“Kapitulo 26: Ang Tulo ka mga Gingharian sa Langit: 16 Pebrero 1832,” Mga Istorya sa Pagtulun-an ug mga Pakigsaad (2002), 97–103
“Kapitulo 26,” Mga Istorya sa Pagtulun-an ug mga Pakigsaad, 97–103
Kapitulo 26
Ang Tulo ka mga Gingharian sa Langit
(16 Pebrero 1832)
Usa ka adlaw si Joseph Smith ug Sidney Rigdon nagbasa sa Bag-ong Tugon. Ang Bag-ong Tugon nagsaysay nga ang mga maayong katawhan makaadto sa langit human sila mabanhaw. Si Joseph nahibulong kon ang tanang katawhan moadto sa samang dapit sa langit. Si Joseph ug Sidney nag-ampo. Sila nangutana sa Langitnong Amahan sa pagtug-an kanila mahitungod sa langit.
D&C 76: Pasiuna
Ang Langitnong Amahan mitubag sa ilang pag-ampo. Sila adunay usa ka pagpadayag. Kini usa ka matahum nga panan-awon. Sa panan-awon si Joseph ug Sidney nakakita sa langit. Sila nakakita kang Jesus nga may kahayag nga naglibot kaniya. Unya sila nakakita ug mga anghel nga naglibot kang Jesus ug sa Langitnong Amahan.
Si Joseph ug Sidney miingon nga sila nasayud nga si Jesus buhi. Sila nakakita kaniya! Si Joseph ug Sidney nakabati ug usa ka tingog. Ang tingog miingon nga si Jesus mao ang Anak sa Dios. Siya mianhi sa yuta. Si Jesus mipakita sa tanang mga katawhan unsaon pagpuyo aron sila makauban pag-usab sa Langitnong Amahan.
Unya si Joseph ug Signey nakakita asa ang mga katawhan mopadulong human sila mabanhaw. Adunay tulo ka mga dapit alang sa mga katawhan pag-adto sa langit. Ang mga matarung nga Santos moadto sa celestial nga gingharian human sila mabanhaw. Ang celestial nga ginharian mao diin ang Langitnong Amahan ug si Jesus nagpuyo.
Ang mga matarung nga mga Santos adunay hugot nga pagtuo ni Jesus sa panahon nga sila nagpuyo sa kalibutan. Sila gibunyagan. Ang Espiritu Santo nagtudlo kanila unsaon pagpuyo.
Ang mga matarung nga mga Santos adunay daghan nga mga kasamok, apan sila adunay hugot nga pagtuo. Si Jesus mitabang kanila kon sila adunay mga kasamok. Sila mitrabaho pag-ayo. Sila naghinulsol ug misunod sa tanan nga mga kasugoan sa Dios. Si Satanas mitintal kanila, apan sila wala mosunod ni Satanas.
Ang mga matarung nga mga Santos mahimong sama sa Langitnong Amahan ug Jesus. Sila masayud sa tanan. Sila mahimong mga hingpit. Sila mahimong mga dios.
Unya si Joseph ug Sidney nakakita ug lain nga dapit. Kini ginganlan ug terrestrial nga gingharian sa langit. Pipila sa mga katawhan moadto sa terrestrial nga gingharian human sila mabanhaw.
Ang mga katawhan sa terrestrial nga gingharian mga maayong katawhan sa yuta. Apan sila dili mga matarung nga Santos. Sila walay hugot nga pagtuo diha ni Jesus. Sila mituman sa uban nga mga kasugoan sa Dios. Apan wala sila motuman sa tanan nga mga kasugoan.
Sila wala motuo sa ebanghelyo sa dihang sila nakabati niini sa yuta. Human sila namatay sila mituo sa ebanghelyo.
Ang mga katawhan sa terrestrial nga gingharian makakita ni Jesus. Apan sila dili makapuyo uban sa Langitnong Amahan o ni Jesus. Sila dili mahimo nga mga dios.
Si Joseph ug Sidney nakakita ug lain nga dapit. Kini ginganlan ug telestial nga gingharian sa langit. Ang mga katawhan kinsa moadto sa telestial nga gingharian dili mga matarung sa yuta.
Kini nga mga katawhan wala motuo ni Jesus. Sila wala motuo sa mga propeta. Sila wala mabunyagi. Sila wala motuman sa mga kasugoan sa Dios.
Ang mga katawhan kinsa moadto sa telestial nga gingharian dili makakita ni Jesus o sa Langitnong Amahan. Mga anghel mobisita kanila. Ang Espiritu Santo motudlo kanila. Ang mga katawhan sa telestial nga gingharian masayud mahitungod ni Jesus ug sa Langitnong Amahan. Apan sila dili gayud makapuyo uban kanila.
Ang mga katawhan kinsa padulong ngadto sa celestial ug terrestrial nga gingharian mabanhaw sa panahon nga si Jesus moanhi pag-usab. Ang mga katawhan kinsa moadto sa telestial nga gingharian dili mabanhaw sa panahon nga si Jesus moanhi pag-usab. Sila kinahanglan nga maghulat ug 1,000 ka mga tuig una mabanhaw.
Si Joseph ug Sidney nakakita asa ang dautan nga mga katawhan mopadulong. Sila makig-uban kang Satanas. Sila dili mahimo nga makig-uban sa Langitnong Amahan, ni Jesus, o sa Espiritu Santo.
Ang mga katawhan kinsa makig-uban kang Satanas nakakat-on sa ebanghelyo diha sa yuta. Ang Espiritu Santo nagtudlo kanila mahitungod ni Jesukristo.
Sila nasayud nga si Jesus buhi. Sila nasayud nga si Jesus nagpakamatay alang kanato. Apan si Satanas nagtintal niining mga katawhan. Siya naninguha nga sila mohimo ug mga dautan nga butang. Sila misunod kang Satanas. Sila mihunong sa pagpaminaw sa Espiritu Santo. Sila mihunong sa pagtuo diha ni Jesus. Sila nangahimo nga mga dautan kaayo. Sila mopuyo uban kang Satanas sa kahangturan.
Si Joseph ug Sidney nakakita ug ubang mga butang diha sa ilang mga panan-awon. Si Jesus misulti kanila sa dili pagsulat sa tanan nga ilang nakita. Ang mga matarung kaayo nga mga Santos makakita niining mga butanga alang sa ilang mga kaugalingon. Ang Espiritu Santo motudlo kanila. Si Joseph ug Sidney nagpasalamat sa Dios sa matahum nga panan-awon.