Mga Pulong angay Nga Mahibaloan

Adlawng IgpapahulayAng Adlawng Igpapahulay mao ang adlaw nga kita moadto sa Simbahan. Dili gayud kita motrabaho sa Adlawng Igpapahulay. Ang Domingo maoy Adlawng Igpapahulay.

alkitranAng alkitran pilit ug itum.

alkoholAng beer ug bino adunay alkohol. Ang alkohol dili maayong ilimnon alang kanato.

ampoAng pag-ampo nagpasabut nga makigsulti sa atong Langitnong Amahan. Si Joseph Smith nag-ampo sa Langitnong Amahan. Si Joseph Smith nakigsulti sa Langitnong Amahan.

anghelAng anghel maoy usa sa mga sinugo sa Dios. Ang anghel nga si Moroni nakigsulti kang Joseph Smith.

antusMag-antus kita kon ang atong lawas masamad. Si Joseph Smith ug iyang mga higala nag-antus sa bilanggoan.

ApostolesAng Apostoles maoy usa ka pangulo sa Simbahan ni Jesukristo. Si Jesus misugo kang Joseph Smith nga buot siya ug 12 ka mga Apostoles.

ayoAng pag-ayo maoy paghimo sa masakiton nga mga katawhan nga mamaayo. Gipanalanginan ni Newel Whitney si Joseph Smith. Si Joseph Smith naayo.

bilanggoanAng mga tawo gibalhog sa bilanggoan. Ang katawhan gibilanggo aron dili sila makalayas.

BishopAng Bishop maoy usa ka pangulo sa Simbahan.

biyugolAng biyugol maoy usa ka klase sa turotot.

bukidAng unang mga pumupuyo milatas sa bukid sa ilang karomata.

buntogAng buntog mga langgam.

bunyaganSa atong pagpasakop sa Simbahan kita bunyagan. Ipatidlum kita ilawom sa tubig ug ipatunga pag-usab.

dakong balayAng templo maoy usa ka dakong balay.

dalaAng pagdala sa katawhan maoy pagpakita kanila o pagsulti kanila unsay buhaton. Ang propeta maoy nagdala sa Simbahan.

dautanAng dautan maoy butang nga makadaot kaayo. Si Satanas maoy usa ka dautang espiritu.

dautanAng tawo nagbuhat ug dautan nga mga butang. Ang tawo nagbuhat ug mga butang nga dautan.

dautang mga espirituAng dautang mga espiritu maoy mga makadaut nga espiritu. Ang dautang mga espiritu mosunod ni Satanas.

dikiAng mga Santos nagtukod ug diki sa suba. Ang diki makaali sa tubig.

ebanghelyoAng ebanghelyo maoy gitudlo ni Jesus nga atong buhaton. Ang mga Santos nagtuo sa ebanghelyo ni Jesukristo.

EspirituAng espiritu walay lawas nga unod ug bukog.

gasaAng mga gasa maoy mga butang nga ihatag ngadto sa katawhan. Ang Espiritu Santo mohatag ug mga gasa ngadto sa mga tawo nga matarung.

gi-imprintaAng mga pulong niining basahon gi-imprinta sa papel.

gibasolGibasol si Joseph Smith sa katawhan tungod sa kasamok. Nag-ingon ang katawhan nga si Joseph Smith maoy nakaingon sa kasamok.

gidakopGidakop si Joseph Smith sa mga sundalo. Nadakpan si Joseph Smith sa mga sundalo ug gibalhug sa bilanggoan.

gihulamanGihulaman sa tawo ang kabayo sa iyang higala. Mihangyo ang tawo kon makahulam ba siya sa kabayo sa iyang higala.

gilansangSi Jesus gilansang. Si Jesus gipatay. Gilansang siya sa krus ug gibitay diha hangtud siya namatay.

gingharianAng gingharian sa langit mao ang pinuy-anan sa Dios.

giordenAng pag-orden maoy paghatag sa pagkapari. Si Joseph Smith nag-orden sa tawo. Si Joseph Smith naghatag sa pagkapari sa tawo.

gisulongGisulong sa mga manggugubot nga panon ang mga Santos. Ang mga manggugubot nga panon nakig-away sa mga Santos.

gobernadorAng gobernador maoy pangulo sa estado.

hiloAng hilo makadaut sa mga katawhan kon ila kining makaon o mainom. Ang mga mangugubot misulay sa pagpainom ni Joseph sa hilo.

hinulsolKon kita makahimo ug dautan kinahanglan kita maghinulsol. Kon kita makahimo ug dautan kinahanglan kita mobati ug kasubo ug dili na mobuhat niini pag-usab.

hugot nga pagtuoAng pagbaton ug hugot nga pagtuo maoy pagkasayud nga ang usa ka butang matuod. Kita adunay hugot nga pagtuo kang Jesukristo. Kita motuo kaniya ug mosunod kaniya.

hulamKon kita mohulam ug usa ka butang mohangyo kita sa usa kon kita makagamit ba niini.

ikapuloAng ikapulo maoy salapi nga atong ihatag sa Dios.

ipahimulagAng mga sakop sa Simbahan nga magbuhat sa dautan mahimong ipahimulag. Dili na sila sakop sa Simbahan.

kaawayAng usa ka kaaway maoy usa ka tawo nga nagdumot sa laing tawo. Ang mga kaaway ni Joseph Smith nagtinguha sa pagpatay kaniya.

kadagatanAng kadagatan maoy dako nga katubigan nga naglibot sa usa ka yuta.

kahangturanAng kahangturan nagpasabut nga kanunay. Makapuyo kita uban sa Langitnong Amahan sa kahangturan kon kita magsunod sa iyang mga kasugoan.

kamatuoranSi Jesus nagtudlo sa katawhan sa kamatuoran. Si Jesus nagtudlo sa katawhan unsay matarung.

kaminyoonAng kaminyoon mao ang pagminyo.

kapangulohanAng kapangulohan sa Simbahan mao ang Presidente ug ang iyang mga magtatambag.

kapitanAng usa ka kapitan maoy usa ka pangulo. Si Kapitan Allen maoy pangulo sa mga sundalo.

kawatAng pagpangawat maoy pagkuha sa butang nga dili imo. Ang mga manggugubot nga panon nangawat sa mga hayopan sa mga Santos. Ang mga manggugubot nga panon nanguha sa mga hayopan.

kitaAng kita nagpasabut sa imong makuha pinaagi sa pagtrabaho. Ang mga tawo nagtrabaho alang sa mag-uuma.Sila mokita ug diyutay nga salapi.

komperensyaAng usa ka komperensya maoy usa ka dakong tigum. Daghang mga sakop sa simbahan motambong sa komperensya.

laglagAng paglaglag maoy pagguba, pagbuak, pagsunog o pagpatay. Ang mga manggugubot migguba sa templo.

lalangAng yuta gilalang ni Jesukristo. Ang yuta gihimo ni Jesukristo.

layasAng paglayas maoy pagpalayo gikan sa usa o sa bisan unsa. Ang mga tawo misulay sa paglayas gikan sa bilanggoan. Si Joseph Smith milayas gikan sa mga manggugubot.

lubongGilubong ni Moroni ang mga palid nga bulawan. Iyang gilubong ang mga palid sa lungag sa yuta. lya kining gitabunan ug yuta.

luwasSi Jesus nagpakamatay aron pagluwas kanato. Si Jesus nagpakamatay aron kita mahibalik pagpuyo uban sa Langitnong Amahan.

mangimprintaAng mangimprinta maoy tawo nga tig-imprinta ug mga basahon.

matahumKon adunay butang uga matahum gusto kitang motan-aw niini. Ang usa ka tanaman matahum. Ang templo matahum.

matarungAng matarung nga katawhan mobuhat sa husto. Sila mosunod sa mga kasugoan sa Dios.

matinuoronAng tawo nga matinuoron dili mamakak. Ang tawo nga matinuoron dili manghilabot sa butang nga dili ila.

mga bakaAng mga baka mga hayopan.

mga buntogAng mga buntog mga langgam.

mga deaconAng mga batan-ong lalaki mahimong mga deacon sa panahon nga magpanuigon sila ug 12. Ang mga deacon moalagad sa sakramento.

mga elderAng mga Elder maoy mga tawo nga naghupot sa pagkapari.

mga kasugoanAng matarung nga katawhan mosunod sa mga kasugoan sa Dios. Ang matarung nga katawhan mobuhat sa unsay ipabuhat sa Dios kanila.

mga kasulatanAng mga kasulatan maoy mga basahon nga nagsulti kanato mahitungod sa Dios. Ang Bibliya, Basahon ni Mormon, Pagtulun-an ug mga Pakigsaad, ug ang Perlas ng Labing Bililhon maoy mga kasulatan sa Simbahan.

mga katigulanganAng atong mga katigulangan maoy mga katawhan nga nagpuyo una kanato.

mga magbalantayAng mga magbalantay magbantay sa mga tawo sulod sa bilanggoan aron sila dili makalayas.

mga maglilit-agAng mga maglilit-ag maoy mga katawhan nga manakop ug mga mananap nga ihalas. Ilang ibaligya ang panit sa mga mananap.

mga magtatambagAng mga magtatambag maoy mga katawhan nga motabang sa usa ka pangulo. Ang propeta sa Simbahan adunay mga magtatambag.

mga pag-ampoAng unang mga pumupuyo mihalad sa ilang mga pag-ampo ug nangatulog.

mga pariAng mga pari adunay gahum sa pagkapari. Ang mga pari maoy mga tawo nga mag-alagad sa simbahan.

mga sakopAng katawhan maoy mga sakop sa Simbahan. Ang katawhan gibunyagan ug nasakop sa Simbahan.

mga saksiAng mga saksi nakakita sa mga palid nga bulawan. Sila miingon nga ang mga palid nga bulawan mga tinuod.

mga sundaloAng mga sundalo makig-away diha sa panon sa kasundalohan.

mga tanomAng unang mga pumupuyo nananom ug mga tanom. Ang unang mga pumupuyo nananom ug mais, patatas, trigo ug uban pang mga butang.

minyoSi Joseph ug si Emma nagminyo. Si Joseph maoy bana ni Emma. Si Emma maoy asawa ni Joseph.

misyonAng Apostol nagmisyon. Ang Apostol nagsangyaw ngadto sa katawhan mahitungod sa ebanghelyo ni Jesukristo.

misyonaryoAng misyonaryo maoy usa ka tawo nga magmisyon.

nabahinGibahin sa pangulo ang yuta. Ang pangulo mihatag ug usa ka bahin sa yuta ngadto sa matag banay.

nadakpanSi Joseph Smith nadakpan sa mga sundalo. Gidakop si Joseph Smith sa mga sundalo ug wala siya buhii.

naghubadSi Joseph Smith maoy naghubad sa Basahon ni Mormon. Si Joseph Smith nagsulat sa Basahon ni Mormon sa mga pulong nga atong masayran.

nagpasakopAng katawhan nagpasakop sa Simbahan. Ang katawhan gibunyagan ug nahimong sakop sa Simbahan.

nagsagopSi Joseph ug Emma nagsagop ug batang kaluha. Gihimo ni Joseph ug Emma ang batang kaluha nga sakop sa ilang banay.

nagtukodAng unang mga pumopuyo nagtukod sa ilang mga balay sa truso.

nakahukomSi Emma ug Joseph naghunahuna kon moadto ba sa Pennsylvania o sa New York. Nakahukom sila sa pag-adto sa Pennsylvania.

namalikasNamalikas ang mga magbalantay sa bilanggoan.

pagkabanhawSi Jesukristo nabanhaw. Namatay na siya. Nabuhi siya pag-usab. Ang tanang katawhan mabanhaw human sila mamatay.

pagkapariAng pagkapari mao ang gahum sa Dios.

pagpamatuodAng pagpamatuod maoy usa ka pagbati nga ang ebanghelyo matuod. Ang tawo adunay pagpamatuod nga ang ebanghelyo matuod.

pagpiliAng Langitnong Amahan motugot kanato sa paghimo ug mga pagpili. Ang Langitnong Amahan nagtugot kanato sa pagpili unsay atong buhaton.

pagtuoAng pagtuo nagpasabut nga ang butang matuod. Daghang mga katawhan ang nagtuo sa ebanghelyo ni Jesukristo.

pahinungodKon kita mopahinungod ug butang ato kining panalanginan aron magamit alang sa buluhaton sa Dios. Ang mga Santos naqpahinungod sa templo.

pakig-angayAng pagkig-angay maoy paghatag ug bahin sa unsay ato ngadto sa uban.

pakigsaadAng usa ka pakigsaad maoy usa ka saad. Kita mosaad sa Dios nga kita mobuhat ug usa ka butang. Kita mohimo ug usa ka pakigsaad sa Dios.

pamalikasAng pagpamalikas maoy pagsulti ug ngil-ad nga mga pulong.

panalipodAng mga kalalakin-an adunay pusil aron sa pagpanalipod sa katawhan. Ang Ginoo nanalipod kang Joseph Smith.

panghambogAng mga magbalantay sa bilanggoan nanghambog kalabut sa ilang nabuhat. Nalipay sila bahin niini.

panguloAng propeta maoy pangulo sa Simbahan.

pasayloAng pagpasaylo maoy paghikalimot sa mga dautang butang nga nabuhat sa usa. Ang Dios mopasaylo kanato kon kita magbasol sa dautang mga butang nga atong nabuhat ug dili na kini buhaton pag-usab.

patriarkaAng patriarka mohatag ug linain nga mga panalangin sa katawhan. Ang amahan ni Joseph Smith usa ka patriarka.

piliAng Dios nagtugot kanato pagpili sa maayo o dautan. Kita Magpili ug mga katawhan aron mangulo sa mga santos. Ang Dios nagpili kang Brigham Young aron mangulo sa mga Santos.

pinulonganAng mga pulong nga atong isulat o isulti sa ubang tawo gitawag ug mga pinulongan.

presidenteAng usa ka presidente mao ang pangulo. Ang presidente sa Simbahan mao ang pangulo.

prisohanAng prisohan maoy usa ka dapit diin ibutang ang katawhan aron dili makagawas. Ang prisohan ingon sa usa ka bilanggoan.

propetaAng propeta mosulti sa katawhan unsay buot sa Dios nga ilang masayran. Si Joseph Smith usa ka propeta.

puasaAng pagpuasa maoy pagpadayon nga walay kaon ug tubig. Ang katawhan nagpausa sulod sa tulo ka adlaw. Ang katawhan dili mokaon o moinom sa bisan unsa sulod sa tulo ka adlaw.

sagradoAng templo maoy usa ka balay nga sagrado. Ang templo iya sa Dios.

sakramentoMoambit kita sa sakramento aron sa paghinumdom kang Jesus. Mokaon kita sa pan ug moinom sa tubig aron sa paghinumdom kang Jesus.

samadAng dapit sa lawas diin nahiwa o nadaut.

samokAng kasamok maoy mga dautang butang nga mahitabo kanato. Ang mga Santos sa Mauvoo adunay daghang mga kasamok.

sangyawSi Joseph Smith nagsangyaw ngadto sa katawhan. Si Joseph Smith nakigsulti sa katawhan ug misulti kanila mahitungod sa ebanghelyo.

SantosSakop sa Simbahan ni Jesukristo.

simbaAng pagsimba maoy paghigugma ug pagsunod. Si Satanas buot nga si Moses mosimba kaniya. Si Satanas buot nga si Moses mahigugma ug mosunod kaniya.

sunodAng pagsunod maoy pagbuhat sa unsay gisulti kanato. Kita mosunod sa mga kasugoan sa Dios.

tabakoPipila sa mga katawhan manabako ug magmaskada ug tabako. Ang tabako dili maayo alang kanato.

tabokAng unang mga pumupuyo nanabok sa suba. Ang unang mga pumupuyo nangadto sa pikas daplin sa suba.

taytayanAng unang pumupuyo nanabok sa suba latay sa taytayan.

temploAng templo maoy balay sa Dios.

tigumAng pagtigum maoy pagpundok sa usa ka dapit. Si Joseph Smith nagsugo sa mga Santos sa pagtigum sa Missouri.

tintalSi Satanas mosulay pagtintal kanato. Si Satanas mosulay sa pag-aghat kanato sa pagbuhat ug dautan.

tinun-anAng usa ka tinun-an maoy tawo nga mosunod kang Jesus ug maningkamot nga mahisama kaniya.

tubigan sa bunyagAdunay mga tubigan sa bunyag sulod sa mga simbahan ug mga templo. Ang mga katawhan bunyagan diha sa mga tubigan sa bunyag.

tugaAng tuga maoy usa ka talagsaong saad o gasa gikan sa Dios.

tuokGituok si Joseph Smith sa mga tawo.