“Kapitulo 31: Ang Pulong sa Kaalam: Pebrero 1833,” Mga Istorya sa Pagtulun-an ug mga Pakigsaad (2002), 119–22
“Kapitulo 31,” Mga Istorya sa Pagtulun-an ug mga Pakigsaad, 119–22
Kapitulo 31
Ang Pulong sa Kaalam
(Pebrero 1833)
Si Joseph Smith nagsugod ug usa ka eskuwelahan alang sa mga lalaki sa Simbahan. Kini gitawag ug Eskuwelahan sa mga Propeta.
Ang eskuwelahan diha sa usa ka Iawak sa tindahan ni Newel Whitney sa Kirtland, Ohio. Si Joseph mitudlo sa mga lalaki mahitungod sa Simbahan. Siya mitudlo kanila mahitungod sa gahum sa pagkapari ug mahitungod sa mga kasulatan.
Kadaghanan sa mga lalaki nanabako ug kuwako o sigarilyo. Ang lawak napuno sa aso. Ang ubang mga lalaki miusap ug mga tabako. Ang salog nahimo nga mahugaw. Ang lawak nanginahanglan ug limpiyo sa panahon nga ang mga lalaki mopauli sa pinuy-anan.
Ang asawa ni Joseph nga si Emma, kinahanglan nga molimpiyo sa lawak inig kahuman sa matag panagtigum. Si Joseph nahibulong kon ang mga lalaki kinahanglan bang motabako o mousap ug tabako.
Si Joseph nag-ampo ug nangutana sa Dios unsa ang husto. Si Jesus mihatag kang Joseph ug usa ka pagpadayag. Kini gitawag ug Pulong sa Kaalam. Si Jesus miingon nga ang pipila ka mga katawhan mihimo ug dautang mga butang. Sila buot nga ang ubang mga katawhan mobuhat ug mga butang nga dili maayo sa ilang mga lawas. Sa Pulong sa Kaalam, si Jesus misulti sa mga Santos mahitungod sa mga butang nga maayo alang sa ilang mga lawas. Siya misulti mahitungod sa mga butang nga mangil-ad alang sa ilang mga lawas. Ang mga Santos panalanginan kon sila motuman sa Pulong sa Kaalam.
Si Jesus miingon nga ang alkohol dili maayo alang sa katawhan. Sila kinahanglan dili magbaton ug mga ilimnon nga adunay alkohol. Ang alkohol kinahanglan gamiton lamang sa gawas sa lawas.
Si Jesus miingon nga ang mga katawhan kinahanglan dili mogamit ug tabako. Sila kinahanglan dili motabako ug mga sigarilyo, mga abano o kuwako. Sila kinahanglan dili mousap ug tabako. Si Jesus miingon, “Ang Tabako dili alang sa lawas ug dili maayo alang sa tawo.”
Si Jesus miingon nga ang mga Santos kinahanglan dili moinom ug mga maisog nga ilimnon. Tsa ug kape mga maisog nga ilimnon. Sila dili maayo alang sa lawas.
Si Jesus miingon nga daghang mga tanom ug mga mananap nga maayo kan-on alang sa mga katawhan. Ang mga katawhan kinahanglan magpasalamat sa Langitnong Amahan alang sa maayong pagkaon.
Si Jesus miingon nga ang mga katawhan kinahanglan nga dili mokaon ug sobra nga karne. Ang mga katawhan kinahanglan mokaon ug karne kon ang panahon bugnaw. Sila mokaon ug karne kon walay Iain nga igong pagkaon.
Ang Ginoo miingon nga ang tanang lugas maayo alang sa atong mga lawas. Pipila sa mga lugas mao ang trigo, humay, mais, ug abera. Ang trigo maayo kaayo alang kanato. Ang tanang mga prutas ug utanon maayo alang sa mga katawhan.
Si Jesus miingon nga ang mga Santos kinahanglan mosunod sa gisugo sa Pulong sa Kaalam. Unya ang Dios mopanalangin kanila. Sila makabaton ug maayo nga panglawas. Sila mahimo nga maalamon. Sila mahimo nga makakat-on ug daghan nga mga butang. Sila mapanalanginan kon sila mokaon sa husto nga mga pagkaon.