Pasiuna

Sa Magbabasa

Kining mga istorya kinuha gikan sa Pagtulun-an ug mga Pakigsaad nga usa ka balaang basahon.

Sa imong pagbasa kanila, hinumdumi nga kining mga istorya kabahin sa mga tinuod nga katawhan kinsa mipuyo sa dugay na nga panahon.

Basaha kini nga mga istorya sa makadaghan hangtud nga imong masinati sila pag-ayo. Ubos sa matag hulagway nagtudio kini kanimo asa nimo makita ang istorya diha sa Pagtulun-an ug mga Pakigsaad. Buot ba ikaw mobasa sa mga istorya gikan usab sa Pagtulun-an ug mga Pakigsaad kon kini nahubad na sa imong pinulongan?

Kon dili ikaw makasabut sa pulong, imo kining masayran unsa ang gipasabut niini pinaagi sa pagbasa usab sa hut-ong nga mosunod sa katapusang kapitulo niini nga basahon. Adunay duha usab ka mga hut-ong diin imong mahibaloan and dugang kasayuran kalabut sa katawhan ug sa mga dapit nga wala mo mailhi.

Sa mga Ginikanan ug sa Magtutudlo

Kini nga basahon makatabang kaninyo sa pagtudlo sa mga kasulatan. Ang mga hut-ong human sa katapusang mga kapitulo, ug ang mga mapa usab, makatabang kaninyo sa pagtudlo sa kahulugan sa mga pulong, ug dugang kasayuran kalabut sa katawhan ug mga dapit nga gihisgutan dinhi.

Sa inyong pagtudlo, ipasabut ang inyong hugot nga pagtuo sa mga kasulatan ug ang inyong dakong pagpasalamat tungod sa ebanghelyo. Tabangi kadtong inyong gitudloan aron molambo ang ilang hugot nga pagtuo diha sa mga kasulatan. Labaw nga makasabut sila kon imong mabasa ngadto kanila ang gikan gayud sa mga kasulatan.

Kon ikaw naggamit niini nga basahon aron sa pagtudlo niadtong mga hinay ug salabutan, hinumdumi nga and Propeta Joseph Smith nag-ingon nga ang tanang mga espiritu nga gipadala sa Dios dinhi niining kalibutana mahimo nga makakat-on ug molambo.

Kon ikaw makabasa ug Ininglis, imong makuha ang kopya sa Teaching the Handicapped (31108) aron sa pagtabang kanimo unsaon sa pagtudlo kining mga anak sa Dios. Kini nga basahon imong makuha pinaagi sa lokal nga tig-apud-apud.

Ikaw usab buot nga mobasa ug motudlo sa ubang mga basahon nga may hulagway nga gibasi sa mga kasulatan. Ang basahon nga Mga Baruganan sa Ebanghelyo (31110 853) makatabang kanimo sa pagsabut ug sa pagpahayag ngadto sa uban sa mga barugaran sa ebanghelyo. Kon mahubad na sa inyong pinulongan, kining mga basahon makuha usab pinaagi sa inyong lokal nga tig-apud-apud.