“Kapitulo 4: Martin Harris ug ang Nawala nga mga Panid: 1824–1828,” Mga Istorya sa Pagtulun-an ug mga Pakigsaad (2002), 17–21
“Kapitulo 4,” Mga Istorya sa Pagtulun-an ug mga Pakigsaad, 17–21
Kapitulo 4
Martin Harris ug ang Nawala nga mga Panid
(1824–1828)
Ang banay ni Joseph Smith kabus. Sila nagkinahanglan ug salapi. Si Joseph buot nga motabang sa iyang banay. Siya miadto sa estado sa Pennsylvania aron sa pagtrabaho. Siya mipuyo uban sa usa ka tawo nga ginganlan ug Mr. Hale.
Si Mr. Hale adunay anak nga babaye nga ginganlan ug Emma. Si Joseph nagkita ug si Emma. Sila nagkahigugmaay ug nagminyo. Sila miipon sa pagpuyo sa banay ni Joseph. Si Joseph mitabang sa iyang amahan sa pagtrabaho sa umahan.
Daghan nga mga katawhan ang nasayud nga si Joseph adunay bulawan nga mga palid. Sila misulay sa pagkawat niini. Ang mga katawhan mihimo ug kasamok alang kang Joseph. Sila misulti ug mga bakak mahitungod ni Joseph ug sa iyang banay.
Ang kasamok hilabihan kaayo nga si Joseph ug si Emma nakahukom sa pagbalhin. Sila buot nga moadto sa Pennsylvania. Sila mopuyo duol sa banay ni Emma. Apan si Joseph ug si Emma walay igo nga salapi sa pagbalhin.
Joseph Smith—History 1:61
Usa ka tawo nga ginganlan ug Martin Harris nagpuyo duol ni Joseph Smith. Si Martin Harris adunay dako nga umahan. Siya adunay daghan nga salapi. Si Martin Harris naluoy ni Joseph ug ni Emma. Siya mihatag kanila ug salapi aron sa pagtabang kanila sa pagbalhin. Si Joseph ug si Emma miadto sa Pennsylvania.
Si Joseph misugod sa paghubad sa mga gisulat diha sa bulawan nga mga palid. Si Joseph wala masayud unsa ang gipasabut sa gisulat. Ang Dios mitabang kaniya. Si Joseph migamit sa Urim ug Thummim aron makasabut sa mga pulong. Kita makabasa unsa ang iyang gihubad. Kini gitawag ug ang Basahon ni Mormon.
Si Martin Harris miadto sa Pennsylvania. Siya mitabang ni Joseph sa paghubad. Si Joseph mibasa sa mga pulong gikan sa bulawan nga mga palid. Si Martin misulat niini sa papel. Si Joseph ug si Martin mihubad ug 116 ka mga panid sa Basahon ni Mormon.
Si Martin Harris buot nga modala sa 116 ka mga panid. Siya buot nga ang iyang banay makakita niini. Si Joseph nangutana sa Ginoo kon si Martin Harris mahimo ba nga makadala sa mga panid sa panimalay. Ang Ginoo miingon nga dili. Si Joseph nangutana pag-usab. Ang Ginoo miingon pag-usab nga dili.
Si Martin buot gihapon nga modala sa mga panid sa panimalay. Si Joseph nangutana pag-usab. Niini nga higayon ang Ginoo miingon nga si Martin makahimo sa pagdala sa mga panid sa panimalay. Ang Ginoo miingon nga si Martin makahimo sa pagpakita sa mga panid ngadto sa iyang banay. Apan siya dili gayud mopakita niini ngadto sa ubang mga katawhan.
Si Martin misaad sa pagsunod sa Ginoo. Iyang gidala ang mga panid sa panimalay. Iyang gipakita kini ngadto sa iyang banay. Apan wala siya motuman sa iyang saad. Iyang gipakita ang mga panid ngadto sa uban nga mga katawhan. Unya iyang gitipigan ang mga panid.
Sa wala madugay si Martin mikuha sa mga panid. Siya nangita niini sa tanan nga dapit. Siya wala makakita kanila. Ang mga panid nangawala.
Si Joseph naguol kaayo mahitungod sa nawala nga mga panid. Siya dili makatulog.
Si Jesus nakigsulti kang Joseph. Siya miingon nga si Martin Harris nakahimo ug usa ka dautan nga butang. Si Martin misaad sa pagsunod sa Ginoo. Apan siya wala motuman sa iyang saad. Karon ang mga panid sa ang Basahon ni Mormon nangawala. Si Martin Harris dili na makatabang pag-usab sa paghubad.
D&C 3:12–14
Si Jesus miingon nga si Satanas buot nga ang 116 ka mga panid mawala. Diha sa dautan nga mga tawo ang mga panid. Si Satanas ug ang dautan nga mga tawo buot mopahunong sa buluhaton sa Dios. Sila dili buot nga ang mga katawhan motuo sa Basahon ni Mormon. Si Jesus miingon nga si Satanas dili makahimo sa paghunong sa buluhaton sa Dios. Ang dautan nga mga tawo dili makahimo sa paghunong sa buluhaton sa Dios.
D&C 10: Pasiuna, 8, 12, 22–29, 33, 43
Si Jesus misulti kang Joseph sa dili pagkaguol mahitungod sa mga istorya nga diha sa nawala nga mga panid. Ang sama nga mga istorya nahisulat sa lain nga bahin sa mga palid nga bulawan. Si Jesus miingon nga si Joseph makahubad sa lain nga bahin sa mga palid. Unya ang mga buotan nga katawhan makabasa sa Basahon ni Mormon. Sila motuo nga ang basahon tinuod. Sila makakat-on sa ebanghelyo.