Agosto 4–10: “Barog Kamo sa Balaan nga mga Dapit”

Doktrina ug mga Pakigsaad 85–87

Ang Adlaw sa Pasko sa kasagaran mao ang panahon sa pagpamalandong sa mga mensahe sama sa “sa yuta panagdait” (tan-awa sa Lucas 2:14). Apan pagka-Disyembre 25, 1832, ang hunahuna ni Joseph Smith napuno sa hulga sa gubat. Ang estado sa South Carolina sa Estados Unidos bag-o lang misukol sa gobyerno ug nangandam alang sa gubat. Ug ang Ginoo mipadayag nga mao pa lamang kini ang sinugdanan: “Ang gubat,” Siya namahayag, “ibu-bu diha sa tanan nga mga nasod” (Doktrina ug mga Pakigsaad 87:2). Morag kini nga panagna matuman sa dili gayod madugay.

Apan wala kini mahitabo. Sulod sa pipila ka semana, ang South Carolina ug ang Estados Unidos nagkasabot, ug nalikayan ang gubat. Apan ang panagna, hinuon, dili kanunayng matuman sa panahon o sa paagi nga atong gituohan. Dul-an sa 30 ka tuig human niana, dugay na human nga gipatay si Joseph Smith, mirebelde ang South Carolina ug misunod ang gubat sibil. Karon, ang gubat sa tibuok kalibotan maoy hinungdan nga “[ang] yuta magbangotan” (Doktrina ug mga Pakigsaad 87:6). Ang bili niining pagpadayag wala kaayo maghatag og gibug-aton sa pagpanagna kon kanus-a moabot ang kalamidad ug mas naghatag og gibug-aton sa pagtudlo kon unsay buhaton kon kini moabot. Ang tambag susama ra niadtong 1831, 1861, ug sa 2021: “Barog kamo sa balaan nga mga dapit, ug ayaw pagbalhin” (bersikulo 8).

Mga Ideya alang sa Pagkat-on diha sa Panimalay ug sa Simbahan

Doktrina ug mga Pakigsaad 85:1–2

Gusto sa Ginoo nga ako “magtipig og usa ka kasaysayan.”

Himatikdi kon unsa ang gusto sa Ginoo nga ilakip sa “kasaysayan” nga gihulagway diha sa Doktrina ug mga Pakigsaad 85:1–2. Sa imong hunahuna ngano nga Siya gusto man nga ang Iyang mga Santos magtipig og kasaysayan? Unsa ang imong marekord mahitungod sa imong “paagi sa kinabuhi, [imong] hugot nga pagtuo, ug mga buluhaton” nga tingali mahimong usa ka panalangin ngadto sa umaabot nga mga henerasyon? Sa unsang paagi nga ang pagtipig og personal nga kasaysayan mahimong makatabang nimo sa pagduol ngadto ni Kristo?

Tan-awa usab sa “Mga Journal: ‘Mas Bililhon Pa kay sa Bulawan,’” Mga Pagtulun-an sa mga Presidente sa Simbahan: Wilford Woodruff (2011), 139–47; “Turning Hearts” (bidyo), ChurchofJesusChrist.org.

Turning Hearts

A Great-Grandfather's journal helps a young man gain direction in his life and appreciation for his ancestors.

Doktrina ug mga Pakigsaad 85:6

Ang Espiritu mamulong sa “ligdong nga hinagawhaw nga tingog.”

Pamalandonga ang mga pulong nga gigamit ni Joseph Smith sa paghulagway sa Espiritu diha sa Doktrina ug mga Pakigsaad 85:6. Sa unsang paagi nga ang tingog sa Espiritu “ligdong” ug “hinagawhaw”? Ikonsiderar kining dugang nga mga paghulagway nga gihatag pinaagi ni Joseph Smith: Doktrina ug mga Pakigsaad 6:22–24; 8:2–3; 9:7–9; 11:12–13; 128:1. Sa unsa nga paagi ang Espiritu makigsulti kanimo?

Tan-awa usab sa Lucas 24:32; Mosiah 5:2; Alma 32:28; Helaman 5:30; Doktrina ug mga Pakigsaad 6:22–23; 11:12–13.

Gamit og mga leksiyon nga naggamit og butang. Ang mga tawo mas makahinumdom sa leksiyon sa ebanghelyo kon sila makakita o makaapil diha sa leksiyon nga naggamit og butang nga may kalabotan sa unsay ilang gikat-onan. Pananglitan, kon magtudlo mahitungod sa ligdong, hinagawhaw nga tingog sa Espiritu, tingali mahimo ka nga mopatukar og hinay sa usa ka girekord, sagrado nga musika, ug ang mga tigkat-on maghisgot kon unsay ilang gibati sa musika ug kon unsa kini kalisod paminawon kon adunay makabalda nga mga kasaba. Mahimong mosangpot kini ngadto sa usa ka diskusyon mahitungod sa mga makabalda sa atong kinabuhi nga makapugong kanato sa pagkadungog sa hinay, hinagawhaw nga tingog.

Ang mga kasulatan naghulagway sa tingog sa Espiritu isip usa ka ligdong, hinagawhaw nga tingog.

Doktrina ug mga Pakigsaad 86

Ang mga matarong pundokon ngadto ni Kristo sa kataposang mga adlaw.

Ang Doktrina ug mga Pakigsaad 86 naglangkob og interpretasyon sa sambingay bahin sa trigo ug sa mga sagbot, nga makita diha sa Mateo 13:24–30, 37–43. Samtang magkat-on ka mahitungod sa kahulogan niini nga sambingay, ikonsiderar ang pagsulat sa tsart og sama niini:

Mga simbolo	Posible nga mga kahulogan	Mga pangutana nga pamalandongan
Mga simbolo Mga tigtanom sa liso	Posible nga mga kahulogan Mga Propeta ug apostoles	Mga pangutana nga pamalandongan Unsa nga mga matang sa “mga liso” ang gitanom sa mga propeta ug apostoles?
Mga simbolo Ang kaaway	Posible nga mga kahulogan Satanas	Mga pangutana nga pamalandongan Sa unsang paagi nga ang kaaway mosulay sa pagpahunong sa buhat sa Ginoo?
Mga simbolo	Posible nga mga kahulogan	Mga pangutana nga pamalandongan
Mga simbolo	Posible nga mga kahulogan	Mga pangutana nga pamalandongan

Ania ang pipila ka dugang nga mga pangutana nga ikonsiderar:

• Human sa pag-interpretar sa sambingay, ang Ginoo namulong bahin sa pagkapari, pagpahiuli, ug kaluwasan sa Iyang katawhan (tan-awa sa mga bersikulo 8–11). Unsa nga mga koneksyon ang imong nakita tali niining mga tema ug sa sambingay sa trigo ug sa mga sagbot?

• Unsa ang imong tahas sa pagkahimong usa ka “kahayag ngadto sa mga Hentil” ug “usa ka manluluwas ngadto sa katawhan sa [Ginoo]”? (bersikulo 11).

Doktrina ug mga Pakigsaad 87

Ang kalinaw makita diha sa “balaan nga mga dapit.”

Ang panagna diha sa seksiyon 87 nagpasidaan mahitungod sa pisikal nga kakuyaw nga may kalabotan sa gubat sa ulahing mga adlaw. Apan ang tambag dinhi niini nga pagpadayag magamit usab ngadto sa espirituhanon nga mga kakuyaw. Pamalandongi ang mga pangutana sama sa mosunod:

• Ang panagna mao ang usa ka pagpadayag gikan sa Dios ngadto sa usa ka propeta, kasagaran mahitungod sa umaabot. Unsa ang pipila sa mga ehemplo sa mga panagna nga gihatag sa karaan ug bag-o nga mga propeta? (tan-awa sa Juan 3:14; Mosiah 3:5; Helaman 14:2–6). Sa unsang paagi nga kini natuman? (tan-awa sa Lucas 23:33; Mateo 15:30–31; 3 Nephi 1:15–21).

• Unsa ang mga panalangin sa pagdawat sa mga panagna sa mga propeta sa Dios?

Uban niana nga mga hunahuna, basaha ang seksiyon 87. (Alang sa pipila ka makasaysayanon nga konteksto, mahimo usab nimong basahon ang pasiuna niini nga latid.) Unsa ang imong nakat-onan mahitungod sa panagna gikan niini nga pagpadayag ug sa paagi nga kini natuman? Unsa ang imong isulti ngadto sa usa ka tawo nga nagduhaduha sa usa ka panagna tungod kay wala kini matuman dihadiha dayon?

Unsa nga tambag ang gihatag sa Ginoo diha sa bersikulo 8? Unsa ang imong “balaan nga mga dapit” diin nakakaplag ka og kalinaw ug kaseguroan? Unsa ang makapabalaan sa usa ka dapit? Agig dugang sa pisikal nga mga lokasyon, seguro adunay balaan nga mga panahon, balaan nga mga binuhatan, o balaan nga mga hunahuna nga makahatag og kalinaw. Pananglitan, sa unsang paagi nga ang mga pulong sa mga propeta sa Dios mahimong usa ka balaan nga dapit alang nimo? Unsa ang ipasabot sa “barog” ug “ayaw pagbalhin” gikan niini nga mga dapit?

Tan-awa usab sa “Kon Asa ang Gugma,” Songbook sa mga Bata, 76–77; Mga Santos, 1:210–11; “Peace and War,” diha sa Revelations in Context, 158–64.

Alang sa dugang nga mga ideya, tan-awa ang mga isyu karong bulana sa Liahona ug sa Alang sa Kalig-on sa mga Kabatan-onan nga mga magasin.

Mga Tawo, Mga Dapit, Mga Panghitabo

• Mga Kapanguhaan sa Kasaysayan sa Doktrina ug mga Pakigsaad: William W. Phelps

• Ang Hubad ni Joseph Smith sa Biblia

• Mga Panagna ni Joseph Smith

Iklik dinhi aron makakita pa og dugang

Mga Ideya sa Pagtudlo sa mga Bata

Doktrina ug mga Pakigsaad 85:6

Ang Espiritu mamulong sa “ligdong nga hinagawhaw nga tingog.”

• Unsay isulti sa imong mga anak kon ang usa ka tawo mangutana nila kon giunsa nila pagkahibalo kon ang Espiritu Santo nakigsulti kanila? Dapita sila sa pagbasa mahitungod sa usa ka paagi nga gihulagway ni Joseph Smith ang tingog sa Espiritu diha sa Doktrina ug mga Pakigsaad 85:6. Dayon mahimo sila nga magpraktis sa pagpaminaw ug pagsulti pinaagi sa usa ka hinagawhaw nga tingog. Mahimo usab ka nga mopakigbahin og mga kasinatian sa dihang ang Espiritu namulong kanimo sa ligdong, hinagawhaw nga tingog.

• Aron matabangan ang imong mga anak nga makasabot sa mga pulong nga “ligdong nga hinagawhaw nga tingog,” mahimo ka nga mopatukar og hinay sa usa ka awit sa mga bata, sama sa “Ang Espiritu Santo” (Songbook sa mga Bata, 56). Hangyoa ang usa sa mga bata sa pagtag-an kon unsa kini nga awit samtang ang ubang mga bata mobalda pinaagi sa pagsaba-saba. Dayon mahimo nimong ipatukar pag-usab ang awit nga walay mga makabalda. Unsa nga mga makabalda ang atong tangtangon sa atong kinabuhi aron mas kanunay nga mabati ang Espiritu?

Doktrina ug mga Pakigsaad 86

Ako makatabang sa pagpundok sa katawhan sa Dios.

• Aron matabangan ang imong mga anak nga makasabot sa sambingay diha sa seksiyon 86, mahimo ka nga mag-andam og daghang gagmay nga mga litrato o mga drowing sa trigo ug itago kini sulod sa kwarto. Ipasabot sa imong mga anak ang sambingay sa trigo ug sa mga sagbot (tan-awa sa Mateo 13:24–30), ug magbasa og dungan sa komentaryo sa Ginoo diha sa Doktrina ug mga Pakigsaad 86:1–7. Dayon pundokon sa imong mga anak ang gitago nga mga litrato sa trigo ug sulatan kini og ngalan sa tawo nga ilang “pundokon” ngadto ni Jesukristo. Unsa ang buot ipasabot sa pagpundok sa mga tawo ngadto ni Jesukristo? Unsa ang pipila ka paagi nga mahimo nato kini?

Doktrina ug mga Pakigsaad 86:11

Mahimo akong sama sa kahayag ngadto sa uban.

• Ania ang pipila ka pangutana nga mahimo nimong ipangutana sa imong mga anak samtang maghisgot kamo sa Doktrina ug mga Pakigsaad 86:11: Sa unsang paagi nga ang kahayag nakapanalangin kanato? Unsa kaha ang mahitabo kon kita walay kahayag? Sa unsang paagi nga kita mahimong kahayag ngadto sa ubang mga tawo? Tabangi ang imong mga anak sa paghunahuna og mga paagi nga kita “magpadayon diha sa kaayo [ni Jesus]” ug mopakigbahin niini ngadto sa uban.

Doktrina ug mga Pakigsaad 87:6, 8

Ako “makabarog … diha sa balaan nga mga dapit.”

• Basaha og dungan ang Doktrina ug mga Pakigsaad 87:6 aron magkat-on mahitungod sa mga butang nga gisulti sa Ginoo nga mahitabo sa kataposang mga adlaw. Dayon mahimo ninyong hisgotan ang pipila sa mga hagit nga giatubang nimo ug sa imong mga anak. Diha sa bersikulo 8, unsa ang gisulti sa Ginoo nga mahimo natong buhaton atol sa lisod nga mga panahon?

• Tabangi ang imong mga anak sa paghimo og lista sa balaan nga mga dapit, balaan nga mga hunahuna, ug balaan nga mga binuhatan nga makatabang nila sa pag-atubang sa espirituhanong kakuyaw. Alang sa mga ideya, tan-awa ang mga bidyo nga “Standing in Holy Places” ug “Stand Ye in Holy Places—Bloom Where You’re Planted” (Gospel Library).

  Standing in Holy Places

  A young woman reflects on the blessings of walking the covenant path as she makes her journey to the temple.

  Stand Ye in Holy Places - Bloom Where You’re Planted

  Three hundred youth in Las Vegas come together to share their testimony of Jesus Christ.

Ang templo usa ka balaan nga dapit.

Alang sa dugang nga mga ideya, tan-awa ang isyu karong bulana sa Higala nga magasin.

Ang Ginoo mopundok sa Iyang katawhan sama sa trigo.