Ֆար Վեստ (Միսսուրի), Ալ Ռաունդս

Հոկտեմբեր 13-19․ «Նրա զոհաբերությունն ինձ համար ավելի սրբազան կլինի, քան նրա աճը»

Վարդապետություն և Ուխտեր 115-120

Սրբերի համար պատճառ կար լավատեսորեն վերաբերվելու իրենց նոր հավաքատեղիին՝ Ֆար Վեստին (Միսսուրի): Քաղաքն արագորեն աճում էր, երկիրը թվում էր առատ, և մոտակայքում Ադամ-օնդի-Ահմանն էր, որը մեծ հոգևոր նշանակություն ունեցող վայր էր անցյալում և ապագայում (տես Վարդապետություն և Ուխտեր 107․53–56, 116)։ Սրբերի համար, թերևս, դժվար կլիներ չմտածել իրենց կորցրածի մասին: Բացի Սիոնի կենտրոնական վայրից՝ Ինդիփենդենսից վտարվելուց, Սրբերը ստիպված եղան նաև փախչել Կիրթլենդից՝ թողնելով իրենց սիրելի տաճարը ընդամենը երկու տարի անց: Եվ այս անգամ Եկեղեցուց դուրս գտնվող թշնամիները չէին, որ անախորժություններ էին առաջացնում. շատ նշանավոր անդամներ շրջվեցին Ջոզեֆ Սմիթի դեմ, այդ թվում՝ Տասներկու Առաքյալների Քվորումի չորս անդամներ:

Իրենց կորցրածի վրա կենտրոնանալու փոխարեն հավատացյալները պարզապես շարունակեցին կառուցել Սիոնը, այս անգամ Ֆար Վեստում: Նրանք ծրագրել էին նոր տաճար ունենալ։ Չորս նոր Առաքյալներ կանչվեցին: Նրանք հասկացան, որ Աստծո գործը կատարելը չի նշանակում, որ երբեք չես ընկնում, այլ, որ «կրկին բարձրանում ես»: Եվ չնայած ստիպված կլինեք զոհաբերություններ կատարել, այդ զոհաբերությունները սրբազան կլինեն Աստծո համար, նույնիսկ՝ «ավելի սրբազան … քան [ձեր] աճը» (Վարդապետություն և Ուխտեր 117․13)։

Տես Սրբերը, 1:296-99։

Գաղափարներ տանը և Եկեղեցում սովորելու համար

Վարդապետություն և Ուխտեր 115․3-6

Եկեղեցու անունը կարևոր է Տիրոջ համար

Նախագահ Ռասսել Մ․ Նելսոնն ասել է, որ Եկեղեցու անունը «մեծ կարևորություն ունեցող» հարց է («Եկեղեցու ճիշտ անունը», Լիահոնա, նոյեմբեր 2018, 87)։ Մտածեք, թե ինչո՞ւ է դա կարևոր, երբ կարդում եք Վարդապետություն և Ուխտեր 115․4-6 հատվածները։ Ի՞նչ կապ ունի Եկեղեցու անունը նրա գործի և առաքելության հետ։

Տես նաև 3 Նեփի 27․1-11։

Վարդապետություն և Ուխտեր 115․5-6

Սիոնն ու նրա ցցերը «ապաստան [են] փոթորկից»

Երբ դուք ուսումնասիրեք Վարդապետություն և Ուխտեր 115.5–6 հատվածների ազդեցիկ պատկերները, մտածեք այն դերի մասին, որը Տերն ուզում է, որ դուք, որպես Իր Եկեղեցու անդամ, կատարեք: Օրինակ, ի՞նչ կարող եք անել, որպեսզի հետևեք «վեր կացեք և շողացեք» կամ «չափանիշ եղեք բոլոր ազգերի համար» կոչին (հատված 5): Ի՞նչ հոգևոր փոթորիկներ եք նկատում ձեր շուրջը: Ինչպե՞ս եք «ապաստան» գտնում հավաքվելու միջոցով (հատված 6):

Տես նաև Brightly Beams Our Father’s Mercy, Hymns, 335։

Փրկչի եկեղեցին կարող է լույս և ապաստան լինել փոթորկների ժամանակ:

Վարդապետություն և Ուխտեր 117

Իմ զոհաբերությունները սրբազան են Տիրոջ համար

Պատկերացրեք, որ դուք Նյուել Ք. Ուիթնին եք կամ նրա կինը՝ Էլիզաբեթը, որոնք բարեկեցիկ կյանքով էին ապրում Կիրթլենդում, իսկ հետո նրանց խնդրեցին հեռանալ: Ի՞նչ եք գտնում Վարդապետություն և Ուխտեր 117․1-11 հատվածներում, որը կարող էր օգնել ձեզ կատարել այդ զոհաբերությունը։ Ի՞նչ զոհաբերություններ եք կատարում Աստծո համար: Ի՞նչ են ձեզ սովորեցնում այս հատվածներն այն մասին, թե ով է Աստված և ինչ է Նա անում:

Օլիվեր Գրեյնջերից պահանջված զոհաբերությունը տարբերվում էր Ուիթնիներից. Տերը հանձնարարեց նրան մնալ Կիրթլենդում և կարգավորել Եկեղեցու ֆինանսները: Թեև նա ազնվորեն ներկայացնում էր Եկեղեցին, նա, ի վերջո, այնքան էլ հաջողակ չէր: Մտածեք, թե ինչպես են Տիրոջ խոսքերը Վարդապետություն և Ուխտեր 117.12–15 հատվածներում վերաբերում այն բաներին, որոնք Նա խնդրել է ձեզանից:

Տես նաև «Far West and Adam-ondi-Ahman» Revelations in Context-ում, 239–40։

Վարդապետություն և Ուխտեր 119-120

Իմ տասանորդն օգնում է կառուցել Աստծո արքայությունը

119 և 120 բաժինների հրահանգները պարզաբանում են, թե ինչ է տասանորդը. մենք ամեն տարի ներդնում ենք մեր շահույթի (կամ եկամտի) «մեկ տասներորդը» (տես Վարդապետություն և Ուխտեր 119.4): Բայց այս հայտնություններն ավելին են, քան սահմանում տալը: Տերն ասաց Սրբերին, որ տասանորդը «կսրբագործի Սիոնի հողը»: Նա ասել է, որ առանց այս օրենքի. «չի լինի Սիոնի հող՝ ձեզ համար» (հատված 6): Երբևէ մտածե՞լ եք տասանորդի մասին այդ տեսանկյունից: Ինչպե՞ս կարող է տասանորդ վճարելը օգնել ձեզ ավելի սրբացված, ավելի պատրաստված լինել Սիոնի համար:

Ի՞նչ եք սովորում այս հայտնություններից այն մասին, թե ինչպես են Տիրոջ ծառաներն օգտագործում տասանորդի միջոցները: Ինչո՞վ է նշանակալից ձեզ համար Վարդապետություն և Ուխտեր 120 բաժնում հանդիպող «նրանց ուղղված իմ իսկ ձայնով» արտահայտությունը։

Երեց Դեյվիդ Ա. Բեդնարը տվել է օգտակար նկարագրություն այն մասին, թե ինչպես է օգտագործվում տասանորդը և այն օրհնությունները, որոնք գալիս են այս օրենքին հնազանդվելուց «Երկնքի պատուհանները» իր ելությում (Լիահոնա, նոյ. 2013, 19–20): Հետևյալ հարցերը կարող են օգնել, երբ դուք ուսումնասիրեք նրա ուղերձը.

The Windows of Heaven

• Ո՞վ է որոշում, թե ինչպես է տասանորդը օգտագործվում Եկեղեցուն վճարելուց հետո:

• Ինչի՞ համար է օգտագործվում տասանորդը։

• Ի՞նչ օրհնություններ են գալիս տասանորդ վճարելու արդյունքում: Օրինակ՝ տասանորդ վճարելն ինչպե՞ս է ամրացնում ձեր հարաբերությունները Երկնային Հոր և Հիսուս Քրիստոսի հետ:

• Ի՞նչ կարող եք սովորել երեց Բեդնարի հրավերից:

• Ինչպե՞ս կարող եք օգնել ուրիշներին մեծացնել իրենց հավատքը Տիրոջ տասանորդի օրենքի հանդեպ։

Տես նաև Մաղաքիա 3.8–12, «Իմ ժողովրդի տասանորդը», Revelations in Context, 250–55:

Օգնեք ուրիշներին կիրառել իրենց սովորածը: Նույնիսկ, երբ մարդը ցանկանում է վճարել տասանորդը, երբեմն չգիտի, թե ինչպես: Եթե դուք ուսուցանում եք ձեր ընտանիքին կամ դասարանին, կարող եք որոշ ժամանակ տրամադրել՝ բացատրելու, թե ինչպես վճարել տասանորդը՝ առցանց կամ Տասանորդի և այլ նվիրատվությունների թերթիկի միջոցով։ (Տես Ուսուցանել Փրկիչի ձևով, 27:)

Լրացուցիչ գաղափարների համար տես Լիահոնա և Երիտասարդներին զորացնելու համար ամսագրերի այս ամսվա համարները։

Գաղափարներ երեխաներին ուսուցանելու համար

Վարդապետություն և Ուխտեր 115․4-5

Ես պատկանում եմ Հիսուս Քրիստոսի Վերջին Օրերի Սրբերի Եկեղեցուն

• Որպեսզի օգնեք ձեր երեխաներին սովորել Եկեղեցու անունը և հասկանալ, թե ինչու է դա կարևոր, կարող եք հարցնել, թե արդյոք նրանցից որևէ մեկը կարող է ասել Եկեղեցու ամբողջական անունը: Այնուհետև դուք կարող եք ցույց տալ նրանց այդ անունը Վարդապետություն և Ուխտեր 115.4 հատվածից և թույլ տալ, որ նրանք կրկնեն այն ձեզ հետ: Կարդալիս կարող եք մատնանշել կարևոր բառերը և թե ինչու են դրանք կարևոր: Կարող եք նաև վերանայել «Գլուխ 43. Հիսուս Քրիստոսը անվանում է Իր Եկեղեցին» (Վարդապետություն և Ուխտեր. պատմություններ, 164, կամ համապատասխան տեսանյութը Ավետարանի գրադարանում) կամ երգել «The Church of Jesus Christ» (Children’s Songbook, 77):

Chapter 43: Jesus Christ Names His Church: April 1838

Վարդապետություն և Ուխտեր 115․4-6

Ես կարող եմ օգնել ուրիշներին՝ գալ Քրիստոսի մոտ և գտնել ապահովություն

• Ձեր երեխաները կարող են ճանաչել մարդկանց, որոնք պայքարում են և «ապաստանի» կարիք ունեն «կյանքի փոթորիկներից» (հատված 6): Ինչպե՞ս կարող են նրանք օգնել այս մարդկանց: Կարող եք հրավիրել ձեր երեխաներին կանգնել, երբ կարդաք «վեր կացեք» բառերը Վարդապետություն և Ուխտեր 115․5 հատվածում։ Նրանք կարող են ձգել իրենց մատները արևի շողերի ճառագայթների նման, երբ կարդաք «շողացեք» բառը: Հիշեցրեք ձեր երեխաներին, որ մեր լույսը գալիս է Հիսուս Քրիստոսից և օգնեք նրանց մտածել ուղիներ, որոնցով կարող են «շողալ», ինչպես Նա է շողում:

• Ձեր երեխաները կարող են նկարել մի նկար, որը կպատկերի Վարդապետություն և Ուխտեր 115․6-ը: Օրինակ՝ նրանք կարող են նկարել փոթորիկ, որի ընթացքում մարդիկ ապաստան են գտնում Եկեղեցու մի շենքում: Ի՞նչ կարող է ներկայացնել փոթորիկը: Ինչպե՞ս է Փրկչի Եկեղեցին օգնություն տրամադրում: Օգնեք ձեր երեխաներին մտածել կարիքավոր մի ընկերոջ, ընտանիքի անդամի կամ հարևանի մասին: Ինչպե՞ս կարող ենք նրանց հրավիրել, որ օգնություն գտնեն Հիսուս Քրիստոսի Եկեղեցում:

Վարդապետություն և Ուխտեր 117

Իմ զոհաբերությունները սրբազան են Տիրոջ համար

• Հրավիրեք ձեր երեխաներին ձևացնել, որ իրենք Նյուել Ք. Ուիթնին են: Ի՞նչ կզգային նրանք, եթե Տերը խնդրեր նրանց թողնել իրենց հաջողված աշխատանքը և տեղափոխվել նոր վայր: (Կարող է օգնել վերանայել «Գլուխ 41. Անախորժություն Կիրթլենդում», Վարդապետություն և Ուխտեր. պատմություններ, 158–60 կամ համապատասխան տեսանյութը Ավետարանի գրադարանում:) Երբ միասին կարդաք Վարդապետություն և Ուխտեր 117.1–11 հատվածները, խնդրեք նրանց կանգնեցնել ձեզ, երբ լսեն մի բան, որը կօգնի նրանց հավատք ունենալ՝ հնազանդվելու Տիրոջը: Ի՞նչ զոհողություններ ենք մենք անում՝ Տիրոջը հնազանդվելու համար: Ինչպե՞ս է Նա օրհնում մեզ:

Chapter 41: Trouble in Kirtland: 1837–1838

Վարդապետություն և Ուխտեր 119-120

Երկնային Հայրն օգտագործում է տասանորդը՝ Իր զավակներին օրհնելու համար

• Երեխաներից շատերը, որոնց դուք ուսուցանում եք, կարող են չափազանց փոքր լինել գումար վաստակելու և տասանորդ վճարելու համար, բայց լավ է, որ նրանք հասկանան, թե ինչպես է տասանորդը նպաստում Տիրոջ աշխատանքին ամբողջ աշխարհում: Կարող եք օգտագործել այս համառոտ շարադրանքի վերջում գտնվող նկարների և գործնական աշխատանքի էջը, որպեսզի օգնեք նրանց հասկանալ, թե ինչ է տասանորդը: (Տես նաև «Գլուխ 44. Տասանորդ», Վարդապետություն և Ուխտերի Պատմություններ, 165–66, կամ համապատասխան տեսանյութը Ավետարանի գրադարանում։) Ինչպե՞ս է Երկնային Հայրն օգտագործում տասանորդը՝ Իր զավակներին օրհնելու համար: Կիսվեք ձեր զգացումներով տասանորդի օրենքի վերաբերյալ, և թե ինչպես է այն օրհնել ձեզ:

Chapter 44: Tithing: July 1838

Երբ վճարում ենք տասանորդ, մենք ցույց ենք տալիս մեր հավատքն առ Հիսուս Քրիստոս:

Լրացուցիչ գաղափարների համար տես Ընկեր ամսագրի այս ամսվա համարը։