“Kapitulo 52: Kasamok sa Nauvoo: Mayo–Agosto 1842,” Mga Istorya sa Pagtulun-an ug mga Pakigsaad (2002), 191–93
“Kapitulo 52,” Mga Istorya sa Pagtulun-an ug mga Pakigsaad, 191–93
Kapitulo 52
Kasamok sa Nauvoo
(Mayo–Agosto 1842)
Daghan nga mga katawhan ang nangadto aron mopuyo sa Nauvoo. Sila nakatukod ug matahum nga siyudad. Sila nagsugod ug pagtukod ug templo. Ang mga Santos sa Nauvoo buot makabaton ug usa ka mayor alang sa siyudad.
Ang mga Santos mipili kang John C. Bennett sa pagkamayor sa Nauvoo. Sa una siya maayo nga mayor. Apan siya nagsugod ug pagbuhat ug dautang mga butang. Siya wala makauyon ni Joseph Smith.
Ang katawhan sa Nauvoo buot makabaton ug usa ka linaing adlaw sa pangilin. Sila buot nga ang mga sundalo magmartsa sa usa ka parada.
Si John Bennett maoy pangulo sa mga kasundalohan. Siya nakahukom nga ang mga kasundalohan maghimo ug usa ka gubat-gubat. Dili kini usa ka matuod nga gubat. Alang lamang kini sa kalingawan.
Si Mr. Bennett mihangyo kang Joseph Smith sa pagpangulo sa mga sundalo sa gubat-gubat. Si Joseph Smith nasayud nga si John Bennett wala makagusto kaniya. Siya nagtuo nga si Mr. Bennett buot mopatay kaniya. Ang Ginoo misulti kang Joseph nga dili siya moapil sa gubat.
Si John Bennett nasuko. Siya dili na buot magmayor sa Nauvoo. Ang katawhan mipili kang Joseph Smith sa pagkamayor.
Si John Bennett ug pipila ka mga tawo dili na buot magpasakop pa sa Simbahan. Sila miingon ug mga mangil-ad nga mga butang mahitungod ni Propeta Joseph Smith.
Si Joseph Smith nakigsulti sa mga tawo nga sakop sa Simbahan. Siya miingon nga ang mga Santos makabaton pa ug dugang kasamok. May adlaw ra nga ang mga Santos mobiya sa Nauvoo. Sila mangadto sa Kabukirang Batoon. Ang mga Santos magtukod ug mga siyudad didto. Sila magsunod sa Dios ug mahimong usa ka malig-ong katawhan.