Kapitulo 7

Mga Saksi Nakakita sa Bulawan nga mga Palid

(1829–1830)

Si Joseph Smith ug Oliver Cowdery nakahuman sa paghubad sa Basahon ni Mormon. Si Jesukristo buot nga ang mga katawhan mobasa sa Basahon ni Mormon. Siya buot nga sila masayud nga si Joseph nagsulti sa kamatuoran mahitungod sa bulawan nga mga palid. Si Jesus buot nga ang mga katawhan masayud nga ang bulawan nga mga palid mga tinuod.

D&C 17:4–5

Si Joseph Smith mao ra ang tawo kinsa nakakita sa bulawan nga mga palid. Si Jesus mipili ug lain pa nga mga tawo nga makakita sa bulawan nga mga palid. Ang mga tawo gitawag ug mga saksi. Ang mga tawo mao si Martin Harris, Oliver Cowdery, uq David Whitmer.

D&C 17:1

Gidala ni Joseph ang tulo ka mga saksi ngadto sa kakahoyan. Sila nag-ampo. Usa ka anghel miduol ug mipakita kanila sa bulawan nga mga palid. Gipakita kanila ang mga sinulat sa mga palid. Si Jesus misulti sa tulo ka mga saksi sa pagsulat mahitungod sa mga butang nga ilang nakita.

D&C 17:3, 5; Basahon ni Mormon: Ang Pagpamatuod sa Tulo ka mga Saksi

Si Joseph hilabihan sa kalipay. Ang tulo ka mga saksi mosulti sa uban nga mga katawhan nga ang bulawan nga mga palid mga tinuod. Karon ang mga katawhan nasayud nga si Joseph nagsulti sa kamatuoran mahitungod sa mga palid.

Si Jesus misugo kang Joseph sa pagpakita sa mga palid ngadto sa walo pa ka mga saksi. Ang walo ka mga tawo migunit sa bulawan nga mga palid sa ilang mga kamot. Sila nakakita sa sinulat diha sa mga palid.

Basahon ni Mormon: Ang Pagpamatuod sa Walo ka mga Saksi

Ang tanan nga mga saksi misulat mahitungod sa bulawan nga mga palid. Sila miingon nga sila nakakita sa mga palid. Sila miingon nga ang bulawan nga mga palid mga tinuod. Ang mga pulong nga gisulat sa mga saksi anaa sa Basahon ni Mormon.

Basahon ni Mormon: Ang Pagpamatuod sa Tulo ka mga Saksi; Ang Pagpamatuod sa Walo ka mga Saksi

Si Joseph Smith nakahubad sa mga palid. Ang mga saksi nakakita niini. Si Joseph wala na magkinahanglan sa bulawan nga mga palid. Ang Angel Moroni miduol kang Joseph. Si Joseph mihatag pagbalik sa bulawan nga mga palid ngadto kang Moroni.

Karon ang Basahon ni Mormon andam na nga ipa-imprinta. Si Joseph midala niini ngadto sa usa ka tig-imprinta. Si Joseph walay salapi nga ibayad sa tig-imprinta. Si Martin Harris adunay daghan nga salapi. Si Jesus miingon nga si Martin Harris kinahanglan makigbahin sa iyang salapi aron ibayad sa tig-imprinta.

D&C 19:26, 35

Si Satanas dili buot nga ang Basahon ni Mormon ma-imprinta. Siya dili buot nga ang mga katawhan makabasa niini. Mga dautan nga tawo misulay sa pagpahunong sa tig-imprinta.

Ang tig-imprinta dili motrabaho ma-Domingo. Usa ka dautan nga tawo miadto sa imprintahanan ma-Domingo. Gikawat niya ang uban nga mga panid sa Basahon ni Mormon. Iyang gimantala ang mga panid diha sa usa ka pahayagan. Mga maayong tawo mipahunong kaniya sa pagkawat sa mga panid.

Si Jesus buot nga ang mga katawhan mobasa sa Basahon ni Mormon. Mga dautan nga tawo dili makahunong sa buhat ni Jesus. Ang mga dautan nga tawo dili makahunong sa tig-imprinta. Sa katapusan ang Basahon ni Mormon na-imprinta. Karon daghan sa mga katawhan makabasa na niini. Sila makakat-on sa ebanghelyo ni Jesukristo.