“Kapitulo 64: Ang Simbahan ni Jesukristo Karong Adlawa,” Mga Istorya sa Pagtulun-an ug mga Pakigsaad (2002), 236–37
“Kapitulo 64,” Mga Istorya sa Pagtulun-an ug mga Pakigsaad, 236–37
Kapitulo 64
Ang Simbahan ni Jesukristo Karong Adlawa
Nangagi ang daghang mga katuigan sukad magsugod ang Simbahan didto sa Fayette, New York. Ang Simbahan misamot pa ka dako niadtong mga tuiga. Niadtong 1830, unom ka mga katawhan ang nagsugod sa Simbahan, samtang ang uban nanan-aw.
Mga misyonaryo nangadto sa laing dapit aron sa pagtudlo sa ebanghelyo. Ang katawhan naminaw sa mga misyonaryo. Sila mituo sa ebanghelyo ug nagpasakop sa Simbahan. Niadtong 1983, aduna nay labaw sa upat ka milyon ka mga sakop sa Simbahan. Lainlain sila nga matang sa katawhan. Sila nagpuyo sa tibuok kalibutan. Nagkalainlain ang ilang mga pinulongan. Sila malipayon nga nagpasakop sa Simbahan.
Niadtong 6 Abril 1980, ang Simbahan nagsaulog sa iyang adlawng natawhan. lka-150 na kini ka tuig. Dihay tinuyo nga komperensya ang Simbahan sa iyang adlawng kasaulogan. Dihay duha ka mga tinuyong tigum nga gidungan. Usa sa mga tigum didto sa Fayette, New York. Ang propeta Spencer W. Kimball didto sa usa ka balay nga ingon gayud sa pinuy-anan ni Peter Whitmer.
Ang laing tigum didto sa tabernakulo sa siyudad sa Salt Lake. Dihay mga kaliboan ka mga katawhan sa tigum. Si Presidente Kimball namulong sa mga Santos sa telebisyon. Iyang gipahinungod ang balay alang kang Peter Whitmer. Ang tanang mga sakop sa Simbahan malipayon kaayo nga nakakita ug nakadungog sa propeta. Bulahan kaayo ang mga sakop sa Simbahan. Mapasalamaton gayud kitang mga sakop sa Ang Simbahan ni Jesukristo sa Mga Santos sa Ulahing Adlaw. Aduna kitay propeta nga moagak kanato.