“Kapitulo 33: Usa ka Pagpadayag kalabut kang Jesukristo: Mayo 1833,” Mga Istorya sa Pagtulun-an ug mga Pakigsaad (2002), 126–27
“Kapitulo 33,” Mga Istorya sa Pagtulun-an ug mga Pakigsaad, 126–27
Kapitulo 33
Usa ka Pagpadayag kalabut kang Jesukristo
(Mayo 1833)
Usa ka adlaw si Jesus nakigsulti ngadto kang Propeta Joseph Smith. Siya misulti kang Joseph Smith mahitungod sa iyang kaugalingon. Si Jesus miingon nga ang mga katawhan makakita sa iyang nawong ug makaila kaniya. Una sila kinahanglan nga mohunong pagbuhat ug dautan nga mga butang. Sila kinahanglan mag-ampo ug magsunod sa mga kasugoan sa Dios. Unya sa umaabut nga adlaw sila makakita kang Jesus.
Si Jesus miingon nga siya mao ang kahayag sa kalibutan. Ang kahayag nagpakita kanato sa husto nga dalan nga padulngan. Si Jesus mao ang kahayag sa kalibutan tungod kay siya nagpakita kanato sa husto nga paagi sa pagpuyo.
Si Jesus nagpuyo uban sa Langitnong Amahan sa wala pa mahimo ang kalibutan. Si Jesus mihimo sa kalibutan. Siya ang mihimo sa tanang mga butang dinhi sa kalibutan.
Si Jesus dili sama sa iyang Langitnong Amahan sa sinugdan. Wala siya masayud sa tanang mga butang nga nasayran sa iyang Amahan. Siya wala makabaton sa tanang gahum ug himaya nga iya sa Amahan. Siya naninguha pag-ayo nga mahimong sama sa Amahan. Unya siya sama sa Dios, ang Amahan. Si Jesus adunay gahum ug himaya.
Si Jesus miingon nga kita mosunod sa mga kasugoan sa Dios. Unya kita makakat-on sa kamatuoran. Kita masayud sa tanang mga butang. Unya kita mahisama sa Dios, ang Amahan. Kita makabaton ug gahum ug himaya.
Si Jesus miingon nga si Satanas dili buot nga ang katawhan mahimong sama sa Dios. Siya dili buot nga sila masayud sa kamatuoran. Si Jesus misulti kang Joseph sa pagtudlo sa iyang banay sa kamatuoran.
Si Jesus miingon nga si Sidney Rigdon ug Frederick G. Williams kinahanglan motudlo sa ilang mga banay sa pagsunod sa mga kasugoan sa Dios. Unya si Satanas dili makababag sa ilang mga banay gikan sa pagkasayud sa kamatuoran.