Kapitulo 12

Misyon ni Samuel Smith

(Hunyo 1830)

Si Samuel Smith manghod nga lalaki ni Joseph Smith. Si Joseph miingon nga si Jesus buot nga si Samuel magmisyon. Si Samuel Smith mao ang unang misyonaryo sa Simbahan.

Si Samuel milakaw aron sa pagtudlo sa mga katawhan sa ebanghelyo. Siya buot nga mosulti kanila mahitungod sa Basahon ni Mormon. Siya misulay sa pagbaligya sa basahon ngadto sa mga katawhan. Apan walay usa nga buot mobasa niini. Si Samuel naguol.

Ang misyon ni Samuel malisud. Sa makadaghan nga higayon siya gigutom. Usahay siya walay dapit nga katulgan. Ang uban nga mga katawhan ngil-ad ngadto kaniya.

Si Samuel mibaligya ug Basahon ni Mormon ngadto sa usa ka tawo nga ginganlan ug Phineas Young. Si Phineas mibasa sa basahon. Siya mihatag sa Basahon ni Mormon ngadto sa iyang igsoon nga Ialaki. Ang ngalan sa iyang igsoon nga Ialaki mao si Brigham Young.

Si Brigham Young mibasa sa Basahon ni Mormon. Siya mituo nga kini tinuod. Siya nakakat-on mahitungod sa ebanghelyo ni Jesukristo. Si Phineas ug Brigham Young misulti ngadto sa ubang higala mahitungod sa Basahon ni Mormon. Ang ilang mga higala mibasa niini. Si Phineas ug Brigham Young ug ilang mga higala nagpasakop sa Simbahan.

Unya si Brigham Young nahimo nga usa ka propeta sa Simbahan. Siya mitabang sa mga Santos. Siya usa ka halangdon nga pangulo.

Si Samuel Smith mipauli sa pinuy-anan. Siya wala magtuo nga ang iyang misyon nakatabang sa Simbahan. Siya wala makahibalo nga si Brigham Young sa umaabut nga adlaw mahimo nga usa ka propeta.

Usa ka gabii si Samuel mipahulay sa usa ka balay abtanan. Siya mihangyo sa tag-iya sa pagpalit sa Basahon ni Mormon. Ang tag-iya nangutana diin ni Samuel nakuha ang basahon. Si Samuel miingon nga ang iyang igsoon nga lalaki mihubad niini gikan sa bulawan nga mga palid.

Ang tag-iya nasuko. Siya miingon nga si Samuel namakak. Siya misulti kang Samuel sa pagpapahawa gikan sa abtanan.

Nianang gabhiona si Samuel natulog ilawom sa kahoy nga mansanas.

Sa katapusan si Samuel mihatag sa Basahon ni Mormon ngadto sa usa ka pangulo sa lain nga simbahan. Ang pangulo ug ang iyang asawa mibasa sa basahon. Sila nasayud nga kini mahinungdanon.