“Kapitulo 56: Ang Propeta Gipatay: Hunyo 1844,” Mga Istorya sa Pagtulun-an ug mga Pakigsaad (2002), 201–5
“Kapitulo 56,” Mga Istorya sa Pagtulun-an ug mga Pakigsaad, 201–5
Kapitulo 56
Ang Propeta Gipatay
(Hunyo 1844)
Fipila sa mga tawo nagpasangil kang Joseph Smith mahitungod sa kasamok sa Nauvoo. Gibilanggo si Joseph. Ang maghuhukom miingon nga walay nabuhat nga dautan si Joseph Smith. Iyang gibuhian si Joseph.
Ang mga manggugubot nga panon nasuko kaayo sa maghuhukom. Miingon sila nga ilang patyon ang maghuhukom. Ang mga Santos sa Nauvoo nangahadlok. Sila nangayo ug panabang sa gobernador sa estado. Apan dili siya motabang. Siya nagpadala ug mga sundalo aron sa pagpangita kang Joseph Smith.
Si Joseph Smith nasayud nga siya tingali bilanggoon pag-usab. Si Joseph Smith nahadlok nga ang iyang igsoon nga lalaki si Hyrum bilanggoon usab. Gisultihan ni Joseph si Hyrum sa pagdala sa pamilya niini ngadto sa lain nga siyudad. Apan si Hyrum dili gayud mobiya kang Joseph.
Si Joseph Smith miingon nga siya ug si Hyrum kinahanglan nga mobiya sa Nauvoo. Kon kini ilang buhaton ang mga manggugubot nga panon dili modagmal sa mga Santos. Busa si Joseph ug si Hyrum mitabok sa suba.
May mga katawhan nga miingon nga si Joseph Smith nagpalayo tungod kay siya nahadlok. Ang asawa ni Joseph, si Emma, nagpadala ug mga higala aron sa paghangyo kaniya sa pagbalik. Si Joseph Smith nasayud nga siya gayud patyon kon siya mobaiik ngadto sa Nauvoo. Apan siya mihimo sa unsay buot sa iyang mga kahigalaan nga iyang buhaton.
Si Joseph ug si Hyrum namalik ngadto sa Nauvoo. Sila gidakop. Ang mga kasundalohan midala kanila ug kang Willard Richards ug kang John Taylor sa usa ka lungsod nga ginganlan ug Carthage. Ila silang gibilanggo sulod sa bilanggoan sa Carthage.
Sa pagkasunod adlaw mao ang ika 27 sa Hunyo 1844. Pipila sa mga kahigalaan ni Joseph Smith miduaw kaniya sulod sa bilanggoan. Nagbasa sila sa mga kasulatan. Si John Taylor mikanta sa usa sa kinaham nga mga alawiton bahin kang Jesus.
Sa kalit lamang nakadungog sila ug usa ka saba sa gawas. Usa ka manggugubot nga panon namusil sa bilanggoan. Dihay mga Iabaw sa 100 nga mga tawo sa manggugubot nga panon. Ilang gipintalan ang ilang mga panagway aron walay usa nga makaila kanila.
Pipila sa mga manggugubot nga panon milahos sa magbalantay gwardya ug mipugos sa pag-abli sa pultahan sa bilanggoan. Sila misaka sa itaas. Ilang gipamusil ang lawak. Ilang gipusil si John Taylor apan wala sila makapatay kaniya. Ilang gipatay si Hyrum. Si Joseph nakakita nga si Hyrum patay na. Siya miingon, “O, hinigugma kong igsoon Hyrum!“
Si Joseph Smith midagan paingon sa bintana. Ang manggugubot nga panon mipusil kaniya. Mihilak siya, “O Ginoo, akong Dios.” Siya nahulog sa bintana. Ang propeta sa Dios patay na.
Ang mga lawas ni Joseph Smith ug sa iyang igsoon nga laiaki si Hyrum gidala ngadto sa Nauvoo. Naguol kaayo ang mga Santos. Ang ilang pangulo ug propeta patay na. Iyang gitugyan ang iyang kinabuhi alang sa ebanghelyo ni Jesukristo.
D&C 135
Ang propeta nga si Joseph Smith nakahimo ug daghan nga mahinungdanon nga buhat. Iyang gihubad ang Basahon ni Mormon. Siya ang misugod sa pagtukod sa matuod nga Simbahan ni Jesukristo. Siya mipadala ug mga misyonaryo aron sa pagtudlo sa ebanghelyo sa uban nga mga kayutaan. Siya mitukod ug usa ka siyudad aron kapuy-an sa mga Santos. Ang Dios nahigugma kang Joseph Smith. Ang mga Santos nahigugma kaniya. Si Joseph Smith nakatabang ug dako alang kanato kaysa bisan kinsa nga tawo, gawas kang Jesukristo.