“Kapitulo 53: Dios ug mga Anghel: Pebrero–Abril 1843,” Mga Istorya sa Pagtulun-an ug mga Pakigsaad (2002), 194–197
“Kapitulo 53,” Mga Istorya sa Pagtulun-an ug mga Pakigsaad, 194–197
Kapitulo 53
Dios ug mga Anghel
(Pebrero–Abril 1843)
Usa ka adlaw niana may tawo nga miduaw aron makigkita kang Joseph Smith. Ang tawo miingon nga siya nakakita ug usa ka anghel. Siya misulti ni Joseph Smith unsay gisul-ob sa anghel. Miingon si Joseph Smith nga ang tawo nasayop. Siya miingon nga ang mga anghel dili magsul-ob sa saput sama sa giingon sa tawo.
Ang tawo nasuko kaayo. Siya nagmando nga ang kalayo manaog gikan sa langit aron sunogon ang propeta ug ang iyang balay. Apan ang tawo walay gahum gikan sa Dios. Walay kalayong nanaog gikan sa langit.
Si Jesus naghatag ug pagpadayag ngadto kang Joseph Smith mahitungod sa mga anghel. Si Jesus miingon nga ang mga anghel maoy mga katawhan nga nakapuyo na sa yuta. Sila namatay na ug nabanhaw. Aduna silay mga lawas nga unod ug bukog. Karon nagpuyo na sila uban sa Dios.
Si Jesus miingon nga si Satanas mosulay sa paglingla sa katawhan. Usahay patuohon niya ang katawhan nga siya usa ka anghel. Siya mosulay sa pagsugo sa katawhan sa pagbuhat ug dautang mga butang. Apan ang mga katawhan nga matarung masayud kon si Satanas nagsulay ba sa paglingla kanila.
Sa wala madugay, si Joseph Smith misulti sa katawhan sa ubang mga butang mahitungod sa langit. Ang mga katawhan nga matarung dinhi sa yuta makapuyo sa langit uban kang Jesukristo. Didto sa langit sila masayud sa tanang butang nga ilang nakat-onan dinhi sa yuta.
Si Joseph Smith miingon nga ang tanang mga balaod sa Dios gihimo nang daan didto sa langit sa wala pa kita moanhi sa yuta. Matag balaod adunay panalangin. Kinahanglan kita mosunod sa balaod aron makabaton ug panalangin.
Si Joseph Smith misulti sa mga Santos mahitungod ni Jesukristo ug sa Langitnong Amahan. Si Jesus sama ra gayud sa usa ka tawo. Nakapuyo siya sa yuta. Siya namatay ug nabanhaw. Aduna siyay lawas nga unod ug bukog.
Ang Langitnong Amahan adunay usa ka lawas nga unod ug mga bukog. Siya nagpuyo sa usa ka matahum, nagsidlak nga dapit.
D&C 130:7, 22; Abraham 3:4
Si Joseph Smith miingon usab nga ang Espiritu Santo usa ka espiritu. Ang Espiritu Santo walay lawas nga unod ug mga bukog.