Detalye gikan sa I See the Son of Man [Nakita Nako ang Anak sa Tawo], ni Walter Rane

Agosto 25–31: “Makadawat sa Iyang Kahingpitan”

Doktrina ug mga Pakigsaad 93

“Kon ikaw mosaka og hagdanan,” si Joseph Smith mitudlo, “ikaw kinahanglan magsugod sa ubos, ug motikang sa kada ang-ang, hangtod ikaw moabot sa ibabaw; ug ingon usab niini ang mga prinsipyo sa ebanghelyo—kinahanglan nga ikaw magsugod sa sinugdanan, ug mopadayon hangtod nga ikaw makakat-on sa tanang mga prinsipyo sa kahimayaan” (Mga Pagtulun-an sa mga Presidente sa Simbahan: Joseph Smith [2007], 323).

Usahay kana nga hagdanan sa kahimayaan ingon og imposible ang gitas-on, apan kita gipakatawo sa pagsaka ngadto sa tumoy inubanan sa kanunay nga tabang sa Manluluwas. Bisan unsa pa ang mga babag nga atong makita sa atong mga kaugalingon, ang Langitnong Amahan ug ang Iyang Anak nakakita og butang nga mahimayaon diha kanato, usa ka butang nga diosnon. Sama lamang nga si Jesukristo “diha na sa sinugdanan uban sa Amahan,” busa “kamo usab” (Doktrina ug mga Pakigsaad 93:21, 23). Sama lamang nga Siya “nakaangkon og grasya ug dugang pa nga grasya, hangtod nga siya nakadawat og kahingpitan,” busa usab “ikaw makaangkon og grasya ug dugang pa nga grasya” (mga bersikulo 13, 20). Ang gipahiuli nga ebanghelyo nagtudlo mahitungod sa tinuod nga kinaiyahan sa Dios, ug busa kini nagtudlo usab mahitungod sa inyong tinuod nga kinaiyahan ug kapalaran. Ikaw tinuod nga anak sa Dios nga adunay potensyal nga “sa tukma nga higayon makadawat sa iyang kahingpitan” (bersikulo 19).

Mga Ideya alang sa Pagkat-on diha sa Panimalay ug sa Simbahan

Doktrina ug mga Pakigsaad 93

Sama ni Jesukristo, ako mahimong mahimaya ug makadawat sa “kahingpitan” sa Dios.”

Mitudlo si Propeta Joseph Smith, “Kon ang mga tawo dili makasabot sa kinaiya sa Dios, sila wala makasabot sa ilang kaugalingon” (Mga Pagtulun-an: Joseph Smith,, 46–47). Samtang ikaw nagkat-on mahitungod sa Manluluwas pinaagi sa pagtuon sa Doktrina ug mga Pakigsaad 93, pangitaa usab unsay imong nakat-onan mahitungod sa imong kaugalingon. Pananglitan, unsay imong nakat-onan mahitungod Kaniya gikan sa mga bersikulo 3, 12–13, 21, ug 26? Unsa nga susamang mga kamatuoran ang imong nakaplagan mahitungod sa imong kaugalingon diha sa mga bersikulo 20, 23, ug 28–29? (tan-awa usab sa 1 Juan 3:2; 3 Nephi 27:27). Ang mosunod nga mga pangutana mahimong makatabang nimo ug magamit ang mga kamatuoran niini nga seksiyon:

• Unsa ang buot ipasabot sa pagdawat og “grasya ug dugang pa nga grasya” ug sa pagpadayon “gikan sa grasya ug dugang pa nga grasya”? (mga bersikulo 12–13). Kon kini makatabang, mahimo nimong basahon ang “Grasya” sa Ang Giya ngadto sa mga Kasulatan (Librarya sa Ebanghelyo).

• Unsay imong nadiskobrehan niini nga pagpadayag mahitungod kon sa unsa nga paagi ang Dios motabang kanimo nga molambo ug makat-on? Sa unsa nga paagi nga ang pagkahibalo niini makaapekto sa paagi sa atong pagtratar sa uban—ug sa imong kaugalingon?

• Unsay imong nakat-onan mahitungod “unsaon sa pagsimba, ug … unsa ang imong gisimba”? (bersikulo 19; tan-awa usab sa Ang Giya ngadto sa mga Kasulatan, “Pagsimba,” Librarya sa Ebanghelyo).

Doktrina ug mga Pakigsaad 93:1–39

Ang himaya sa Dios mao ang kahayag ug kamatuoran.

Tingali imong namatikdan nga ang mga pulong sama sa himaya, kahayag, ug kamatuoran makita kanunay niini nga pagpadayag. Samtang magtuon ka ilabi na sa mga bersikulo 20–39, ilista ang mga kamatuoran nga imong makat-onan mahitungod niini nga mga konsepto. Ang paghimo og talaan sama niini tingali makatabang:

Bersikulo	Unsay akong nakat-onan	Mga pangutana nga pamalandongan
Bersikulo 24	Unsay akong nakat-onan	Mga pangutana nga pamalandongan Adunay daghang mga pagpanglimbong sa kalibotan. Unsaon nako nga makahibalo sa kamatuoran? (tan-awa usab sa Jacob 4:13).
Bersikulo 28	Unsay akong nakat-onan	Mga pangutana nga pamalandongan
Bersikulo 36	Unsay akong nakat-onan Ang Dios mao ang binuhat sa kahayag ug kamatuoran.	Mga pangutana nga pamalandongan
Bersikulo 37	Unsay akong nakat-onan	Mga pangutana nga pamalandongan Kinsa ang akong nailhan nga ingon og makahimo sa pagpakigbatok sa daotan nga mga impluwensya? Ngano nga sila makahimo man niini?
Bersikulo	Unsay akong nakat-onan	Mga pangutana nga pamalandongan
Bersikulo	Unsay akong nakat-onan	Mga pangutana nga pamalandongan
Bersikulo Tan-awa usab sa: Doktrina ug mga Pakigsaad 50:24	Unsay akong nakat-onan	Mga pangutana nga pamalandongan

Unsay imong nakaplagan dinhi niini nga mga bersikulo nga nagdasig kanimo nga mosiksik og mas dakong kahayag ug kamatuoran? Ngano nga ang kahayag ug kamatuoran maayo nga mga titulo alang ni Jesukristo? (tan-awa sa Juan 8:12; 14:6). Sa unsang paagi kini nga mga kamatuoran makaapekto sa imong kinabuhi?

Mahimo usab nga imong timan-an ang mga saad mahitungod sa imong mahangtoron nga kapalaran diha sa mga bersikulo 20, 22, 28, 33–35. Unsa ang relasyon tali niini nga mga saad ug pag-angkon og kahayag?

Ikonsiderar ang pagsiksik sa “Magkinabuhi sa kahayag sa Dios” (Alang sa Kalig-on sa mga Kabatan-onan: Usa ka Giya sa Paghimo og mga Pagpili, 18–21) sa pagpangita unsay imong mahimo aron maangkon ang kahayag ug sa unsa nga paagi nga ang mga saad sa Ginoo mopanalangin kanimo. Ang mga bidyo “Light and Truth, Part 1” ug “Part 2” (Gospel Library) makahatag og dugang nga mga ideya.

Tan-awa usab sa “Tudloi Ko Paglakaw sa Kahayag,” Mga Himno, nu. 192; Mga Hilisgotan ug mga Pangutana [Topics and Questions], “Espiritu Santo [Holy Ghost],” Librarya sa Ebanghelyo [Gospel Library].

Light and Truth, Part 1

(D&C 88:6-13) This video examines God's attributes of light and truth as explained in section 88 of the Doctrine and Covenants.

Light and Truth, Part 2

(D&C 93:28,36-40) This video examines God's attributes of light and truth as explained in section 88 of the Doctrine and Covenants.

“Ang himaya sa Dios mao … kahayag ug kamatuoran.”

Doktrina ug mga Pakigsaad 93:40–50

“Mopahimutang diha sa kahusay sa imong kaugalingon nga balay.”

Ang sugo nga “[i]pahimutang diha sa kahusay [ang] imong kaugalingon nga balay” (bersikulo 43) dili mahitungod sa pag-organisar sa mga kabinet ug aparador apan mahitungod sa pagtudlo—ug pagkat-on—sa “kahayag ug kamatuoran” (bersikulo 42). Ikonsiderar unsaon nimo sa pagsunod kini nga tambag. Unsa nga mga hagit ang imong giatubang? Unsa nga mga kamatuoran diha sa Doktrina ug mga Pakigsaad 93 ang makatabang?

Unsa nga mga panabot ang imong nakuha gikan niini nga mga pagtulon-an ni Elder David A. Bednar?

“Sa akong opisina anaa ang matahom nga painting sa usa ka umahan sa trigo. Ang painting usa ka daghan kaayong tinagsa-tagsa nga binadlis sa brush—walay bisan usa niini nga badlis nga mao rang usa ang makapaikag o makadani. Sa pagkatinuod, kon padul-an nimo og maayo ang hulagway, ang tanan nimong makita mao ang daghan kaayong maingon og wala magkasinabot nga mga badlis-badlis ug dili madanihong mga linya sa yellow ug gold ug brown nga pintal. Hinuon, kon ikaw anam-anam nga modistansya sa hulagway, ang tanang tinagsa nga badlis sa brush magkatipon ug makamugna og talagsaon nga tupong kaayong pagkatubo nga trigo diha sa umahan. Daghang mga ordinaryo, tinagsa nga badlis sa brush nagkatambayayong sa pagmugna og usa ka makadani ug matahom nga painting.

“Ang matag pamilya nga pag-ampo, ang matag hitabo sa pamilya nga pagtuon sa kasulatan, ug ang matag family home evening usa ka badlis diha sa hulagway sa atong mga kalag. Walay usa ka panghitabo nga makita nga madanihon kaayo o halandomon. Apan sama sa yellow ug sa gold ug brown nga mga linya sa pintal nagtinabangay sa usag usa ug mimugna og usa ka makadani kaayo nga buhat sa kahanas, mao nga ang atong pagkamakanunayon sa paghimo og daw gagmayng mga butang modala ngadto sa mahinungdanong mga espirituhanong sangpotanan. ‘Busa, ayaw pagluya diha sa maayo nga buhat, kay kamo nagpahimutang sa tukoranan sa usa ka mahinungdanon nga buhat. Ug gikan sa gagmay nga mga butang magagikan ang mga dagko’ [Doktrina ug mga Pakigsaad 64:33]. Ang pagkamakanunayon mao ang baroganan nga yawe samtang atong ipahimutang ang pundasyon sa mahinungdanon nga buhat sa atong tinagsa ka kinabuhi ug kon kita mahimong labaw nga makugihon ug pagkamabuhaton diha sa atong kaugalingong mga panimalay” (“Labaw nga Makugihon ug Mabuhaton diha sa Panimalay,” Liahona, Nob. 2009, 19–20).

Tan-awa usab sa Henry B. Eyring, “Usa Ka Panimalay Diin ang Espiritu sa Ginoo Mopuyo,” Liahona, Mayo 2019, 22–25.

Ang Ginoo misugo sa mga ginikanan sa “pagdala sa [ilang] mga anak diha sa kahayag ug kamatuoran.”

Alang sa dugang nga mga ideya, tan-awa ang mga isyu karong bulana sa Liahona ug sa Alang sa Kalig-on sa mga Kabatan-onan nga mga magasin.

Mga Tawo, Mga Dapit, Mga Panghitabo

• Joseph Smith Jr.

• N. K. Whitney & Co. Tindahan

Iklik dinhi aron makakita pa og dugang

Mga Ideya sa Pagtudlo sa mga Bata

Doktrina ug mga Pakigsaad 93:2–21

Si Jesukristo mao ang Kahayag ug ang Kinabuhi sa Kalibotan.

• Ikonsiderar ang pagpakita og usa ka litrato sa Manluluwas ug pagpangutana sa imong mga anak nganong importante nga mahibalo kita ug mosunod ni Jesukristo. Dayon mahimong basahon ninyo pagdungan ang Doktrina ug mga Pakigsaad 93: 19 sa pagdiskobre og usa ka importante nga rason.

• Mahimo kang mopili og pipila ka kamatuoran mahitungod ni Kristo sa seksiyon 93 nga makapadasig kanimo ug pagtabang sa imong mga anak nga makadiskobre ug makasabot kanila (tan-awa usa “Kapitulo 33: Usa ka Pagpadayag kalabot kang Jesukristo,” diha sa Mga Istorya sa Pagtulun-an ug mga Pakigsaad, 126–27, o ang tukma nga bidyo nga anaa sa Gospel Library). Alang sa matag kamatuoran nga imong pilion, ikaw mahimong mohatag sa imong mga anak og pulong o hugpong sa mga pulong nga paminawon samtang inyong basahon ang bersikulo pagdungan. Pananglitan, Si Jesukristo:

  • Mihimo sa mga buluhaton sa Amahan (bersikulo 5).

  • Mao ang Kahayag sa Kalibotan (bersikulo 9).

  • Mao ang Tiglalang sa kalibotan (bersikulo 10).

  • Nakadawat sa tanang gahom sa langit ug sa yuta (bersikulo 17).

  • Kauban sa Dios sa sinugdanan (bersikulo 21).

  Chapter 33: A Revelation about Jesus Christ: May 1833

Detalye gikan sa Light of the World [Kahayag sa Kalibotan] ni Howard Lyon

Doktrina ug mga Pakigsaad 93:23, 29, 38

Nagpuyo ko uban sa Langitnong Amahan sa wala pa ko moanhi sa yuta.

• Ang Manluluwas mipasabot og maayo sa katulo ka higayon diha sa seksiyon 93 nga nagpuyo kita uban sa Dios “sa sinugdanan” (mga bersikulo 23, 29, 38). Aron sa pagtabang sa imong mga anak nga makadiskobre niini, mahimo nimong dapiton sila sa pagbasa sa Doktrina ug mga Pakigsaad 93:23, 29, 38 ug mangita sa kamatuoran mahitungod sa ilang mga kaugalingon nga gibalik-balik niini nga mga bersikulo. Nganong gusto man ang Langitnong Amahan nga kita makahibalo niini nga kamatuoran? Mahimo usab nga imong hangyoon ang imong mga anak unsay ilang nahibaloan mahitungod sa atong kinabuhi uban sa Langitnong Amahan sa wala pa kita matawo. Aron sa pagtabang nila nga makat-on pa og dugang basaha uban nila ang usa o dugang pa sa mosunod nga mga tudling sa kasulatan: Jeremias 1:5; Doktrina ug mga Pakigsaad 138:53–56; Moises 3:5; Abraham 3:22–26.

• Mahimo usab kantahon ninyo og dungan ang “Ako anak sa Dios” o “Langit Gipuy-an Ko” (Songbook sa mga Bata, 2–3, 140) ug hisgoti ang mga kamatuoran nga atong makat-onan gikan niini nga mga kanta mahitungod sa atong katuyoan sa pag-anhi sa yuta.

Doktrina ug mga Pakigsaad 93:24–39

Ako modawat og kahayag ug kamatuoran kon ako mosunod sa Dios.

• Aron matabangan ang imong mga anak sa paggamit sa mga kamatuoran mahitungod sa pagkamasulundon diha sa Doktrina ug mga Pakigsaad 93, ikonsiderar ang pagsulat og pipila ka pakisayran sa kasulatan gikan niining seksiyon diha sa mga piraso sa papel. Sa laing mga piraso sa papel, isulat ang mga kamatuoran nga gitudlo sa matag usa niining mga bersikulo. Ang imong mga anak mahimong magtinabangay sa pagbasa sa mga bersikulo ug sa pagpares sa mga kamatuoran ngadto sa mga bersikulo nga ilang gibasa. Ang mga ehemplo mahimong maglakip sa:

  • Bersikulo 24: Ang kamatuoran mao ang pagkahibalo sa mga butang nga tinuod sa miagi, karon, ug sa umaabot.

  • Bersikulo 28: Ako makadawat og kahayag ug kamatuoran kon ako motuman sa mga sugo.

  • Bersikulo 37: Kon ako aduna sa kahayag ug kamatuoran, ako makahimo sa pagpakigbatok sa daotan.

  • Bersikulo 39: Mawala nako ang kahayag ug kamatuoran kon ako dili magmasulundon.

  Mahimo kang mopakigbahin og mga ehemplo sa mga kamatuoran nga imong nahibaloan samtang nagtuman ka sa mga sugo sa Ginoo.

Ipahaom sa mga edad sa imong mga anak. Nakahibalo ka sa mga panginahanglan ug mga abilidad sa imong mga anak; mahimo nimong ipahaom ang mga ideya sa kalihokan aron matubag ang ilang mga panginahanglan. Pananglitan, niini nga kalihokan, kon ikaw nagtudlo og gagmay nga mga bata, mas maayo nga motutok sa usa ka yanong kamatuoran gikan sa seksiyon 93.

Alang sa dugang nga mga ideya, tan-awa ang isyu karong bulana sa Higala nga magasin.

Light and Truth [Kahayag ug Kamatuoran] ni Simon Dewey