“Kapitulo 23: Ang Pagtulun-an ug mga Pakigsaad: Agosto–Nobyembre 1831,” Mga Istorya sa Pagtulun-an ug mga Pakigsaad (2002), 90–92
“Kapitulo 23,” Mga Istorya sa Pagtulun-an ug mga Pakigsaad, 90–92
Kapitulo 23
Ang Pagtulun-an ug mga Pakigsaad
(Agosto–Nobyembre 1831)
Si Joseph Smith ug pipila sa mga Santos mibiya sa Missouri. Sila mibalik ngadto sa Kirtland, Ohio. Ang mga Santos adunay komperensya sa Ohio.
Ang Dios mihatag kang Joseph Smith ug daghang mga pagpadayag. Si Joseph misulat sa mga pagpadayag. Ang mga Santos buot mobutang sa mga pagpadayag sa usa ka basahon. Ang basahon pagahinganlan ug ang Basahon sa mga Kasugoan. Sa wala madugay kini gitawag ug ang Pagtulun-an ug mga Pakigsaad.
Si Jesus misulti kang Joseph nga ang mga pagpadayag mga mahinungdanon kaayo. Kini nagagikan sa Dios. Ang tanan niini tinuod. Si Jesus mihatag kang Joseph ug duha pa ka mga pagpadayag. Ang usa ka pagpadayag alang sa sinugdanan sa Pagtulun-an ug mga Pakigsaad. Ang usa alang sa katapusan. Sila nagsaysay kanato nga ang Pagtulun-an ug mga Pakigsaad usa ka mahinungdanon nga basahon.
Ang Pagtulun-an ug mga Pakigsaad nagsaysay sa matag usa nga ang matuod nga Simbahan ni Jesukristo ania na usab sa kalibutan.
Ang Pagtulun-an ug mga Pakigsaad nagsaysay mahitungod sa gahum sa pagkapari. Ang mga matarung nga mga lalaki aduna na usay gahum sa pagkapari.
Ang Pagtulun-an ug mga Pakigsaad nagsaysay sa Basahon ni Mormon. Ang mga katawhan makabasa sa Basahon ni Mormon. Matag usa masayud mahitungod sa ebanghelyo ni Jesukristo.
Ang Pagtulun-an ug mga Pakigsaad nagtudlo usab sa mga Santos sa pakigbahin. Ang mga Santos kinsa makigbahin mapuno sa Espiritu Santo.
Ang Pagtulun-an ug mga Pakigsaad nagtudlo sa mga kasugoan sa Dios. Ang mga Santos kinsa motuman niini nga mga kasugoan makatukod ug Zion. Sila makapuyo uban sa Langitnong Amahan ug ni Jesus sa kahangturan.
Si Jesus miingon nga ang tanan nga mga sakop sa Simbahan kinahanglan mobasa sa Pagtulun-an ug mga Pakigsaad.
Human sa komperensya si Oliver Cowdery miadto sa Missouri. Iyang gidala ang mga pagpadayag nga nasulat ni Joseph, lya kining gihatag ngadto sa usa ka tig-imprinta. Iyang gisultihan ang tig-imprinta sa pag-imprinta ug 3,000 ka mga basahon, apan ang dautan nga mga tawo misanta sa printahanan ug giguba ang kadaghanan sa mga panid.
Ang mga Santos nagpasalamat sa Langitnong Amahan sa mga pagpadayag sa Pagtulun-an ug mga Pakigsaad. Sila misaad nga sila mosulti sa ubang mga katawhan nga ang mga pagpadayag gikan sa Dios.