“Kapitulo 18: Ang Balaod sa Simbahan: 4 Pebrero 1831,” Mga Istorya sa Pagtulun-an ug mga Pakigsaad (2002), 67–69
“Kapitulo 18,” Mga Istorya sa Pagtulun-an ug mga Pakigsaad, 67–69
Kapitulo 18
Ang Balaod sa Simbahan
(4 Pebrero 1831)
Sa Kirtland ang Ginoo mihatag ug usa ka mahinungdanon kaayo nga pagpadayag ngadto kang Joseph Smith. Kini gitawag ug ang balaod sa Simbahan.
D&C 42: Pasiuna
Ang Ginno miingon nga ang mga Santos kinahanglan motudlo sa ebanghelyo ngadto sa tanan nga mga katawhan. Ang mga Ialaki kinsa magmisyon kinahanglan maordinahan sa pagkapari. Sila kinahanglan maordinahan sa mga pangulo sa Simbahan.
Duha ka mga misyonaryo kinahanglan nga magkuyog ug motrabaho. Sila kinahanglan magtudlo gikan sa Bibliya ug sa Basahon ni Mormon. Sila kinahanglan mag-ampo aron ang Espiritu Santo mouban kanila. Ang Espiritu Santo mosulti kanila unsa ang itudlo.
Ang mga misyonaryo kinahanglan mobungyag sa mga katawhan kinsa motuo sa ebanghelyo.
Ang Ginoo miingon nga ang mga sakop sa Simbahan kinahanglan mosunod sa Napulo ka mga Sugo. Sila kinahanglan dili magpatay. Sila kinahanglan dili mosulti ug bakak. Sila kinahanglan dili mosulti ug mangil-ad nga butang mahitungod sa ubang mga katawhan. Sila kinahanglan dili mohimo ug bisan unsa nga mga mangil-ad nga butang.
Ang mga Santos kinahanglan makigbahin unsay anaa kanila sa ubang mga katawhan. Ang pakigbahin sa uban sama sa pakigbahin kang Jesus.
Si Jesus mihatag sa mga Santos ug ubang mga kasugoan. Walay usa nga Santos nga maghunahuna nga siya labaw kay sa Iain nga tawo. Ang mga Santos kinahanglan limpyo. Sila kinahanglan motrabaho ug maayo.
Ang mga Santos kinahanglan moatiman sa mga masakiton nga sakop. Ang mga tawo kinsa adunay gahum sa pagkapari kinahanglan manalangin sa mga masakiton nga mga sakop. Ang mga masakiton nga mga sakop kinsa adunay hugot nga pagtuo mahimo nga mamaayo. Sila dili mamatay kon kini dili pa panahon kanila nga sila mamatay.
Mga matarung nga Santos kinahanglan dili mahadlok nga mamatay. Ang kamatayon matahum alang sa mga matarung nga katawhan.
Si Jesus mohatag ug daghan nga mga pagpadayag ngadto sa mga matarung nga sakop. Siya motudlo kanila ug daghan nga mga butang. Sila masayud unsaon aron magmalipayon kaayo. Ang Ginoo misulti sa mga Santos sa pagsunod sa balaod sa Simbahan.