Kapitulo 48

Mga Misyonaryo sa Ubang mga Kayutaan

(Hunyo 1837–Oktubre 1841)

Ang Ginoo buot nga ang katawhan sa ubang mga kayutaan makakat-on sa ebanghelyo. Siya misulti ni Joseph Smith nga pipila sa mga Santos magmisyon sa England. Si Elder Heber C. Kimball ug laing tulo ka mga tawo napili nga maoy moadto. Sila mipanaw paingon sa England sakay sa usa ka bapor.

Sila nakahimamat ug usa ka tawo kinsa pangulo sa laing simbahan. Ang tawo nagtugot sa mga misyonaryo sa pagwali sa iyang simbahan. Daghan sa mga katawhan mituo sa mga misyonaryo. Sila buot nga magpabunyag. Kini nakahimo sa pangulo nga masuko. Miingon siya nga dili na makawali ang mga misyonaryo sa iyang simbahan.

Ang mga misyonaryo nanudlo sa nga pinuy-anan sa nga katawhan. Daghang mga tawo ang nagpasakop sa Ang Simbahan ni Jesukristo sa mga Santos sa Ulahing Adlaw.

Sa wala madugay lain pang mga kalalakin-an ang nagmisyon sa England. Ang uban kanila mga apostoles. Si Joseph nakigsulti kanila sa wala pa sila mopanaw. Siya misulti kanila unsay ilang itudlo sa katawhan.

Si Joseph mitudlo ngadto sa mga Apostoles sa pagsunod sa tanang mga kasugoan sa Dios. Siya namulong ngadto kanila labut sa pagkapari. Siya miingon nga ang Simbahan lamang ni Jesukristo maoy naghupot sa pagkapari.

Ang mga kalalakin-an andam na sa ilang paglakaw alang sa misyon. Wala silay mga salapi. Daghan kanila nagdaut. Pipila sa ilang mga asawa ug kabataan may sakit. Apan ang mga kalalakin-an nasayud nga ang Langitnong Amahan motabang gayud kanila ug manalangin sa ilang mga banay.

Ang mga misyonaryo nangadto sa England. Sila nagwali sa daghang mga kalungsoran. Kaliboan sa mga matarung nga katawhan mituo sa ebanghelyo. Sila nagpasakop sa Simbahan ni Jesukristo. Ang Langitnong Amahan nanalangin sa mga misyonaryo. Silang tanan mipauli sa pinuy-anan nga walay kakulian human sa ilang mga misyon.

Si Orson Hyde usa sa Napulo ug Duha ka mga Apostoles. Si Joseph Smith miingon nga si Orson Hyde adunay tinuyo nga buluhaton alang sa mga Judeo. Si Orson miadto sa yuta sa Palestina. Sa Oktubre 24, 1841, siya militok ug usa ka pag-ampo aron pagpahinungod sa yuta sa Palestina.

Siya mihangyo sa Langitnong Amahan sa pagpanalangin sa yuta. Siya miampo nga adunay tubig aron ang mga tanom motubo. Siya miampo nga ang tanang anak ni Abraham makaadto aron makapuyo sa Palestina. Sila makatukod ug pinuy-anan ug mga halaman didto.

Ang Dios nanalangin sa yuta sa Palestina. Karon kini gitawag ug Israel. Niadtong 1979, si Presidente Spencer W. Kimball militok ug usa ka pag-ampo aron ipahinungod ang tanaman sa Israel. Gitawag kini ug Tanaman sa Paghinumdom ni Orson Hyde.