nini Nkolo ayebisaki Joseph Smith mpe Sidney Rigdon basala na ntina na yango na Malongi mpe Mayokani 71? Mbala mosusu okokaki kotanga malako Nkolo apesaki bango mpe mapamboli Ye alakaki.

Na kobakisa na boyekoli eteni 71, okoki mpe kotala lolenge nini Mobikisi ayanolaki na batioli na Ye na ntango ya mosala na Ye ya nkufa. Tala mwa bandakisa: Matai 22:15–22; 26:59–64; Yoane 10:37–38. Oyekoli nini uta na Ye? Makanisi mosusu nini ozwi uta na Matai 18:15; Baefese 4:31–32; 2 Timote 3:12; Yakobo 1:19?

Lolenge nini toli na Ye ekoki kosalelama na makambo oyo ozali kokutana na yango lelo? Okoki kotalela ndenge ya kosembola lokuta na kimia na maloba na yo moko. Ndakisa, okoki kobanda na kolakisa limemya mpo na makanisi ya moto mosusu, mpe na nsima okoki kokabola na lolenge ya komikitisa mpe ya boboto oyo ondimi oyo etali Yesu Klisto mpe mateya na Ye. Mpo na komibongisa na mabaku yango, mbala mosusu okoki komeka lolenge yango elongo na baninga to baye ya libota.

Tala lisusu Topics and Questions, “Kosalisa Basusu na Mituna,” Gospel Library; Dallin H. Oaks, “Loving Others and Living with Differences [Kolinga Basusu mpe Kozala na Bokeseni],” Liahona, Sanza ya zomi na moko 2014, 25–28; Jörg Klebingat, “Valiant Discipleship in the Latter Days [Bayekoli ya Mpiko na Mikolo ya Nsuka],” Liahona, Sanza ya mitano 2022, 107–10.

Malongi mpe Mayokani 72

Nkolo apambolaka ngai na nzela ya mosala ya bakambi lokola baepisikopo.

Ntango Newel K. Whitney abiangemaki mpo na kosalela Nzambe lokola episikopo ya mibale na Eklezia, mikumba na ye ezalaki ya kokesena moke na maye ya baepisikopo ya lelo. Ndakisa, Episikopo Whitney akambaki misala ya bobulisi ya biloko mpe ndingisa ya kofanda na Missouri, na mabele ya Siona. Kasi ntango ozali kotanga libiangi na ye na Malongi mpe Mayokani 72, okoki komona mwa mikangano na oyo baepisikopo ya lelo basalaka—mwa moke na molimo, soki te na nyonso, ya mikumba na bango.

Ndakisa, banzela nini yo “oyanoloka” epayi ya episikopo na yo? (molongo 5). Na mikolo na biso, “ebombelo ya Nkolo” ekoki kosangisa makabo, mosala, mpe batalanta ya bandimi ya palwasi (tala milongo 10, 12). Lolenge nini okoki kopesa makabo na ebombelo wana?

Lolenge nini Nkolo apamboli yo mpe libota na yo na nzela ya mosala ya episikopo?

Tala lisusu Quentin L. Cook, “Bishops—Shepherds over the Lord’s Flock [Baepiskopo—Babateli ya mpate ya Etonga ya Nkolo],” Liahona, Sanza ya mitano 2021, 56–60.

Malongi mpe Mayokani 73

Nazali na mabaku ebele ya kokabola nsango malamu ya Mobikisi.

Ntango Joseph Smith mpe Sidney Rigdon bazongaki na mosala na bango ya misionele (tala Malongi mpe Mayokani 71), Nkolo ayebisaki bango bakoba kobongola Biblia (tala Bokambi na Makomi, “Joseph Smith Translation (JST) [Bobongoli ya Joseph Smith],” Gospel Library). Kasi yango elimbolaki te ete alingaki batika kokabola nsango malamu. Kutu, ezali eteni ya bomoi ya moyekoli.

Ntango ozali kotanga Malongi mpe Mayokani 73, tala lolenge nini okoki kosala ete kokabola nsango malamu ekendaka liboso ntango nyonso, “eloko ya kosala lokola momesano” (molongo 4)—to eteni ya solo—ya bomoi na yo na kati na mikumba na yo misusu.

Kokabola nsango malamu ya Yesu Klisto ekoki kozala likambo ya momesano mpe ya bomoto.

Malongi mpe Mayokani 75:1–16

“Sala mosala na makasi na yo, kosakolaka bosolo.”

Emoniseli oyo na eteni 75 elobamaki epayi ya bato oyo “bapesaki bankombo [na bango] mpo na kosakola nsango malamu [ya Mobikisi]” (molongo 2). Lolenge moko ya koyekola emoniseli oyo ezali kosala liste mibale: (1) lolenge nini kokabola nsango malamu na ndenge ya malamu mpe (2) lolenge nini Nkolo apambolaka mpe asungaka biso lokola tozali kosala.

Okanisi “koumela” to “kozala goigoi” na mosala ya kosakola nsango malamu elingi koloba nini? Ezali boni soki ozali “Kosala na makasi na yo nyonso”? (molongo 3).

Tala lisusu “I’ll Go Where You Want Me to Go [Nakokende Esika Olingi Nakende],” Hymns, no. 270.

Mpo na makanisi mingi koleka, tala nsango ya sanza oyo na bamagazini ya Liahona mpe Mpo na Bokasi ya Bilenge .

Makanisi mpo na Koteya Bana

Malongi mpe Mayokani 71

Nakoki kokotela solo na kokabolaka litatoli na ngai?

• Bokoki kosalela moto ya likambo ya eteni mpo na Malongi mpe Mayokani 71 to “Mokapo 25: Joseph Smith mpe Sidney Rigdon Bakei na Misio” (na Masolo ya Malongi mpe Mayokani, 96, to video oyo ekokani na yango na Gospel Library) mpo na koteya bana na bino makambo oyo epemamaki eteni 71. Na nsima, bosalisa bango bayeba na molongo 1 nini Nkolo alingaki Joseph mpe Sidney basala oyo etali “mitema mabe” mpo na Eklezia. Lolenge nini Alobaki ete Akosalisa bango? Lolenge nini tokoki kozala lokola Joseph mpe Sidney?

  Chapter 25: Joseph Smith and Sidney Rigdon Go on a Mission: December 1831–January 1832

• Bokoki mpe koyemba loyembo moko oyo ezali kofula bana na bino mpo na kozala solo epayi ya Mobikisi, ndakisa “Stand for the Right [Telema mpo na Malamu]” (Children’s Songbook, 159). Bosalisa bana na bino bamesana ndenge ya kokabola makambo oyo bayebi etali Yesu Klisto.

Malongi mpe Mayokani 72:2

Nkolo abiangi episikopo moko mpo na kosalisa ngai.

• Kotanga Malongi mpe Mayokani 72:2 elongo ekokaki kokela libaku ya kolobela mpo na nini Nkolo apesaka biso baepisikopo (tala lisusu “Mokapo 17: Baepisikopo ya Yambo ya Eklezia,” na Masolo ya Malongi mpe Mayokani, 64–66, to video oyo ekokani na yango na Gospel Library). Bino mpe bana na bino bokokaki kozwa bililingi to biloko oyo ezali komonisa mikumba ya episikopo. Elilingi mpe lokasa ya molulu oyo na nsuka ya liteya oyo ezali kopesa mwa makanisi. Nsima bokokaki kosolola elongo oyo etali baepisikopo oyo oyebi mpe lolenge nini Nkolo apambolaki libota na bino na nzela ya mosala na bango.

  Chapter 17: The First Bishops of the Church: February and December 1831

Boteya ntango nyonso oyo etali Yesu Klisto. “Ata soki bozali koteya nini, bobosana te ete bozali mpenza koteya oyo etali Yesu Klisto mpe lolenge nini kokoma lokola Ye” (Koteya na Lolenge ya Mobikisi, 6). Ndakisa, ntango bozali koteya bana na bino oyo etali baepisikopo, bobeta nsete ete bazali bamonisi ya Yesu Klisto, babiangami na Ye mpo na kosala mosala na Ye (tala 1 Petelo 2:25).

Nkolo asengi na baepisikopo kosunga bato oyo bazali na bosenga.

Malongi mpe Mayokani 75:3

Nakoki kopesa makasi na ngai nyonso epayi ya Nkolo.

• Mpo na komonisa bokeseni oyo ezali kati na kozala “goigoi” mpe “kosala na makasi na [biso] nyonso,” mbala mosusu bokoki kopona misala mosusu ya mosala to misala ya ndako mpe kobengisa bana na bino mpo na kolakisa kosala yango kozanga kosala eloko mpe nsima na makasi na bango nyonso. Ntango ozali kotanga “bozala na goigoi te” na Malongi mpe Mayokani 75:3, bana na bino bakokaki kolakisa kosalaka lolenge nini bakosala misala ya ndako na goigoi. Ntango botangi maloba “kasi sala na makasi na yo nyonso,” bakoki komonisa ete basalaka mosala makasi. Mpo na nini ezali na motuya ete tosala nyonso oyo tokoki ntango tozali kosalela Nkolo?

• Na nsango na ye “Two Principles for Any Economy [Mibeko Mibale mpo na Nkita Nyonso]” (Liahona, Sanza ya zomi na moko 2009, 55–58), Mokambi Dieter F. Uchtdorf alobelaki masolo mibale oyo etali mosala. Mbala mosusu bokoki koyebisa yango na bana na bino mpe kolobela lolenge nini toyokaka ntango toyebi ete tosali makasi mpe tosali nyonso oyo tokoki.

Mpo na makanisi mingi koleka, tala nsango ya sanza oyo na magazini ya Moninga .

Koyeba Motema Mawa na Bomoi na Yo, na Keith Larson