“Kapitulo 35: Ang mga Santos Mibiya sa Jackson County, Missouri: Septyembre–Disyembre 1833,” Mga Istorya sa Pagtulun-an ug mga Pakigsaad (2002), 132–34
“Kapitulo 35,” Mga Istorya sa Pagtulun-an ug mga Pakigsaad, 132–34
Kapitulo 35
Ang mga Santos Mibiya sa Jackson County, Missouri
(Septyembre–Disyembre 1833)
Mga dautang mga katawhan mihimo ug kagubot alang sa mga Santos sa Jackson County, Missouri. Ang mga Santos naninguha sa pagkuha ug panabang gikan sa gobernador sa Missouri. Si William Phelps ug Orson Hyde nakigkita sa gobernador. Sila misulti kaniya mahitungod sa manggugubot nga panon. Sila misulti giunsa ang ilang mga pinuy-anan pagguba.
Ang gobernador dili motabang kanila. Siya misulti kanila sa paghangyo sa mga huwes alang sa panabang. Apan ang mga huwes mga higala sa manggugubot nga panon. Sila dili motabang sa mga Santos.
Ang manggugubot nga panon misulong sa mga Santos sulod sa unom ka mga adlaw. Ilang giguba ang ilang mga pinuy-anan. Ilang gipasakitan ang mga lalaki. Sila misulod sa mga tindahan ug gipanglabay ang tanan diha sa salog.
Ang manggugubot nga panon nakahimo sa mga Santos sa pagpabiya sa ilang mga pinuy-anay. Kini panahon sa tingtugnaw. Daghang mga katawhan ang nangamatay tungod sa tugnaw, basa nga panahon. Ang mga Santos nangadto sa laing mga lungsod sa Missouri aron sa pagpahilayo gikan sa manggugubot nga panon.
Ang mga Santos masulob-on. Ang ilang mga pinuy-anan, umahan, ug mga tindahan nangaguba. Ang ilang mga hayop gipangawat. Ang gobernador ug mga huwes dili motabang sa mga Santos.
Apan ang mga Santos diha gihapoy hugot nga pagtuo sa Dios. Sila nasayud nga ang Simbahan ni Jesukristo mao ang matuod nga simbahan. Sila nasayud nga si Joseph Smith usa ka propeta sa Dios.
Si Joseph Smith didto sa Kirtland, Ohio. Si Jesus naghatag kaniya ug usa ka pagpadayag. Siya misulti kang Joseph ngano nga ang mga Santos adunay kasamok. Ang uban kanila wala makatuman sa mga kasugoan sa Dios.
Si Jesus miingon nga ang mga Santos wala magkahiusa sa pagtrabaho. Sila wala magbinahinay. Sila nagsulti ug mga mangil-ad nga butang ngadto sa usag usa. Sila wala mag-ampo ngadto sa Dios sa panahon nga sila malipayon. Sila wala gayud magpasalamat sa Dios. Sila nag-ampo lamang sa panahon nga sila nanginahanglan ug panabang.
Si Jesus miingon nga ang mga Santos kinahanglan mangandam alang sa iyang pag-anhi ug usab sa yuta. Sa panahon sa iyang pag-anhi, ang mga katawhan adunay kalinaw. Ang mga Santos kinsa nag-antus alang kang Jesus mapanalanginan. Si Satanas walay gahum sa pagtintal sa mga Santos. Walay usa nga magmasulub-on. Walay usa nga mamatay. Sa panahon nga si Jesus moanhi pag-usab, matag usa magmalipayon.