“Kapitulo 17: Ang Unang mga Bishop sa Simbahan: Pebrero 1831,” Mga Istorya sa Pagtulun-an ug mga Pakigsaad (2002), 64–66
“Kapitulo 17,” Mga Istorya sa Pagtulun-an ug mga Pakigsaad, 64–66
Kapitulo 17
Ang Unang mga Bishop sa Simbahan
(Pebrero 1831)
Ang uban sa mga dautang katawhan nagpuyo sa New York. Sila mga ngil-ad ngadto sa mga sakop sa Simbahan ug buot nga sila mobiya. Si Jesus miingon kang Joseph Smith sa pagbiya sa New York ug moadto sa Kirtland, Ohio.
Si Joseph Smith, ang iyang asawa nga si Emma, Sidney Rigdon, ug Edward Partridge nangadto sa Kirtland. Si Joseph ug Emma mipuyo sa usa ka sakop sa Simbahan. Ang iyang ngalan mao si Newell K. Whitney.
Dihay mga 1,000 ka mga sakop sa Simbahan sa Kirtland. Sila naninguha sa pagsunod sa Dios. Apan sila wala makasabut sa tanan sa ebanghelyo.
D&C 41: Pasiuna
Si Joseph nag-ampo ngadto sa Langitnong Amahan. Si Jesus mihatag kang Joseph ug usa ka pagpadayag. Si Jesus misulti kang Joseph nga ang mga Santos sa Kirtland nanginahanglan ug usa ka bishop. Ang bishop kinahanglan mogamit sa iyang panahon sa pagtudlo ug pagtabang sa mga Santos. Ang unang bishop sa Simbahan mao si Edward Partridge.
Si Jesus misulti kang Joseph unsa ang buhaton sa usa ka bishop sa Simbahan. Ang bishop kinahanglan moatiman sa balay tipiganan. Ang mga santos kinahanglan mobutang ug pagkaon ug mga saput diha sa balay tipiganan. Kon adunay Santos nga nanginahanglan ug pagkaon o saput, ang bishop kinahanglan mohatag niini ngadto kaniya.
Ang bishop kinahanglan nga moatiman sa salapi alang sa Simbahan. Ang mga Santos kinahanglan mohatag ug salapi ngadto sa bishop. Ang bishop kinahanglan mobayad sa mga bayronon alang sa Simbahan. Siya kinahanglan mohatag sa ubang salapi ngadto sa mga kabus nga Santos.
Ang bishop kinahanglan maghigugma sa mga Santos. Siya kinahanglan maninguha sa pagtabang kanila. Siya kinahanglan makigtigum uban sa mga lalaki kinsa adunay gahum sa pagkapari. Sila kinahanglan magsultihanay mahitungod sa unsa ang ilang buhaton aron sa pagtabang sa mga Santos.
Daghan pang mga katawhan ang mipasakop sa Simbahan. Ang Simbahan nagkinahanglan ug uban pang mga bishop. Si Newell K. Whitney mao ang ikaduhang bishop sa Simbahan.
Ang bishop maoy usa ka pangulo sa mga Santos sa matag hut-ong. Ang presidente sa branch sama sa usa ka bishop. Ang presidente sa branch mao ang pangulo sa mga Santos sa matag branch.
Karon adunay kaliboan ka mga bishop sa Simbahan.